Morgunblaðið - 01.12.2011, Blaðsíða 32

32 MENNING
MORGUNBLAÐIÐ FIMMTUDAGUR 1. DESEMBER 2011
Silja Björk Huldudóttir
silja@mbl.is
Nemendaleikhús Listaháskóla Ís-
lands frumsýnir Jarðskjálfta í
London eftir Mike Bartlett í leik-
stjórn Halldórs E. Laxness annað
kvöld kl. 20.00 í Smiðjunni, Leik-
húsi Listaháskóla Íslands á Sölv-
hólsgötu 13.
„Hér er um glænýtt leikrit að
ræða sem frumsýnt var í London í
fyrra við frábærar undirtektir,“
segir Halldór og bendir á að í kjöl-
farið hafi Bartlett verið hampað
sem ferskri rödd í bresku leik-
húslífi, en Bartlett er aðeins rétt
rúmlega þrítugur að aldri. „Það
sem er svo spennandi við þetta
verk er að höfundurinn leyfir sér
algjört frjálsræði og blandar sam-
an hlutum sem maður hefði fyr-
irfram haldið að væri ekki hægt.
En þetta svínvirkar, því auðvitað
má gera allt í leikhúsinu og
ástæðulaust að læsa sig inni í ein-
um ákveðnum stíl,“ segir Halldór
og bendir á að höfundurinn blandi
þannig kómísku uppistandi, dans,
látbragðsleik, söng- og dans-
leikjastíl saman við þrælvel skrif-
aðan leiktexta.
Hátt í 80 hlutverk í leikritinu
„Þetta er saga af snörpum hrær-
ingum í lífi þriggja systra sem
reyna af öllum mætti að bjarga sér
og sínum úr hamförum og fram-
förum nútímans á meðan faðir
þeirra heimsfrægur vísindamaður
boðar heimsendi,“ segir Halldór og
bendir á að hlutverk föðurins eigi
sér fyrirmynd í breska vísinda-
manninum James Lovelock sem
heldur því fram að jörðin muni á
allra næstu árum reyna að losa sig
við alla íbúa sína til þess að geta
byrjað upp á nýtt.
Að sögn Halldórs getur verið
vandasamt að finna leikrit sem
hentar Nemendaleikhúsinu, þar
sem tryggja þarf að öll leik-
araefnin fái spennandi hlutverk til
að spreyta sig á. „Í þessu leikriti
eru reyndar hátt í 80 hlutverk,
enda þeytist atburðarásin fram og
til baka í tíma og rúmi frá 1968 til
2525,“ segir Halldór og tekur fram
að öllum meðulum leikhússins, s.s.
ljósum, búningum, tónlist og
myndbandstækninni, sé beitt til
þess að miðla þessu ferðalagi og
fanga stemninguna.
Ánægður með leikhópinn
Aðspurður segir hann ekkert
launungarmál að sýningin geri
miklar kröfur til leikaranna sem
leikhópurinn standi vel undir. „Ís-
lenski leiklistarskólinn er
einn sá besti í heimi.
Maður hefur farið víða
og séð ýmislegt.
Námið hérlendis er
mjög gott og krakk-
arnir standa sig al-
veg stórkostlega,
enda hafa þau í
námi sínu fengið
leiðsögn í leik,
söng og dans. Þar
af leiðandi skila þau
þessu af sér á mjög
skemmtilegan hátt,“
segir Halldór. Nem-
endaleikhúsið í vetur
skipa Hjörtur Jó-
hann Jónsson, Kol-
beinn Arnbjörns-
son, Olga Sonja
Thorarensen, Ólöf
Haraldsdóttir, Pét-
ur Ármannsson,
Saga Garðarsdóttir,
Sara Margrét Nor-
dahl, Sigurður Þór
Óskarsson, Snorri
Engilbertsson og
Tinna Sverrisdóttir.
„Gera má allt í leikhúsinu“
 Nemendaleikhúsið frumsýnir Jarðskjálfta í London eftir Mike Bartlett í Smiðjunni á morgun
 Höfundinum hefur verið hampað sem ferskri rödd í bresku leikhúslífi en verkið er frá því í fyrra
Morgunblaðið/Sigurgeir S.
Hamfarir „Þetta er saga af snörpum hræringum í lífi þriggja systra sem reyna af öllum mætti að bjarga sér
og sínum úr hamförum og framförum nútímans,“ segir leikstjórinn m.a. um verkið.
Í kvöld kl. 20
heldur heldur
Kvennakór Hafn-
arfjarðar að-
ventutónleika í
Víðistaðakirkju í
Hafnarfirði und-
ir yfirskriftinni
Ilmur af jólum.
Á efnisskrá
kórsins eru ís-
lensk og erlend
jólalög og kirkjulegir söngvar,
meðal annars trúarleg tónlist frá
15. öld aukinheldur sem sem frum-
flutt verða sjö tékknesk jólalög í út-
setningu tékkneska tónskáldsins
Jiri Ropek. Þrjú þessara laga hefur
Hildigunnur Rúnarsdóttir raddsett
sértaklega fyrir kórinn.
Kvennakór Hafnarfjarðar var
stofnaður árið 1995 og er í dag
skipaður tæplega 50 konum.
Stjórnandi kórsins frá árinu 2007
er Erna Guðmundsdóttir og píanó-
leikari er Antonia Hevesi.
Aðventu-
tónleikar
Erna
Guðmundsdóttir
Árlegt glæpa-
kvöld Hins ís-
lenska glæpa-
félags verður
haldið á Gall-
ery-bar 46 í
kvöld undir yf-
irskriftinni Flá-
ræði á fimmtudegi og hefst kl.
20.30.
Glæpatríó Edda Lár leikur og
Óttar M. Norðfjörð, Ragnar Jón-
asson, Sigurjón Pálsson, Yrsa
Sigurðardóttir og Þorlákur Már
Árnason lesa upp. Einnig verður
lesið upp úr bókum Eyrúnar Ýrar
Tryggvadóttur, Sigrúnar Davíðs-
dóttur og Stefáns Mána.
Fláræði á
fimmtudegi
Halldór E. Laxness leikstýrir
verkinu, en þýðing þess var í
höndum Heiðars Sum-
arliðasonar. Tinna Ottesen
hannar leikmynd og búningar,
myndbönd fyrir verkið eru
unnin af Brynju Björnsdóttur,
hljóðmynd er í höndum
Georgs Kára Hilmarssonar,
lýsingu annast Jóhann Frið-
rik Ágústsson og dans-
höfundur er Brogan Dav-
ison.
Jarðskjálftar
í London
LISTRÆNIR STJÓRNENDUR
Halldór E. Laxness
Sýning um
Fridtjof Nansen i
Ráðhúsi Reykjavíkur
Föstudaginn 2. desember kl. 17.00 verður opnuð sýning um
heimskautafarann, mannvininn og vísindamanninn
Fridtjóf Nansen í Ráðhúsi Reykjavíkur en í ár eru
150 ár frá fæðingu hans.
Sendiherra Noregs, Dag Wernø Holter, flytur stutt ávarp.
Léttar veitingar og allir velkomnir.
Norska sendiráðið í Reykjavík.