SunnudagsMogginn - 11.12.2011, Blaðsíða 17

11. desember 2011 17
Ýmsar gamansögur eru til af lögmönnum í leik og starfi oglátum við fáeinar flakka hér:Einu sinni var Sigurður Georgsson í golfferð ásamt fé-lögum sínum úr lögmannastétt og var kenndur. Við þær
aðstæður spilaði Sigurður ákaflega hægt og bresk hjón, sem voru í
hollinu á eftir honum, voru orðin arfavitlaus. Að loknum hring kom
karlinn stormandi og hellti sér yfir Sigurð með látum og svívirð-
ingum. Sigurður leit rólega á hann og sagði: – It is not my fault that
your wife is ugly! (Það er ekki mér að kenna að konan þín er ófríð!)
Maðurinn þagnaði og sást ekki meira.
Margar sögur hafa lifað meðal lögmannastéttarinnar af Jóni E.
Ragnarssyni lögmanni sem féll frá árið 1983 aðeins 47 ára gamall.
Þegar Jóhannes Páll var kjörinn páfi árið 1978 þótti Jóni rétt að árna
honum heilla og sendi honum eftirfarandi skeyti:
Jóhannes Páll páfi
Páfagarði
Óska þér til hamingju með kjörið.
Jón E. Ragnarsson
Frakkastíg 12, gengið inn Grettisgötumegin.
Eitt sinn var Örn Clausen að verja mann og fékk hann óvænt
sýknaðan. Þegar sá sýknaði þakkaði Erni fyrir vörnina svaraði Örn:
– Það var nú lítið, en þú verður að lofa að gera þetta aldrei aftur!
Nú gengr maðr til leiks ...
LMFÍ gengst reglulega
fyrir knattspyrnumót-
um. Um þau mót gilda
skýrar reglur. Í ákvæði
13. kap. Jónsbókar um
váðaverk segir: „Nú gengr
maðr til leiks, fangs eða
skinndráttar at vilja sínum,
þá ábyrgist hann sik sjálfr at
öllu, þó at hann fái mein
eða skaða af ...“.
Jafnframt er starf-
rækt kærunefnd en hún
hefur aðeins einu sinni
komið saman, á haust-
móti félagsins 1997. Fram að
því höfðu liðin Reynsla og létt-
leiki og Grínarafélagið skipst á að
vinna inni- og útimótin sem haldin
höfðu verið en mikill rígur var á milli
liðanna. Lið Reynslu og léttleika var leitt
af Jóni Steinari Gunnlaugssyni en Jón
Steinar (reynslan) safnaði að sér 25-27 ára
gömlum hlaupagikkjum (léttleikinn) og
stóð svo alla leikina á markalínunni og
öskraði: „Hingað með boltann“. Gikkirnir
voru út um allan völl að sækja boltann, gáfu hann svo á Jón Steinar
sem þrusaði honum í markið. Þessi leikaðferð gafst mjög vel og Jón
Steinar var með markahæstu mönnum. Á haustmótinu 1997 sigraði
lið Grínarafélagsins en eftir mótið uppgötvaði Jón Steinar að Steinar
Þór Guðgeirsson landsliðsmaður í fótbolta var í því. Steinar Þór hafði
lokið laganámi en átti að útskrifast formlega í lok október. Jón
Steinar taldi að þar með væri Steinar Þór ekki löglegur leikmaður og
krafðist þess að titillinn væri hirtur af vinningsliðinu og afhentur
Reynslu og léttleika sem var í öðru sæti. Kærunefndin tók kæruna
ekki til greina og lét úrslitin standa rökstuðningslaust, enda telur
kærunefndin að hún megi taka geðþóttaákvarðanir. Þess má geta að
knattspyrnumót LMFÍ hafa verið haldin árlega síðan og stundum
tvisvar á ári.
Játning
Einu sinni var piltur fyrir dómi sem var ákærður fyrir ýmis brot. Svo
spurði dómari hver væri afstaða hans til ákærunnar og hann sagði: –
Ég játa.
– Nú, sagði dómarinn, Ólöf Pétursdóttir, sem taldi þar með málið
auðdæmt.
– Ég játa mig saklausan, bætti þá pilturinn við.
Að sögn vitna átti piltur að hafa tekið þátt í að stela pressu en
hann neitaði því afdráttarlaust:
– Í fyrsta lagi þá vinn ég alltaf einn.
Þá var honum bent á að það hefðu verið vitni að þessu og fingraför
hans hefðu fundist.
– Það getur ekki verið, ég var ekki einu sinni þarna á staðnum og
svo var ég með hanska!
Kistan í jarðarförinni
Þegar Jón Oddsson lá banaleguna kom Kristján Stefánsson til hans
einu sinni sem oftar. Jón vissi hvert stefndi og sagði við Kristján:
– Konan segir að það megi ekki syngja í jarðarförinni minni lagið
„Komdu og skoðaðu í kistuna mína.“
Ekki mér að kenna að
konan þín er ófríð!
Steinar Þór Guðgeirsson
(t.v.) var of liðtækur á velli
fyrir smekk Jóns Steinars
Gunnlaugssonar.
Heiðursfélagar LMFÍ 2011: Ragnar Aðalsteinsson hrl., Hákon Árnason hrl., Þórunn Guð-
mundsdóttir hrl., Jón Steinar Gunnlaugsson hæstaréttardómari og Gestur Jónsson hrl.
Stofnendur Málflutningsmannafélags Íslands sem síðar varð Lögmannafélags Íslands:
Sveinn Björnsson, síðar forseti Íslands, og Eggert Claessen.
„Í fáum eða jafnvel engum starfa öðrum verður oft á tíðum komist
nær hinum alvarlegustu örlagaþráðum hins mannlega lífs. Það hefur
að sjálfsögðu mikla þjóðfélagslega þýðingu, að allar stéttir þjóð-
félagsins vinni störf sín vel og samvizkusamlega af höndum. En fáum
stéttum er það beinlínis nauðsynlegra, – fyrst og fremst af þjóðfélags-
ástæðum, – en málflutningsmannastéttinni. Góð málflutnings-
mannastétt er þýðingarmikil í hverju þjóðfélagi, og veltur meira á því,
en í öðrum stéttum, að þar sé valinn maður í hverju rúmi. Leiðbein-
andi reglur og fyrirmæli í þessu efni hafa vissulega sitt að segja, en
einhlít og óyggjandi verða þau aldrei. Af starfi einstaklingsins verður
stéttin oft vegin og metin. Það verður því í reyndinni það langþýðing-
armesta, að sérhver málflytjandi geri sér alltaf fulla grein alvöruþunga
og ábyrgðarskyldu starfa síns. Að hann skilji starfs sitt fyrst og
fremst sem þjónustu og leitist alltaf og ævinlega við að leysa allar
starfsskyldur sínar af hendi af fyllstu trúmennsku, samvizkusemi og
skyldurækni. “
Gunnar Þorsteinsson hrl. í tilefni 40 ára afmælis LMFÍ 1951.“
Með vandasömustu störfum
Í tilefni 80 ára afmælis LMFÍ var Gestur Jónsson formaður beðinn um að
lýsa í stuttu máli starfsumhverfi lögmanna í viðtali við Morgunblaðið.
„Störf lögmanna snerta nánast öll mannleg samskipti,“ segir Gestur
Jónsson. „Sá þáttur sem mest áberandi er út á við, málflutningur fyrir
dómstólunum, er aðeins hluti af lögmannsstörfunum. Miklu tímafrekari
er ýmiss konar aðstoð sem veitt er fyrirtækjum og einstaklingum vegna
fjárhagsmála. Við viljum líta svo á að það sem skilur lögmann frá flestum
öðrum sérfræðingum sé að lögmaðurinn á ekki að vera háður í sínu starfi
neinum öðrum en skjólstæðingi sínum. Hann er að vinna fyrir hann og
hann einan. Lögmaðurinn er málsvari aðila að deilumáli en hann er ekki
að vinna í eigin þágu.“
Það sem skilur lögmann
frá öðrum sérfræðingum
„Áhrif lögmanna eru og eiga að vera mikil þegar kemur að mótun sam-
félagsins. Sjónarmið þeirra eiga að vega þungt þegar til umfjöllunar eru
mál sem varða réttindi og skyldur manna. Lögmönnum er bæði rétt og
skylt að láta rödd sína heyrast með afgerandi hætti í slíkri umræðu.
Þeirra framlag er mikilvægt fyrir hagsmuni heildarinnar og það er al-
gjörlega óásættanlegt að lögmenn láti sig þjóðmál litlu varða.“
Borgar Þór Einarsson hdl. og ritstjóri Lögmannablaðsins 2007.
Lögmenn og mótun samfélags