Morgunblaðið - 04.01.2012, Page 36

A
ð sögn skipuleggjenda
er tilgangurinn með
þessu námskeiði meðal
annars sá að bregðast
við þeim neikvæðu skila-
boðum sem unglingar fá oft við
tölvunotkun sinni, sérstaklega þeir
sem eru á kafi í tölvuleikjum.
„Það er sjálfsagt ekki að ástæðu-
lausu sem fólk hefur áhyggjur af
því að unglingar ánetjist um of
töluleikjunum og hverfi inn í sýnd-
arveruleikann,“ segir Þorbjörg
Þorvaldsdóttir, deildarstjóri
barna- og unglingadeildar Mynd-
listaskólans. „En við erum sann-
færð um að það megi virkja þenn-
an mikla áhuga til sköpunar og
góðra verka.“ Hið nýja námskeið
nefnist TÖLVULEIKIR OG VÍD-
EÓLIST og er það skipulagt í
samstarfi við Skema, en það er
nýtt fyrirtæki sem sérhæfir sig í
rannsóknum og kennslu með sál-
fræði, kennslufræði og tölv-
unarfræði að leiðarljósi. Á nám-
skeiðinu kennir ýmissa grasa og
vinna nemendur með myndlist,
tölvur, forritun, vídeó, tölvuleiki,
hljóð og margmiðlun. Námskeið-
inu stýrir Kolbeinn Hugi Hösk-
uldsson, myndlistarmaður, en með
honum kenna þau Rakel Sölva-
dóttir, tölvunarfræðingur og sál-
fræðinemi og Hannes Högni Vil-
hjálmsson, margmiðlunarlista-
vísindamaður.
Tölvur og teikning
„Það eru engar forkröfur til
staðar fyrir þetta námskeið, áhug-
inn er allt sem þarf,“ segir Kol-
beinn. „Við munum aðallega vinna
í tölvum en ef einhverjir vilja
frekar teikna upp myndir og
skanna til að nota í framhaldinu
þá er það líka í fínu lagi. Hverjum
og einum er frjálst að nota þá
tækni sem hann vill.“ Samkvæmt
námskeiðslýsingu munu nemendur
hella sér út í skapandi möguleika
margmiðlunar þar sem unnið
verður með leikjaforritun og vide-
olist. Þátttakendur fái kennslu og
innsýn í möguleika tækninnar á
skemmtilegan og áhugaverðan
máta. Að sögn Kolbeins byggist
námið á því að finna ýmiskonar
efni og gera að sínu í framhaldinu,
með einum eða öðrum hætt.
„Þetta er í ætt við „sampling“
pælinguna sem er alkunna í tón-
listarheiminum – að fá efni að láni,
breyta því og bæta og nýta það til
að búa til eitthvað alveg nýtt.
Krakkarnir munu nota mikið af
efni sem þau finna á vefnum og
nýta það við listsköpun. Meiningin
er að þau verði sjálfbjarga við að
finna sér efni til að nota og
breyta, í takt við mismunandi
verkefni hverju sinni.“
Kolbeinn útskýrir að rétt eins
og nemendurnir finni efni til að
nýta, þá sé þeirra sköpunarverk
ekki endanlegt í sjálfu sér, frekar
en það sem þau fundu til að nýta.
„Við kennum krökkunum að þú átt
ekki þitt verkefni heldur munu
fleiri nýta sér það; einhver getur
fundið þar eitthvað til að nýta sér,
eftir að þú hefur skilað því af þér.
Þess vegna skiptast nemendurnir
á verkefnum, taka það sem þau fá
í hendurnar og fara jafnvel með
það í einhverja allt aðra átt.
Læs en ekki skrifandi
Kolbeinn Hugi bendir á að ekki
sé vanþörf á að kenna börnum
grundvallaratriði í forritun, og í
raun sé einkennilegt hvers vegna
sú kennsla er ekki þegar komin á
námsskrá grunnskólanna. Það
skjóti svolítið skökku við að um
leið og börn eru orðin flugklár á
tölvur áður en þau byrja í skóla
kunni þau varla nokkuð í forritun.
„Rakel Sölvadóttir hjá Skema,
sem er einn leiðbeinanda á nám-
skeiðinu, orðaði þetta einstaklega
vel þegar hún komst svo að orði
að öll börn væru læs á tölvur en
sárafá þeirra væru skrifandi.
Þetta er kjarni málsins. Okkur
finnst það sérkennileg tilhugsun
að barn kunni að lesa bókstafi en
ekki að skrifa, og sama er í raun
uppi á teningnum þegar tölvur eru
annars vegar. Tölvuvæðingin held-
ur bara áfram og tölvur munu sí-
fellt verða fyrirferðarmeiri þáttur
í daglegu lífi okkar. Það er því sí-
auknum mæli hagnýtt að kunna á
þessu skil. Ég gæti trúað að for-
ritunarkunnátta myndi nýtast að
minnsta kosti 30% nemenda í
starfi þegar þar að kemur, fyrir
utan að kunnáttan nýtist að sjálf-
sögðu öllum í daglegu lífi.“
Því fyrr því betra
Að sögn Kolbeins er upplagt að
börn læri forritun þegar á gagn-
fræðaskólaaldrinum. „Börn í dag
alast upp við tölvunotkun frá
blautu barnsbeini og þekkja því
ekki annað umhverfi en það þar
sem tölvur eru óaðskiljanlegur
hluti að hversdagslífinu. Fyrir
bragðið taka þau tölvurnar ekki of
hátíðlega, og bera ekki of mikla
virðingu fyrir þeim. Það finnst
mér svo fallegt við nálgun þeirra“
bætir Kolbeinn við.
Víða komið við
Markmið námskeiðsins er að
þátttakendur sjái forrit verða að
veruleika auk þess sem þátttak-
endur munu sjá hvað forritun get-
ur verið skemmtileg og áhuga-
verð. Nemendur munu læra helstu
grunnatriði hreyfimyndagerðar.
Lögð verður áhersla á stutt verk-
efni þar sem sköpunargleðin er
látin ráða ríkjum.
„Nemendur læra á mynd-
vinnsluforrit, hljóðvinnsluforrit,
klippiforrit og fleira. Mín ósk er
sú að nemendur mæti á nám-
skeiðið með nægt sjálfstraust til
að skapa eigið efni og haldi svo
áfram, að loknu námskeiði, að
skapa,“ segir Kolbeinn að end-
ingu.
jonagnar@mbl.is
Skapandi
möguleikar
margmiðlunar
Myndlistarskólinn í Reykjavík býður upp á nýtt
og spennandi námskeið í vor fyrir börn á aldr-
inum 13-16 ára. Þar fá þátttakendur kennslu og
innsýn í möguleika tækninnar á skemmtilegan
og áhugaverðan máta.
Morgunblaðið/RAX
Ekkert hangs Nóg af verkefnum á margmiðlunarnámskeiði Myndlistaskóla Reykjavíkur, segir Kolbeinn Hugi.
’Tölvuvæðinginheldur bara áframog tölvur munu sífelltverða fyrirferðarmeiriþáttur í daglegu lífi
okkar. Það er því sí-
auknum mæli hagnýtt
að kunna á þessu skil.
36 | MORGUNBLAÐIÐ
+ =
Leikur að læra!
SagaMemo inniheldur virk efni úr ætihvönn og blágresi.
SagaMemo er fyrir þá sem vilja viðhalda góðu minni.
www.sagamedica.is
Fæst í apótekum, heilsubúðum og stórmörkuðum.