Morgunblaðið - 04.01.2012, Side 37

MORGUNBLAÐIÐ | 37
Landsmennt er fræðslusjóður
Samtaka atvinnulífsins og verkafólks
á landsbyggðinni
Verkalýðsfélögin sjá um
afgreiðslu einstaklingsstyrkja
í umboði sjóðsins
Sjóðurinn styrkir starfsmenntun
í fyrirtækjum
Ofanleiti 2, 5. hæð (A-hús) • 103 Reykjavík • sími: 599 1450 • fax: 599 1401
www.landsmennt.is • landsmennt@landsmennt.is
Menntun skapar tækifæri
- kynntu þér möguleikana
Opnunarráðstefna 11. janúar
Norrænir styrkir til menntamála
2012-2016
Hótel Sögu frá kl. 15.00 - 17.00.
Farið verður yfir helstu atriði Nordplus menntaáætlunarinnar,
eldri Nordplus verkefni verða til sýnis og síðan verða ítarlegri
kynningar í vinnustofum:
Kaffiveitingar í boði og geta þátttakendur einnig kynnt sér
aðrar norrænar styrkjaáætlanir.
Nauðsynlegt er að skrá sig fyrir 10. janúar
á www.nordplus.is
Landskrifstofa Nordplus
Alþjóðaskrifstofa háskólastigsins
Háskólatorgi, 101 Reykjavík
Sími 525 4311
ask@hi.is
Nánari upplýsingar á:
www.nordplus.is
www.nordplusonline.org
Nordplus Voksen
- Fullorðinsfræðslustofnanir og símenntunarstöðvar
Nordplus Junior
- Leik- grunn- og framhaldsskólastig
Nordplus fyrir háskólastigið
- Stofnanir á háskólastigi
Nordplus Horizontal
-Samstarfsverkefni á milli ólíkra stiga menntageirans
Nordplus Sprog
-Norræn tungumál
Laugavegi 59, 2. hæð | 101 Reykjavík | Sími 551 8258
storkurinn@storkurinn.is | www.storkurinn.is
Storkurinn - sælkeraverslun hannyrðakonunnar
Námskeið í prjóni, hekli og bútasaumi
F
lest könnumst við við að eiga auðveldara með sum fög en önnur. Kannski
gengur bráðvel í sögutímum eldsnemma að morgni, en stærðfræði-
tímarnir síðdegis reynast agalega strembnir og leiðinlegir. Kannski er
auðveldast að muna tölur og staðreyndir, eða skilja orsakasamhengi og snúin
heimspekileg hugtök.
En fleira en meðfæddir námshæfileikar kunna þar að hafa sitt að segja. Alls
kyns þættir, eins og á hvaða tíma dags er lært, hvernig líkaminn er nærður yfir
daginn, og hvernig námsefnið er framsett geta haft áhrif á hversu vel náms-
manni tekst að tileinka sér námsefnið. Svo má líka nota nokkrar góðar aðferðir
til að gera námið auðveldara og betra, og hreinlega líma þekkinguna í heilann.
ai@mbl.is
Morgunblaðið/Ernir
Það getur skipt sköpum í námi að tileinka sér réttu vinnubrögðin.
Hefurðu lært
hvernig á að læra?
Gott tímaskipulag er eitt mikilvægasta
tæki námsmannsins. Það getur verið
freistandi, ef langt er í próf, að taka því
rólega þegar kennsludeginum lýkur,
eða gefa sér knappan tíma til und-
irbúnings fyrir próf. Gott er að byrja
hvert misseri á að kortleggja veturinn
framundan, merkja inn í dagatal helstu
frídaga, prófdaga og verkefnaskil. Út
frá þeim dögum má svo merkja við hve-
nær er gott að hefjast handa við und-
irbúning prófa og ritgerðaskrifa, og
jafnvel hluta undirbúninginn niður yfir
nokkur tímabil.
Loks er þjóðráð í lok vikunnar, að
skipuleggja þá næstu. Taka frá ákveð-
inn tíma fyrir bæði daglegan náms-
bókalestur og eins fyrir skyndipróf og
heimaverkefni.
Þegar kemur svo að sjálfum bóka-
lestrinum er góður agi lykillinn að betri
einkunnum. Það þykir hjálplegt að velja
sér góðan lærdómsstað, þar sem gefst
næði til lestrar og friður frá truflunum
og freistingum. Að lesa uppi í rúmi er
þannig nokkuð varasamt, enda freist-
andi að taka sér blund á mjúkri dýn-
unni. Eins getur verið ósniðugt að hafa
kveikt á sjónvarpinu því ef skemmti-
legur þáttur byrjar dreifir það athygl-
inni frá námsefninu.
Þegar svo sest er niður er vissara að
búta lestrartarnirnar niður í 20-50
mínútna syrpur, og taka 5-10 mínútna
hvíld inn á milli, og hreyfa þá likamann
örlítið til að koma blóðinu á hreyfingu.
Of langar lestrartarnir og of lítil hreyf-
ing þreytir bæði heilann og líkamann.
Með stjórn á tímanum
Heilinn er eins og vöðvarnir, hann þrífst
best á réttri næringu og þarf líka að
hvílast fyrir og eftir átök. Námsmenn
þurfa að fara vel með sig, fá nægan
svefn og borða rétt.
Skortur á svefni getur t.d. snar-
minnkað lærdómsgetu fólks, og þýtt
að verja þarf mun lengri tíma við lest-
urinn til að ná sama árangri og sá sem
fær nægan svefn.
Skynsamlegt mataræði á svo að
tryggja að heilinn og líkaminn allur fær
jafnan og góðan skammt af orku og
næringarefnum og þannig koma í veg
fyrir slen og leti. Þó koffíndrykkir og
sælgæti séu ansi mikil freisting í námi,
hvað þá sem verðlaun í prófalestri, þá
er vel þess virði að athuga hvort megi
skipuleggja máltíðir betur, og velja
hollan mat sem gefur langvinna orku,
en forðast sykur-bombur sem geta
valdið slenkasti eftir að orkuskammt-
urinn hverfur úr blóðrásinni.
Að sjálfsögðu er líka ósniðugt að
borða ekki nóg. Það er nokkurn veginn
samhljómur um að mikið gagn er að
því að borða alltaf morgunmat, og ekki
sniðugt að sleppa úr máltíðum yfir
daginn, ef markmiðið er að vera með
athygli og orku í hámarki.
Gott snarl í námi eru hnetur og
þurrkaðir ávextir, sem gefa blöndu af
skammtíma- og langtímaorku, og svo
nokkur holl vítamín og steinefni. Eins
eiga sumar matartegundir að hjálpa
heilanum að læra, þannig hafa ran-
sóknir sýnt fram á að bláber eigi að
geta bætt minni tímabundið.
Ferskur líkami lærir best
Eitt er að vera úthvíldur, vel skipulagð-
ur og rétt nærður, og annað að kunna
skilvirk og góð vinnubrögð við sjálfan
lesturinn og glósugerðina.
Það þykir mjög sterkur leikur að
endurskrifa glósur þegar heim er
komið, og þannig bæði rifja upp
námsefnið og tryggja að glósurnar
sem notaðar verða fyrir prófalestur
séu skýrar og snyrtilegar.
Gott er líka að læra hvort hentar
hverjum og einum betur: handskrif-
aðar glósur eða vélritaðar á fartölvu.
Sumum þykir heilinn læra betur þegar
glósur eru handskrifaðar, en öðrum
þykir tölvan skapa meiri skýrleika og
læsileika, og veita um leið aðgang að
alls kyns viðbótarupplýsingum í ein-
um hvelli ef tölvan er nettengd.
Að lesa námsefnið er svo líka kúnst
út af fyrir sig. Alla jafna er mælt með
því að skima fyrst lesefnið og finna
þannig aðalatriðin, og skilja betur
heildaruppbyggingu þess sem verið er
að miðla. Að hraðlesa inngang, og
skima fyrirsagnir og fyrstu setningar
málsgreina gteur gefið þessa yfirsýn.
Glósupenninn er svo notaður á mik-
ilvægustu setningahlutana, en eins er
gott að skrifa á spássíuna punkta og
samantektir um aðalatriði.
Loks er endurtekning lykilatriði í
öllu námi. Með því að rifja upp náms-
efnið dýpkar og lengist þekkingin.
Endurtekinguna má t.d. gera með því
að endur-lesa glósur í tvígang eða þrí-
gang, með nokkurra daga millibili.
Annað gott ráð er að nota spjaldskrár-
aðferðina, þar sem upplýsingabútar
eru skrifaðir á spjöld, sem svo eru les-
in og færð framar eða aftar í spjald-
skránni eftir ákveðnum reglum.
Glósu- og
lestrartækni