Morgunblaðið - 04.01.2012, Side 39

MORGUNBLAÐIÐ | 39
FJARNÁM
Skráning á vorönn fer fram 7.-14. janúar
á slóðinni www.fa.is/fjarnam
eTwinning.is
• einfalt skólasamstarf gegnum netið
• góð leið til að virkja nemendur og auka
vægi upplýsingatækni
• aðgangur að rafrænum verkfærum
• netöryggi
• endurmenntun kennara
• kostar ekkert
RAFRÆNT
SKÓLASAMFÉLAG
Í EVRÓPU
etwinning.is
R
úna Magnúsdóttir stjórn-
endamarkþjálfi segir
sennilega mikið til í því að
sem einstaklingar van-
ræki Íslendingar, meira
en margar aðrar þjóðir, að huga að
sínu persónulega vörumerki. Að
þekkja eigin styrkleika og veikleika,
hafa skýra sjálfsmynd en líka varpa
réttri ímynd út á við veitir verulegt
faglegt forskot, hvort sem mark-
miðið er fyrir einyrkja að styrkja sig
betur í sessi, eða launamann að hafa
betur í slagnum um spennandi verk-
efni og stöðuhækkanir.
„Það má ímynda sér mann eða
konu sem upplifir sig og vill að aðrir
sjái sig sem nk. „Volvo“; sem trausta,
áreiðanlega og vandvirka persónu.
En þeir sem þekkja manneskjuna sjá
hana sem eldrauðan og hraðskreiðan
„Ferrari“. Fólk leitar auðvitað með
öðruvísi verkefni og önnur störf til
þeirra sem eru „Ferrari“ en hinna
sem eru „Volvo“,“ segir Rúna.
Rúna býður upp á markþjálfun
sem hún kallar 360° viðhorfsmat.
„Um er að ræða einstaklingsþjálfun
til að hjálpa stjórnendum, frum-
kvöðlum og öðru framafólki sem vill
skerpa betur á því hvað það stendur
fyrir og hvaða ímynd það miðlar til
annarra.“
Rúna segir matið ekki snúast um
að láta fólk tileinka sér eitthvert
staðlað hlutverk eða læra brögð og
brellur í samskiptum, heldur þvert á
móti að draga fram og leggja rækt
við hvern og einn eins og hann er.
„Tilgangurinn er ekki sá að skipta
um umbúðir, ef svo mætti að orði
komast, heldur finna sérstöðu hvers
og eins. Það sem 360° viðhorfsmat
gerir er að skoða eiginleika ein-
staklingsins, hvaða ímynd hann vill
gefa og svo hvernig hann kemur öðr-
um fyrir sjónir. Vinnan getur svo fal-
ist í því að styrkja veikleika, eða
veikja styrkleika, til að úr verði sú
ímynd sem eftir er sóst.“
Hvað segja aðrir?
Fyrsta skrefið er að safna um-
sögnum 30-40 aðila um þann sem
verið er að þjálfa. „Þetta geta verið
yfirmenn, undirmenn, vinir og ætt-
ingjar. Allir fylla út nafnlausa könn-
un á netinu og svara nokkrum spurn-
ingum sem gefa skýra sýn á
hugmyndir þeirra og álit á ein-
staklinginum sem unnið er með. Út-
koman er um 25 blaðsíðna skýrsla
sem gefur nokkuð greinilega mynd.
Þá fyrst hefst ég handa við að fá við-
fang þjálfunarinnar til að lýsa sjálf-
um sér og eigin hugmyndum um sitt
persónulega vörumerki. Um leið
skoðum við hver framtíðarsýnin og
framtíðarmarkmiðin eru, og hvernig
aðlaga má vörumerki einstaklingisns
til að nálgast þessi markmið sem
best.“
Hvers vegna Íslendingar gefa sínu
persónulega vörumerki ekki meiri
gaum er erfitt að segja með vissu.
Rúna segir að miklu skipti faglega
fyrir einstaklinginn að gefa af sér
rétta ímynd, rétt eins og það skipti
máli fyrir fyrirtæki og framleiðanda
vöru að skapa ímynd sem fellur neyt-
endum í geð, skapar traust og vin-
semd. „Hluta skýringarinnar má
kannski finna í því hvað við erum fá-
menn þjóð, og að fólk hugsi ranglega
með sér að vegna smæðar sam-
félagsins þekkist fólk nógu vel til að
hafa skýra og góða mynd hvað af
öðru.“
Loks segir Rúna að mörgum sé til
gagns að skilja betur eigin persónu-
lega vörumerki og styrkleika, því
margir eru á harðahlaupum við að
reyna að uppfylla ímyndað hlutverk
– hlutverk sem oft er ekki svo eft-
irsóknarvert í raun. „Sumir rembast
við að vera eitthvað annað en þeir
eru og reyna jafnvel að fela þann fjöl-
breytileika sem þeir búa yfir. Að
skilja eigin styrkleika og ytri ímynd
verður oft til þess að fólk hreinlega
dæsir af létti yfir að geta verið það
sjálft.“
Nánari upplýsingar eru á
www.runamagnus.com
ai@mbl.is
Morgunblaðið/Kristinn
Vertu þú sjálfur „Sumir rembast við að vera eitthvað annað en þeir eru, og reyna jafnvel að fela þann fjöl-
breytileika sem þeir búa yfir,“ segir Rúna Magnúsdóttir. Nauðsynlegt sé að þekkja eigin styrkleika.
Áttu þitt persónulega
vörumerki?
Býður upp á markþjálfun sem skoðar styrkleika og veikleika. Metur hvernig
ímynd einstaklingurinn hefur í huga í annarra. Rétt ímynd veitir forskot.
- nýr auglýsingamiðill
 569-1100finnur@mbl.is