Morgunblaðið - 05.04.2012, Blaðsíða 12

VIÐTAL
Hólmfríður Gísladóttir
holmfridur@mbl.is
Söngkonan Anna Hansen hreppti á
dögunum aðalhlutverkið í nýjum
söngleik, „Showtime“, sem hið
danska Musicalteatret frumsýnir nú í
apríl og er saminn í kringum tónlist
dönsku hljómsveitarinnar tv2. Anna,
sem hefur lært söng bæði hér heima á
Íslandi og í Kaupmannahöfn, var að
leita sér að spennandi verkefni til að
taka þátt í þegar hún rakst á auglýs-
ingu um áheyrnaprufur á Facebook
og hafði að lokum betur en 150 aðrir
umsækjendur um hlutverkið.
„Söngleikurinn fjallar um leikhóp
sem er að fara að setja upp Rómeó og
Júlíu í nýrri útgáfu og gerist á frum-
sýningarkvöldinu hjá leikhópnum,
þar sem allt sem mögulega getur farið
úrskeiðis fer úrskeiðis. Persóna úr
hópnum finnst myrt baksviðs og
reynt er að hylma yfir það en í kjölfar-
ið koma alls konar tilfinningar og
leyndarmál upp á yfirborðið,“ útskýr-
ir Anna, sem fer með hlutverk aðal-
dívu leikhópsins sem grípur til vafa-
samra aðferða til að hreppa hlutverk
Júlíu.
Dívan Oddný Finnboga
Anna segist lítið kannast við dívuna
í sjálfri sér en það má þó segja að per-
sónan hafi verið aðlöguð að söngkon-
unni. „Þau breyttu handritinu dálítið
eftir að ég kom í prufu, þannig að per-
sónan mín er íslensk; þykist vera
Dani en heitir í raun Oddný Finn-
bogadóttir,“ segir hún og hlær að
nafnavalinu. „Þetta gefur mér ákveð-
ið svigrúm með textann, það er í lagi
þótt ég klúðri framburðinum pínulít-
ið,“ segir hún en bætir því við að yf-
irleitt dragi Kaupmannahafnarbúar
þá ályktun af framburði hennar að
hún sé frá Jótlandi, eða einfaldlega
„utan af landi“.
Söngleikurinn verður frumsýndur
fimmtudaginn 12. apríl næstkomandi
og Anna viðurkennir að taugarnar
séu aðeins farnar að segja til sín. Á
milli 30 og 40 manns taka þátt í sýn-
ingunni, sem er nokkuð mikil um-
fangs, en þetta er sjöunda uppsetning
tónlistarleikhússins á jafnmörgum
árum. „Það er vika í þetta núna þann-
ig að stressið er aðeins að aukast en
það fer þegar ég er að leika, því þá
er ég bara í karakter,“ segir
Anna.
Anna er 26 ára, ólst upp í
Seljahverfi í Reykjavík en flutt-
ist á sveitabæ nálægt Selfossi
þegar hún var unglingur og
gekk í framhaldsskólann
þar í bæ. Í skólanum var
hún formaður leik-
félagsins í tvö ár og tók
þátt í öllum leik- og
söngvasýningum fé-
lagins meðan á nám-
inu stóð. Að auki
stundaði hún klass-
ískt söngnám við Söngskólann í
Reykjavík í um fimm ár og svo seinna
á Selfossi.
„Uppgötvuð“ á Strikinu
„Ári eftir að ég kláraði stúdentinn
fór ég svo til Danmerkur í lýðháskóla
í hálft ár þar sem ég kynntist fjöl-
mörgum Dönum og söng og spilaði í
hljómsveit og túraði. Þegar ég kom
heim aftur og fór aftur í sömu vinnuna
hafði einhvern veginn ekkert breyst
hér en ég var búin að vera að gera
helling af spennandi hlutum úti, þann-
ig að ég fann söngskóla og fór aftur til
Danmerkur,“ segir Anna. Skólinn
heitir Complete Vocal Institute og
þar lærði Anna popp- og rokksöng í
eitt og hálft ár en hóf í haust kenn-
aranám við skólann.
Þegar sýningum á „Showtime“ lýk-
ur tekur við annað spennandi verk-
efni hjá Önnu sem féll henni í skaut
fyrir algjöra tilviljun.
„Í fyrra var ég á Strikinu með
mömmu í búðum og var eitthvað rölt-
andi um raulandi og í eigin heimi þeg-
ar upp að mér kemur kona sem finnst
ég syngja svona vel og spyr hvort hún
megi fá símanúmerið hjá mér því hún
sé að semja tónlist og vanti söng-
konu,“ segir Anna. Konan heiti Ellen
Watts og hafi samið tónlist í 20 ár.
„Við erum að fara í stúdíó í lok apríl
og hún hefur sambönd við fólk í Lond-
on sem við ætlum að senda demó á.
Vonandi verður eitthvað skemmtilegt
úr því,“ segir söngkonan. Markmiðið
fyrir framtíðina sé að geta lifað á list-
inni.
„Það væri frábært að geta lifað á
tónlistinni og leiklistinni,“ segir Anna
en segist gera sér grein fyrir harkinu
sem því fylgi. „Þess vegna er ég líka
að taka kennaranámið með. Maður
verður að vera raunsær og það er gott
að hafa eitthvað fast meðfram öðru
sem maður er að gera. Svo finnst mér
bara mjög gaman að kenna, maður
lærir svo mikið á því sjálfur,“ segir
hún.
Hægt er að nálgast frekari upplýs-
ingar og panta miða á heimasíðunum
showtimemusical.dk og facebook.-
com/showtimemusical.
Íslensk söngdíva í Danmörku
Ljósmynd/Torfadottir Photography
Baksviðs Æfingar á söngleiknum standa nú sem hæst en Anna gaf sér þó tíma í myndatökur á dögunum, fyrir
demóupptökurnar í lok apríl. Vinur hennar, sem starfar hjá Malene Birger, stíliseraði myndatökurnar.
 Anna Hansen fer með aðalhlutverkið í danska söngleiknum „Showtime“  Skaut 150 umsækjendum
ref fyrir rass  Ekki spennandi að koma heim eftir veruna úti  Stúdíó í apríllok og demó út til London
12 FRÉTTIRInnlent
MORGUNBLAÐIÐ FIMMTUDAGUR 5. APRÍL 2012
Smiðshöfði 1, 110 Reykjavík, sími 587 9700, propack.is, propack@propack.is
Sérhæfum okkur í pökkun og frágangi
á búslóðum til flutnings milli landa,
landshluta eða innanbæjar
Við pökkum búslóðinni, önnumst farmbréf, tollafgreiðslu og sjáum um flutning á áfangastað. Flytjum fyrir
einstaklinga, fjölskyldur og fyrirtæki. Sjáum einnig um að pakka upp búslóðinni á nýju heimili og koma öllu fyrir
eins og óskað er. Ef heimilið er ekki tilbúið bjóðum við geymslu búslóða, í nýlegu og glæsilegu húsnæði, með
fullkomnu öryggis- og brunavarnakerfi.
Stofnað árið 1981
Baldur Arnarson
baldura@mbl.is
„Ég sé fyrir mér að féð geti nýst í
samfélagsleg verkefni, þar með talið
til góðgerðamála. Peningana mætti
nota til þess að hjálpa atvinnulausum
við að koma sínum viðskiptahug-
myndum af stað. Þeir gætu einnig
runnið til Öryrkjabandalagsins,
Rauða krossins og annarra samtaka
sem starfa að góðgerðamálum. Þar
færu peningarnir í vinnu og nýttust
til góðra mála. Um leið styðja þeir
við aukna samfélagslega hugsun hér
á Íslandi, sem veitir ekki af,“ segir
Eygló Harðardóttir, þingmaður
Framsóknarflokksins, um fé sem
legið hefur óhreyft á reikningum.
Varðar yfir 100.000 reikninga
Eins og rakið var í Morgunblaðinu
í gær lagði Eygló fram fyrirspurn til
efnahags- og viðskiptaráðherra um
hversu margir bankareikningar
hefðu legið óhreyfðir í 15 ár eða leng-
ur 20. mars sl. Kom fram í svari ráð-
herra að það ætti við um 100.084
reikninga og að samanlagðar inni-
stæður þeirra væru 1,53 ma. kr.
„Miðað við núverandi bankaum-
hverfi er það best fyrir bankana að
láta þessa peninga liggja inni og þeir
geta þá ráðstafað
þeim eins og þeim
sýnist,“ segir
Eygló sem horfir
til þess að bresk
stjórnvöld hafi
ákveðið að
óhreyfðir reikn-
ingar skuli fyrn-
ast að 15 árum
liðnum og fara í
sérstakan sjóð til
styrktar góðgerðamálum. Ef eigend-
ur reikninganna vitja peninganna
eftir að þeir hafa verið fluttir yfir í
sjóðinn, fá þeir peningana aftur með
vöxtum. „Þarna er eingöngu um að
ræða reikninga sem hafa ekki verið
hreyfðir. Það er ekki verið að leggja
inn á þessa reikninga og þetta eru
ekki þessar hefðbundnu sparnaðar-
leiðir og annað sem bankarnir eru að
bjóða upp á,“ segir Eygló.
Nýtist betur
„Til dæmis á þetta við um reikning
sem ég á sjálf og fyrrverandi vinnu-
veitandi minn lagði inn á og ég hef
ekki hreyft í 20 ár. Inni á honum eru
nokkrir þúsundkallar. Ég myndi
frekar vilja nýta þennan pening í
samfélagsverkefni fremur en að vera
að styrkja bankana.“
Óhreyft fé renni
til góðgerðamála
 Þingmaður horfir til Bretlands
Eygló
Harðardóttir
Anna segir að svokölluð Complete Vocal Technique, sem hún lærði
úti í Danmörku, henti fyrir allar tegundir söngs en þetta er sama
söngtækni og söngkonan Hera Björk hefur verið að kenna hér á Ís-
landi.
„Þetta er ný sýn á söngkennsluna og það er meiri líffræði á bak við
þetta. Það sem maður er að gera þegar maður syngur er allt út-
skýrt svart á hvítu og þetta er ekki eins huglægt eins og
margir héldu alltaf að söngur væri,“ segir Anna. Aðferða-
fræðin sé ólík þeirri sem hún hafði áður kynnst.
„Í hinni kennslunni var þetta svo oft: „Já slakaðu í hnján-
um og hugsaðu upp og brostu og þá kemur tónninn!“ Svo
kom hann en maður vissi ekkert hvað maður var að gera eða
hvernig maður ætti að gera það aftur,“ segir Anna.
Complete Vocal Technique
ÖÐRUVÍSI SÖNGTÆKNI