Morgunblaðið - 05.04.2012, Blaðsíða 22

„Við gerum okkur grein fyrir því að
starfsfólk Samherja hefur áhyggjur
af þessu máli. Um það er bara eitt að
segja: Starfsfólk Samherja hefur
ekki brotið neitt af sér. Við erum
heiðarlegt fólk sem rekum traust og
gott fyrirtæki sem hefur verið byggt
upp af okkur öllum. Samherji mun
verja félagið og sitt fólk af fullri
hörku,“ segir í bréfi sem stjórnendur
Samherja hf. sendu starfsfólki í gær.
Lögmenn Samherja ítrekuðu í gær
kröfu um að gjaldeyriseftirlit Seðla-
banka Íslands upplýsti þegar í stað
hvað það er sem Samherji og tengd
félög eru talin hafa gert af sér þannig
að taka megi tillit til þess við rekstur
félaganna og forða því að sölustarf-
semi leggist af. Einnig var lögð fram
krafa hjá héraðsdómi um afhendingu
þeirra gagna sem Seðlabankinn
framvísaði við dómara vegna húsleit-
arúrskurðarins.
Lögmenn Samherja segja það
rangt sem fram hefur komið hjá
Seðlabanka Íslands að stjórnendum
Samherja hafi verið kynntar ástæður
húsleitar og haldlagningar gagna hjá
fyrirtækinu. Í yfirlýsingum segir að
það eitt hafi komið fram við húsleit-
ina að grunur væri um brot gegn lög-
um um gjaldeyrismál en ekki til-
greint í hverju meint brot fælust eða
þeim lýst á nokkurn hátt. Lögmenn
Samherja hafi ítrekað leitað eftir því
á vettvangi að upplýst yrði um með
hvaða háttsemi talið væri að Sam-
herji hefði brotið gegn lögunum. Þá
hafi lögmenn afhent Seðlabankanum
formlega kröfu um afhendingu gagna
sem voru grundvöllur þess að Seðla-
bankinn fékk húsleitarheimild.
Fram kemur í kröfu lögmanna til
Seðlabankans að öll viðskipti sam-
steypu Samherja séu í uppnámi á
meðan ekki sé vitað hvað talið er að
rangt hafi verið gert. Forsvarsmenn
fyrirtækisins vilji ekki og ætli ekki að
taka áhættu af því að brjóta lög. Í
fyrradag var tilkynnt að dótturfélag
Samherja í Þýskalandi hefði ákveðið
að hætta öllum viðskiptum við ís-
lenska aðila þar til Seðlabankinn
hefði upplýst málið. Þá var sagt upp
samningum um afhendingu hráefnis
til fiskvinnslu Samherja á Dalvík.
Erfið vika
„Síðasta vika hefur verið okkur öll-
um erfið. Við höfum mátt horfa upp á
harkalegar aðgerðir og ásakanir á
hendur fyrirtækinu. Þetta hefur
reynt á, krafist mikillar orku og skap-
að óvissu,“ segir í bréfi stjórnenda.
„Samherji hefur ítrekað lýst vilja sín-
um til að vinna með Seðlabankanum í
þessu máli. En til að það geti orðið
verður fyrirtækið að skilja og vita að
hvaða hlutum grunsemdir Seðla-
bankans beinast. Húsleitin sjálf var
kærð til Hæstaréttar sem ekki féllst
á kæruna þar eð aðgerðum var þegar
lokið. Sú niðurstaða segir hins vegar
ekkert um málstað okkar. Það mun
reyna frekar á lögmæti húsleitanna.“
Í lok bréfsins segir: „Við skulum
halda áfram að standa okkur og sýna
enn einu sinni úr hverju Samherji er
gerður. Það er besta svarið nú.“
Krefjast upplýsinga um
meint brot Samherja
 Stjórnendur segja starfsfólk ekkert hafa brotið af sér
Morgunblaðið/Skapti Hallgrímsson
Rannsókn Frá húsleit í höfuð-
stöðvum Samherja á Akureyri.
22 FRÉTTIRInnlent
MORGUNBLAÐIÐ FIMMTUDAGUR 5. APRÍL 2012
Helgi Vilhjálmsson, betur þekktur
sem Helgi í Góu, hefur gefið
Mæðrastyrksnefnd yfir 200 páska-
egg og Sinalco nú fyrir páskana.
„Það er skelfilegt að vita til þess
hvað mörg börn geta ekki fengið
páskaegg um páskana vegna fá-
tæktar,“ sagði Helgi þegar hann
færði Ragnhildi G. Guðmunds-
dóttur, formanni nefndarinnar,
eggin á þriðjudaginn.
Gaf 200 páskaegg
Árleg páskaeggjaleit fer fram á
þremur stöðum í Reykjavík laugar-
daginn fyrir páska hinn 7. apríl kl.
13:00 í Elliðaárdalnum við gömlu
Rafstöðina, við grásleppuskúrana á
Ægisíðu og við Þvottalaugarnar í
Laugardalnum.
Þetta er í þrettánda skipti sem
sjálfstæðisfélögin í hverfum borg-
arinnar standa fyrir þessum páska-
leik, þar sem börnin leita að fag-
urlega skreyttum hænueggjum og
fá súkkulaðiegg að launum. Jafn-
framt verður keppt í húlahopp-
keppni og verðlaun veitt í nokkrum
aldursflokkum.
Borgarfulltrúinn Júlíus Vífill
Ingvarsson mun ræsa páskeggja-
leitina í Elliðaárdalnum og taka
lagið með krökkunum, borgar-
fulltrúinn Kjartan Magnússon við
grásleppuskúrana við Ægisíðu og
alþingismaðurinn Guðlaugur Þór
Þórðarson í Laugardalnum. Allir
velkomnir.
Gott er að taka með körfur eða
poka undir eggin, segir í frétta-
tilkynningu.
Spennandi Eftirvænting ríkir þegar börn-
in leita að földum eggjum úti í móa.
Páskaeggja leitað á
þremur stöðum
Þriðjudaginn 10. apríl eru síðustu
forvöð að leggja inn umsókn um
sumarstörf hjá Reykjavíkurborg.
Þeir sem eru fæddir 1995 eða fyrr
og hafa lögheimili í Reykjavík geta
sótt um störfin.
Reykjavíkurborg býður upp á
fjölbreytt sumarstörf hjá flestum
sviðum borgarinnar. Upplýsingar
um þau störf sem í boði eru er að
finna á heimasíðu borgarinnar,
www.reykjavik.is/sumarstorf, og
einungis er hægt að sækja um á
netinu. Ef umsækjendur hafa ekki
aðgang að netinu geta þeir komið í
Hitt Húsið og fengið afnot af tölv-
um. Vinnuskóli Reykjavíkur sér um
sumarstörf unglinga á aldrinum 13-
16 ára og má finna nánari upplýs-
ingar á www.vinnuskoli.is.
Lokadagur nálgast
HJÓLBARÐAÞJÓNUSTA
ÞAÐ ER KOMINN TÍMI
Á SUMARDEKKIN!
VIÐ ERUM Í SUMARSKAPI OG TÖKUM VEL Á MÓTI ÞÉR
Í DEKKJASKIPTIN STRAX EFTIR PÁSKA. VIÐ MINNUM Á
AÐ TÍMI NAGLADEKKJA ER AÐEINS TIL 15. APRÍL.
DUGGUVOGI RVK AUSTURVEGI SELFOSS
PITSTOP.IS WWW
HELLUHRAUNI HFJRAUÐHELLU HFJ
568 2020 SÍMI
Páskarúllan
fæst í búðinni þinni
Íslensk gæða framleiðsla
Allt til hreinlætis
www.papco.is
Landsvirkjun hefur eignast 30,32%
hlut í Sjávarorku ehf. í gegnum
hlutfjáraukningu, sem samþykkt
var á hluthafafundi félagsins í mars
sl.
Landsvirkjun skráði sig fyrir
hlutafjáraukningu að nafnverði kr.
3.350.000 á genginu 6 og greiddi fyr-
ir hlutinn 20.100.000 kr. Stærstu
eigendur fyrir utan Landsvirkjun
eru Rarik Orkuþróun ehf. með rúm-
lega þriðjungshlut og Skipavík ehf.,
Stykkishólmi, með um 20% hlut.
Í fréttatilkynningu segir að eitt af
markmiðum Landsvirkjunar sé að
vera í fararbroddi í nýtingu end-
urnýjanlegra orkugjafa á Íslandi.
Landsvirkjun hefur styrkt verkefni
til rannsókna á nýtingu sjávarorku í
gegnum Orkurannsóknasjóð Lands-
virkjunar. Með því að gerast hlut-
hafi í Sjávarorku fær Landsvirkjun
tækifæri til að gerast beinn þátttak-
andi að verkefni þar sem búið er að
vinna töluverða undirbúningsvinnu.
Sjávarorka ehf. var stofnað í
Stykkishólmi í apríl 2001 og er til-
gangur félagsins að rannsaka mögu-
leika á virkjun sjávarfallastrauma í
Breiðafirði og að hafa forystu um
virkjun. Í apríl 2005 var hafist
handa við straumamælingar. Mæl-
ingarnar og úrvinnsla gagna er unn-
in í samstarfi við verkfræðistofuna
Vista ehf. og verkfræðistofuna
Verkís. Mælingum í fyrsta áfanga
lauk haustið 2007 og hefur jafnframt
verið gefin út áfangaskýrsla um
orkugetu sjávarfalla í Hvammsfirði
vorið 2008. Rannsóknarleyfi var gef-
ið út af Orkustofnun 15. janúar 2010
og gildir til 31. desember 2016.
Kaupir hlut í Sjávarorku