Morgunblaðið - 18.06.2012, Side 12

12 FRÉTTIRInnlent
MORGUNBLAÐIÐ MÁNUDAGUR 18. JÚNÍ 2012
H
a
u
ku
r
0
9
b
.1
1
Guðni Halldórsson
lögfræðingur,
gudni@kontakt.is
Haukur Halldórsson hdl.
haukur@kontakt.is
Brynhildur Bergþórsdóttir
rekstrarhagfræðingur,
lögg. verðbr.- og fasteignasali,
brynhildur@kontakt.is
Gunnar Svavarsson
viðskiptafræðingur,
gunnar@kontakt.is
Jens Ingólfsson
rekstrarhagfræðingur,
jens@kontakt.is
Sigurður A.
Þóroddsson hrl.
sigurdur@kontakt.is
Forgangslisti er nýjung fyrir kaupendur og fjárfesta.
Skráning á www.kontakt.is
• Skráðu þig á forgangslista og við sendum þér reglulega upplýsingar í
tölvupósti um tækifæri sem við getum ekki sett í auglýsingar.
Upplýsingar og skráning á www.kontakt.is.
• Rótgróið hreingerningarfyrirtæki með 40 starfsmenn. Ársvelta 150 mkr. og
hefur vaxið með hverju árinu. Góð EBIDTA.
• Glæsilegt íbúðahótel með 20 íbúðum. Góð afkoma.
• Heildverslun með vinsælar snyrtivörur fyrir fagfólk. Ársvelta 60 mkr.
Góð afkoma.
• Rótgróið gólfefnafyrirtæki í mjög góðum rekstri. Ársvelta 200 mkr.
EBITDA 20 mkr.
• Heildverslun með prjónagarn. Selur einnig mikið í gegnum heimasíðu á
netinu. Vandaðar og vinsælar vörur. Auðveld kaup.
• Stórt þvottahús og efnalaug. EBITDA 12 mkr. Hentugt fyrir dugleg
og samhent hjón.
• Innflutnings- og framleiðslufyrirtæki með matvörur. Ársvelta 330 mkr.
• Stálsmiðja sem framleiðir staðlaðar vörur fyrir sjávarútveg. Stöðug velta og
vel tækjum búið. Hægt að flytja hvert á land sem er og hentar vel sem viðbót
við starfandi vélsmiðju.
• Öflugt hvalaskoðunarfyrirtæki í Reykjavík.
• Rótgróið bakarí með nokkrar verslanir.
Ágúst Ingi Jónsson
aij@mbl.is
Það er í raun langhlaup að koma
myndarlegri alþjóðlegri ráðstefnu á
laggirnar. Fjögur ár þykir eðlilegur
meðgöngutími í þeim efnum og því er
Karitas Kjartansdóttir, ráðstefnu-
stjóri Hörpu, nú þegar farin að skipu-
leggja ráðstefnuhald ársins 2017.
Eftir miklu er að slægjast í þess-
um efnum og ekki er ólíklegt að gest-
ir á ráðstefnu norræna vegtækni-
sambandsins í Hörpu í síðustu viku
hafi skilið eftir um 160 milljónir
króna hér á landi í veitingahúsum,
verslunum og öðrum þjónustufyrir-
tækjum. Ef flugfélög og hótel eru
talin með gæti ráðstefnan hafa skilað
þjóðarbúinu í heild um 300 milljón-
um króna.
Þriggja til fimm ára ferli
„Það er mjög gleðilegt að sjá
þessa stóru viðburði verða að veru-
leika eftir margra ára undirbúning
og frá opnun hefur Harpa tvímæla-
laust staðið undir væntingum í þess-
um efnum,“ segir Karitas. „Við erum
komin með staðfestar bókanir fyrir
2015 og verið er að vinna í bókunum
fyrir 2016 og 2017. Yfirleitt er skipu-
lagning svona ráðstefna þriggja til
fimm ára ferli og þá sérstaklega þeg-
ar alþjóðleg fagsamtök eiga í hlut, en
þau skipuleggja þing sín og viðburði
nokkur ár fram í tímann.“
Karitas segir að mestur annatími í
ráðstefnuhaldi sé almennt í Evrópu í
maí og júní en einnig á haustin. Tví-
mælalaust séu þó einnig tækifæri til
að skipuleggja ráðstefnur yfir vetr-
artímann og allir í þessari atvinnu-
grein vinna að því að lengja ferða-
mannatímann og árangur hafi þegar
náðst.
Samvinna frekar en samkeppni
Spurð hvort Harpa sé í samkeppni
við hótel og aðra ráðstefnuhaldara
segist hún alls ekki líta svo á. „Það er
allra hagur að fjölga hér viðburðum
og stækka markaðinn og það skilar
sér til hótela og allra annarra í grein-
inni. Við viljum efla og auka ráð-
stefnuhald í Reykjavík frekar en að
taka af því sem fyrir er og því tala ég
um samvinnu frekar en samkeppni.
Með tilkomu Hörpu opnuðust nýir
möguleikar í ráðstefnuhaldi en mörg
alþjóðleg fagsamtök setja það sem
skilyrði að ráðstefnur þeirra séu
haldnar í ráðstefnuhöllum eða á hót-
elum.
Það hefur því opnast fyrir nýjan
markhóp sem er mjög áhugavert að
skoða nánar en mikil markaðssókn
er í gangi um þessar mundir. Harpa,
ásamt Reykjavíkurborg og Icelanda-
ir Group, mynduðu nýlega kjölfestu
fyrir nýjan samstarfsvettvang á
markaðssetningu á Reykjavík sem
alþjóðlegri ráðstefnu-funda-viðburð-
arborg undir heitinu „Ráðstefnu-
borgin Reykjavík“ ásamt breiðum
hópi aðildarfélaga. Síðan er stefnt að
því að opna hótel við hlið Hörpu árið
2015, sem eykur möguleikana enn
frekar en mikil verðmæti eru fólgin í
því að hafa gott hótel og ráðstefnu-
miðstöð á sama stað.
Staðsetning Hörpu miðsvæðis er
mikill styrkur og staðan er sterk án
hótelsins því hér í miðborginni eru
mörg hótel. Erlendis er algengt að
ráðstefnuhallir séu í útjaðri borga.
Við erum með veitingastaði, bari og
búðir í göngufæri en einnig mjög
stutt í einhvers konar upplifun fyrir
utan borgina.“
Karitas segir að ráðstefnugestir
séu verðmætir ferðamenn en áætlað
er að hver ráðstefnuferðamaður eyði
að jafnaði um 60-70.000 krónum á
dag. Til hliðsjónar þá má reikna með
að hinn almenni ferðamaður eyði að
jafnaði um 20-30.000 krónum í
neyslu á sólahring. Ráðstefnugestir
borga yfirleitt ekki flug og gisti-
kostnað og hafa því meiri fjármuni til
þess að nota í verslunum, veitinga-
stöðum eða í afþreyingu svo eitthvað
sé nefnt.
Þriggja daga 800 manna norræn
ráðstefna vegtæknisambandsins
gæti því hafa skilið eftir um 150-200
milljónir króna í slíkri þjónustu og
300 milljónir þegar allt er talið. Það
eru mikil verðmæti fólgin í fjölgun
slíkra ferðamanna.“
Gott ráðstefnuhús
Hún segir að Harpa sé gott
ráðstefnuhús í alla staði og Íslend-
ingar séu að átta sig á möguleikum
hússins. „Við getum haldið hér ráð-
stefnur af öðrum toga en við höfum
getað gert áður. Íslendingar ættu að
vera duglegir að koma hugmyndum
um ráðstefnulandið Ísland á fram-
færi meðal erlendra kollega sinna.
Við eigum að vera stolt af þessu
húsi,“ segir Karitas Kjartansdóttir
að lokum.
Mikil verðmæti í
ráðstefnugestum
 Allra hagur að fjölga viðburðum og stækka markaðinn
 Byrjað að bóka ráðstefnur í Hörpu fyrir árið 2017
Morgunblaðið/Eggert
Margvísleg tækifæri Karitas Kjartansdóttir ráðstefnustjóri segir Hörpu gott ráðstefnuhús og með tilkomu hennar
hafi tækifærum í ráðstefnuhaldi fjölgað. Skipulagning stórrar ráðstefnu getur tekið þrjú til fimm ár.
Andri Karl
andri@mbl.is
Meirihluti allsherjar- og mennta-
málanefndar Alþingis leggur til að
þingsályktunartillaga Sivjar Frið-
leifsdóttur, þingmanns Framsókn-
arflokks, um forvirkar rannsóknar-
heimildir verði samþykkt. Nefndin
hafnar frumvarpi innanríkisráðherra
um sama mál, sem gagnrýnt var
harðlega af öllum umsagnaraðilum.
Með frumvarpi Ögmundar Jón-
assonar innanríkisráðherra átti að
auka rannsóknarheimildir lögreglu, á
grundvelli vitneskju eða gruns um að
verið væri að undirbúa eða leggja á
ráðin um að fremja brot í starfsemi
skipulagðra brotasamtaka. Frum-
varpið var afgreitt til nefndar eftir
fyrstu umræðu og sagði Björgvin G.
Sigurðsson, formaður allsherjar- og
menntamálanefndar, í apríl sl. að á
fundi með umsagnaraðilum hefði
komið til tals að samþykkja frekar
tillögu Sivjar en frumvarp ráð-
herrans.
Meðal þeirra sem gagnrýndu
frumvarp ráðherra voru ríkis-
saksóknari, lögregla höfuðborgar-
svæðisins og Ákærendafélag Íslands.
Á það var bent að ekki fælust í því
neinar auknar heimildir.
Þingsályktunartillaga Sivjar
gengur út á að innanríkisráðherra
vinni og leggi fyrir Alþingi frumvarp
sem veiti lögreglunni sambærilegar
heimildir og lögregla í öðrum nor-
rænum ríkjum hefur til að rannsaka
og grípa til fyrirbyggjandi aðgerða
gegn skipulagðri glæpastarfsemi.
Í nefndaráliti meirihlutans segir
að við undirbúning heimilda til lög-
reglu skuli hafa í huga félagafrelsis-
ákvæði 74. gr. stjórnarskrár og rétt
fólks til að taka þátt í starfsemi
frjálsra félagasamtaka sem ekki
ógna almannaheill.
Tveir fulltrúar nefndarinnar,
Þráinn Bertelsson og Þuríður Back-
man, skrifuðu undir álitið með fyrir-
vara. Í honum segir að með tillögunni
sé án engan hátt verið að hvetja til
þess að á Íslandi verði stofnuð ein-
hvers konar öryggis-, njósna-, ellegar
leyniþjónusta, hvað svo sem líði laga-
setningu okkar stærri frændþjóða
um slíkar stofnanir.
Hafnar frumvarpi
innanríkisráðherra
Fyrsta alþjóðlega ráðstefnan í
Hörpu var alþjóðlegt þing sál-
fræðinga, sem fjölluðu um hug-
ræna atferlismeðferð, og var
haldin síðasta sumar, ekki löngu
eftir að starfsemi þar hófst. Sú
ráðstefna hafði verið í undirbún-
ingi í fjögur ár, eða stóran hluta
af byggingartíma hússins. Síðan
hafa verið haldnar nokkrar stór-
ar, fjölþjóðlegar ráðstefnur í
húsinu.
Í liðinni viku var þar haldin
800 manna norræn ráðstefna
vegtæknisambandsins og í þess-
ari viku verða alþjóðlegt félag
augnlækna gestir í Hörpu, yfir
300 manns. Alþjóðleg ráðstefna
fræðimanna, framkvæmdaraðila
og hugmyndasmiða sem koma
að greinum eins og alþjóðavæð-
ingu, alþjóða viðskiptum, og
sem snúa að umhverfis- og sam-
félagsmálum tekur síðan við og
þannig rekur hver atburðurinn
annan.
Hver viðburðurinn rekur annan
Í UNDIRBÚNINGI STÓRAN HLUTA BYGGINGARTÍMANS