Morgunblaðið - 25.06.2012, Blaðsíða 12

12 FRÉTTIRInnlent
MORGUNBLAÐIÐ MÁNUDAGUR 25. JÚNÍ 2012
Gylfaflöt 16-18 •112 Reykjavik • Sími 553 5200 • solo.is
Sérsmíðum eldhúsborð eftir ósk hvers og eins
val um stærð, lögun og efni.
Verð 97.700 kr
Stærð 100cm þvermál
Lífið er litríkt
Heildsöludreifing: ACT ehf, Dalvegi 16b, 201 Kópavogi, sími 577 2150
60 ára reynsla á Íslandi
Fæst í eftirfarandi verslunum:
Húsasmiðjunni
ELKO
Byggt og Búið
Geisla Vestmannaeyjum
Heimir Snær Guðmundsson
heimirs@mbl.is
„Þetta gekk lygilega, vonum framar.
Það var einn dag sem heilsan var að
stríða mér en að öðru leyti var ég í
góðu lagi. Ég vaknaði í morgun tilbú-
inn að hjóla en var búinn að ákveða að
taka mér hvíldardag. En ég mun fara
út að hjóla á morgun [í dag],“ segir
Snorri Már Snorrason, sem þjáist af
Parkinson sjúkdómnum. Snorri lagði
í hringferðina til að leggja áherslu á
mikilvægi hreyfingar og vekja fólk til
umhugsunar um eigin líkama.
Hann lauk hringferð sinni um land-
ið á laugardag. Ferðin hófst 3. júní og
hann var því tæpar þrjár vikur að
hjóla leiðina sem var alls 1.410 km.
Mest hjólaði hann 130 km á einum
degi.
Mótvindur setti áætlanir Snorra úr
skorðum í upphafi ferðarinnar. „Ég
notaði því hvíldardaginn sem ég átti á
Akureyri til að vinna upp tapaðan
tíma.. Frá Akureyri og til Egilsstaða
þurfti ég að hjóla tíu til tólf tíma á dag
í stað þeirra sex sem ég hafði áætlað,
til að halda áætlun,“ sagði þessi mikli
hjólreiðamaður.
Snorri segir að ferðin hafi verið
mun skemmtilegri en hann þorði að
vona. „Ég hélt að það yrði meira af
svona andlega þungum dögum. Ég
hef greinilega verið mjög vel und-
irbúinn, líkamlega sem andlega. Ég
hefði heldur aldrei getað gert þetta
án konunnar minnar sem keyrði á eft-
ir mér allan tímann.“
Höfðar til samvisku fólks
Í aðdraganda ferðarinnar hvatti
Snorri fólk til að hreyfa sig og heita á
hann í formi hreyfingar. „Þetta var
svona samviskuspurning sem ég vildi
varpa til fjöldans. Ég fékk mikla at-
hygli og við konan mín heyrðum í fullt
af fólki sem við náðum að hreyfa við.
Einnig vil ég þakka vinnuveitendum
mínum í prentsmiðjunni Odda fyrir
að vekja athygli á ferðinni.“ Með ferð-
inni vildi Snorri vekja athygli á mögu-
leikum þeirra sem þjást af Parkinson.
Hann hitti m.a. hóp Parkinson-
sjúklinga í Varmahlíð á leiðinni. „Þeir
komu saman sérstaklega til að eiga
fund með mér, þar stöppuðum við
stálinu hver í annan. Svo var gaman
að Ragnar Emilsson kunningi minn
og Parkinson-sjúklingur hjólaði mér
frá Víkurskarði að Laugum.“
Snorri segist vonast til þess að
ferðin verði Parkinson-sjúklingum og
aðstandendum þeirra hvatning.
„Ekki síður fyrir aðstandendur, þeir
sjái að þeir þurfi ekki að vefja ein-
staklinginn í bómull. Þetta er spurn-
ing um að vera aðstandandi, ekki
þjónustuaðili.“
Snorri, sem er Ísfirðingur, sleppti
Vestfjörðunum í hringferðinni. „ Það
er talað um að ég skuldi Vestfirðina.
Ég fer nú hægt í að lofa því að ég hjóli
þá.“
Hjólaði hringinn með Parkinson
Þrautseigja Að sögn Snorra gerði mótvindur honum erfitt fyrir á leiðinni.
Það var ekki fyrr en á Egilsstöðum að hann fór að fá vindinn í bakið.
 Parkinson-sjúklingur vildi hvetja
til hreyfingar  Hjólar aftur í dag
 Mest 130 km á einum degi
Mikil reiðhjólavakning er nú í
landinu og margir hafa ákveð-
ið að hjóla hringinn í sumar
til að styrkja eða vekja at-
hygli á hinum ýmsu mál-
efnum. 14 lið hjóluðu hringinn
í kringum landið í Wow cyclot-
hon í síðustu viku og söfnuðu
rúmum þremur milljónum til
styrktar verkefni á vegum
Barnaheilla.
Sex manna hópur slökkvi-
liðsmanna hjólaði hringinn til
að minna landsmenn á mik-
ilvægi reiðhjólahjálma.
Í ágúst ætlar Róbert Þór-
hallsson að leggja sitt af
mörkum, hjóla um landið og
safna áheitum fyrir Styrkt-
arfélag krabbameinssjúkra
barna.
Vekja til
umhugsunar
FLEIRI HJÓLA HRINGINN
Fjórir hópar hálendisvaktar Slysa-
varnafélagsins Landsbjargar (SL)
höfðu í nógu að snúast um helgina.
Sveit Siglfirðinga var á Kili og
leitaði m.a. að erlendum ferða-
manni sem týndist við Hveravelli
en fannst fljótt. Einnig aðstoðaði
hún skálaverði á Hveravöllum við
merkingar á náttúrulauginni þar
sem erlendur ferðamaður brenndi
sig illa.
Tveir hópar úr Kópavogi voru að
Fjallabaki og leiðbeindum mörgum
erlendum ferðamönnum sem töldu
að búið væri að opna allt hálendið.
Einnig aðstoðuðu þeir fólk sem
hafði fest bíla á Mælifellssandi.
Hópur frá Vopnafirði var við
Dreka og leiðbeindi ferðamönnum
um opnar leiðir og lokaðar.
Sjálfboðaliðar SL hófu hálend-
isvakt sína á föstudaginn var.
Þetta er sjöunda sumarið sem
sveitir SL veita aðstoð á hálend-
inu. Vaktinni lýkur í lok ágúst.
gudni@mbl.is
Morgunblaðið/Sigurgeir S.
Hálendisvaktin Sjálfboðaliðar Slysavarnafélagsins Landsbjargar verða á
hálendinu í sumar til aðstoðar innlendum sem erlendum ferðamönnum.
Hálendisvakt SL
hafði í nógu að snúast