Morgunblaðið - 23.07.2012, Blaðsíða 15

FRÉTTIR 15Erlent
MORGUNBLAÐIÐ MÁNUDAGUR 23. JÚLÍ 2012
Jarðvegsþjöppur - Vatnsdælur - Malbikunarvélar
Vinnustaðamerkingar - Vélsópar - Hellulagningatæki
A. Wendel ehf - Tangarhöfða 1 - 110 Reykjavík - Sími 551 5464 - wendel.is
Tæki til verklegra
framkvæmda
Stofnað 1957
Hólmfríður Gísladóttir
holmfridur@mbl.is
Norðmenn minntust þess í gær að ár
væri liðið frá því að Anders Behring
Breivik myrti 77 manns í Ósló og í
Útey. Minningarguðsþjónustur voru
haldnar í kirkjum landsins og kon-
ungsfjölskyldan, stjórnmálaleiðtogar,
eftirlifendur og aðstandendur þeirra
sem létust komu saman á minning-
arathöfnum, sem haldnar voru þar
sem voðaverkin áttu sér stað.
„Heiðrum hina látnu með því að
gleðjast yfir lífinu,“ sagði Jens
Stoltenberg, forsætisráðherra Nor-
egs, í ræðum sínum í gær, er hann
ávarpaði fjöldann sem safnaðist sam-
an í miðborg Óslóar fyrripart dags og
meðlimi ungliðahreyfingar Verka-
mannaflokksins á Útey seinna um
daginn.
„Sökudólgurinn tók mörg líf og olli
mikilli þjáningu. Sprengjunum og
byssukúlunum var ætlað að breyta
Noregi. Norska þjóðin svaraði með
því að standa fast við gildi sín. Söku-
dólgnum mistókst fyrirætlun sín.
Fólkið hafði sigur,“ sagði Stoltenberg
við minningarathöfn í stjórnarráðs-
hverfinu í Ósló, þar sem sprengja
grandaði átta og endurbygging
stendur enn yfir.
„Við verðum til staðar fyrir þau
ykkar sem bera bæði sýnileg og
ósýnileg sár,“ sagði Stoltenberg við
unga jafnaðarmenn á Útey. „Við
verðum til staðar fyrir ykkur þegar
kuldinn og myrkrið sækja að. Saman
munum við leitast við að endurheimta
tilfinningar gleði og vonar,“ sagði
hann.
Skildi ekki sorgina fyrr en nú
Forsætisráðherrann sagði einnig
að unga fólkið hefði neitað að sam-
þykkja að nokkur þyrfti að láta lífið
fyrir skoðanir sínar og að fjöldi ung-
menna hefði gengið í raðir ungliða-
hreyfingar Verkamannaflokksins eft-
ir fjöldamorðin.
„Jafnvel þótt við berum þunga
byrði, stöndum við enn,“ sagði Eskil
Pedersen, leiðtogi ungliðahreyfing-
arinnar, í Útey, sem sjálfur slapp
naumlega frá byssuskoti við upphaf
árásar Breiviks á eyjunni. „Hann tók
sumar af okkar yndislegustu rósum
en gat ekki hindrað komu vorsins,“
sagði hann.
Við minningarathöfnina á Útey
voru erindi flutt, söngvar sungnir, og
bæði hlegið og grátið. „Þessi afmæl-
isdagur er mikilvægur endir tímabils
þar sem fjölskyldur hafa haldið fyrstu
jól, fyrsta afmæli og fyrsta þjóðhátíð-
ardag án ástvinar,“ sagði Kitty Eide,
talskona stuðningshóps fórnarlamba
árásarinnar og móðir ungmennis sem
lifði hana af.
„Ég var prestur í mörg ár og hjálp-
aði mörgu syrgjandi fólki,“ sagði
Roald Linaker, faðir drengs sem lést
á Útey, í samtali við norska ríkissjón-
varpið. „En ég skildi aldrei til fulln-
ustu hversu sárt það væri,“ sagði
hann.
„Við fórnarlömbin lifum með því
sem gerðist 22. júlí hvern einasta
dag,“ sagði Viljar Hanssen, sem
missti auga í árásinni. „Fjölskyldur
fórnarlambanna lifa með 22. júlí
hvern einasta dag. Fjarvera þeirra
sem voru teknir frá okkur verður jafn
tilfinnanleg á morgun. Hvort dagatal-
ið segir 20. apríl eða 23. júlí breytir
engu fyrir mig,“ sagði hann í samtali
við ríkissjónvarpið.
Tíu vikna réttarhöldum yfir Brei-
vik lauk í síðasta mánuði og er dóms-
niðurstöðu að vænta 24. ágúst. Hann
verður annaðhvort dæmdur til fang-
elsisvistar eða dvalar á lokaðri deild
fyrir geðsjúka.
Norsk þjóð og gildi höfðu sigur
 Norðmenn minnast fórnarlamba voðaverkanna 22. júlí 2011  „Hann tók sumar af okkar yndis-
legustu rósum en gat ekki hindrað komu vorsins“  Tímabili fyrstu jóla og afmæla án ástvina lokið
AFP
Líf Jens Stoltenberg, Eskil Pedersen og Gro Harlem Brundtland, fyrrum forsætisráðherra, taka undir í söng við minningarathöfnina í Útey.
Blómahaf Lítill drengur leggur niður rós fyrir utan dómkirkjuna í Osló.
Átta eru enn í lífshættu eftir byssu-
árás í kvikmyndahúsi í bænum Au-
rora í Colorado á föstudag, þar sem
hinn 24 ára gamli James E. Holmes
myrti tólf en alls slösuðust fimmtíu
og átta í árásinni.
Lögregla fór inn í íbúð Holmes á
laugardag, eftir að henni tókst að af-
tengja sprengjur sem Holmes hafði
komið fyrir á víð og dreif um íbúðina,
og fann þar í gær tölvu, sem hún von-
ast til að geymi upplýsingar um
hvernig Holmes skipulagði og fram-
kvæmdi árásina.
Ljóst þykir að undirbúningur fyrir
hana hafi staðið í nokkurn tíma en at-
vikið hefur endurvakið umræður um
herta byssulöggjöf í Bandaríkjunum, í ljósi þess að skotvopnin fjögur, sem
Holmes notaði í árásinni, og þúsundir skota, voru keypt á löglegan máta.
Holmes er haldið í einangrun en ástæður árásarinnar liggja enn ekki fyrir.
BANDARÍKIN
Vekur spurningar um byssulöggjöfina
Minning Tólf hvítum krossum var kom-
ið fyrir hjá kvikmyndahúsinu í gær.
AFP
Sautján létu lífið
í sprengjuárás-
um í Írak í gær
en þetta er mesta
mannfall í land-
inu á einum degi
í þrjár vikur. Að
minnsta kosti tíu
létu lífið og 36
voru særðir þeg-
ar tvær bíla-
sprengjur sprungu með nokkura
mínútna millibili í bænum Mahmu-
diyah en hann er um 30 kílómetra
suður af Bagdad. Í nærliggjandi
bæ, Madain, létust sex og 13 slös-
uðust, þegar nokkrar vega-
sprengjur sprungu. Þá lést lög-
reglumaður í sprengingu í Mosul og
níu slösuðust þegar sprengja
sprakk í borginni Ramadi.
Leiðtogar Al-Kaída í Írak hafa
lýst því yfir í hljóðupptökum á net-
inu að þeir beini nú spjótum sínum
að dómurum og saksóknurum. Þá
hafa þeir biðlað til ættbálka súnní-
múslima um aðstoð við að end-
urheimta landsvæði.
ÍRAK
Sautján látnir eftir sprengjuárásir í gær
Íraskir hermenn