Morgunblaðið - 09.08.2012, Blaðsíða 20

20 finnur.is 9. ágúst 2012
E
kkert lát er á útkomu nýrra
bíla frá S-kóreska bíla-
framleiðandanum Kia. Sá
nýjasti í flóru þeirra er Kia
Optima sem fellur í D-flokk bíla
hvað stærð varðar. Optima er
nokkuð stór fjölskyldubíll með
mikið fótarými fyrir aftursæt-
isfarþega og ógnarstórt skott. Op-
tima á sér reyndar forvera sem
ekki hefur sést mikið af hér á landi,
en sá heitir Magentis og kom fyrst
á markað árið 2000. Sá bíll hét
Optima á öllum öðrum mörkuðum
en Í Evrópu og Kanada. Sú nýja
kynslóð bílsins sem kemur nú
fyrst hingað til lands með nafninu
Optima er gerbreyttur bíll og
hannaður eins og allir aðrir nýir
bílar Kia af Peter Schreyer, einum
kunnasta bílahönnuði heims sem
áður vann fyrir Volkswagen og
Audi. Eina ferðina enn hefur
Schreyer tekist feikivel til, Optima
er ákaflega myndarlegt stykki.
Ytra útlit hans er miklu nær því að
vera eins og á sportbíl en ekki 5
sæta fjölskyldubíl. Það er ekki
ósennilegt að hönnuður bílsins
hafi haft það að leiðarljósi að bíll-
inn sýndist lítill, en væri stór. Ekki
skemma fallegar álfelgurnar útlit-
ið, en þær eru með þeim fallegri
sem sést hafa og eru hluti af
staðalbúnaði. Að mati grein-
arskrifara er Kia Optima fallegasti
bíllinn í sínum stærðarflokki, D-
flokki og sumir þeirra eru miklu
dýrari bílar. Optima var reyndur
við bestu aðstæður á gullfallegri
frönsku rivíerunni, sem rímaði vel
við þennan bíl. Þar er algengara að
sjá Bentley, Porsche og Mercedes
bíla en það merkilega var að Op-
tima bíllinn gaf þeim ekkert eftir í
útliti og fékk líklega fleiri vegfar-
endur til að snúa höfði.
Góður akstursbíll
og drjúg dísilvél
Akstur Kia Optima hélst alveg í
hendur við útlitið og fór mikið
framúr þeim væntingum sem gera
má fyrir í ekki dýrari bíl. Fjöðrun
bílsins er frábær og óvenjulega
sportleg. Hún er frekar stíf og fyrir
vikið er hægt að leggja mikið á bíl-
inn áður en hann fer að hegða sér
undarlega á vegi eða missa veg-
grip. Reyndir voru Optima bílar
með 1,7 lítra og 136 hestafla dís-
ilvél með forþjöppu og 2,0 lítra og
165 hestafla bensínvél. Þrátt fyrir
lægri hestaflatölu dísilvélarinnar
virkaði hún alls ekki aflminni og
verður það líklega að skrifast á
330 Nm tog hennar á móti 198 Nm
togi bensínvélarinnar. Báðar hæfa
þessar vélar bílnum vel en því er
ekki að neita að þegin hefði verið
aflmeiri vél sem reynt hefði meira
á vel heppnaðan undirvagn bílsins
sem greinilega þolir miklu meira
afl. Optima er framleiddur með
alls 5 vélargerðum og eins og
vanalega er hann í boði í Banda-
ríkjunum með geysiöflugum vél-
um, 2,4 lítra 200 hestafla og 2,0
lítra vél með forþjöppu sem skilar
274 hestöflum. Öflugasta vélin
sem er í boði á Evrópumarkaði er
180 hestafla bensínvél.
Þarf að snúast hratt
Gera má ráð fyrir að vinsælasta
útfærsla bílsins hér verði með dís-
ilvélinni, en hún er mjög eyðslu-
grönn og dugar bílnum merkilega
vel. Ólíkt mörgum öðrum dísil-
vélum þarf að láta hana snúast
talsvert mikið til að hámarka afl
hennar. Margar dísilvélar skila há-
marksafli niður undir 1.800 snún-
inga á mínútu en þessi vél fer ekki
skila fullu afli fyrr en nokkuð yfir
2.000 snúninga. Verður þetta að
teljast til ókosts en má reyndar
bregðast við með því að stíga
frísklega á eldsneytisgjöfina og
halda honum ávallt í háum snún-
ingi. Mjög gaman er að aka Optima
bílnum þar sem tilfinning fyrir veg-
inum gegnum nákvæmt stýrið er
gott. Hann snarliggur á vegi og
hallast mjög lítið í beygjum og
undirstýring er nánast engin. Hvað
akstursánægju varðar fer hann
Finnur Orri Thorlacius reynsluekur Kia Optima
Eftirtektarverður nýliði
Morgunblaðið/RAX
Að mati greinarskrifara er Kia Optima fallegasti bíllinn í sínum stærðarflokki, D-flokki og sumir þeirra eru miklu dýrari bílar. Aksturseiginleikar eru eftir því og gaman að aka Optima.
Kia Optima Árgerð 2012
•Mengunargildi:
• 158 g CO2/km
• Farangursrými 505/1.080 l.
• 1,7 l. dísilvél
• 136 hö/325Nm
• 6 gíra sjálfskipting
• 16“ álfelgur
• Eigin þyngd: 1.506 kg
• Burðargeta: 544 kg
• 0-100: 11,6 sek.
• Hámark: 202 km/klst
• Framhjóladrif
• Verð: 5.190.000 kr.
• 6,0 l/100 km. í bl. akstri
• Umboð:Askja
SÉRFRÆÐINGAR Í RAFGEYMUM
Bíldshöfða 12 · 110 RVK · 577 1515 · www.skorri.is
Mesta úrval landsins af rafgeymum í allar gerðir farartækja
mælum • skiptum um • traust og fagleg þjónusta • 30 ára reynsla
MEÐ
ALLIR ÚT AÐ HJÓLA