Morgunblaðið - 05.01.2013, Blaðsíða 23

FRÉTTIR 23Innlent
MORGUNBLAÐIÐ LAUGARDAGUR 5. JANÚAR 2013
FRÉTTASKÝRING
Ágúst Ingi Jónsson
aij@mbl.is
Grænlendingar hafa einhliða ákveðið
að leyfa veiðar á 221 hval á þessu ári.
Það er þremur langreyðum og einum
hnúfubak umfram heimildir þeirra á
nýliðnu ári. Ákvörðunin er í samræmi
við tillögu um veiðar Grænlendinga
næstu sex árin sem lögð var fram og
felld á ársfundi Alþjóðahvalveiðiráðs-
ins í Panama í fyrrasumar með at-
kvæðum 34 landa gegn 25, en þrjú
lönd sátu hjá.
Héldu fast við aukningu
Grænlendingar héldu á fundinum
fast við aukningu um fjögur dýr á ári,
en ráðið hafnaði slíkri aukningu í at-
kvæðagreiðslunni. Þar með voru
Grænlendingar í raun án hvalveiði-
kvóta og samskipti grænlensku
heimastjórnarinnar og Alþjóðahval-
veiðiráðsins síðustu mánuði skiluðu
ekki árangri, en ráðið hefur frá 1985
ákveðið kvóta Grænlendinga.
Heimastjórn Grænlands ákvað því
einhliða hvalveiðikvóta í byrjun þessa
árs í trássi við Alþjóðahvalveiðiráðið.
Grænlendingar ætla sér að veiða 190
hrefnur, 19 langreyðar, 10 hnúfubaka
og tvo Grænlandshvali í ár. Langmest
af hvalnum veiðist við Vestur-Græn-
land, en aðeins er heimilt að veiða tólf
hrefnur við Austur-Grænland. Fram
kemur í grænlenskum fjölmiðlum að
veiðarnar muni ekki fara gegn sam-
þykktum Vísindanefndar IWC og
áhersla sé lögð á sjálfbærni.
Í Grænlandi hefur komið fram hörð
gagnrýni á vinnubrögð Alþjóðahval-
veiðiráðsins, sem m.a. eru sögð ómál-
efnaleg. Í sumar var haft eftir Önu
Hansen, sjávarútvegsráðherra í
heimastjórninni, að afgreiðslan á til-
lögu Grænlendinga í fyrrasumar væri
enn ein vísbendingin um að hvalveiði-
ráðið virkaði ekki eins og það ætti að
gera og færi ekki að skilmálum eigin
stofnskrár. Ítrekað hefur verið bent á
að hvalveiðar frumbyggja í Græn-
landi væru ein af undirstöðum byggð-
ar þar í aldir.
Andstæðingar hvalveiða Græn-
lendinga hafa haldið því fram að hval-
kjöt hafi sést í frystikistum verslana í
Grænlandi og á matseðlum veitinga-
húsa. Slíkt samræmdist tæpast frum-
byggjaveiðum.
Ríki ESB gegn Grænlendingum
Á ársfundinum í sumar óskaði Dan-
mörk eftir því að hvalveiðiráðið heim-
ilaði Grænlendingum að veiða hvali á
grundvelli frumbyggjaveiða og að
aukning um nokkur dýr yrði heim-
iluð. Öll hin Evrópusambandsríkin
lögðust gegn tillögu Dana. Fram kom
í máli talsmanns ESB í fyrrasumar að
reynt hefði verið að ná samkomulagi
um takmarkaðar veiðar. Eftir að til-
raunin mistókst hefðu ESB-ríkin
ákveðið að greiða atkvæði gegn tillög-
unni.
Á þessum fundi IWC var samþykkt
að heimila Rússlandi, Bandaríkjunum
og St. Vincent og Grenedines frum-
byggjaveiðar á hval á afskekktum
svæðum. Kvóti þeirra breyttist ekki á
milli ára.
Ákveða hvalakvóta í trássi við IWC
 Grænlendingar leyfa einhliða veiðar á 221 hval í ár  Tillaga um að auka kvótann um fjögur dýr var felld
á síðasta ársfundi Alþjóðahvalveiðiráðsins  Voru án kvóta eftir fundinn og gagnrýna ráðið harðlega
Sýning í sjónum Hnúfubakur byltir sér í Tálknafirði. Grænlendingar ætla sér að veiða tíu hnúfubaka í ár.
Árið 2006 hófu Íslendingar atvinnuveiðar á hvölum að
nýju með veiðum á hrefnu og langreyði. Í janúar 2009
var gefin út reglugerð um veiðar á þessum tegundum
hér við land til loka þessa árs. Leyfilegur heildarafli
skal nema þeim fjölda dýra sem kveðið er á um í veiði-
ráðgjöf Hafrannsóknastofnunarinnar.
Í ráðgjöf stofnunarinnar um hrefnu er lagt til að ár-
legar veiðar árin 2013 og 2014 verði að hámarki 229
dýr á íslenska landgrunnssvæðinu. Á nýliðnu ári voru
veiddar 89 hrefnur hér við land.
Í fyrra voru ekki stundaðar veiðar á langreyði við
landið, en Hafrannsóknastofnun leggur til að árlegar
veiðar á langreyði árin 2013 og 2014 verði að hámarki
154 dýr.
Fjöldi í samræmi við ráðgjöf
ENGIN LANGREYÐUR VEIDD VIÐ ÍSLAND Í FYRRA EN 89 HREFNUR
GJÖRIÐ SVO VEL
!
Hafðu það hollt í hádeginu
HAFÐU SAMBAN
D
OG FÁÐU TILBO
Ð!
HEITT & KALT | S: 533 3060 | heittogkalt@heittogkalt.is
HEITT OG KALT býður starfsfólki fyrirtækja hollan og næringaríkan mat
í hádegi.
Matseðill fyrir hverja viku er birtur á: www.heittogkalt.is
Sturla Birgisson er margverðlaunaður matreiðslumeistari og er í
dómnefnd fyrir Bocuse d’Or sem er ein virtasta matreiðslukeppni heims.