Morgunblaðið - 28.05.2013, Page 18

BAKSVIÐ
Hörður Ægisson
hordur@mbl.is
Það er lykilatriði að það verði staðið
að uppgjöri búa föllnu bankanna og í
kjölfarið afnámi fjármagnshafta með
þeim hætti að íslenska ríkið verði
ekki skuldsett upp í rjáfur í erlendri
mynt. „Mikilvægt er að fylgja því
grundvallaratriði að breyta ekki
einkaskuldum í ríkisskuldir,“ sagði
Már Guðmundsson seðlabankastjóri
í erindi sem hann flutti á morgun-
verðarfundi Eyjunnar í gær um hinn
títtnefnda snjóhengjuvanda sem
fylgir 800-1.000 milljarða krónueign
erlendra aðila hér á landi.
Fram kom í máli seðlabankastjóra
að það þyrfti að halda áfram að reyna
að opna á aðgang að erlendum lána-
mörkuðum fyrir einkaaðila, lengja í
eða endurfjármagna 300 milljarða
erlend skuldabréf Landsbankans og
ljúka uppgjöri búa gömlu bankanna
þannig að fjármálastöðugleika yrði
ekki ógnað.
Róbert Wessman, forstjóri lyfja-
fyrirtækisins Alvogen og forsvars-
maður snjóhengjuhópsins svo-
nefnda, lagði áherslu á það í erindi
sínu að hvernig til tækist að leysa
þessi mál myndi ráða úrslitum um
lífskjör Íslendinga næstu áratugi.
Því væri mikilvægt að stjórnvöld
gripu til þeirra aðgerða sem þeim
væri fært til að styrkja stöðu sína
frekar gagnvart búum bankanna.
Á meðal þeirra úrræða sem Ró-
bert lagði til er að stjórnvöld setji inn
ákvæði í löggjöfina um að takist ekki
að klára nauðasamninga fyrir ára-
mót þá verði búin sett í greiðsluþrot.
Samtímis ættu yfirvöld að skerpa á
gjaldþrotalöggjöfinni þannig að ein-
ungis verði heimilt að greiða úr
þrotabúum til kröfuhafa í krónum og
auk þess ætti tafarlaust að afnema
undanþágu sem heimilar vaxta-
greiðslur til aflandskrónueigenda í
gjaldeyri. Rétt eins og greint var frá
í Morgunblaðinu sl. laugardag þá
hefur lögfræðistofan Íslög unnið álit
sem sýnir að stjórnvöldum er fært að
grípa til slíkra aðgerða.
Róbert varaði hins vegar við því að
stjórnvöld gerðust viðsemjendur við
erlenda kröfuhafa. Fremur eigi að
skapa lagaumhverfi og afnema und-
anþágur sem verði til þess að erlend-
ir kröfuhafar sjái hag sínum borgið
að hafa frumkvæði að því að koma
sjálfir með tillögur að ásættanlegri
lausn fyrir íslenska hagsmuni.
Skattlagning og jafnræði
Sigmundur Davíð Gunnlaugsson,
forsætisráðherra, tók undir með Ró-
berti og sagði að það væri ekki verk-
efni stjórnvalda að koma að slíkum
viðræðum heldur fremur að gera
þær ráðstafanir sem þyrfti svo
kröfuhafar sjái sér hag í að ganga til
viðræðna um lausn á krónueign
þeirra. Fram kom í máli Sigmundar
að það væri einnig mikilvægt að setja
fram nýja áætlun um afnám hafta
enda tæki núverandi áætlun – sem
var sett fram í mars 2011 – aðeins til
svokallaðra kvikra krónueigna er-
lendra aðila í ríkistryggðum skulda-
bréfum og á innlánsreikningum.
Forsætisráðherra taldi þær hug-
myndir sem Róbert setti fram um
tímafrest nauðasamninga og út-
greiðslur í krónum „áhugaverðar“.
Hann sagði ljóst að ekki væri hægt
að una við óbreytt ástand og ef
kröfuhafar myndu ekki hafa frum-
kvæði að því að kynna hugmyndir að
lausn vandans þá muni íslensk yfir-
völd ganga eins langt og nauðsynlegt
þykir til að verja efnahagslegt sjálf-
stæði þjóðarinnar.
Sigmundur nefndi sérstaklega í
erindi sínu að mögulega væri hægt
að skattleggja bú gömlu bankanna.
Nú um stundir væri staðan sú að
starfandi fjármálafyrirtæki greiði
háa skatta og gjöld til ríkissjóðs en
hins vegar eigi slíkt ekki við um fjár-
málafyrirtæki í slitameðferð, líkt og
bú gömlu bankanna, og það vekti
spurningar um jafnræði.
Katrín Júlíusdóttir, fyrrverandi
fjármálaráðhera, sagði að það væri
mikilvægt að viðhalda þeirri póli-
tísku samstöðu sem náðst hefði um
þessi mál. Hún benti á að það þyrfti í
öllu þessu ferli að tryggja að það
myndist ekki skaðabótaskylda á ís-
lenska ríkið. Katrín lýsti ennfremur
áhyggjum yfir því að ríkisstjórnin
ætli að slíta aðildarviðræðum við
ESB á sama tíma og verið sé að
vinna að uppgjöri föllnu bankanna og
afnámi fjármagnshafta. Að hennar
mati gæti slíkt orðið til þess að setja
stjórnvöld í erfiðari stöðu vegna
þeirra skuldbindinga sem Ísland hef-
ur gengist undir með EES-samn-
ingnum um að fjármagnshöft megi
aðeins vera tímabundin.
Ríkið verði ekki skuldsett
upp í rjáfur í erlendri mynt
 Forsætisráðherra segir hugmyndir um tímafrest nauðasamninga „áhugaverðar“
Framsögumenn Már Guðmundsson, Róbert Wessman, Katrín Júlíusdóttir,
Sigmundur Davíð Gunnlaugsson og Björn Ingi Hrafnsson, fundarstjóri.
Fundað um lausnir
á snjóhengjuvanda
» Seðlabankastjóri segir lykil-
atriði við uppgjör búa föllnu
bankanna að íslenska ríkið
verði ekki skuldsett upp í rjáfur
í erlendri mynt.
» Að mati Róberts Wessman
er mikilvægt að íslenska ríkið
beiti löggjafarvaldinu til að
styrkja stöðu sína enn frekar
gegn búum bankanna.
» Forsætisráðherra telur hug-
myndir um tímafrest nauða-
samninga og útgreiðslur úr
þrotabúum í krónum „áhuga-
verðar“.
18 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 28. MAÍ 2013
STUTTAR FRÉTTIR
● Japanska Nikkei-hlutabréfavísitalan
féll um 3% í gær. Smávægileg hækkun
varð á vísitölunni á föstudag, eftir að
hún hafði fallið um 7,3% á fimmtudag,
sem er mesta fall á einum degir í rúm
fjögur ár.
Lækkunin í gær er skýrð með styrk-
ingu jensins gagnvart Bandaríkjadal.
Frá áramótum hefur jenið fallið um
16% gagnvart Bandaríkjadal og Nikkei-
vísitalan hækkað um 36%.
Japansbanki hefur gefið fyrirheit um
að allt að 1.400 milljörðum jena verði
dælt inn í japanska hagkerfið til að
blása lífi í það á ný og til að veikja jap-
anska jenið.
Enn fellur Nikkei
● Danska ríkisstjórnin hefur dregið
verulega úr hagvaxtarspá sinni fyrir ár-
ið, vegna til samdráttar efnahagslífsins
um heim allan.
Samkvæmt danskri þjóðhagsspá
sem birt var í gær er spáð 0,5% hag-
vexti í ár en í desember var spáð 1,2%
hagvexti. Samdráttur hefur verið við-
varandi í Danmörku undanfarin ár og
hefur fasteignaverð lækkað um 20%
frá því efnahagskreppan hófst árið
2008. Þá eru danskir bændur afar
skuldsettir vegna óhagstæðra lána sem
þeir tóku á sínum tíma.
Hagvaxtarspá í Dan-
mörku lækkuð til muna
Jean-Marie Sander, stjórnarformað-
ur franska bankans Crédit Agricole,
sagði í gær að horfur væru á því að
bankinn yrði rekinn með hagnaði á
nýjan leik á þessu ári. Þetta kom
fram í máli stjórnarformannsins á
aðalfundi Crédit Agricole, sem hald-
inn var í gær.
Bankinn mun ekki greiða út arð til
hluthafa í ár en Sander segir að hlut-
hafar muni vonandi sjá breytingu á
því á næstunni. Fyrr í mánuðinum
greindu stjórnendur bankans frá því
að hagnaður hans hefði aukist um-
talsvert á fyrstu þremur mánuðum
ársins samanborið við síðasta ár.
Í febrúar á þessu ári var gerð op-
inber afkoma Crédit Agricole á árinu
2012 og reyndist hún vera skelfileg –
bankinn tapaði á liðnu ári 6,47 millj-
örðum evra, sem nemur yfir 1.000
milljörðum íslenskra króna og
reyndist það vera mettap bankans
frá upphafi. Við það tækifæri var
einnig greint frá þriggja ára hagræð-
ingaráætlun upp á 650 milljónir evra.
AFP
Umskipti Jean-Marie Sander, stjórnarformaður Crédit Agricole, og Jean-
Paul Chifflet bankastjóri telja að horfur bankans hafi vænkast á ný.
Crédit Agricole
bætir stöðu sína
 Tapaði yfir 1.000 milljörðum í fyrra
 


   
  
   
  

 




 
  
  

 
 
!"# $% " &'( )* '$*
+,-./-
+01.2
++2./2
,+.33,
,+.+0+
+0./2,
+,0.3+
+.,,-,
+03.1+
+/2.0-
+,-.0,
+04.-/
++2.23
,+./5/
,+.,3-
+0.131
+,0.44
+.,,10
+0/.+1
+15.,0
,+0.50-1
+,3.++
+04.0
+,5.,2
,+./10
,+.-5/
+0.4
+,2.+-
+.,-53
+0/.4+
+15.4-
Skannaðu kóð-
ann til að sjá
gengið eins og
það er núna á
Heimsins öflugasta Hersluvél
1057Nm 20Volt
Iðnaðarvélar
fyrir fagmenn
Síðumúla 11, 108 Reykjavík,
sími 568 6899, vfs@vfs.is
www.vfs.is
W7150 ½ Rafhlöður
2* 3,0 Ah Li-Ion
Létt og þægileg
aðeins 3,1 kg