Morgunblaðið - 01.08.2013, Page 14

14 FRÉTTIRInnlent
MORGUNBLAÐIÐ FIMMTUDAGUR 1. ÁGÚST 2013
María Margrét Jóhannsdóttir
mariamargret@mbl.is
Tilkynnt var um 300 þjófnaði í júní
eftir því sem fram kemur í skýrslu
lögreglustjórans í Reykjavík um af-
brotatölfræði í júní. Þetta er fjórð-
ungs fækkun frá því í maí en á sama
tíma á síðasta ári voru brotin um 400
talsins.
Athygli vekur að fjöldi tilkynninga
um þjófnaði á farsímum var tvöfalt
meiri í maí en í júní auk þess sem
reiðhjólaþjófnuðum fækkaði í sama
hlutfalli. Reiðhjólaþjófnaðir hafa
ekki verið færri í sumarmánuði síðan
í júlí 2007 og voru þeir næstum þre-
falt fleiri á sama tíma í fyrra.
Færri innbrot en fleiri hnupl
Í áðurnefndri skýrslu kemur fram
að innbrotum fækkaði sem og þjófn-
aði á eldsneyti, skráningarmerkjum
og bensíni, en aftur á móti fjölgaði
tilkynningum um hnupl. Tilkynnt
var um 73 innbrot í júní sem er lítils-
háttar fækkun frá því í maí en þess
má geta að innbrot voru mun fleiri á
sama tíma á síðasta ári. Þá fækkaði
innbrotum á heimili, í ökutæki og
fyrirtæki á sama tíma og þeim fjölg-
aði í verslanir. Fjöldi tilkynninga um
eignaspjöll stóð nánast í stað á milli
mánaða og voru 102 talsins í júní og
er það nokkur fjölgun miðað við á
sama tíma á síðasta ári. Tilkynning-
um um rúðubrot fjölgaði en tilkynn-
ingum um veggjakrot fækkaði á milli
mánaða. Þá voru 49 ofbeldisbrot
skráð á höfuðborgarsvæðinu í júní,
það er lítilsháttar fækkun frá því í
maí.
Sé miðað við markmið embættis-
ins og tölur ársins 2013 bornar sam-
an við sama tímabil 2010-2012 sést að
þjófnuðum fækkaði um 20%, inn-
brotum um 42,5%, eignaspjöllum um
27% og ofbeldisbrotum fækkaði um
4%. Þá hefur umferðarslysum fjölg-
að um tæplega 1% á tímabilinu.
Minna um þjófnað í
júní síðastliðnum
 Stuldur reiðhjóla ekki minni frá 2007
Morgunblaðið/Júlíus
Þýfi Minna var um þjófnað í júní-
mánuði sem og innbrot í heimili.
María Margrét Jóhannsdóttir
Heimir Snær Guðmundsson
Sigurður V. Sigurðsson, skipstjóri,
segir tjónið á fiskiskipinu Magnúsi
SH, sem kviknaði í á þriðjudag í
skipasmíðastöð á Akranesi, gríð-
arlegt. „Ég gerði mér ekki grein fyrir
umfangi tjónsins fyrr en ég skoðaði
skipið. Það er allt ónýtt niðri í skip-
inu, alveg út í millidekk auk þess sem
brúin er ónýt. Þá brann allt niðri í
íbúðum, eldhúsi og borðsal svo ekki
sé minnst á allt vatnstjónið. Ekki er
vitað um ástand vélarrúmsins en allt
rafmagn í skipinu er ónýtt. Tjónið
hleypur á hundruðum milljóna
króna,“ segir Sigurður. „Við erum
tryggðir og tryggingafélagið er nú að
meta tjónið.“
Umtalsverðar endurbætur höfðu
verið gerðar á skipinu síðustu misseri
og átti það að fara til veiða nú í byrjun
september og setur eldsvoðinn því
strik í reikninginn hvað útgerðina
Skarðsvík varðar. Aðspurður hvað
taki við hjá þeim segir Sigurður það
vera óljóst.
„Við erum enn í áfalli og erum að
átta okkur á stöðunni. Framhaldið
ræðst svo af því hvað trygginga-
félagið vill gera og hvort það ákveður
að laga skipið eða ekki. Ef ekki þá
þarf að leita að öðru skipi því við er-
um ekki að fara að hætta. Við fáum
væntanlega að vita um niðurstöður
matsins í lok þessarar viku eða í
þeirri næstu. Vonandi liggur það fyr-
ir sem fyrst en það eru átta fjöl-
skyldur sem hafa af þessu atvinnu
allt árið og það er ekki á þær leggj-
andi að bíða lengi,“ segir Sigurður.
Húsnæðið slapp vel
Húsnæði skipasmíðastöðvar Þor-
geirs & Ellerts á Akranesi slapp
ótrúlega vel. Framkæmdastjórinn,
Þorgeir Jósefsson, segir að ein-
hverjar skemmdir séu á húsnæðinu
en einungis af völdum reyks, sóts og
vatns og þá eigi skemmdir á vélum og
tækjum hugsanlega eftir að koma í
ljós. Þorgeir segir það kraftaverki
líkast að engar brunaskemmdir hafi
orðið á húsinu og vill meina að
slökkvilið hafi unnið mikið afrek með
því að ná að verja húsið fyrir eldinum.
Lítil truflun varð á starfsemi fyrir-
tækisins vegna eldsvoðans og starfs-
menn þess voru mættir til vinnu í
gærmorgun.
Draga þurfti skipið út úr skipa-
smíðastöðinni til að slökkvilið gæti at-
hafnað sig betur og þá þurfti að gera
göt á skipsskrokkinn til að dæla inn
froðu. Ekki tókst að slökkva eldinn
fyrr en kl. eitt eftir miðnætti aðfara-
nótt miðvikudags en þá hafði logað í
skipinu frá því í hádegi á þriðjudag.
Rannsóknarlögregla rannsakaði
skipið í gær en talið er að kviknað
hafi í út frá rafmagnsbúnaði og úti-
lokað er talið að kviknað hafi í út frá
annars konar búnaði eins og logsuðu-
tæki eða rafhlöðu. Enginn grunur er
um íkveikju. Búið er að staðsetja
eldsupptök en þau voru í borðsalnum,
stjórnborðsmegin í skipinu.
Miklar skemmdir á Magnúsi SH
 „Erum enn í áfalli“  Framhaldið óljóst  Hefur áhrif á átta fjölskyldur
Morgunblaðið/Rósa Braga
Eldsvoði Eldur kviknaði í Magnúsi SH-205 inni í húsnæði skipasmíðastöðv-
arinnar Þorgeirs & Ellerts. Talið er að kviknað hafi í út frá rafmagni.
Skrifstofu sendi-
fulltrúa Alþjóða-
gjaldeyrissjóðs-
ins (AGS) á
Íslandi verður
lokað nú um
mánaðamótin.
AGS opnaði
skrifstofu hér á
landi í mars 2009
samkvæmt sam-
komulagi ís-
lensku ríkisstjórnarinnar og sjóðs-
ins. Í tilkynningu segir Franek
Rozwadowski, sendifulltrúi AGS á
Íslandi, að skrifstofan hafi verið
opnuð í kjölfar samkomulags að-
ilanna frá 2008 sem Ísland hafi nú
framfylgt. Nú sé íslenskt efnahagslíf
óðum að jafna sig. „AGS hlakkar til
að viðhalda nánu samstarfi við Ís-
land í gegnum höfuðstöðvar sínar,“
segir í tilkynningunni frá Franek
Rozwadowski.
AGS lokar
skrifstofu
Franek
Rozwadowski
 Segir efnahags-
lífið í bata og vill
viðhalda samstarfi
Gufunesi · 112 Reykjavík · Sími 559 2200 · efnamottakan.is
Ertu að taka til í …
… garðinum
… geymslunni
Komdu spilliefnunum og raftækjunum
á söfnunarstöðina næst þér …
… við sjáum um framhaldið!
NÝTT hjá Jónínu Ben
www.nordichealth.is
Margir eiga ekki heimangengt eða geta af öðrum
ástæðum ekki ferðast erlendis. Ég hef hannað 4 vikna
námskeið á netinu þar sem ég hef dagleg afskipti af
meðferðinni og vinn í samráði við lækni um lyf og líðan.
Þú getur byrjað hvenær sem er með því að skrá þig
hjá mér á joninaben@nordichealth.is eða í síma
822 4844 og greiða námskeiðsgjaldið sem er
35.000 kr. fyrir 4 vikur.
Innifalið:
Ítarlegt námsefni sem varðar hreyfingu,•
mataræði, hugarfar, lífsstílssjúkdóma og lyf.
2 einkafundir•
3 fyrirlestrar•
Eftirfylgni•
Matardagbók•
Uppskriftir•
Verkefnið Í form á 40 dögum.•
Hreinsaðu líkamann með 4 vikna netnámskeiði
Frábært prógam fyrir alla sem vilja heilbrigða
sál í hraustum líkama.