Morgunblaðið - 06.09.2013, Qupperneq 22

VESTFIRÐIR
DAGA
HRINGFERÐ
ÍSAFJÖRÐUR
Grunnkort/Loftmyndir ehf.
MORGUNBLAÐIÐ FÖSTUDAGUR 6. SEPTEMBER 2013
Anna Lilja Þórisdóttir
annalilja@mbl.is
Á pakkalofti gamla Íshúsfélags-
hússins á Ísafirði hefur Kerecis að-
setur og framleiðir þar meðferð-
arvörur við vefjaskaða úr fiskiroði
og krem við húðsjúkdómum úr
Omega3 olíu.
Fram að þessu hefur Kerecis
verið nýsköpunar- og rannsókn-
arfyrirtæki, en er nú að taka sín
fyrstu skref sem sölu-, markaðs- og
framleiðslufyrirtæki og hyggur á
umsvif víða.
Í meðförum Kerecis verður
þorskroð að öflugu meðferðarefni
sem sett er á þrálát sár, sem
myndast t.d. við áunna sykursýki,
og stuðlar að því að þau grói.
Guðmundur F. Sigurjónsson er
framkvæmdastjóri og stjórn-
arformaður Kerecis.
„15% allra þeirra sem eru með
sykursýki fá þrálát sár og alvarleg-
asta afleiðing slíkra sára er aflim-
un. Í Bandaríkjunum hafa 1,2 millj-
ónir manna verið aflimaðar á
undanförnum árum vegna þrálátra
sára. Ástandið er enn alvarlegra í
sumum heimsálfum, t.d. er tíðni
sykursýki í arabalöndunum 20%. Í
gamla daga voru aðallega notaðar
grisjur til að meðhöndla þrálát sár
en það nýjasta í meðhöndluninni
eru líffræðileg efni sem búin eru til
úr húð látins fólks en einnig úr
svínaþörmum og öðrum vefjum
spendýra. Við höfum hins vegar
þróað aðferð til að nota roð í þess-
um tilgangi,“ segir Guðmundur.
Hann segir Kerecis eina fyr-
irtækið sem notar fiskroð í þessum
tilgangi.
Frumurnar eru fjarlægðar
Roðið er af eldisþorski í Ísa-
fjarðardjúpi og er fengið frá Hrað-
frystimiðstöðinni Gunnvöru og
Klofningi. Við meðhöndlun Kerecis
eru allar frumur fjarlægðar úr roð-
inu. „Þá stendur eftir roðbútur sem
samanstendur af próteingrind og
Omega3 olíum,“ segir Dóra Hlín
Gísladóttir, rekstrar- og þróun-
arstjóri Kerecis. „Roðbúturinn er
næstum því eins og svampur sem
frumurnar klifra inn í og leita
skjóls þegar þær græða sárið.“ All-
ir ofnæmisvaldar eru fjarlægðir og
roðið skorið í örþunna ferninga,
sem eru lagðir í vatn fyrir notkun.
Þeir eru ekki ósvipaðir þunnum
Morgunblaðið/Kristinn
Nýsköpun á Ísafirði Þau Guðmundur og Dóra í vinnslusal Kerecis. Verið er að stækka aðstöðu fyrirtækisins.
Mikil verðmæti
liggja í þorskroðinu
 Kerecis á Ísafirði framleiðir hátæknilækningavörur
Anna Lilja Þórisdóttir
annalilja@mbl.is
Skútuskíði. Það hljómar nokkuð
einkennilega, en þetta er engu að
síður lýsing á einni af fjölmörgum
ferðum á vegum ferðaskrifstof-
unnar Borea Adventures á Ísafirði.
Siglingar, skíðaferðir, göngur,
Grænlandsferðir og kajaksiglingar
eru í boði hjá Borea sem er til húsa
í Bræðraborg, gömlu húsi við Að-
alstræti á Ísafirði.
Upphafið má rekja til þess
þegar eigendur fyrirtækisins festu
kaup á skútunni Auroru sumarið
2006 með það í huga að nota hana
sem fljótandi fjallakofa. Síðan þá
hefur fyrirtækið vaxið og dafnað,
þar vinna um 18 starfsmenn á
sumrin og á vegum þess ferðast á
fjórða þúsund manns á ári hverju.
Þá rekur það einnig vinsælt kaffi-
hús í Bræðraborg þar sem bornar
eru fram veitingar úr staðbundnu
hráefni.
Í áðurnefndum skútuskíða-
ferðum er farið á fjallaskíðum á
milli fjarða, skútunni siglt á milli
og ferðalangarnir matast og gista
þar. „Flestir sem koma í þessar
ferðir eru útlendingar og þeir
koma víða að,“ segir Ásgerður
Þorleifsdóttir, framkvæmdastjóri
og einn eigenda Borea. „Þetta eru
vinsælustu ferðirnar okkar, við er-
um með vikulegar brottfarir frá
byrjun mars og fram í lok maí og
tíu manns komast í hverja.“
Notkun skútunnar einskorðast
þó ekki við skíðaferðir, því í sumar
var hún notuð sem fljótandi fjalla-
kofi í gönguferðum á Horn-
strandir, sem voru afar vinsælar að
sögn Ásgerðar.
Hún segir Vestfirðina sann-
kallað ævintýraland sem sífellt
fleiri uppgötvi. Möguleikarnir til
útvistar og íþrótta ótæmandi. „Að-
stæðurnar hérna eru algjörlega
súper, bæði fyrir gönguferðir,
skíði og skútu- og kajaksiglingar.
Fólk kemur hingað gagngert til að
fara á fjallaskíði, það hefur spurst
út að aðstæðurnar hérna séu engu
líkar.“
Ekki bara fyrir ofurhuga
Ásgerður segir vel hafa tekist
að skapa fyrirtækinu verkefni utan
háannatímans á sumrin. „Okkar
annatími er frá mars og fram í lok
september. Annars er alltaf nóg að
gera hjá okkur, veturna nýtum við
í markaðssetningu.“ Spurð að því
hvort ferðir Borea séu einungis
fyrir ofurhuga og spennufíkla sem
vita fátt skemmtilegra en að róa
kajak í eyðifirði eða þeysast niður
snæviþaktar brekkur þverhníptra
vestfirskra fjalla segir Ásgerður
svo ekki vera. „Við fáum fólk á öll-
um aldri, margar ferðanna henta
t.d. fjölskyldufólki mjög vel. Við
viljum halda vel utan um hópana
okkar og förum yfirleitt ekki með
fleiri en tíu í einu.“
Ævintýraland sem
sífellt fleiri uppgötva
 Nýstárlegar ferðir ísfirskrar ferða-
skrifstofu slá í gegn víða um heim
Morgunblaðið/Kristinn
Legið yfir kortum Ásgerður hugar
að næstu ferð á vegum Borea.
Morgunblaðið/Kristinn
Kaffihús Borea Þar er áhersla á
kræsingar úr staðbundnu hráefni.
Ingibjörg Sigurlaugsdóttir,
kaupmaður á Ísafirði, hugsar
hlýlega til bernskuáranna. Hún
ólst upp í þeim hluta bæjarins
sem er kallaður Eyrin. Þar er
fjöldi gamalla húsa, enda er Ísa-
fjörður meðal elstu kaupstaða
landsins.
„Tangagatan er gatan mín. Ég
fæddist þar í húsi sem gekk und-
ir nafninu Garðshorn og er
Tangagata 15A, en síðan fluttum
við í næsta hús, Tangagötu 17.
Þar ólst ég síðan upp. Mér þykir
vænt um þessi tvö hús, reyndar
þykir mér vænt um alla götuna.
Þarna eru bara gömul hús, mörg
falleg. Mínar bernskuminningar
eru þaðan. Við krakkarnir vor-
um oft að leika okkur á götunni,
það var ekki eins mikið eftirlit
með krökkum þá eins og er
núna.“ annalilja@mbl.is
Gatan mín Tangagata
Morgunblaðið/Kristinn
Kærar minningar Ingibjörgu þykir vænt um bernskuslóðirnar.
Bernskuslóðirnar
eru í uppáhaldi
Morgunblaðið/Kristinn
Tangagata Er á Eyrinni á Ísa-
firði, þar er fjöldi gamalla húsa.