Morgunblaðið - 23.12.2013, Blaðsíða 11

FróðleiksfúsYngstu nemendurnir í Lebone skólanum. Mörg barnanna eru í
kór hjá Braga. Skólinn er fyrir börn og unglinga frá fimm til sautján ára.
ekki. „Hún hefur þetta einhvern
veginn í sér en tungumálin gætu
varla verið ólíkari. Ég get ekki lært
staf í setswana en ég reyni og reyni.
Þetta er bara svo svakalega ólíkt,“
segir Bragi sem hefur kennt fleiri
krökkum í kórnum að syngja á ís-
lensku enda ærin ástæða til því kór-
inn hyggst leggja land undir fót og
koma hingað til lands.
Frá Suður-Afríku til Íslands
Á næsta ári fagnar Tónskóli
Sigursveins D. Kristinssonar fimm-
tíu ára afmæli og verður því fagnað
með ýmsum hætti. Kórnum hans
Braga hefur verið boðið að koma
fram á afmælistónleikum í Hörpu
þann 30. mars á næsta ári. Meðlimir
kórsins eru afskaplega spenntir og
þakklátir fyrir þetta merkilega boð.
Þau eru byrjuð að æfa sig fyrir tón-
leikaferð sína til Íslands og verða ís-
lensk lög, á íslensku, á efnisskránni.
Staðfest tónleikaboð hafa borist frá
ýmsum stöðum af landinu því kórinn
vill nýta tækifærið og koma fram
sem víðast og hugsanlega kenna Ís-
lendingum eitthvað í leiðinni.
Kór sem heyrast verður í
Síðasta árið hefur Bragi velt því
fyrir sér hvert kórinn gæti farið í
tónleikaferðalag. „Það var orðið aug-
ljóst að ég þyrfti að koma þeim eitt-
hvert því akkúrat þessi hópur er al-
veg svakalega góður. Með þau hef ég
farið út í það sem ég hef sérhæft mig
í og það er meira popp heldur en
annað. Það er tiltölulega sjaldgæft
að kórar geti sungið popp. Það er
kraftur í kórnum og þau eru vön því
að syngja alls konar popp og eru
fljót að læra,“ segir Bragi.
Kórinn æfir þrisvar í viku á
skólatíma og er hvcr æfing um þrjár
klukkustundir. Á hverjum þriðju-
degi á hann bókaðan tíma í hljóðveri.
Þar hefur mikið efni verið tekið upp
og er einstakt fyrir þau að fá að læra
hljóðvinnslu.
Þó að kórnum hafi verið boðið
að koma fram á tónleikum er ekki
þar með sagt að flugfarið sé greitt
fyrir hann. Þar koma áhugasamir
tónlistarunnendur inn því nú er haf-
in söfnun til að hægt sé að fá kórinn
hingað til lands. „Við þyrftum að
selja um þúsund miða á um 25 evrur
stykkið,“ segir Bragi sem lítur á
söfnunina þannig að fólk kaupi sér
tónleikamiða fyrirfram en ef ekki
tekst að ná tiltekinni upphæð verður
ekki gjaldfært fyrir miðakaupunum.
Söfnunin er til miðnættis á að-
fangadag og fer fram gegnum Kar-
olina Fund.
Slóðin er www.karolina-
fund.com/project/view/210
DAGLEGT LÍF 11
MORGUNBLAÐIÐ MÁNUDAGUR 23. DESEMBER 2013
Kristín Heiða Kristinsdóttir
khk@mbl.is
Pabbi er mikill sögumaður oghefur verið það frá því hannvar krakki. Þegar hann var
skátaforingi var hann vinsælastur
allra þegar átti að segja drauga-
sögur á kvöldvökum. Við fjöl-
skyldan höfum lengi hvatt hann til
skrifa af því hann hefur þessa
sagnagáfu, en hann hafði ekki tíma
fyrr en hann komst á eftirlaun,“
segir Svavar Halldórsson um karl
föður sinn, Halldór Svavarsson, en
hann sendi frá sér fyrir þessi jól
spennusögu fyrir unglinga sem
heitir Lífsháski. Svavar segir
pabba sinn hafa leitað fanga í eigin
bernsku við bókarskrifin, en hún
segir frá systkinum sem fara í sjó-
ferð sem verður háskalegt ævin-
týri. Þetta er saga af mannraunum,
þrautseigju, kjarki og baráttu upp
á líf og dauða. „Pabbi ólst upp í
Vestmannaeyjum og var ungur far-
inn að gella þorskhausa og ganga
með vagn um bæinn til að selja þá.
Hann fór snemma á sjó, enda var
faðir hans skipstjóri. Pabbi dregur
því upp mynd af lífi við íslenska
sjávarsíðu í þessari bók.“
Jólakjötið á leiðinni
Fyrr á þessu ári gaf fyrirtæki
Svavars, Íslenskur matur og mat-
armenning, út bókina hans, Ís-
lensku hamborgarabókina, en til-
gangurinn með henni er að halda á
lofti merkjum hins góða og holla
hamborgara úr íslensku hágæða-
hráefni. Svavar hafði verið í óða-
önn að árita bókina þegar blaða-
maður náði tali af honum. „Þetta
fyrirtæki mitt er líka að framleiða
sjónvarpsþætti og ég er í erlendu
samstarfi um matarskrif þar sem
ég kem að Íslandskafla í alþjóð-
legri bók um matarmenningu um
víða veröld. Ég er líka með ráð-
gjöf, flyt inn matartengdar vörur
og fleira,“ segir Svavar sem var
samt alveg sultuslakur þótt margt
væri að gera og stutt til jóla. Hann
var búinn að afgreiða allar jóla-
gjafir og á leið til hans var alvöru-
jólakjöt beint frá bónda austan af
landi.
Feðgarnir Svavar og Halldór gefa út bækur
Morgunblaðið/Sigurður Bogi
Skrifandi feðgar Svavar og Halldór með bækurnar sínar.
„Pabbi sagði draugasögur
á kvöldvökum skátanna“
Skannaðu kóðann
til að lesa
Sjá nánar um tónleikana
á www.rotary.is.
Miðasala: midi.is
Alina Dubik og Jónas Ingimundarson
flytja efnisskrá með söngvum eftir Tsjækovski,
Glinka, Chopin o.fl. og Sígaunalögin eftir
Dvorák.
Afhending tónlistarverðlauna Rótarý 2014.
Verðlaunahafinn, Lára Bryndís Eggertsdóttir
organisti, leikur d moll Tokkötu Bachs.
Sveinn Einarsson leikstjóri og rithöfundur
flytur þýðingar á öllum textum kvöldsins.
í Langholtskirkju
Föstudaginn 3. janúar kl. 20
Stórtónleikar
Rótarý2014
Upplifðu4G með
iPhone5c
Verð 5.490 kr. á mánuði*
Vodafone
Góð samskipti bæta lífið
* Samkvæmt 18 mánaða raðgreiðslusamningi.
Staðgreiðsluverð 89.990 kr.