Morgunblaðið - 23.12.2013, Blaðsíða 29

FRÉTTASKÝRING
Kristinn Ingi Jónsson
kij@mbl.is
Útlit er fyrir kröftugan bata á frönsk-
um vinnumarkaði en talið er að
stjórnendur franskra fyrirtækja
muni á næstu misserum ráða ungt
fólk til starfa í miklum mæli. Ástæð-
una er þó ekki að rekja til betri
rekstrar fyrirtækjanna eða bjartari
horfa í frönsku efnahagslífi, heldur
hefur ríkisstjórn Francois Hollandes,
forseti Frakklands, ákveðið að greiða
75% af launum ungs fólks í allt að
þrjú ár.
Í umfjöllun Wall Street Journal
segir að markmiðið sé að skapa 150
þúsund störf á næstu tveimur árum.
Er þetta einn af lykilþáttunum í að-
gerðum ríkisstjórnar Hollandes í
glímunni við atvinnuleysi ungs fólks,
en hún reiknar með að verkefnið
muni kosta um 3,5 milljarða evra,
jafnvirði um 560 milljarða króna.
Samkvæmt opinberum tölum hafa
aldrei fleiri frönsk ungmenni mælt
göturnar. Atvinnuleysi fólks undir 25
ára er 25%, sem er þó minna en hjá
ríkjunum í suðurhluta Evrópu, en
töluvert meira en í Þýskalandi, þar
sem atvinnuleysi mælist 7,8%. Jafn-
vel þegar vel viðraði í efnahagslífinu
var atvinnuleysið í tveggja stafa tölu.
Sérfræðingar hafa bent á að leið
Hollandes, að niðurgreiða störf ungs
fólks, sé ekki rétta leiðin til að draga
úr atvinnuleysi og bæta stöðu ung-
menna. „Aðgerðirnar senda þau
skilaboð að það sé hlutverk stjórn-
valda – ekki einkageirans – að skapa
störf,“ segir Nicolas Véron, hagfræð-
ingur hjá hugveitunni Bruegel. Hann
bendir jafnframt á að þetta sé ekki í
fyrsta sinn sem frönsk stjórnvöld
ákveða að borga laun ungs fólks. Það
hafi verið reynt áður, með slökum
árangri.
Skortur á sveigjanleika
Evrópski seðlabankinn hefur lengi
kallað eftir því að frönsk stjórnvöld
auki sveigjanleika á vinnumarkaði og
afnemi íþyngjandi reglur sem hygli
þeim sem eldri eru á kostnað unga
fólksins. Segir bankinn að samningar
þeirra sem eldri eru við vinnuveitend-
ur sína séu þess eðlis að nær ómögu-
legt sé að segja þeim upp.
Í nýlegri tilkynningu frá frönskum
stjórnvöldum kom fram að búið væri
að skapa um 85 þúsund störf fyrir
ungt fók frá vorinu sem leið. Það rím-
ar illa við nýjar atvinnuleysistölur
sem segja að atvinnuleysi ungs fólks
hafi aldrei verið jafnmikið. Sér í lagi
er ástandið slæmt í úthverfum
franskra stórborga. Þar mælist at-
vinnuleysi tvöfalt hærra en í sjálfum
borgunum og hafa stjórnvöld hing-
að til ekki fundið nein svör við því.
Þá sagði Bloomberg-fréttaveitan
frá því um miðjan desem-
bermánuð að atvinnu-
leysi í Frakkland, sé litið
til allra aldurshópa,
væri 10,9% og hefði
ekki mælst svo hátt í
heil sextán ár.
Niðurgreiða störf ungs fólks
 Frönsk stjórnvöld ætla að borga 75% af launum ungs fólks í allt að þrjú ár  Aldrei hafa fleiri frönsk
ungmenni mælt göturnar  Ætla að skapa 150 þúsund störf á tveimur árum  Kostar 560 milljarða
AFP
Mótmæla Mótmælendur fóru í kröfugöngu í höfuðborginni París um miðjan desember. Aldrei hafa fleiri mælt göt-
urnar í Frakklandi, samkvæmt nýjum atvinnuleysistölum. Ástandið er sérstaklega slæmt á meðal ungmenna.
FRÉTTIR 29Erlent
MORGUNBLAÐIÐ MÁNUDAGUR 23. DESEMBER 2013
Svarið við spurningu dagsins
Fylgifiskar - Suðurlandsbraut 10, 108 Rvk - Sími 533 1300 - fylgifiskar.is
tilbúin í pottinn heima
Humarsúpa í Fylgifiskum
Hvað þarftu mikið?
Humarsúpa sem forréttur: 200 ml. á mann
Humarsúpa sem aðalréttur: 500 ml. á mann
Aðferð þegar heim er komið:
Snöggsteikið humarinn í smjöri eða olíu. Hitið súpuna upp að suðu.
Setjið humarinn í skálarnar og hellið rjúkandi súpunni yfir.
Fylgifiskar - Suðurlandsbraut 10, 108 Rvk - Nýbýlavegi 4, 200 Kóp - Sími 533 1300 - fylgifiskar.is
Opið til kl. 20:00 Þorláksmessu
Lokað aðfangadag
Ekki eru allir á eitt sáttir með
efnahagsstefnu Francois Hol-
landes, forseta Frakklands. For-
stjórar 50 alþjóðlegra fyrirtækja,
sem starfa meðal annars í Frakk-
landi, gagnrýndu stefnu Hol-
landes harðlega í grein í við-
skiptablaðinu Les Echos á
dögunum. Segja þeir að viðhorf
stjórnvalda til einkafyrirtækja sé
ekki nógu jákvætt og að það
komi í veg fyrir að erlendir fjár-
festar vilji festa fé í landinu.
Gefa þeir jafnframt til kynna
að dregið verði úr starfsemi fyrir-
tækjanna í Frakklandi batni
ástandið ekki.
Í greininni kemur fram að sum
skref ríkisstjórnar Hol-
landes hafi verið í rétta
átt en að enn sé til
staðar flókið og um-
fangsmikið regluverk
sem hamli fjárfest-
ingum. Þá hvetja þeir til
þess að hverju nýju
lagafrumvarpi
fylgi mat á
áhrifum þess á
erlenda fjár-
festa.
Segja reglu-
verkið flókið
ÓSÁTTIR FORSTJÓRAR
Francois
Hollande