Morgunblaðið - 27.02.2014, Síða 8

MORGUNBLAÐIÐ FIMMTUDAGUR 27. FEBRÚAR 2014
8 VIÐSKIPTI
Segja má að með Fannari Má Sveinssyni
pípulagningamanni hafi starfsemi íslenskra
iðnaðarmanna tekið stórt skref inn í framtíð-
ina. Munurinn á Fannari Má og öðrum píp-
urum er að hann reiðir sig mjög á netið og
tekur við pöntunum í gegnum vefsíðuna
sína, www.lagnalaginn.is
„Mér fannst þetta vanta á íslenska mark-
aðinn. Mig langaði að búa til þennan mögu-
leika fyrir hinn almenna Íslending; að geta
orðið sér úti um góðan pípara án þess að
þurfa að þekkja vin sem á maka sem á
frænda sem þekkir pípulagningamann sem á
lausa stund. Vefsíðan var hugsuð sem leið
fyrir fólk að nálgast þessa þjónustu á sem
einfaldastan og þægilegastan hátt.“
Fannar byrjaði að starfa við pípulagn-
ingar 2005, lauk sveinsprófi 2007 og hélt svo
til Danmerkur þar sem hann starfaði í hálft
fjórða ár. Fannar segir dvölina hjá Dönum
hafa verið lærdómsríka og hann hafi þar
lært ýmislegt um þjónustu og vinnuaðferðir
sem hann svo gat tekið með sér aftur heim
til Íslands. Vefurinn fer í loftið 2011 með lið-
sinni markaðsráðgjafarstofunnar Nordic
eMarketing.
Pípulagningafyrirtækið rekur Fannar
með kollega sínum Smára Frey Smárasyni.
Stór hluti vinnuvikunnar fer í pípulagn-
ingaþjónustu fyrir stærri viðskiptavini á
borð við veitingastaði og hótel, en þess á
milli sinna félagarnir verkefnum fyrir ein-
staklinga, sem iðulega hafa samband yfir
netið. „Vefsíðan gerir ekki bara auðveldra
að ná sambandi við okkur heldur getum við
birt á síðunni umsagnir annarra við-
skiptavina. Því miður getur verið allur gang-
ur á hversu vel iðnaðarmenn skila af sér
verkum og það skiptir marga verulegu máli
að geta haft einhverja vissu um verið sé að
fá til verksins fagmann sem stendur við gef-
in loforð, er heiðarlegur í viðskiptum og
mætir á tilsettum tíma.“
Fannar heldur enn að hluta í gömlu að-
ferðirnar því hann skipuleggur vinnuvikuna
í pappírsdagbók. „En til hliðar við dagbók-
ina er ég með úthringilista sem ég gríp til
þegar verkefni detta út eða færast til. Þá er
listinn tekinn fram og nýjum verkefnum
bætt í gatið svo að bæði styttist biðin fyrir
viðskiptavininn og aldrei er vannýttur tími í
almanakinu.“ ai@mbl.is
SvipmyndFannar Már Sveinsson
Hægt að panta
pípara yfir netið
Morgunblaðið/Golli
Orðsporið Fannar segir vefsíðuna m.a. nýtast sem tæki til að miðla umsögnum ánægðra við-
skiptavina. Nýir viðskiptavinir vita því betur að hverju þeir ganga þegar þeir hafa samband.
Þú getur ekki
hlaupið frá því:
Því lengri tíma
sem þú eyðir í
kyrrsetu, því
verri verður
heilsan og líftím-
inn styttist, sama
í hversu góðu
formi þú ert. Nýj-
ustu rannsóknir
sýna að regluleg
hreyfing dugar ekki til ef við eyðum
stórum hluta ævinnar í kyrrsetu.
Ein rannsóknin sýndi að við sitjum
að meðaltalii 64 klst. á viku, 28 tím-
um eyðum við standandi og 11 tím-
um á ferðinni (ekki í markvissri
hreyfingu). Við sitjum í vinnunni, í
bílnum, við matarborðið, fyrir fram-
an sjónvarpið. Kyrrsetunni er svolít-
ið hægt að líkja við reykingar, reyk-
ingar eru óhollar þó að þú sért mjög
dugleg/ur að stunda markvissa
hreyfingu með þeim.
Hingað til höfum við talið að
regluleg hreyfing dugi til að halda
góðri heilsu. Nýjustu rannsóknir
sýna að það dugar ekki. Við þurfum
að tileinka okkur fjölbreytta hreyf-
ingu við allt sem við tökum okkur
fyrir hendur. Ef þú vinnur við tölvu
og þarft að eyða þar mörgum stund-
um, taktu þá hlé reglulega, gakktu
um, náðu í vatn, jafnvel einnar mín-
útu hlé gerir gagn.
Kyrrsetan eykur líkur á hjarta-
sjúkdómum, sykursýki og jafnvel
krabbameini. Líkaminn hægir á sér
við kyrrsetu og ákveðnir vöðvar
verða minna virkir. Kyrrseta ýtir
jafnvel undir þunglyndi.
Ertu staðinn upp? Gott, því að það
er það sem þú þarft að gera oftar ef
þú stundar kyrrsetu af miklum móð.
Bjóddu vinnufélaganum í göngu-
fund, slíkir fundir virka ekki ein-
göngu sem heilsueflandi heldur ýta
þeir undir hugmyndaauðgi og lausn-
armiðaða hugsun. Farðu og talaðu
við vinnufélagana í stað þess að
senda þeim tölvupóst. Gakktu um
gólf þegar þú talar í símann.
Pistill frá Stjórnvísi
Kyrrseta
jafnast á við
reykingar
Lilja
Birgisdóttir
www.stjornvisi.is
Höfundur er iðjuþjálfi
hjá Heilsuvernd.
Landsbréf hf. högnuðust um 187
milljónir á síðasta ári, en árið á und-
an var hagnaður félagsins sjö millj-
ónir. Hreinar rekstrartekjur námu
969 milljónum króna á tímabilinu, en
námu 443 milljónum króna rekstr-
arárið 2012. Eignir í stýringu hjá
Landsbréfum jukust um 33% milli
ára og námu í árslok rúmum 110
milljörðum. 12 þúsund einstaklingar
og lögaðilar eru með fjármuni í sjóð-
um eða eignastýringu hjá félaginu.
Eigið fé Landsbréfa í árslok nam
1.644 milljónum króna og eiginfjár-
hlutfall þess reiknað samkvæmt lög-
um um fjármálafyrirtæki var
115,5%, en þetta hlutfall má ekki
vera undir 8% samkvæmt lögum um
fjármálafyrirtæki. Í árslok 2013 önn-
uðust Landsbréf rekstur 34 sjóða og
félaga en þau höfðu verið 20 í árs-
byrjun. Starfsmenn voru í árslok 19
talsins, en ári áður voru þeir 14.
Hagnaður
Landsbréfa
187 milljónir
 Hagnaðurinn jókst um
180 milljónir milli ára
HS orka tapaði 434 milljónum á
síðasta ári, en til samanburðar
var hagnaður árið á undan rúmir
5,5 milljarðar.
Rekstrartekjur fyrirtækisins
námu 7.031 milljónum á rekstr-
arárinu 2013, samanborið við
6.881 milljónir árið 2012. Tap
ársins af reglulegri starfsemi
nemur 355 milljónum sam-
anborið við 653 milljóna hagnað
árið 2012.
EBITDA var alls 2.603 millj-
ónir í fyrra og lækkaði úr 2.923
milljónum árið 2012.
Í tilkynningu til Kauphall-
arinnar kemur fram að reikn-
aðir fjármagnsliðir hafi afger-
andi áhrif á afkomu
fyrirtækisins nú eins og oft áður.
Þar vegur þyngst breyting á
virði afleiðna (framtíðarvirði
orkusölusamninga sem tengjast
álverði) sem er neikvætt um 4,14
milljarða króna en var neikvætt
um 201 milljón á árinu 2012. Á
móti vegur 1,6 milljarða króna
gengishagnaður á árinu 2013, á
árinu 2012 var hins vegar geng-
istap 782 milljónir.
HS orka tapaði 434
milljónum í fyrra
Morgunblaðið/Ómar
HS orka Framtíðarvirði álverðstengdra raforkusölusamninga HS orku réðu
mestu um tapið, en neikvæð áhrif þeirra voru 4,14 milljarðar króna.