Morgunblaðið - 30.05.2014, Blaðsíða 21

21
MORGUNBLAÐIÐ FÖSTUDAGUR 30. MAÍ 2014
Gluggar á ferð og flugi Þessir vösku hagleiksmenn láta sér ekkert í augum vaxa og fara létt með að setja upp glugga í glerfínt háhýsi sem þeir eru að reisa handa góðu fólki í höfuðborginni.
Styrmir Kári
Þegar meta þarf
stefnu stjórn-
málaflokka í ákveðnum
málaflokkum er oft
marktækara að skoða
hvernig viðkomandi
flokkar hafa reynst,
þegar þeir hafa fengið
tækifæri til að stjórna,
en að trúa hástemmd-
um kosningaloforðum.
Frammistaða núver-
andi borgarstjórn-
armeirihluta Samfylkingar og Bjartr-
ar framtíðar/Besta flokksins í
málefnum eldri borgara sýnir áhuga-
leysi þessara flokka á málaflokknum
og gefur vísbendingu um stefnu þess-
ara flokka á næsta kjörtímabili, haldi
þeir meirihluta.
Afsláttur á fráveitugjaldi
Eitt fyrsta verk meirihluta Sam-
fylkingar og Besta flokksins var að
hætta að veita afslátt eða niðurfell-
ingu á fráveitugjaldi (holræsaskatti)
til tekjulágra elli- og örorkulífeyr-
isþega sem löng hefð var fyrir hjá
Reykjavíkurborg. Brá
mörgum þegar slík af-
sláttar- og niðurfelling-
arúrræði voru felld út í
fyrstu fjárhagsáætlun
meirihlutans fyrir árið
2011. Borgarfulltrúar
Sjálfstæðisflokksins
tóku málið upp, fluttu
tillögu um það í borg-
arstjórn að umrædd
kjör yrðu áfram veitt
elli- og örorkulífeyr-
isþegum og náði hún
fram að ganga.
Þjónustuíbúðir eldri borgara
Mikil þörf er fyrir uppbyggingu
þjónustuíbúða fyrir eldri borgara í
Reykjavík. Eldri borgurum fjölgar
stöðugt og samkvæmt spám Hagstof-
unnar er búist við að fjöldi þeirra tvö-
faldist á næstu tuttugu árum. Reyk-
víkingar eru svo heppnir að í borginni
starfa öflug byggingarfélög eldri
borgara, sem byggt hafa fjölmargar
íbúðir fyrir þennan aldurshóp: Félag
eldri borgara í Reykjavík, Samtök
aldraðra, Búmenn hsf. og Hrafnista/
Sjómannadagsráð. Sjálfstæðisflokk-
urinn hefur ætíð lagt áherslu á að
Reykjavíkurborg eigi gott samstarf
við þessi félög og útvegi þeim lóðir
eftir þörfum enda allra hagur að slík-
ar þjónustuíbúðir standi eldri borg-
urum til boða.
Skemmst er frá því að segja að á
kjörtímabili Samfylkingar og Besta
flokksins/Bjartrar framtíðar hefur
engum lóðum verið úthlutað í
Reykjavík til byggingarfélaga eldri
borgara undir þjónustuíbúðir þrátt
fyrir síendurteknar óskir þar að lút-
andi. Er þetta mikil breyting frá
fyrra kjörtímabili þegar a.m.k. þrem-
ur stórum lóðum var úthlutað til
slíkra byggingarfélaga.
Við sjálfstæðismenn höfum að
sjálfsögðu gagnrýnt vinstri meirihlut-
ann harðlega fyrir sleifarlag í þessum
málum. Í fyrra flutti undirritaður til-
lögu í borgarstjórn að teknar yrðu
upp formlegar viðræður við bygging-
arfélög eldri borgara og lóðum út-
hlutað til þeirra sem fyrst. Hefur
málinu miðað síðan og fengu Félag
eldri borgara og Samtök aldraðra ný-
lega vilyrði hvor fyrir sinni lóðinni en
úthlutunin sjálf er þó eftir.
Öldungaráð Reykjavíkur
Árið 2012 fluttu borgarfulltrúar
Sjálfstæðisflokksins tillögu um að
stofnað yrði sérstakt öldungaráð í
Reykjavík til að fjalla um málefni
eldri borgara og vera borgarstjórn til
ráðgjafar um þau. Ráðið verði skipað
eldri borgurum og hafi víðtækt sam-
ráð við félög og samtök eldri borgara
í Reykjavík og aðra þá, sem láta mál-
efni þeirra til sín taka. Að minnsta
kosti árlega skulu fulltrúar úr öld-
ungaráðinu funda með borg-
arfulltrúum. Tillagan var samþykkt
en þrátt fyrir eftirrekstur okkar sjálf-
stæðismanna hefur henni ekki enn
verið komið í framkvæmd. Segir sá
dráttur sína sögu um áhugaleysi
meirihlutans í málefnum aldraðra.
Heilsugæslumál
Talið er að um 50 heimilislækna
vanti til starfa í Reykjavík svo hægt
sé að veita fullnægjandi þjónustu. Á
síðasta ári lögðum við sjálfstæð-
ismenn til í borgarstjórn að teknar
yrðu upp formlegar viðræður ríkis og
borgar um framtíðarfyrirkomulag
heilsugæslunnar í Reykjavík með það
að markmiði að þjónustan verði end-
urskipulögð í þágu notenda. Við slíka
endurskipulagningu væri rétt að
leggja áherslu á fjölbreytni í rekstri
og tryggja greiðan aðgang almenn-
ings að heimilislækningum. Tillög-
unni var vel tekið en slíkar viðræður
eru ekki enn hafnar.
Styðjum Sjálfstæðis-
flokkinn – X D
Brýnt er að borgarstjórn Reykja-
víkur taki málefni eldri borgara fast-
ari tökum en gert hefur verið á yf-
irstandandi kjörtímabili. Það verður
ekki gert með áframhaldandi lausa-
tökum undir stjórn Samfylking-
arinnar og Bjartrar framtíðar heldur
með því að kjósa D-listann og veita
borgarfulltrúum hans þannig braut-
argengi til að leggja aukna áherslu á
málefni eldri borgara.
Málefni eldri borgara í Reykjavík
Eftir Kjartan
Magnússon » Á kjörtímabilinu
hefur engum lóðum
undir þjónustuíbúðir
verið úthlutað í Reykja-
vík til byggingarfélaga
eldri borgara.
Kjartan
Magnússon
Höfundur er borgarfulltrúi
Sjálfstæðisflokksins.
Á næstu árum mun
Reykvíkingum á
besta aldri fjölga
mikið. Þeir eru betur
á sig komnir, lifa
lengur og hafa fjöl-
breyttari starfs-
reynslu og menntun
en nokkru sinni fyrr.
Þessi hópur vill vera
virkur og hafa áhrif á
líf sitt, áhugamál og
starf, á því sem kall-
að hefur verið þriðja æviskeiðið. Í
því felast mikil samfélagsleg verð-
mæti. Þegar á reynir þarf fólki
síðan að standa til boða öruggur
stuðningur og umönnun, allt frá
heimaþjónustu til hjúkrunarheim-
ila. Í kosningastefnu
Samfylkingarinnar,
Reykjavík – borg þar
sem gott er að eldast,
höfum við sett á dag-
skrá fjölda aðgerða
sem styðja þetta og
hafa að markmiði að
gera eftirlaunaárin
virkari, skemmtilegri
og öruggari þegar á
reynir.
Fjölbreytt
frístundastarf
Við viljum stuðla að
fjölbreyttara frístundastarfi og
skapa fleiri tækifæri til símennt-
unar fyrir eldri borgara í sam-
starfi við skóla í borginni. Við vilj-
um að söfn borgarinnar bjóði
ókeypis menningardagskrá að
degi til og að félagsmiðstöðvar
Reykjavíkurborgar verði efldar í
samstarfi við Félag eldri borgara.
Við viljum efla góða heilsu eldri
borgara með því að sundstaðir og
félagsmiðstöðvar bjóði þeim upp á
daglegar gönguferðir. Við viljum
virkja eldri borgara af erlendum
uppruna í félagsstarfi og tryggja
réttindi eldra fólks af erlendum
uppruna sem hefur skertan lífeyr-
isrétt og er félagslega einangrað.
Aukin áhrif og
betri upplýsingar
Haustið 2014 viljum við að Öld-
ungaráð verði kosið og að það
verði borgarstjórn til leiðsagnar
með ákvarðanir og stefnumótun.
Við viljum jafnframt að aldraðir í
Reykjavík geti nálgast allar nauð-
synlegar upplýsingar um þjónustu
borgarinnar á einum stað og við
viljum þrýsta á Alþingi um að
embætti Umboðsmanns aldraðra
verði stofnað.
Öryggi þegar á reynir
Eldri borgarar vilja eiga þess
kost að búa sem lengst á eigin
heimili og til þess þarf að tryggja
næga heimaþjónustu og heima-
hjúkrun. Við leggjum mikla
áherslu á húsnæðismál og ætlum
að fjölga leiguíbúðum sem ætlaðar
eru eldra fólki, m.a. þeim sem
vilja minnka við sig. Við munum
þrýsta á ríkið að mæta eftirspurn
eftir endurhæfingu og dagþjálfun
og leggjum þunga áherslu á að
ríkið setji í forgang að byggja
fleiri hjúkrunarrými, m.a. við
Sléttuveg. Við viljum að þeim sem
eru á biðlista eftir hjúkrunarrými
verði veitt aukin þjónustu og
tryggja að friðhelgi og mannrétt-
inda aldraðra sé gætt. Ég hvet
eldri borgara til að kynna sér
stefnu Samfylkingarinnar Reykja-
vík – borg þar sem er gott að eld-
ast.
Virkni og öryggi á efri árum
Eftir Björk
Vilhelmsdóttur
Björk
Vilhelmsdóttir
» Við leggjum mikla
áherslu á húsnæðis-
mál og ætlum að fjölga
leiguíbúðum sem
ætlaðar eru eldra fólki,
m.a. þeim sem vilja
minnka við sig.
Höfundur er borgarfulltrúi
og skipar 2. sæti á lista
Samfylkingarinnar í Reykjavík.