Morgunblaðið - 01.07.2014, Page 6

LANDSMÓT
Þórunn Kristjánsdóttir
thorunn@mbl.is
Öðrum degi Landsmóts hestamanna
lauk í gær á Hellu með forkeppni í B-
flokki, barnaflokki, ungmennaflokki
og kynbótadómum sex vetra
hryssna. Veðrið lék ekki við móts-
gesti eins og á fyrsta mótsdegi sem
var einstaklega sólríkur. Í gær gekk
á með hressilegum rigningarskúrum
og blés nokkuð en alltaf stytti þó upp
inn á milli.
Knapar létu veðrið ekki á sig fá,
settu undir sig hausinn og gerðu sitt
besta og áhorfendur klæddu sig eftir
veðri. Margir hafa frestað því að
koma á mótið vegna veðurspárinnar.
„Mér líst vel á landsmótið. Verst
hvað spáð er hræðilegu veðri en það
ræðst ekki við það. Þetta er ekki gott
fyrir hrossin og knapana en í lagi
fyrir áhorfendur. Það verður von-
andi gott veður í lok vikunnar,“ sagði
Anna B. Indriðadóttir, bóndi og
hrossaræktandi í Þúfu.
Veðurspáin fyrir daginn í dag er
ekki góð en spáð er lægðasyrpu yfir
landinu. Að öllum líkindum mun
veðrið ganga yfir Hellu kringum há-
degisbilið. Mótsstjórn ræddi stöðuna
um tíuleytið í gærkvöldi. Axel Óm-
arsson, framkvæmdastjóri Lands-
móts, segir að á þeim enda tjaldsins
sem kemur út undan stúkunni aust-
anmegin hafi nú verið komið upp
skjólvegg úr þremur gámum og
stórum vinnuvélum. Þá hafi risa-
skjár við völlinn verið lækkaður og
skorðaður niður. „Við ákváðum að
gera þetta þegar í stað, þó að spáin
líti betur út núna en á horfðist,“ segir
Axel. Fólkið geti þá verið inni í veit-
ingatjöldum og horft á mótið á skjá
ef því vantar skjól.
Axel bætir við að öll dagskrá
mótsins í dag verði með eðlilegum
hætti og haldið áfram eins og ekkert
hafi í skorist þar til annað komi í ljós.
Úrvals tölt og skeið
Tvær tíur voru gefnar í kynbóta-
dómi í flokki sex vetra hryssna. Þær
fengu efstu tvær hryssurnar. Álf-
hildur frá Syðri-Gegnishólum hlaut
10 fyrir tölt og Þingey frá Torfunesi
fékk 10 fyrir skeið. Yfirlitssýning
kynbótahrossa er þó eftir. Þar geta
öll hross hækkað fyrir hæfileika en
ekki lækkað.
„Þetta er öðlingur í geðslagi og er
góður reiðhestur. Hún hefur gaman
af því að skeiða og svo er hún mjög
góð á tölti,“ segir Árni Björn Pálsson
sem reið Þingey frá Torfunesi í 10
fyrir skeið.
Glódís Rún Sigurðardóttir og
Kamban frá Húsavík eru efst eftir
forkeppni í barnaflokki. Ef þau halda
fyrsta sætinu geta þau unnið titilinn í
þriðja skipti.
Í B-flokki eru Loki frá Selfossi og
Sigurður Sigurðarson efstir eftir for-
keppni. Forkeppni í ungmennaflokki
lauk í gær. Í dag lýkur forkeppni í
unglingaflokki og A-flokki gæðinga.
Á kynbótabrautinni halda dómar
áfram í flokki 5 vetra hryssna og 4
vetra hryssna, þá verður byrjað á
flokki 4 vetra stóðhesta.
Landsmót Gestir á Landsmótinu
flúðu inn í tjöld í rigningunni.
Brugðist við slæmri
veðurspá á landsmóti
 Tvær tíur í kynbótadómi, önnur fyrir tölt og hin fyrir skeið
Morgunblaðið/Þórunn Kristjánsdóttir
Tía Árni Björn Pálsson og Þingey frá Torfunesi fengu 10 í einkunn í gær í skeiðinu í flokki sex vetra hryssa.
6 FRÉTTIRInnlent
MORGUNBLAÐIÐ ÞRIÐJUDAGUR 1. JÚLÍ 2014
Anna Lilja Þórisdóttir
annalilja@mbl.is
Formaður bæjarráðs Vestmanna-
eyjabæjar segir lundaveiðar hafa
mikið menningarlegt gildi. Leggist
þær af muni dýrmæt kunnátta og
þekking fara forgörðum. Í næstu
viku tekur bæjarráðið ákvörðun um
hvort lundaveiðar verði leyfðar í
Eyjum í sumar.
Náttúrufræðingar Náttúrustofu
Suðurlands hafa nýlokið við að meta
ástand lundastofnsins um land allt.
Niðurstaðan bendir til þess að óráð-
legt sé að veiða lunda í ár og gildir
það um allt landið, þó að athugunin
hafi leitt í ljós að talsvert sé af lunda
á norðanverðu landinu.
Horfa þurfi á landið í heild, en
ástand stofnsins á sunnanverðu
landinu, einkum í Vestmannaeyjum,
sé afar slæmt.
„Þetta er líka frekar dapurt í Dyr-
hólaey og Ingólfshöfða en gott frá
Papey og norður og vestur fyrir inn í
Djúp. Þá er ástandið ekki gott í Ell-
iðaey í Breiðafirði,“ segir Ingvar Atli
Sigurðsson, forstöðumaður Náttúru-
stofu Suðurlands, um ástand lunda-
stofnsins. „Stærsti hluti stofnsins er
á Suðurlandi og þegar ástandið er
slæmt þar er það slæmt á landsvísu.
Ef ekki verður veitt í Eyjum verður
meira álag á önnur svæði. Því finnst
mér ekki forsvaranlegt að veiða
neins staðar.“
Vinna í samráði
„Við höfum alltaf unnið þetta í
samráði við þá sem þekkja best til,
sem eru Náttúrustofa Suðurlands og
veiðifélögin,“ segir Páley Borgþórs-
dóttir, formaður bæjarráðs Vest-
mannaeyjabæjar. „Við munum koma
saman í byrjun næstu viku og taka
þetta fyrir. Ég get ekki sagt til um
það núna hver niðurstaðan verður en
við höfum fengið þær upplýsingar að
staðan sé ekki góð.“
Páley segir lundaveiðarnar hafa
margvíslegt gildi fyrir samfélagið í
Vestmannaeyjum. „Þetta eru mörg
hundruð ára gamlar hefðir.Við höf-
um áhyggjur af því að tapa þessari
menningu og kunnáttu; að veiða og
vinna fuglinn. Þess vegna höfum við
viljað opna á nokkra daga undan-
farin ár til að menn geti farið á
lundaveiðar.“
Spurð hvort stefni í lundalausa
Þjóðhátið segir Páley Eyjafólk gera
allt til að koma í veg fyrir það. „Við
eigum góða vini fyrir norðan og höf-
um fengið hjá þeim Grímseyjar-
lunda.“
Sigurður Bjarnason í Grímsey
segir svo mikið vera þar af lunda að
hann sé farinn að taka yfir svæði
annarra fugla. „Hann er farinn að
fæla aðra fugla, eins og t.d. álku, frá.
Hann er kominn meðfram allri
byggðinni,“ segir Sigurður, sem hef-
ur stundað lundaveiðar í Grímsey í
áratugi. Hann segist búast við því að
lundaveiðitímabilið hefjist 1. júlí eins
og verið hafi hingað til. „Þetta er
engin yfirgengileg veiði. Menn eru
orðnir svo skynsamir.“
Spurður um lundavarpið segist
Sigurður telja að það hafi gengið vel.
„Fuglinn er eins og mannfólkið,
hann fer þangað sem ætið er.“
Dýrmæt menn-
ing gæti glatast
 Lítið er um lunda syðra en gnægð
nyrðra  Veiðar eru ekki ráðlagðar
Morgunblaðið/Ómar
Lundar Aldagamlar hefðir hafa
skapast í kringum lundaveiði.
Lundi
» Lundi telst til helstu nytja-
fugla hér á landi, enda vinsæl
villibráð.
» Samkvæmt rannsókn sem
gerð var í fyrra eru um 75%
varpstofnsins á suðurhluta
landsins.
» Í fyrra var lundaveiði leyfð í
Vestmannaeyjum í fimm daga
en hefðbundið veiðitímabil var
áður 55 dagar.
Ingileif Friðriksdóttir
if@mbl.is
Ferðasumarið er nú hafið og eru
margir farnir að huga að útilegum.
Meðal þess sem skoða þarf vel fyrir
slík ferðalög eru tjaldsvæði. Dagar
rafmagnslausra útilega virðast taldir,
en meðal þess sem tjaldsvæði lands-
ins bjóða upp á í dag er þráðlaus net-
tenging, sjónvarpsskjár og lazer tag.
Flest tjaldsvæði landsins bjóða upp á
rafmagn og mörg hver bjóða einnig
upp á eldunar-, þvotta- og sturtuað-
stöðu. Þó er til dæmis tjaldsvæðið á
Hólum í Hjaltadal enn ekki orðið raf-
magnsvætt og er því möguleiki á
gamaldags rafmagnslausri útilegu
þar, sem mörgum þykir einmitt
heillandi. Tjaldsvæðin í Grindavík,
Ártúni, Fossatúni og á Flúðum bjóða
öll upp á þráðlausa nettengingu þar
sem hægt er að tengja tölvur og síma.
Á tjaldsvæðinu á Laugalandi var tek-
inn í notkun sjónvarpsskjár nú í júní,
og getur knattspyrnuáhugafólk því
fylgst þar með leikjum á heimsmeist-
aramótinu í knattspyrnu í miðri úti-
legu. Á Þórisstöðum er í boði lazer
tag; afþreyingarleikur þar sem þátt-
takendum er skipt í lið og þeir látnir
klæðast hermannagöllum og skjóta
andstæðinginn með lazer tag-
byssum. Einnig eru fótboltavellir,
leiktæki, golfvellir, húsdýragarðar,
bátsferðir og fjórhjólaferðir meðal
þess sem tjaldsvæði landsins bjóða
upp á.
Húsafell og Akureyri
Geir Gígja, ferðamálafræðingur og
stofnandi heimasíðunnar Tjalda.is,
segir tjaldsvæðið á Laugalandi vin-
sælast. „Við fáum margar heimsóknir
inn á tjaldsvæðið Laugaland á heima-
síðunni og virðist það vinsælast.
Einnig skoðar fólk mikið tjaldsvæðin
á Selfossi, Húsafelli og á Akureyri til
dæmis.“ Að hans mati er þó eitt tjald-
svæði sem er ómissandi að heim-
sækja. „Fyrir þá sem eru áhugasamir
um útilegur er alveg nauðsynlegt að
heimsækja tjaldsvæðið Þakgil sem er
rétt við Vík í Mýrdal. Ég leyfi mér að
fullyrða að það sé með fallegri nátt-
úrutjaldsvæðum á landinu.“
Sjónvarp og net á tjaldsvæðum
Morgunblaðið/Jónas Erlendsson
Vík í Mýrdal Þakgil þykir með fallegustu tjaldsvæðum landsins.
 Dagar rafmagnslausra útilega taldir  Meðal annars boðið upp á sjónvarp, nettengingu og lazer
tag á tjaldsvæðum landsins  Laugaland vinsælast  Hjólhýsin vinsælust hvað búnað varðar
Töluvert dró úr sölu á fellihýs-
um, hjólhýsum og tjaldvögnum
eftir kreppu, en nú virðist sala á
þeim vera að vakna til lífsins að
nýju. Hvað varðar búnað virðast
hjólhýsin vera vinsælust nú í ár.
Að sögn forsvarsmanna Víkur-
verks er það aðallega vegna
veðurs, en þegar rignir mikið
þykir mörgum þægilegra að
ferðast um með hjólhýsi sem
ekki þarf að þurrka eins og felli-
hýsi og tjaldvagna. Þá virðast
notuð hjólhýsi vera einstaklega
vinsæl.
Eftirsótt í ár
HJÓLHÝSIN