Morgunblaðið - 30.09.2014, Page 12
12 FRÉTTIRInnlent
MORGUNBLAÐIÐ ÞRIÐJUDAGUR 30. SEPTEMBER 2014
Smiðjuvegi 9, 200 Kópavogi ■ Sími 535 4300 ■ axis.is ■ Opið: mán. - fös. 9:00 - 18:00
Fataskápur
Hæð 2100 mm
Breidd 800 mm
Dýpt 600 mm
Tegund: Strúktúr eik
TIL Á LAGER
S KÁPATI LB OÐ
Verð58.900,-m. vsk.
Ingveldur Geirsdóttir
ingveldur@mbl.is
Hundur drap að minnsta kosti sex
lömb og særði fleiri á Snæfellsnesi í
nýliðinni viku. Hundurinn, sem var
af tegundinni Husky, hafði komið af
höfuðborgarsvæðinu en slapp frá
eigendum sínum þegar þeir hleyptu
honum út til að pissa á leið sinni um
Snæfellsnes á sunnudaginn fyrir
viku. Hundurinn hafði því gengið
laus í sex daga þegar hann náðist
síðasta laugardag.
Þóra Sif Kópsdóttir sauðfjárbóndi
á Ystu-Görðum í Borgarbyggð átti
féð sem hundurinn drap. „Við viss-
um ekkert af því að hundurinn hefði
sloppið þarna laus. En á mið-
vikudeginum finnst lamb dautt úti í
miðjum læk í undarlegri stellingu.
Það datt engum í hug að það væri
eftir hund en sama dag sjáum við að
það er auglýst á Facebook eftir
hundi sem hafði hlaupið frá eig-
endum sínum á sunnudaginn nálægt
því svæði sem féð okkar er á. Á
föstudaginn kemur tengdafaðir
minn að þar sem lamb er að skríða
upp úr læk blóðugt á hálsinum,“ seg-
ir Þóra. Hún segir að þau hafi þá far-
ið að leita að hundinum en ekki fund-
ið hann, þau létu líka lögregluna
vita.
Hundinum lógað strax
„Svo er smölun á laugardaginn í
norðanverðu Eldborgarhrauni. Ég
og maðurinn minn leitum aftur að
hundinum þá um morguninn en það
eina sem við finnum er fé bitið af
hundinum. Það er allt dautt og ligg-
ur ofan í vatni fyrir utan eitt. Féð
virðist hafa hlaupið út í vatnið til að
verja sig.“
Hundurinn náðist svo loksins í
Landbroti sem er í norðanverðu
Eldborgarhrauni þegar það var
smalað á laugardaginn. Honum var
lógað strax. „Mér skilst að eigend-
urnir hafi verið að hleypa honum út
að pissa í bílferðinni og hann hafi
hlaupið út í móa og í fé. Svo virðist
sem þau hafi gefist upp á því að leita
að honum og haldið ferð sinni áfram.
Þegar maður týnir hundi á ekki að
fara í burtu og láta engan vita í
kring. Hér er ekki langt á milli bæja
og allir hefðu verið tilbúnir til að
hjálpa þeim að leita að hundinum.
Enginn sem vitað er um varð var við
að eigendurnir kæmu að leita hunds-
ins þessa sex daga sem hann var
týndur. Fyrir utan auglýsingu á Fa-
cebook virtist ekki hafa verið farið í
neinar róttækar aðgerðir til að ná
honum.“
Eins og áður segir fundust sex
lömb bitin til dauða af hundinum og
eitt sært. „Þau voru flest bitin á háls,
hann hafði aðeins rétt nartað í þrjú
af þeim svo hann var ekki að drepa
til átu,“ segir Þóra. „Svo erum við
ekki viss um hvað hann hefur drepið
mikið, þetta er bara það sem við er-
um búin að finna.“
Bændurnir á Ystu-Görðum eru
með um þúsund fjár á vetrarfóðrum.
Þau hafa ekki áður lent í dýrbíti.
„Hundaeigendur virðast stundum
ekki vita hvað þeir eru með í hönd-
unum, þetta eru bara rándýr. Við er-
um með fjóra hunda og þeir eru
bundnir þegar þeir eru úti, við vilj-
um alltaf vita hvar þeir eru. Við höf-
um týnt hundum og þá hættir maður
ekki að leita fyrr en hundurinn er
fundinn.“
Dýrbítur gekk laus á
Snæfellsnesi í sex daga
Hljóp frá eigendum sínum í pissustoppi Drap sex lömb
Dautt sauðfé Svo virðist sem lömbin hafi flúið út í vatn til að verja sig.
Morgunblaðið/Helgi Bjarnason
Hundur Af tegundinni Husky.
Ísólfur Gylfi Pálmason, sveitarstjóri
Rangárþings eystra, greiddi atkvæði
með ráðningarsamningi við sjálfan
sig á fundi
sveitarstjórnar í
júníbyrjun. Odd-
viti sveitarstjórn-
ar, Lilja Einars-
dóttir, greiddi
jafnframt atkvæði
með ráðningar-
samningnum.
Sveitarstjórinn
og oddvitinn end-
urtóku svo leikinn
á sveitarstjórnar-
fundi í byrjun septembermánaðar,
þar sem þau greiddu bæði atkvæði
með því að hækka starfshlutfall odd-
vita sveitarstjórnarinnar úr 30% í
40% og yrðu launin 40% af launum
sveitarstjóra. Tillagan var samþykkt
með fjórum atkvæðum en þrír sveit-
arstjórnarmenn sátu hjá.
Ísólfur Gylfi var í gær spurður
hvort hann teldi það eðlilega stjórn-
sýslu að hafa greitt atkvæði um eigin
ráðningarsamning og að hafa ekki
vikið af fundi þegar tekin var afstaða
til ráðningarsamnings hans og sömu-
leiðis hvort það hefði verið eðlilegt að
oddvitinn greiddi atkvæði með nýjum
ráðningarsamningi sínum:
„Miðað við 20. grein sveitarstjórn-
arlaga, sem fjallar um hæfi sveitar-
stjórnarmanna, var þetta eðlileg
stjórnsýsla í báðum þeim tilvikum
sem þú spyrð um,“ sagði Ísólfur
Gylfi og bætti við að með sama hætti
væru þessi mál afgreidd í mörgum
öðrum sveitarfélögum.
20. grein sveitarstjórnalaga
fjallar um hæfi sveitarstjórnar-
manna til þátttöku í meðferð og af-
greiðslu einstakra mála. Þar segir
m.a.: „Um hæfi sveitarstjórnar-
manna, nefndarfulltrúa og starfs-
manna sveitarfélaga til þátttöku í
meðferð eða afgreiðslu mála þar
sem á, eða til greina kemur, að taka
stjórnvaldsákvörðun skv. 2. mgr. 1.
gr. stjórnsýslulaga, nr. 37/1993,
gilda ákvæði stjórnsýslulaga sé ekki
öðruvísi ákveðið í lögum þessum.“
Og síðar segir: „Í öðrum tilvikum en
skv. 1. mgr. ber sveitarstjórnar-
manni, nefndarfulltrúa eða starfs-
manni sveitarfélags að víkja sæti við
meðferð og afgreiðslu máls þegar
það varðar hann eða nána vensla-
menn hans svo sérstaklega að al-
mennt má ætla að viljaafstaða hans
mótist að einhverju leyti þar af.
Þessi regla tekur einnig til gerðar
samninga fyrir hönd sveitarfélags.“
agnes@mbl.is
Greiddu atkvæði
um eigin ráðningu
„Eðlileg stjórnsýsla,“ segir sveitarstjórinn
Ísólfur Gylfi
Pálmason
Agnes Bragadóttir
agnes@mbl.is
Ein helsta skýring þess hvað gerist
þegar skattakröfur ríkissjóðs tapast
eða eru afskrifaðar er hið svokallaða
kennitöluflakk, þ.e. þegar lögaðilar
skipta um auðkenni, samkvæmt
heimildum Morgunblaðsins. Það er
þannig meðvituð ákvörðun að skilja
kröfur eða hluta krafna eftir í gamla
búinu, og hefja sama rekstur að nýju,
með nýrri kennitölu. Í Morgun-
blaðinu á laugardag kom fram að Rík-
isendurskoðun segði tapaðar skatt-
kröfur vanáætlaðar í fjárlögum á
undanförnum árum og að 60 milljarða
skattkröfur hefðu tapast á árunum
2010 til 2012.
Samkvæmt heimildum Morgun-
blaðsins gerist það iðulega að
kennitöluflakkið er ákveðið með sam-
þykki kröfuhafa, að ríki og sveitar-
félögum undanskildum. Kröfuhafar,
væntanlega í flestum tilvikum við-
skiptabankarnir, telji oft meiri von til
þess að endurheimta hluta af úti-
standandi kröfum sínum, með því að
samþykkja að rekstraraðili færi
reksturinn á nýja kennitölu. Við-
skiptabankarnir eigi í mörgum tilvik-
um veðkröfur í tilteknum eignum,
tækjum og tólum. Þegar um það sé að
ræða að nýtt félag, á nýrri kennitölu,
kaupi eignirnar út úr gamla félaginu,
sem komið er í þrot, þá þurfi veð-
kröfuhafar að samþykkja slík við-
skipti. Þá er það yfirleitt tiltekið, að
slík ráðstöfun komi ekki öðrum kröfu-
höfum verr, en ella hefði verið. Það er
sögð ástæða þess að skiptastjóri riftir
ekki slíkum viðskiptum, vegna þess
að skattkröfur ríkissjóðs eru almenn-
ar kröfur, en ekki forgangskröfur.
Persónuleg ábyrgð
Þeir sem ekki hafa staðið skil á
greiðslu á vörslusköttum til ríkis-
sjóðs, og fara með fyrirtæki í þrot og
hyggjast stofna annað á nýrri kenni-
tölu, eru eftir sem áður bundnir af
persónulegri ábyrgð á vörslusköttun-
um og losna ekki undan henni þótt
þeir stofni nýtt fyrirtæki.
Í annan stað er bent á að þeir sem
hafi verið til rannsóknar hjá skattyfir-
völdum, séu oft aðilar sem hafi komið
rekstri sínum yfir í eitthvað annað
eða óskyldan rekstur og þá fari fram
rannsókn á skattskilum, sem leiði til
endurákvörðunar á álagningu. Slík
endurálagning fari fram óháð því
hvort greiðslugeta sé fyrir hendi eða
ekki.
Í þriðja lagi megi ætla að hluti tap-
aðra skattkrafna sé til kominn vegna
þess að ekki finnist eignir við inn-
heimtu. Bent er á, að þegar rætt er
um 60 milljarða króna afskriftir í töp-
uðum skattkröfum á þriggja ára tíma-
bili megi ekki gleyma því, að upphaf-
lega stofnfjárhæðin hafi ugglaust
verið mun lægri, því vaxtakostnaður
hafi hlaðist á skattkröfurnar á því
tímabili sem skattarnir hafi ekki verið
greiddir.
Loks bendir viðmælandi á að af-
skriftir skattskulda skiptist í beinar
og óbeinar afskriftir, sem mönnum
hætti til að rugla saman. Þegar gert
sé ráð fyrir skattafskriftum í fjárlaga-
frumvarpi, þá sé um óbeina afskrift
að ræða, því þar sé verið að áætla fyr-
ir því hvað muni afskrifast. Svo séu til
rauntölur um beinar afskriftir, þar
sem þegar hafi verið teknar ákvarð-
anir um að tilteknar kröfur séu tap-
aðar og því hreinsaðar út úr bókhald-
inu.
Kennitöluflakk
stór skýring
Ógreiddar skattkröfur safna vöxtum
Morgunblaðið/Þorkell
Kröfur Skattkröfur eru almennar
kröfur en ekki forgangskröfur.