Morgunblaðið - 30.09.2014, Síða 17

FRÉTTIR 17Erlent
MORGUNBLAÐIÐ ÞRIÐJUDAGUR 30. SEPTEMBER 2014
Keilulegur Flans- og búkkalegur Hjólalegusett Nála- og línulegur
LEGUR
Í BÍLA OG TÆKI
Það borgar sig að nota það besta!
TRAUSTAR VÖRUR
...sem þola álagið
Sími: 540 7000 • www.falkinn.is
Kúlu- og
rúllulegur
FRÉTTASKÝRING
Kjartan Kjartansson
kjartan@mbl.is
Fjöldamótmælin á götum Hong Kong
eru mesti órói sem kínversk stjórn-
völd hafa þurft að takast á við frá því
að þau börðu niður mótmælin á Torgi
hins himneska friðar fyrir aldarfjórð-
ungi. Tugir þúsunda lýðræðissinna
héldu áfram að loka götum í aðalvið-
skiptahverfi borgríkisins og hunsa
fyrirmæli yfirvalda um að færa sig,
fjórða daginn í röð, í gær. Þeir hafa
jafnframt heitið því að blása til frekari
aðgerða og borgaralegrar óhlýðni á
miðvikudag.
Upphaf óróans má rekja til áforma
kínverskra stjórnvalda um að stjórna
því hverjir fái að bjóða sig fram í
kosningum í Hong Kong árið 2017.
Lýðræðissinnarnir krefjast þess að fá
að velja sína eigin leiðtoga afskipta-
laust en því hafa kínversk stjórnvöld
hafnað algerlega.
Óttast aukna hörku
Það eru aðallega námsmenn og fólk
sem kennir sig við Occupy-hreyf-
inguna, sem hófst í Bandaríkjunum,
sem mynda mótmælahreyfinguna nú.
Auk beins lýðræðis hefur hreyfingin
krafist afsagnar Leung Chun-ying,
leiðtoga borgarinnar.
Sumir hafa tekið upp á því að nefna
hræringarnar „regnhlífabyltinguna“
vegna regnhlífana sem mótmælend-
urnir hafa sofið undir og notað sem
skildi gegn piparúða lögreglunnar.
„Við erum að berjast fyrir kjarna-
gildum lýðræðis og frelsis og ofbeldi
getur ekki hrætt okkur frá því,“ segir
Nicola Cheung, 18 ára gamall há-
skólanemi, við Reuters-fréttastofuna.
Hún óttast að aukin harka eigi eftir að
færast í viðbrögð stjórnvalda eftir því
sem mótmælin dragast á langinn.
Þegar er talið að rúmlega fjörutíu
manns hafi særst í átökum lögreglu
og mótmælenda. Lögreglan hefur
beitt táragasi og piparúða til þess að
tvístra mannfjöldanum en mótmælin
hafa þýtt að rekstur fjölda fyrirtækja
og stofnana hefur legið niðri. Á annað
hundrað manna var handtekið um
helgina.
Treysta á lögregluna - um sinn
Fulltrúar kínverskra stjórnvalda
hafa brugðist við með þjósti. „Hong
Kong er Hong Kong Kína,“ sagði tals-
kona utanríkisráðuneytis Kína á
blaðamannafundi í Peking. Vandi
þeirra er hvernig þau eigi að taka á
mótmælunum. Bregðist þau of hart
við gæti það skaðað markaði Hong
Kong og valdið hneykslan á heims-
vísu. Taki þau ekki nógu fast á málum
gæti það orðið vatn á myllu andófs-
manna heima fyrir. Hingað til hafa
þau treyst lögreglunni í Hong Kong
til að taka á mótmælunum en þverri
þolinmæði þeirra gætu þau gripið til
þess ráðs að siga hermönnum á mót-
mælendur.
„Regnhlífabyltingin“ setur
kínversk stjórnvöld í vanda
 Tugir þúsunda lýðræðissinna hafa lokað götum í Hong Kong undanfarna daga
AFP
Mannfjöldi Mótmælendurnir hafa lamað helsta viðskiptahverfi Hong Kong. Íbúar sjálfstjórnarsvæðisins hafa viss
lýðræðisleg réttindi. Mótmælendurnir vilja fá fullt lýðræði fyrir leiðtogakosningar sem fara fram árið 2017.
Sú útgáfa sem íbúar á meginlandi
Kína hafa fengið af atburðum í
Hong Kong í fjölmiðlum er að þar
hafi nokkur þúsund manns safnast
saman í almenningsgarði til að
fagna ríkisstjórn Kína.
Ritskoðarar kommúnistastjórn-
arinnar hafa heldur ekki setið auð-
um höndum. Þeir lokuðu fyrir að-
gang að myndaþjónustunni
Instagram eftir að myndir frá mót-
mælunum byrjuðu að flæða inn á
hana. Hermt er að færslur um
mótmælin hverfi jafnharðan af
stórum samskiptamiðlum.
Á vinsælasta
samskiptamiðl-
inum í Kína,
Sina Weibo,
skiluðu leit-
arorð sem
tengjast mót-
mælunum að-
eins myndum
sem tengjast
þeim ekki og
hlekkjum á fréttir ríkisfjölmiðla.
Leit að „Hong Kong“ skilaði aðeins
ráðleggingum um verslanir og
veitingahúsadómum.
Lokuðu aðgangi að Instagram
RITSKOÐUN Í FRÉTTUM OG SAMSKIPTAMIÐLUM Í KÍNA
Lögreglumenn
fylgjast með mót-
mælendum.
Nokkur stærstu tæknifyrirtækja
heims, þar á meðal Google og Facebo-
ok, tilkynntu í síðustu viku að þau
væru hætt að styðja samtök íhalds-
samra þingmanna og fyrirtækja í
Bandaríkjunum vegna afstöðu þeirra
til loftslagsbreytinga.
Samtökin
ALEC eru sam-
starfsvettvangur
ríkisþingmanna
og fullrúa fyr-
irtækja um mót-
un laga-
frumvarpa.
Eric Schmidt,
stjórnar-
formaður Go-
ogle, sagði fyr-
irtækið hafa gert
mistök með því að styrkja samtök sem
beinlínis ljúgi um ábyrgð manna á
loftslagsbreytingum.
„Ekki er lengur deilt um stað-
reyndir loftslagsbreytinga. Allir gera
sér grein fyrir því að loftslagsbreyt-
ingar eiga sér stað og fólkið sem and-
æfir því er virkilega að skaða börnin
okkar og barnabörn og gera heiminn
að mun verri stað.“
Um helmingur trúir ekki
Um 97% loftslagsvísindamanna eru
sammála um að breytingar séu að
verða á loftslaginu. Þrátt fyrir það
sýna kannanir að aðeins um 70%
Bandaríkjamanna trúi því að þær eigi
sér stað. Sterk fylgni er á milli stjórn-
mála- og trúarskoðana annars vegar
og þess hver líklegt er að ein-
staklingur trúi því að loftslagsbreyt-
ingar eigi sér stað.
Demókratar eru þannig líklegri en
aðrir til að fallast á það, eða um 86%.
Hins vegar segjast innan við 40%
repúblikana telja breytingarnar eiga
sér stað og um helmingur þeirra segir
þær ekki eiga sér stað í raunveruleik-
anum.
Um 70-80% þeirra sem telja sig lítið
eða ekki trúhneigða segjast telja lofts-
lagsbreytingar raunverulegar en að-
eins um og yfir 60% þeirra sem telja
sig nokkuð eða mjög trúaða. Ríflega
þriðjungur þeirra mest trúuðu hafnar
því að loftslagsbreytingar eigi sér stað,
samkvæmt könnun Texas-háskóla.
Trúaðir og
hægrimenn
afneita helst
Krafa Mótmæla lofts-
lagsbreytingum.
Kalifornía varð um helgina fyrsta
ríki Bandaríkjanna til að skilgreina
samþykki fyrir kynmökum í lögum
sínum um kynferðisofbeldi. Sam-
kvæmt lögum sem Jerry Brown, rík-
isstjóri Kaliforníu, skrifaði undir á
sunnudag er samþykki nú skilgreint
sem „jákvætt, meðvitað og sjálfvilj-
ugt samþykki fyrir því að stunda
kynferðislegar athafnir“.
Þannig verður nú ekki hægt að
túlka þögn eða skort á mótþróa sem
samþykki. Þá getur fólk sem er ölv-
að, undir áhrifum lyfja, meðvitund-
arlaust eða sofandi ekki veitt sam-
þykki. Lögin kveða þó á um að
samþykki geti átt sér stað án orða.
Einstaklingur geti veitt það með því
að kinka kolli eða færa sig nær
manneskjunni til dæmis.
Lögin fela í sér breytingar á því
hvernig tekið er á ásökunum um
kynferðisofbeldi á háskólasvæðum
en það hefur verið í brennidepli vest-
anhafs. Ekki verði lengur gengið út
frá viðkvæðinu „nei þýðir nei“ held-
ur „já þýðir já“.
Samtök sem styðja fórnarlömb
kynferðisofbeldis fagna lögunum.
„Þetta mun kenna heilli kynslóð af
nýjum háskólanemum hvað sam-
þykki er og hvað það er ekki ... að
skortur á nei-i þýði ekki já,“ segir
Savannah Badalich, nemi við UCLA.
AFP
Nauðganir Nemi við Columbia-háskóla mótmælti aðgerðaleysi skóla-
yfirvalda, eftir að hún tilkynnti nauðgun, með því að bera dýnu um svæðið.
„Já þýðir já“ kemur
í stað „nei þýðir nei“