Morgunblaðið - Sunnudagur - 28.09.2014, Page 36

Græjur
og tækni *Blandarar eru meðal mikilvægari eldhústækja,einkum ef fólk hefur áhuga á að gæða sér á ýmisskonar hollustudrykkjum úr ávöxtum og græn-meti. Þegar blandari er valinn þarf að hafa í hugaað hann sé nægilega kraftmikill til að geta muliðþað sem þarf að mylja. Jafnan er miðað við aðhann þurfi að vera að lágmarki 500 vött eigihann að geta mulið ísmola.
Kraftmikla blandara fyrir klakana
Undanfarin ár, nálægt jafndægri á hausti, dregur tiltíðinda á símamarkaði því þá sýnir Apple nýjustu far-síma sína, nú síðast tvo síma sem heita lýsandi nöfn-
um að vanda: iPhone 6 og iPhone 6 Plus. Það var reyndar
minni stemning í kringum kynninguna nú en áður, enda
vissu menn nánast hvað yrði kynnt, svo margt hafði lekið út
um símana og eins virtist fátt nýstárlegt í boði í sjálfu sér, í
það minnsta fyrir þá sem þekkja vel til Android.
Þegar maður er kominn með símann í hendurnar kemur
þó í ljós að þetta er veruleg uppfærsla og í raun mun meiri
en mann hefði grunað. Ekki er bara að síminn er stærri að
flatarmáli en eldri gerðir iPhone heldur er hann líka þynnri
en nokkur farsími sem ég hef handleikið, ekki nema 6,9 mm
að þykkt (til samanburðar: iPhone 5S er 7,6 mm, Samsung
Galaxy S5 er 8,1 mm, Samsung Galaxy Alpha 6,7 mm og
Sony Xperia Z Ultra 6,5 mm).
hann fer og einkar vel í hendi,
ávalur og þjáll viðkomu, bakið úr
áli, framhliðin úr gleri (nema
hvað) með rúnnaðar brúnir. Á
bakinu eru tvær plastrendur fyrir
loftnet símans.
Apple kynnti ekki bara iPhone
6 heldur líka stóra bróður hans,
iPhone 6 Plus, sem er með mun
stærri skjá og tveimur millimetr-
um þykkari. Þessir símar tveir eru þó annars nánast eins
hvað varðar innvolsið, nema þó það að í myndavélinni á 6
Plus-símanum er hristivörn í linsunni, en bara stafræn hristi-
vörn á hinum. Annað er eins í myndavélum símanna, en
myndavélin er talsvert endurbætt frá fyrri símum. Þótt
myndflagan sé 8 MP líkt og í 5S þá er örgjörvinn sem stýrir
myndvinnslunni verulega uppfærður og hugbúnaðurinn al-
mennt. Málið er nefnilega það að myndflögustærðin skiptir
ekki öllu og þannig getur komið betri mynd úr 8 MP mynd-
flögu en 12 MP. Að því sögðu þá er sjálfvirka ljóshitastill-
ingin ekki góð í iOS8, ef marka má ítarlegar prófanir, en
batnar væntanlega við stýrikerfisuppfærslur.
Apple hefur leynt og ljóst reynt að tvinna svo saman tölv-
ur sínar, spjaldtölvur og síma að það að eiga iPhone gerir
iPad enn gagnlegri og öfugt. Vissulega er nokkuð í land með
samþættingu iOS-tækja (eins og iPad og iPhone – iPod er
búinn að vera, því miður) og tækja sem keyra OSX (Mac-
Book- og iMac-tölvur), en meðal nýjunga i iOS8, sem rætt er
frekar hér fyrir neðan, og nýjunga í næstu útgáfu OSX,
Yosemite, sem væntanleg er á næstu vikum, er að hægt er
að byrja á verki á einu tæki og halda því áfram á öðru, svo
framarlega sem tækin séu tengd iCloud og keyri iOS8 og
nýjustu útgáfu OSX (Yosemite). Þannig má til að mynda
byrja á tölvupósti á símanum, leggja hann frá sér og halda
áfram með póstinn á MacBook-fartölvu eða iPad til að
mynda, nú eða svara símtölum í tölvunni án þess að taka
símann upp.
Þetta er nánast fullkominn sími – það eina sem maður
saknar er að hann sé ekki vatns- og rykvarinn, en að því
sögðu þá er hann sterkbyggður og
ætti að þola það sem símar á annað
borð þurfa að þola og líklega ríflega
það. Á vefsetri iFixit, þar sem menn
rífa raftæki og mynda innvolsið,
mátti sjá að það voru þéttingar við
hnappana á hliðum símans (straumur
og hækka/lækka) sem ætti að gera
símann rakaþolnari en ella, þótt
Apple segi reyndar ekki að hann sé vatnsvarinn, hvað þá
vatnsheldur.
Stýrikerfið á símanum, iOS 8, er nokkuð frá því að vera
fullkomið, nánast akkilesarhæll símans, en fer batnandi.
Ýmsir vara þó fólk við 8.1-uppfærslunni, sem er glæný, og
benda iOS8-notendum á að bíða frekar eftir 8.2, sem kemur
líkastil fljótlega.
iPhone 6 fékkst í Nova í takmörkuðu magni og kostaði
159.000 kr. Næsta sending verður á lægra verði, sennilega í
kringum 130.000 að sögn Nova-manna.
* iPhone 6 er ekki þungurmiðað við stærð, 129 g, en þó
þyngri en 5- og 5S-gerðirnar (sem
voru 112 grömm), en léttari en
5C og aðrar eldri gerðir. Þyngdin
ræðst eðlilega að mestu af stærð-
inni, enda er skjárinn á honum
4,7", samanborið við 4" á 4-, 5-
og 5S-símunum.
* Upplausnin á skjánum er býsnagóð, enda er hann Retina-skjár;
1.334x750 dílar sem gefur 326 díla
á tommu (ppi), sama og í 4, 4S, 5
og 5S. Upplausnin á iPhone 6 Plus
er 1920x1080 dílar, sem gefur 401
díl á tommu, ríflega Retina (Retina
er vörunerki, en ekki staðall, og
miðast við um 300 díla á tommu á
síma en minna á tölvuskjá).
* Rafhlaðan í iPhone 6 erstærri en í 5S; 1.810 milliamper,
en endist þó ekki nema aðeins
betur, því stærri skjár kallar á sitt.
Í iPhone 6 Plus er enn stærri raf-
hlaða (enda enn stærri skjár);
2.915 milliamper. Rafhlöðuending
á honum er talsvert betri en á
fyrri símum. Hann er líka þyngri
en iPhone 6, nema hvað, 172 g.
Græjan
ÁRNI
MATTHÍASSON
ÞAÐ ERU ALLTAF TÍÐINDI ÞEGAR APPLE KYNNIR NÝJA SÍMA, ENDA
BIRTIST Í ÞEIM MARGT ÞAÐ SEM AÐRIR SÍMAFRAMLEIÐENDUR
MUNU TAKA UPP OG STÆLA. ÞAÐ ER KANNSKI EKKI MIKIÐ AF SLÍK-
UM NÝJUNGUM Í IPHONE 6, SEM BARST TIL LANDSINS Í VIKUNNI,
EN HANN ER FRÁBÆR SÍMI ENGU AÐ SÍÐUR.
NÁNAST FULLKOMINN SÍMI
Apple kynnti ekki bara nýjan síma, heldur
líka nýja útgáfu af stýrikerfinu sem síminn
notar, iOS 8. Nýja útgáfan er ekki jafn mikil
bylting og þegar iOS 7 kom á markað fyrir
rétt rúmu ári, en í henni eru talsverðar
endurbætur og nýjungar sem gera iPhone-
síma eigu- og gagnlegri, þó mesta byltingin sé
reyndar fyrir iPad-notendur. Nokkur dæmi:
Ef maður er með kveikt á Find My iPhone,
sem allir ættu reyndar að vera með í gangi,
er hægt að velja að síminn sendi boð um
staðsetningu rétt áður en rafhlaðan deyr.
Ef rafhlöðuending er minni en ætla mætti
er hægt að fá lista yfir orkueyðslu forrita og
finna þannig rafháka.
Endurbætt lyklaborð er meðal helstu við-
bóta og felur meðal annars í sér að lykla-
boðið giskar á það hvaða orð til stendur að
skrifa, nokkuð sem Android-notendur
þekkja reyndar vel, en að sögn Apple giskar
síminn á orð eftir því við hvern er verið að
spjalla eða hverjum er verið að skrifa, og
byggir þá á fyrri samskiptum. Svo verður líka
hægt að setja upp lyklaborð annarra fram-
leiðenda ef vill.
Eitt af því sem farið hefur í taugarnar á
mörgum (ég þar meðtalinn) er að notandi
hefur ekki aðgang að skráarkerfi á iOS-
tækjum. Apple bætir úr því með iCloud
Drive sem hagar sér eins og skráarkerfi –
ekki ósvipað Dropbox (sem margir nota
einmitt sem skráarkerfi í iOS).
Í iOS 8 er heilsuforrit sem heitir einfald-
lega Health. Það tekur við gögnum frá tækj-
um sem skrá hreyfingu, hjartslátt og tilheyr-
andi, til að mynda úr Fitbit, nú eða
Apple-úrinu sem er væntanlegt í byrjun
næsta árs.
NÝR SÍMI, NÝTT STÝRIKERFI
Ný útgáfa af iOS