Morgunblaðið - Sunnudagur - 28.09.2014, Qupperneq 38
Dýrt: Dewalt LED-ljós 18V
Verð: 17.900
Aðeins um: 18 volta LED Pivot-ljós. Ljós-
magn: 110 lúmen með 10 þúsund klukkutíma
notkunarmöguleika. Vegur 260 grömm.
Ódýrt: Philips LED-vasaljós
Verð: 1.995
Aðeins um: Högg- og vatnshelt LED-vasaljós,
Ljósmagn: 25 lúmen, dregur allt að 120 metra.
Miðlungs: P7-vasaljós
Verð: 9.975
Aðeins um: Öflugt alhliða
vasaljós sem vegur aðeins
192 g. Vatnsvarið og með
stillanlegum fókus. Ljós-
magn: 200 lúmen og dregur
allt að 210 metra.
ÓDÝRT, MIÐLUNGS, DÝRT
Vasaljós
38 MORGUNBLAÐIÐ SUNNUDAGUR 28.9. 2014
Græjur og tækni
Nýverið náði StickNFind 70 þúsund dollara mark-
miðum sínum á söfnunarsíðunni Indiegogo og mun
því að öllum líkindum fara í framleiðslu innan
skamms. StickNFind er Bluetooth-límmiði sem
festist á hvað sem er og er hægt að nota snjallsím-
ann til að finna hlutinn, hvort sem það er gæludýr,
farangur, lyklar eða gleraugu. Á límmiðinn að draga
allt að 100 metra.
Týnt verður fundið
V
ið höfum markvisst verið
að vinna í því að fá
fleiri stelpur á bak við
lyklaborðið. Eftir því
sem stelpurnar eldast þá er eins
og þær hugsi; Æi, þetta er bara
eitthvað fyrir stráka. Það er
rangt, því tölvuforritun er fyrir
alla, stelpur og stráka. Meira að
segja líka fyrir fullorðna, tækni-
hrædda einstaklinga. Það geta
allir lært grunninn í forritun og í
raun ættu allir að læra grunn-
inn“ segir Ásdís Erla Jónsdóttir,
rekstrarstjóri Skema.
Skema hóf starfsemi sína árið
2011 og hefur fyrirtækið verið
leiðandi í kennslu og ráðgjöf í
notkun á tækni og forritun á
grunn- og framhaldsskólastigi hér
á landi. Öll námskeið Skema eru
kennd eftir Skema-aðferðafræð-
inni sem er studd af rannsóknum
á sviði sálfræði, kennslufræði og
tölvunarfræði og hafa það mark-
mið að kenna ungu fólki frá 6
ára aldri að forrita.
Í sumar sátu tæplega 600 börn
námskeið hjá Skema, flest þeirra
voru drengir en á einu námskeið-
inu var 56% þátttaka hjá stúlk-
um. Yfirleitt er hlutfallið í kring-
um 10-15% og stundum dettur
það niður í 0%. Þessu vill Skema
breyta.
Samskipti við tölvur
byggjast á forritun
Mikill skortur er á tæknimennt-
uðum einstaklingum um allan
heim og á það einnig við hér á
Íslandi. Skema, ásamt samstarfs-
aðilum sínum eins og CCP,
Microsoft og Epli, eru að reyna
sporna við þessari þróun og auka
líkurnar á því að börnin muni
síðar sækja inn á þessar brautir
í náms- og starfsvali sínu. „Öll
samskipti á milli fólks og tölva
byggjast á forritun. Forritun er
alls staðar og grundvallaratriði í
því að skilja þann hátengda heim
sem við búum í í dag. Það er
líka hægt að tengja forritun inn
í aðrar greinar, það þarf ekkert
að enda sem forritari. Þannig má
finna tengsl við t.d. samfélags-
fræði, náttúrufræði og aðrar
greinar,“ segir Ásdís.
Hver er þessi Alice?
„Við erum meðal annars með
grunnnámskeið í boði þar sem
stuðst er við forritið Alice, sem
hægt er að nálgast án endur-
gjalds og upphaflega var nýtt í
Carnegie Mellon-háskólanum í
Bandaríkjunum til að sporna við
brottfalli nemenda úr tölvunar-
fræði. Alice er þrívítt forritunar-
umhverfi þar sem þátttakendur
læra grunnhugsunina á bak við
forritun með því að ákvarða að-
gerðir og draga skipanir á upp-
skriftalista fyrir hvern og einn
hlut sem valinn er til leiks í
heimi sem þátttakendur skapa
sjálfir. Þannig forrita þeir hreyf-
ingar og láta hluti hreyfast en til
þess að það gerist þarf að passa
að röð aðgerða sé rétt og allt
þetta þjálfar jú almenna rök-
hugsun. Meirihluti nemenda okk-
ar hefur verið strákar en stelpur
koma líka, við höfum bara þurft
að hafa meira fyrir því að fá
þær til okkar.
Við höfum boðið upp á sérstök
tæknistelpunámskeið til að ýta
undir áhuga þeirra. Þá er grunn-
námskeiðið fléttað saman við
sjálfsmyndarvinnu og unnið að-
eins öðruvísi. Einkunnarorð nám-
skeiðsins eru skemmtun, sam-
staða og styrkur. Tæknistelpur
hafa verið mjög vinsæl námskeið
en auðvitað viljum við fá fleiri
stelpur á opnu grunnnámskeiðin
líka. Skema vinnur að því þessa
dagana að opna fyrsta íslenska
tæknisetrið og er ætlunin að
bjóða upp á mörg ný og áhuga-
verð námskeið þar, þar á meðal
sérsniðið tækninámskeið fyrir
stúlkur sem ætlað er að efla þær
fjölbreyttu sviði. Eitt af mark-
miðum okkar er einmitt að efla
konur í upplýsingatækni og fjölga
þeim í greininni.
Forritun eflir
sjálfstraust
barna
SPROTAFYRIRTÆKIÐ SKEMA HELDUR FJÖLMÖRG FORRIT-
UNARNÁMSKEIÐ Í HAUST VÍÐSVEGAR UM HÖFUÐBORG-
ARSVÆÐIÐ FYRIR BÖRN FRÁ SJÖ ÁRA ALDRI. HÁTT Í 600
BÖRN VORU Á NÁMSKEIÐUM HJÁ SKEMA Í SUMAR, ÞAR AF
VORU STÚLKUR RÚMLEGA HELMINGUR Á EINU NÁMSKEIÐI.
Benedikt Bóas benedikt@mbl.is
Hátt í 3.000 börn á aldrinum 6-16 ára hafa á síðustu þremur árum lært forritun á námskeiðum hjá Skemu.
Einkunnarorð tæknistelpunámskeiðsins eru skemmtun, samstaða og styrkur.
Mjög margir, sérstaklega yngra fólk, geymir símana
sína í buxnavösunum. Þegar svo er er mikilvægt að
hafa í huga að sama hversu mikið þú reynir að troða
símanum í vasann, sumir símar passa einfaldlega ekki
í alla vasa. Þannig eru til dæmis nýju iPhone-símarnir
töluvert stórir. Og jafnvel þótt síminn komist að lokum
í vasann getur síminn bognað þegar símaeigandinn
fær sér sæti einhvers staðar.
Íslensk veðrátta er oft mjög köld en mikilvægt er
að geyma raftæki innanklæða í mjög köldu veðri, helst
í góðum fóðruðum vasa því hitabreytingar geta farið
illa með raftæki. Yfirleitt þurfum við ekki að hafa
áhyggjur af of heitu loftslagi hér á landi en á ferðalög-
um til heitari landa er líka gott að hafa í huga að
skýla símanum fyrir beinni sól og hafa hann í tösku
eða í vasa.
Að lokum má benda á að tæki og tól svo sem lykla-
borð og snjallsímar eru síður en svo laus við skít og
bakteríur og það þarf ekki síður að eiga tilheyrandi
hreinsiefni fyrir þau tæki en klósett og gólf. Hægt er
að fá ýmiss konar hreinsiefni í þau verk og líka nátt-
úruleg.
Farðu vel með símann
ÞAÐ ER HÆGT AÐ VERA ÁBYRGUR OG GÓÐUR FARSÍMAEIGANDI MEÐ ÞVÍ AÐ ÞRÍFA SÍM-
ANN OG GEYMA HANN Á GÓÐAN HÁTT. TIL ERU MARGS KONAR HREINSIEFNI FYRIR
SÍMASKJÁI Á MARKAÐNUM, MEIRA AÐ SEGJA LÍFRÆNAR VÖRUR.
Það þarf líka að þrífa símana okkar.