Fréttir - Eyjafréttir - 19.04.2000, Síða 15
Miðvikudagur 19. apríl 2000
Fréitir
15
Knattspyrna: Viðtal við Asmund Friðriksson formann knattspyrnudeildar IBV
Metnaðarfull stjórn
Ásmundur er ekki með öllu ókunnur afskiptum af íþróttamálum. Hann var lengi í stjórn Golfklúbbsins
og hér er hann með núverandi formanni Golfklúbbs Vestmannaeyja, Gunnari K. Gunnarssyni.
Ásmundur Friðriksson tók við for-
mennsku stjórnar knattspyrnu-
deildar ÍBV-íþróttafélags fyrir
skömmu. Þar skiptir hann um stól
innan íþróttahreyfingarinnar í
Vestmannaeyjum því undanfarin
ár hefur hann verið formaður ÍBV-
héraðssambands. Lætur hann af
því embætti á ársþingi héraðssam-
bandsins sem haldið verður 15. maí.
Stúka næsta vor
„Mér þótti mjög áhugavert að fá að
prófa þetta,“ sagði Ásmundur þegar
hann var spurður um ástæðu þess að
hann gaf kost á sér í þetta kröfuharða
embætti hjá ÍBV.
„Eftir að hafa verið í stjóm Golf-
klúbbsins í nokkur ár og verið leik-
maður í handbolta og í handboltaráði
fannst mér spennandi að kynnast
þessum vettvangi líka. Bæði er að
meistaraflokkur IBV í knattspymu er
topplið á fslandi og svo fannst mér
áhugavert að fá að starfa með þeim
sem fyrir em í stjóm knattspymu-
deildar. Það em líka mörg verkefni
sem bíða úrlausnar sem gaman verður
að vinna að. Stærsta málið er
stúkubyggingin,“ bætti hann við.
Hver er staðan þar? „Eg sé ekki
annað fyrir mér en að stúka rísi næsta
vor og verði afhent til notkunar fyrir
leiktímabilið 2001.“
Gott samstarf við alla
Önnur stór verkefni? „Mér finnst
stærsta mál knattspymudeildarinnar
að eiga gott samstarf við bæjarbúa,
fyrirtæki í Eyjum og fyrirtæki og
stofnanir á landsvísu. Umfang deild-
arinnar er það mikið að við þurfum að
ná miklum tekjum á hverju ári. Stærsú
kostnaðarliðurinn er að halda sér í
toppnum og eiga möguleika á að taka
þátt í Evrópukeppnum. Það þarf ekki
nema einn góðan happdrættisvinning
á þeim vettvangi til að tryggja rekstur
deildarinnar til einhverra mánaða eða
ára. Til þess að ÍBV geti átt von um að
vera í toppnum og eiga möguleika á
að komast í Evrópukeppnir þurfum
við að tefla fram bestu leikmönnum
sem fáanlegir em á íslandi hverju
sinni. Auk þess sem við leggjum
mikinn metnað í að okkar yngri menn
fái þá þjálfún og reynslu sem þarf til
að halda ÍBV-liðinu í fremstu röð.
Fyrir nokkmm dögum var hópurinn
skorinn niður og þá var ljóst að þrír
Eyjastrákar, Jóhann Sveinn Sveinsson,
Jón Helgi Gíslason og Magnús
Elíasson áttu ekki tryggt sæti í
leikmannahópnum. Við höfum miklar
vænúngar til þessara straka og em þeir
allir samningsbundnir IBV. I samráði
við foreldra höfðum við forgöngu um
að koma þeim til annarra félaga sem
höfðu verið að leita að ungum og
efnilegum leikmönnum til að styrkja
sín lið. Jón Helgi og Magnús vom
lánaðir til Dalvíkur sem er eitt af
sterkustu landsbyggðarliðunum og var
í toppi 1. deildar í fyrra. Fyrir áeggjan
Sveins Sveinssonar, föður Jóhanns
Sveins, fór hann í FH. Þessir strákar
em núna með liðum sínum í æfinga-
ferðum í Portúgal eins og reyndar
IBV. Það er svo sannarlega okkar von
að þessir strákar nái að þroskast og
eflast og fái þá reynslu sem til þarf til
að vera í toppliði í úrvalsdeildinni.“
Má eiga von á einhverjum breyt-
ingum með nýjum formanni? „Það
munu ekki gerast nein kraftaverk með
tilkomu minni í stjóm en það sem við
leggjum mjög mikla áherslu á í
stjóminni er að vinna að málefnum
knattspymunnar í sátt og samlyndi við
aðra sem em að vinna innan
hreyfingarinnar. Eins og ég hef áður
sagt á þetta við um Eyjamenn alla og
stuðningsmenn IBV um allt land og
þó víðar væri leitað.“
Hef mikla trú á Kristni
Hefur þú trú á Kristni R. Jónssyni
þjálfara til góðra verka þar sem þetta
er frumraun hans sem þjálfara í efstu
deild? „Þegar ég kom til starfa var
búið að ráða Kristin en ég hef þekkt
hann að góðu einu. Ég hef aflað mér
upplýsinga um hann auk þess sem ég
hef farið með honum í eina æfinga-
ferð upp á land. Og við fyrstu kynni
virkaði hann vel á mig og ég hlakka til
samstarfsins við hann eins og aðra,
leikmenn og stjómarmenn.“
Hvemig leggst sumarið í þig?
„Sumarið leggst mjög vel í mig. Það
er mjög góður andi í liðinu og
strákunum hefur gengið vel í
æfingaleikjum og æfingaferðum. Ég
vænti mikils af af liðinu í sumar. Það
er góð blanda af gamalreyndum
refum í knattspymunni og ungum
strákum sem em að springa út sem
knattspymumenn. Ég er því bjartsýnn
fyrir hönd meistaraflokks ÍB V karla,“
sagði Ásmundur Friðriksson nýr
formaður knattspymudeildar ÍBV að
lokum.
Handknattleikur: Lokahófið á laugardaginn
Uppsjör í kvikmynd
Daði Pálsson handknattleiksmaður
með IBV hefur alla tíð spilað með
IBV ef frá eru talin tvö ár sem hann
spilaði með Haukum. Það var
einmitt í seinni Ieik þessara tveggja
liða í úrslitakeppninni um dagin að
Daði meiddist og gat ekki spilað
þriðja og síðasta leik liðanna.
En drengurinn hefur ekki setið
aðgerðalaus síðan hann meiddist,
ásamt því að vera verkstjóri í ís-
félaginu þá leggur hann stund á
kvikmyndagerð og hefur gert um all
langt skeið. Hans frægasta mynd hans
er án efa stuttmyndin „This island is
not big enough for two companies,"
þar sem gert er grín að James Bond.
Nýjasta mynd Daða er með nokkm
öðm sniði, en hún mun verða fmm-
sýnd á lokahófi handknattleiksdeildar
IBV á laugardagskvöldið.
Fréttir slógu á þráðinn og reyndu að
draga upp úr honum söguþráðinn í
DAÐI, Spielberg.
nýjustu mynd hans.
,Já, þú segir nokkuð. Ég get alla-
vega sagt að þetta er byggt á stuttum
atriðum þar sem gert er grín að
vetrinum. Svo inn á milli skjótum við
svona stuttu gríni þar sem gert er grín
að einhveiju sem snýr að IBV. Það
koma margir við sögu í myndinni, en
ég get ekkert tjáð mig meira um málið
á þessari stundu.“
En hvemig vaknaði súþörfhjáþérað
búa til myndir?
„Ætli það hafi ekki verið þegar ég
var 13 ára en þá gerðum við, ég,
Hlynur Jóhannesson og Hermann
Hreiðarsson til margar góðar myndir.
Við framleiddum myndir eins og
Indiana Jones, Rocky og Bathemmi,
en því miður er aðeins til eitt eintak af
hverri þessara mynda og þær eru allar
læstar niður heima hjá Hermanni
Hreiðarssyni. Hann skammast sín
eitúivað fyrir framtakið."
Nú hefur veríð talið frekar dýrí að
framleiða myndir og mikinn tœkja-
búnað þatf til verksins hvemig er
þessu háttað hjá þér?
„Nei, kostnaðurinn er ekki mikill
hjá okkur. Við notumst við Sony
Digital myndavél við tökumar. Svo
höfum við klippt hjá Stjána Óskars og
í Athafnaverinu, en að þessu sinni
fómm við í kvikmyndastúdíó í
Reykjavík þar sem við klipptum við
toppaðstæður. Það hefur farið mikill
tími í þetta, eitt atriði var t.d. þijá daga
í upptökum og svo höfum við þurft að
eyða miklum tíma í að klippa en sá
tími styttist verulega með því að fara í
bæinn. Myndin verður líklega að
endingu svona í kringum 20 mínútur,"
sagði Daði sem var að ganga frá eftir
eina tökuna þegar rætt var við hann.
íþýtt^
ir
Sigur og tap hjá KFS
KFS lék tvo leiki í deildarbikamum
unt helgina. Sá fyrri var gegn
Bruna frá Akranesi og vannst sá
leikur 5-2, eftir að staðan í hálfleik
hafði verið 1-1. Mörk KFS skoruðu
þeir Yngvi 2, Birgir I. Valgeir 1 og
Gísli I.
Seinni leikurinn fór fram á
sunnudaginn og var leikið gegn
Leikni Reykjavík, á þeirra heima-
velli. Leikurinn endaði nteð 1-0
sigri heimamanna, en staðan í hálf-
leik var 1-0. Þar með er KFS í
fjórða sæti riðilsins, með íjögur stig
en ÍBV er öruggt áfram í öðm sæti
með tíu stig, jafnmörg stig og
Keflavík sem er í fyrsta sæti.
Ágætis árangur hjá
2.fl. kvenna
Annar flokkur kvenna lauk tíma-
bilinu nú í vikunni. Liðið vann
Víking í tveimur leikjum síðastlið-
inn mánudag, en fyrst fóm þær á
Seltjarnarnesið urn helgina og
kepptu gegn Gróttu/KR. ÍBV tapaði
leiknum 20-19 en hann var spenn-
andi eins og lokatölumar bera með
sér. Markahæstar í leiknum voru
þær Guðbjörg 7. Hind og Anita 4.
Á mánudaginn kepptu svo stelp-
umar tvo leiki gegn Víkingi hér í
Eyjum. Fytrí leikurinn endaði með
sigri ÍBV 23-19 en mörk ÍBV
skomðu þær Guðbjörg 8, Anna Rós
5, Anita 5, Erna 3, Þorsteina 2 og
Bjarný 1. Seinni leiknum, sem
háður var klukkutíma eftir fyrri
leikinn, lauk einnig nteð sigri ÍBV.
Lokatölur í þeim leik urðu 25-19 og
mörkin skoruðu þær Guðbjörg 8,
Anita 8, Anna Rós 3, Halla 2,
Bjamý 2, Elva 2.
I 2. flokki er teflt fram mjög ungu
liði, alveg niður í íjórða flokk en
þær hafa verið að standa sig mjög
vel og eiga eftir að búa að þeirri
reynslu sem þær fengu í vetur.
Góð aðstaða í
Portúgal
Eins og áður hafði komið fram,
dvaldi bæði karla- og kvennalið
ÍBV í Portúgal í síðustu viku og
æfði og spilaði við frábærar
aðstæður. Stelpumar spiluðu tvo
leiki, fyrst gegn Breiðablik þar sem
IBV steinlá 0-4. Og svo var spilað
gegn FH og fór sá leikur 1-1.
Heimir Hallgrímsson sagði að liðið
dveldi við góðar aðstæður og fór
vel um mannskapinn. Reyndar
hafði rignt fyrstu þrjá dagana og
veðráttan verið frekar óhagstæð en
úr hafði ræst á þriðja degi og var
gott veður þegar rætt var við hann.
Ekki náðist í neinn úr karlaliðinu.
en vitað var að liðið hafði spilað
einn leik á sunnudag og gert
jafnteíli við liðið Oblihem. Það var
Unnar Hólm Ólafsson sem skoraði
markið eftir góðan undirbúning
Gunnars Heiðars Þorvaldssonar.
Liðin dvelja á sama hóteli.
Derby-leikur á
sunnudaginn
KFS og ÍBV munu mætast í síðasta
leik í riðlakeppni deildttrbikarsins
hér í Eyjum 22. apríl. Ekki er vitað
klukkan hvað leikurinn vcrður.
Páskagolf
Á páskadag kl. 11.00 verður efnt til
golfmóts og leiknar 18 holur með
forgjöf. Þetta er liðakeppni þar sem
tveir keppa saman og vegleg
verðlaun fyrir efstu sæti. Sjá nánar
í auglýsingu í blaðinu.