Fréttir - Eyjafréttir - 05.10.2000, Blaðsíða 6

6
Fréttir
Fimmtudagur 5. október 2000
ATR-flugvél frá Flugfélagi íslands lenti á öðrum hreyflinum eftir bilun
Óafsakanleg framkoma
-segir Magnús Kristinsson,
Á mánudagskvöld kom upp bilun í
ATR-flugvél á vegum Flugfélags
Islands, sem var á leið frá Vest-
mannaeyjum til Reykjavíkur. Var
vélinni, sem er tveggja hreyfla, flog-
ið á öðrum hreyflinum til Reykja-
víkur þar sem hún Ienti áfallalaust.
Flugfélag íslands hefur vélina á leigu
frá Islandsflugi og hefur hún verið í
almennu farþegaflugi innanlands að
því er kemur fram í frétt frá félaginu.
Síðdegis á mánudag kom upp bilun í
startara á flugvellinum í Eyjum og
tafði það flug vélarinnar um fjórar
klst. Flugvirki kom hingað með nýjan
startara og eftir að honum hafði verið
komið fyrir og hann prófaður, kom
ekkert óeðlilegt fram. Farþegar voru
því kallaðir um borð í flug til
Reykjavíkur. Farþegar töldu sig finna
undarlega lykt, þegar þeir gengu um
borð í vélina, en slík lykt mun fylgja
áðumefndum prófunum og ekkert
óeðlilegt við hana.
Að loknu flugtaki, þegar flugvélin
var komin í flughæð, sýndu mælar hjá
flugstjóra að olíuþrýstingur væri að
lækka á öðrum hreyflinum. I slíkum
tilfellum er undantekningarlaust slökkt
á hreyfli og var það því gert og flogið
á einum hreyfli til Reykjavíkur.
Mikill viðbúnaður var fyrir lendingu
en hún tókst að öllu leyti áfallalaust.
Við skoðun eftir lendingu kom í ljós
að lítill þéttihringur hafði bilað þannig
að olía rann af hreyflinum. Þessi bilun
tengist á engan hátt hinni fyrri í start-
aranum.
SÁLARHORN IÐ
„Viltu verða heill?“ Þessa dásam-
legu spurningu frá Jesú er að finna í
Biblíunni, í sögunni um lamaða
manninn við Betesdalaug. Ég hef oft
velt þessari setningu fyrir mér, því við
fyrstu sýn virkar hún hálfmóðgandi.
Maðurinn er lamaður! Ég held að ég
megi fullyrða að ég þekki ekki til
neinnar lamaðrar eða veikrar
manneskju sem mundi ekki frekar
kjósa heilbrigði. Ég hef því í mörg ár
leitað að einhverri skýringu sem gæti
hugsanlega afsakað þessi „mistök"
frelsarans.
Það var svo þegar maðurinn minn
benti mér á enska orðið yfir ábyrgð,
„responsible" og að orðið er saman-
sett úr tveim orðum, „respond" og
„able“ sem ég fann svarið! „Re-
spond“ sem þýðir „viðbragð/fram-
kvæmd" og „able“ sem þýðir „geta“
eða með öðrum orðum, „getan til að
framkvæma/bregðast við.“ Alltíeinu
fannst mér heilmikið varið í spumingu
frelsarans!
Á dögum Biblíunnar var staða
hinna sjúku heldur bág! Margir, ef
ekki flestir, þurftu að lifa sem betlarar
og ölmusufólk. Skyldur samfélagsins
gagnvart þeim voru heldur litlar, þar
sem ekki var litið á þá sem nýta
þjóðfélagsþegna. Vissar skyldur
voru/eru lagðar á herðar hinna heil-
brigðu, svo sem að vinna, borga skatta
og sjá fyrir fjölskyldu! Spuming Jesú
á erindi í dag. Það em margir sem
þjást í dag, og ekki síður andlega!
Spumingin sem ennþá gengur út til
okkar í dag „viltu verða heill/heil?“
gæti líka hljómað „ertu reiðubúin að
axla ábyrgð?" eða með öðmm orðum,
„öðlast getuna til að framkvæma
/bregðast við?“
Ef til vill er þetta mesta ögmn sem
við höfum fengið allt okkar líf og
áskomn um að verða nýtir þjóð-
félagsþegnar, með öllum þeim
skyldum og kvöðum sem því fylgir!
En em verðlaunin ekki þess virði?
Þetta er einfaldlega spuming um
ákvörðun!
„Viltu verða heil?“...,Já herra, ég
vil taka ábyrgð á líft mínu og verða
heilbrigð á anda, sál og líkama. Því
bið ég um getuna til að framkvæma
það sem ég þarf, mér og öðmm til
heilla. Amen.“
Iris.
einn farþega með vélinni
Þama var ekki um alvarlega bilun að
ræða og eftir að skipt hafði verið um
þéttihring fór vélin strax í áætlun á ný.
I fréttatilkynningu frá Flugfélagi Is-
lands segir að vélar af þessari gerð geú
flogið lengi á einum hreyfli ef slík
vandamál komi upp og gert sé ráð
fyrir slíku í þjálfun flugliða. Á
mánudag var að öllu leyti farið eftir
þeim reglum sem gilda í slíkum
tilfellum og hafi í raun aldrei verið um
neina vemlega hættu að ræða.
Ósáttur
Alls vom 35 farþegar með vélinni,
þeirra á meðal bræðumir Magnús
Kristinsson, útgerðarmaður og Birkir
Kristinsson, knattspymumaður.
„Reyndar áttum við bókað flug kl.
ellefu um kvöldið með annarri vél en
var boðið að fara með þessari, sem fór
nokkm fyrr, og tókum því boði. Svo
þegar vélin var komin á loft urðu
líklega flestir varir við að ekki var allt
eins og það átti að vera, við urðum
varir við titring og svo var drepið á
hreyflinum. Ég get ómögulega neitað
því að það fór um mig og fleiri við
það. Én flugstjórinn, Vestmanna-
eyingurinn Halldór Ámason, kom
aftur í og tilkynnti farþegum á mjög
yfirvegaðan og fagmannlegan hátt
hvað um væri að vera. Flugfreyjan
stóð sig einnig mjög vel og öll fram-
koma þeirra varð til þess að engin
panik greip um sig meðal farþeganna.
Almennt var þó fólk slegið yfir
þessum tíðindum. Mín viðbrögð vom
þau að segja farþegunum í kringum
mig að það væri lítið að óttast, við
væmm með hæfasta flugstjóra sem
völ væri á á íslandi og þó víðar væri
leitað.
Hélt að hinn hreyfíllinn væri
aðfara
Svo þegar við vomm komin yfir ijall-
garðinn á Reykjanesi, kom hnykkur á
vélina og þá brá mér illilega, ég hélt að
hinn hreyfillinn væri að fara líka. Sem
betur fer var þó ekki um slíkt að ræða.
Óneitanlega brá okkur líka þegar við
sáum hve mikill viðbúnaður var á
flugvellinum íyrir lendinguna, einhver
ósköp af slökkvibílum, sem benti til
þess að ástandið væri alvarlegt. En
Halldór llugstjóri og hans fólk brást
ekki, lendingin tókst að óskum þótt
aðeins væri um einn hreyfil að ræða.“
En Magnús er lítið hrifinn af
viðbrögðum Flugfélags íslands í
Reykjavík og telur þau fyrir neðan
allar hellur.
„Bæði ég og aðrir áttum von á því að
fólk frá Flugfélaginu myndi koma og
ræða við farþega eftir lendingu. Þama
vom margir mjög sjokkeraðir og ég
reiknaði með að þeim sem þyrftu þess
með yrði boðin áfallahjálp. En þama
kom enginn úl að tala við fólkið og ég
er hneykslaður á þessum vinnu-
brögðum. Það er ekki langt síðan
llugvél, sem var að koma frá ísafirði,
lenti í svipuðu og ég hélt að þessir
menn væm eitthvað búnir að læra af
því. Ég hefði alveg þegið að fá ein-
hvem til að tala við um þessa óþægi-
legu reynslu og mér fannst ég finna
fyrir eins konar efúrsjokki í bílnum á
leiðinni heim. Ég fann til dæmis
mikla þörf hjá mér til að hlusta á
fréttimar á miðnætti, til að vita hvað
þar kæmi fram. Flugfélag Islands
getur ekki afsakað þessa framkomu
með því að segja að aldrei hafi verið
nein hætta á ferðum. Þeir verða að
koma sér upp teymi sem er tilbúið að
ræða við fólk ef svona hlutir koma
upp,“ sagði Magnús Kristinsson.
Búum ekki til áföll, til þess
að veita áfallahjálp,segir Jón
Karl Ólafsson
Jón Karl Ólafsson, framkvæmda-
stjóri Flugfélags Islands, segir að sér
sé einungis kunnugt um einn farþega
sem orðið hafi hræddur í þessari ferð.
„Auðvitað var þetta ekki skemmtilegt
en það var engin hætta á ferðum eins
og áhöfn vélarinnar sagði farþegunum
og flugfreyjan sá ekki óttamerki
almennt á farþegum. Farþegamir urðu
fyrst hræddir þegar þeir hittu alla
blaðamennina eftir lendingu. Auð-
vitað veitum við áfallahjálp ef fólk
verður íyrir áfalli en við búum ekki til
áföll, bara til að veita slíka hjálp. Ef
raunveruleg hætta hefði verið á
ferðum og sýnileg þörf fyrir
áfallahjálp, þá hefðum við veitt hana.
En það var enginn sem gaf sig fram
með ósk um slíkt, hefði það verið gert
þá hefðum við að sjálfsögðu veitt slíka
aðstoð,“ sagði Jón Karl Ölafsson.

Sigurgeir Jónsson
SH*HtudCQÍ
Af hlutverki fjölmiðla
Þegar vetur nálgast skríða skógarbimir í híði sín
og dveljast þar vetrarlangt. Því er öfugt farið
með skrifara, þegar haustliúr náttúmnnar taka að
verða áberandi fer hann að mmska og þegar
gránar í ijöll þykir honum ekkert að vanbúnaði
að heíja pistlaskrif á ný, endumærður eftir
sumarið.
Hlutverk fjölmiðla er margþættara en margan
kynni að gmna. Fyrir utan að flytja fréttir af því
sem efst er á baugi hverju sinni, sem er aðal
þeirra, eiga þeir einnig að gegna því hlutverki að
vera fræðandi, upplýsandi og (kannski)
skemmtilegir. Þá er þess alla jafna krafist af
þeim að þeir séu svona heldur ábyggilegir í upp-
lýsingum sínum, fari ekki með vísvitandi
fleipur. Meðan fjölmiðlar vom upp til hópa
pólitísk málgögn flokka, var þó varhugavert að
treysta sannleiksgildi þeirra enda næsta
teygjanlegt á slíkum bæjum hvað er sannleikur
og hvað ekki. Samanber gömlu orðtökin
„moggalýgi“ og „ekki lýgur Mogginn," sem
vom notuð efúr því hvort viðkomandi vom með
eða á móti pólitískum skoðunum blaðsins.
Síðan hefur mikið vatn til sjávar mnnið og í dag
er Morgunblaðið viðurkennt sem mjög ábyrgur
og áreiðanlegur fréttamiðill.
En hlutverk fjölmiðla er margþættara, t.d. em
auglýsingar snar þáttur í útgáfu þeirra og raunar
óhjákvæmilegur ef tilvera þeirra á að vera
tryggð. Auglýsingar gegna mikilvægu hlutverki
í nútfmasamfélagi og þótt margir bölvi þeim í
sand og ösku (a.m.k. þegar blaðsíðnafjöldinn
með þeim fer að verða fyrirferðarmeiri en sjálft
efni blaðsins) þá myndu eflaust flestir sakna
þess ef þær væm ekki á sínum stað.
Auglýsingar segja nefnilega oft miklu meira um
ástand mála í þjóðfélagi eða bæjarfélagi en allt
annað efni blaðsins. Oft er hægt að lesa út úr
auglýsingadálkunum hvemig málum er háttað í
bænum, hvort gott eða lélegt ástand er ríkjandi,
t.d. í atvinnumálum.
Og hin seinni ár hefur fólk uppgötvað að hægt
er að koma skoðunum sínum og áhugamálum á
framfæri með tilstilli auglýsinga, jafrivel vanda-
málum sem leysa þarf. í DV em t.d. dags
daglega a.m.k. tvær blaðsíður stútfullar af
leiðum þeim til handa sem eiga við einhver
kynlífsvandamál að etja, raunar kostar sitt að
hringja í þau símanúmer sem þar em gefin upp
en hver skyldi svo sem vera að horfa í nokkrar
krónur til að fá úrlausn þeirra mála, fljótt og vel.
Þá auglýsa einnig þeir sem fúsir em til að
leiðbeina á öðmm sviðum en neðan mittis.
Skrifari hefur rekist á auglýsingar frá fólki sem
tekur að sér að ræða í síma um hin að-
skiljanlegustu vandamál daglegs lífs, yfirleitt
andleg, og kostar oft ekki neitt að njóta slíkra
leiðbeininga. Um daginn rakst skrifari t.d. á
slíka auglýsingu sem honum þótti einkar
forvitnileg. Hún hljóðaði eitthvað á þessa leið:
„Ég föndra með snældur, vinyl og diska. Hvert
er þitt vandamál?“ (Svo kom nafn og
símanúmer sem hægt var að hringja í).
Þama var greinilega á ferðinni einhver haldinn
„fiktáráttu" og vildi komast í samband við aðra
með svipaða tendensa, reiðubúinn að ræða
málin, gefa góð ráð og þiggja ráð í staðinn. Nú
hringdi skrifari ekki í viðkomandi númer enda
hefur fiktárátta ekki hrjáð hann hin síðari ár
(heldur ýmislegt annað sem hann myndi glaður
þiggja ráðleggingar við). Aftur á móti efast
skrifari ekki um að þama er á ferðinni hin
ágætasta þjónusta sem margir vilja nota sér og
kryfja vandamál sín og annarra til mergjar. Og
þegar fjölmiðlum tekst að leiða lesendur sína
saman á slíkan hátt finnst skrifara eins og þeir
standi orðið undir nafninu fjölmiðill.
Sigurg.