Fréttir - Eyjafréttir - 07.02.2002, Page 2

2
Fréttir
Fimmtudagur 7. febrúar 2002
Fjórir árekstrar
Fjögur umferðaróhöpp urðu í vik-
unni, engin slys urðu á fólki en
nokkrar skemmdir urðu á öku-
tækjum.
Þann 3. febrúar varð árekstur á
Hvítingavegi þegíir bifreið sem ekið
var úl úr innkeyrslu var ekið í veg
fyrir bifreið sem ekið var austur
Hvítingaveg. Þann sama dag missti
ökumaður stjórn á bifreið sinni á
gatnamótum Foldahrauns og Goða-
hrauns með þeim afleiðingum að
bifreiðin lenti utan vega og á
umferðarskilti.
Þann 5. febrúar voru tvö um-
lerðaróhöpp tilkynnt lögreglu. Það
l'yrra varð á Vesturvegi þar sem
bifreið var bakkað úr bifreiðastæði
og lenti á bifreið sem ekið var
framhjá í sama mund. Seinna
óhappið varð á Friðarhafnarbryggju
þar sem ökumaður missti stjórn á
bifreiðinni vegna hálku með þeim
afleiðingum að bifreiðin lenti á
Ijósamastri.
Skemmdarverk
Aðfaranótt 2. febrúar var tilkynnt
um mann sem olli skemmdum á
innanstokksmunum í húsi hér í bæ.
Þegar lögregla kom á staðinn var
maðurinn orðin rólegur en þegar
hann var að t'ara braut hann rúðu.
Vtir hann í framhaldi af því færður í
fangageymslu |wr sem hann fékk að
sofa úr sér vímuna en hann var
nokkuð ölvaður.
Aðfaranótt 3. febrúar voru unnar
skemmdir á salerni á Prófastinum
og einnig var rúða brotin á
Lundanum. Vitað er hverjir þarna
voru að verki.
Þjófnaðir
Alls voru 197 færslur í dagbók
lögreglu í sl. viku sem er nánast
sami fjöldi og í vikunni á undan.
Tveir þjófnaðir voru tilkynntir til
lögreglu í vikunni og átti annar sér
stað í verslun 11-11 Goðahrauni þar
sem tveir ungir dregnir voru staðnir
að búðarhnupli. Hinn átti sér stað á
Vesturvegi þar sem ruslatunnu var
stolið og henni komið fyrir á palli
flutningabifreiðar í grenndinni.
Tuttugu og ein kæra
Tuttugu og ein kæra liggur fyrir
vegna brota á umferðarlögum eftir
vikuna. Fjórir voru kærðir vegna
ólöglegrar lagningar, þrír vegna
hraðaksturs, Ijórir vegna vanrækslu
á að l'æra ökutæki til skoðunar, tveir
sem ekki höfðu öryggisbelti spennt
við akstur, einn vegna lélegs
ljósabúnaðar og sjö sem ekki höfðu
greitt lögboðnar tryggingar.
Fræðslufundur
Laugardaginn 9. febrúar heldur
Skógræktarfélag Vestmannaeyja
fræðslufund um skipulag og
hönnun garða. Fundurinn hefst kl.
16.00 í Höllinni og eru allir vel-
komnir.
Fyrirlesari er Áslaug Trausta-
dóttir landslagsarkitekt.
Að loknum fyrirlestri gefst fund-
armönnum tækifæri á að ræða og fá
leiðbeiningar um eigin garða.
Nánari upplýsingar veidr Kristján
Bjamason ísíma481 1060.
Gunnar Gunnarsson var eftirlitsmaður og í mótsstjórn ó EM:
Dómaramistökin urðu okkur dýrkeypt
-segir hann og telur að þau hafi jafnvel kostað okkur verðlaunasæti
GUNNAR er mjög ánægður með frammistöðu liðsins og segir að við
höfum ekki átt svona léttleikandi landslið í mörg ár.
Gunnar Gunnarsson, fram-
kvæmdastjóri Sjúkrahússins, hefur
í mörg ár verið viðloðandi íslenskan
handbolta en síðan 1991 hefur hann
verið varaforseti Dómarasambands
Evrópska handknattleiks-sam-
bandsins, EHF, sem stofnað var það
ár. Hann var eftirlitsmaður á
Evrópumótinu í Svíþjóð og fylgdist
með góðu gengi íslenska landsliðsins
á mótinu. Reyndar úr tjarlægð í
riðlakeppninni en sá leikina gegn
Svíþjóð og Danmörku. Hann segir
að íslenska liðið hafi vakið mikla
athygli fyrir léttleika og
skemmtilegan leik á mótinu. Sjálfur
er hann ánægður með gengi liðsins
en segir að örlög þess hafi ráðist í
leikjunum gegn Frakklandi og
Spáni þar sem handvömm dómara
varð til þess að stela af okkur
tveimur stigum. Fyrir vikið hafi
strákarnir orðið að leggja allt sitt í
leikinn gegn Þjóðverjum sem kom
niður á leik liðsins gegn Svíum og
Dönum.
Eins og allir vita varð íslenska
landsliðið í fjórða sæti á EM sem lauk
í Svíþjóð á sunnudaginn. íslendingar
léku um bronsið við Dani og urðu því
miður að lúta í lægra haldi fyrir frá-
bærum markverði þessara frænda
okkar. Því fór sem fór.
Gunnar hefur starfað sem eftirlits-
maður og eftirlitsdómari í mótsstjóm á
stórmótum í kvennahandboltanum og
hjá yngri landsliðum en þetta er fyrsta
stórmót hans í karlahandboltanum.
Hann segist ekki bera á móti því að
þetta sé mikið starf. „Þegar maður
tekur saman þá daga sem maður eyðir
í handboltann á hverju ári kemur í Ijós
að það er ekki mikið eftir af sumar-
fríinu," segir Gunnar.
Hann var staðsettur í Helsingborg
og Gautaborg í riðlakeppninni og gat
því ekki fylgst með íslensku strák-
unum fyrr en kom að úrslitaleikjunum
í Globenhöllinni í Stokkhólmi. „Ég
frétti yfirleitt ekki af úrslitum leikj-
anna fyrr en þeir voru búnir. En það
var virkilega gaman að vera þarna og
mikil upplifun að fylgjast með leik
okkar manna í Globenhöllinni gegn
Svíum fyrir framan rúmlega 14 þús-
und sænska áhorfendur. Stemmningin
var ógleymanleg en auðvitað hefði
verið enn meira gaman ef við hefðum
unnið.“
Gunnar er mjög ánægður með
frammistöðu liðsins og segir að við
höfum ekki átt svona léttleikandi
landslið í mörg ár. „Það erenginn vafi
á að Guðmundur Guðmundsson þjálf-
ari og Jóhann Ingi Gunnarsson for-
maður landsliðsnefndar og sálfræð-
ingur eru að gera góða hluti. Maður
sér líka greinileg merki Jóhanns Inga á
liðinu."
Gunnar segir að frammistaðan haft
tvímælalaust komið á óvart á mótinu
en eftir fyrstu tvo leikina haft menn
séð að hverju stefndi. „Þá var sagt að
Islendingar gætu náð langt en fyrir
hafði enginn gert ráð fyrir þessum
styrkleika. Auðvitað vonaði maður
það besta í Svíaleiknum, ég verð að
játa að kannski áttum við möguleika
en þeir voru ekki miklir fyrir framan
14 þúsund Svía. í Danaleiknum mat
ég að við ættum jafna möguleika."
Gunnar fullyrðir að íslenska liðið
hafi í leikjunum gegn Svíum og
Dönum verið fómarlamb lélegra dóm-
ara sem höfðu af okkur tvö stig á móti
Spánverjum og Frökkum. „Það varð
mjög afdrifaríkt sem varð til þess að
við urðum að leggja allt í leikinn við
Þjóðveijana. Þar m.a. meiddist Patrek-
ur og það munar um minna því þetta
mót er það erfiðasta sem haldið hefur
verið.“
Gunnar segist hafa hitt svissnesku
dómarana sem dæmdu leikinn gegn
Frökkum og voru þeir ekki með hýrri
há. „Þeir stóðu engan veginn undir
væntingum. Þegar ég hitti þá grétu
þeir fyrir framan mig og sögðust
ekkert skilja í hvað kom yfir þá síð-
ustu tíu mínútumar í leiknum. Þeir
dæmdu ekki meira. Það var líka
alrangt að láta svissneska dómara
dæma leik með íslenska liðinu sem
sendi Svisslendinga heim með 13
marka tapi. Ég lét hann líka heyra það
sem það gerði en ég hef enn ekki séð
upptöku af Spánarleiknum," sagði
Gunnar.
Þegar hann er spurður að því hvort
handboltinn sé á uppleið segir hann að
erfitt sé að dæma um það en þó hafi
ákveðin stöðnun ríkt hér heima sem
megi rekja til þess að allar okkar
skærustu stjömur leika erlendis. „Á
heimsvísu er handbolti á uppleið og
hann hefur aldrei verið sýndur eins
mikið í sjónvarpi og á síðasta ári þó
ótrúlegt sé. Velgengni Þjóðverja er
líka jákvæð því þar em mestu
peningamir og það hefur áhrif um alla
Evrópu."
Gunnar segir að mikið hafi verið
rætt um íslenska liðið, ekki síst fyrir
léttan og skemmtilegan bolta. Þegar
hann er spurður um framtíðina segist
hann vera hóflega bjartsýnn. „Næsta
verkefni em tveir leikir gegn
Makedóníu í júní um sæti á Heims-
meistaramótinu í Portúgal 2002. Síðan
er það Evrópumeist-aramótið árið
2003 en ekki hefur verið ákveðið hvar
það verður haldið. Góður árangur á
HM skilar okkur inn á Olympíu-
leikana þannig að við eigum
möguleika á öllum stóm mótunum
sem framundan em. íslenska
landsliðið er mjög gott og á fram-
tíðina fyrir sér enda góð blanda af
ungum og reyndum leikmönnum. Það
urðu margir hissa á að ekki nema
helmingur liðsins em atvinnumenn
sem sýnir okkur hvað deildin er sterk.
Þá hefur gott gengi á EM gjörbreytt
Ijárhagslegri stöðu HSÍ þannig að þar
á bæ geta menn farið að einbeita sér
að handboltaíþróttinni og útbreiðslu
hennar,“ sagði Gunnar að lokum.
Núpur BA
kominn
til Eyja
Vélskipið Núpur, sem strandaði við
Patreksfjörð fyrr í vetur, kom loks
til Eyja á fimmtudag.
Skipalyftan átti lægsta tilboð í
viðgerð á skipinu en þar sem illa gekk
að þétta skipið fyrir siglinguna til Eyja
var lengi vel í athugun hjá eigendum
skipsins að láta gera við það á
Akranesi. En að lokum var ákveðið
að ná í skipið og fór Lóðsinn eftir
honum í byijun síðustu viku, en þurfti
að bíða upp á Skaga í tvo sólahringa
þar til skipið var tilbúið til siglinga.
Þegar þeir komust loks af stað gekk
ferðin vel þrátt fyrir leiðinda brælu á
leiðinni. Lóðsinn var um átján tíma á
leiðinni og lentu þeir ekki í neinum
vandræðum með Núp sem var
algerlega stjómlaus þar sem stýrið fór
undan skipinu þegar það strandaði.
Núpur var síðan tekin upp í slipp
Skipalyftunnar á föstudaginn og em
viðgerðir nú hafnar.
Útgefandi: Eyjaprent ehf. Vestmannaeyjum. Ritstjóri: Ómar Garðarsson. Blaðamenn: Sigursveinn Þórðarson, Guðbjörg
Sigurgeirsdóttir. íþróttir: Júlíus Ingason. Ábyrgðarmenn: Ómar Garðarsson & Gísli Valtýsson.
Prentvinna: Eyjaprent ehf. Vestmannaeyjum. Aðsetur ritstjórnar: Strandvegi 47II. hæð. Sími: 481-3310. Myndriti: 481-
1293. Netfang/rafpóstur: frettir@eyjar.is. Veffang: http//www.eyjafrettir.is
FRÉTTIR koma út alla fimmtudaga. Blaðið er selt í áskrift og einnig í lausasölu á Kletti, Tvistinum, Toppnum, Kránni,
Vöruval, Herjólfi, Flughafnarversluninni, Tanganum, Söluskálanum Friðarhöfn og í Jolla í Hafnarfirði. FRÉTTIR eru prentaðar í 2000 eintökum. FRÉTTIR eru aðilar að
Samtökum bæjar- og héraðsfréttablaða. Eftirprentun, hljóðritun, notkun Ijósmynda og annað eróheimilt nema heimilda sé getið.

FRETTIR