Harmoníkan - 01.10.1999, Síða 10

l.tbl Harmonikunnar 1986 greinir frá
því að félagsmenn hafi farið til
Kirkjubæjarklausturs og staðið þar
fyrir dansleik.
Þegar haldið var landsmót S.Í.H.U.
öðru sinni hér á landi, 1984, sá HUV.
um það í Varmalandi í Borgarfirði og
segja heimildir að það hafi tekist
mjög vel. Fyrsti heiðursfélagi HUV
var Jóhannes G. Jóhannesson, síðar
var Aðalsteinn Simonarson gerður
heiðursfélagi. Þeir báðir eru látnir.
Fimm formenn hafa stýrt félaginu
sl. 20 ár í eftirtalinni röð: Aðalsteinn
Símonarson, Ingimar Einarsson,
Gunnar Gauti Gunnarsson, Geir Guð-
laugsson, Guðmundur Helgi Jens-
son. Núverandi formaður er Geir
Guðlaugsson. Félagssvæðið, Borgar
og Mýrasýsla er víðáttumikið, nær
allt frá norðurströnd Hvalfjarðar í
suðri til sýslumarka Dalasýslu í
norðri og út til stranda og inn til
dala Borgarfjarðar.
Fjöldi góðra harmonikuleikara eru
innan félagsins, enda sterk tónlistar-
hefð innan héraðsins, sem á sér
langa sögu. Þá er ekki síst að nefna
hinn mikla fjölda ungmenna sem er
og hefur verið í námi hjá Fanneyju
Karlsdóttur á Akranesi. þar eru
smátt og smátt að koma upp á yfir-
borðið nöfn mjög efnilegra harmo-
nikuleikara, sem eiga eftir að verða
styrkur og framtíðarvon félagsins.
Fleiri kennarar hafa komið við sögu í
þessu námi og læt ég duga að nefna
Tatu Kantomaa til viðbótar. Hljóm-
sveitarstarf hefur lengi blómstrað
innan félagsins, ekki hvað síst á
landsmótum. Ýmsir stjórnendur
hafa þar lagt hönd á plóginn s.s.
Ólafur Guðmundsson, Gísli Bryn-
geirsson, Grettir Björnsson, Hannes
Baldursson, Steinunn Árnadóttir, og
Fanney Karlsdóttir. Þá er ónefnt í fé-
lagsstarfinu mótshald við Þverárrétt
og Faxaborg auk ýmissa uppákoma
t.a.m. Góugleði og sumarmálagleði,
ásamt hefðbundnu dansleikjahaldi.
Afmælisveislan
Harmonikuleikur barst um Hótel
Borgarnes frá spilaglöðum veislu-
gestum og fólk hrannaðist inn héð-
an og þaðan af landinu.
í upphafi sjálfrar veislunnar bauð
formaður félagsins Geir Guðlaugs-
son gesti velkomna. Að sögn for-
manns gekk ekki allt snurðulaust í
lokaundirbúningi afmælishátíðarinn-
ar. Einleikari sem koma átti fram
datt út. Gunnar Gauti Gunnarsson
dýralæknir sem annast átti veislu-
stjórn var önnum kafinn við að
sinna verðandi mæðrum í heimi dýr-
anna og öðru samfara j^ví. Guð-
mundur Helgi Jensson tók að sér
veislustjórn í hans stað. Þá fór Rafn
Jónsson með annál félagsins og
minntist látinna félagsmanna.
Meðan á borðhaldi stóð lék Jón
Heiðar Magnússon harmonikuleikari
ljúfa tónlist sem heldur jók matar-
listina þótt næg væri fyrir. Fjölda-
sönginn vantaði ekki á dagskránna
og hinn ungi upprennandi harmon-
ikuleikari Sólberg Valdimarsson lék
einleik. Fanney Karlsdóttir harmon-
ikukennari lék þarna einnig með
nokkrum nemendum sínum og Lauf-
ey Helga Geirsdóttir söngkona, söng
nokkur lög við undirleik Braga Hlíð-
berg. Allt þetta gerði mikla lukku að
ógleymdum leik hljómsveitar félags-
ins. Þegar kom að því að óska af-
mælisbarninu heilla og færa því eitt-
hvað til minningar tímamótunum,
steig formaður landsambandsins
Sigrún Bjarnadóttir fyrst í pontu og
formenn eða fulltrúar annarra félaga
tóku síðan til máls ásamt ritstjóra
þessa tímarits. Að lokum var stiginn
dans er stóð fram að lögboðnum
tíma eins og vænta mátti. Ég þakka
enn á ný fyrir mig og óska félaginu
til hamingju með tímamótin og gæfu
á nýrri öld.
H.H.
Laufey Helga Geirsdóttir söngkona skemmti gestum konunglega. Bragi Hlíðberg ann-
aðist undirleik.
Forsöngvarar fyrir fjöldasönginn. Frá vinstri Jóhann Elísson, Steinunn Pálsdóttir, Sig-
rún Bjarnadóttir, Elísabet Einarsdóttir og Hreinn Vilhjálmsson.
: í «r=a c=
| . J 3 i
£f mm

! '
Hljómsveit félagsins eins og hún varskipuð á afmœlishátíðinni.
10