Harmoníkan - 01.10.1999, Blaðsíða 15

Að liðnu harmonikusumri
Þá fer senn að hausta og Harmon-
ikumót sumarsins að baki. 15. maí
héldu Vestlendingar upp á afmæli
Harmonikufélagsins í Hótel Borgar-
nesi af mikilli rausn. Var það afar
ánægjuleg samkoma í alla staði og
vel heppnuð og vel sótt af boðsgest-
um frá öllum landshornum.
í júni héldu harmonikufélögin í
Húnavatnssýslum og Skagafirði mót
í Húnaveri. Því miður gat undirrituð
ekki sótt það mót og þótti það mjög
leiðinlegt. Mér er tjáð að allir hafi
skemmt sér hið besta þó að veðrið
hefði ef til vill mátt vera betra.
Landsmótið á Siglufirði var svo
haldið í byrjun júlí í mikilli veður-
blíðu og skartaði Siglufjörður sínu
fegursta landsmótsdagana. Fimmtán
félög tóku þátt í tónleikum félaganna
á þessu Landsmóti. Tónleikarnir
voru haldnir í afar glæsilegu íþrótta-
húsi og fallegri umgjörð Siglfirðing-
anna.
Er mikið ánægjuefni að aldrei hafa
fleiri ungmenni tekið þátt í dag-
skránni en nú og voru flest félögin
með ungt fólk meðal flytjenda.
Sýnir það best að áróðurinn fyrir
hljóðfærinu er farinn að skila árangri
og að unga fólkið er í æ ríkara mæli
að koma inn í starfsemina.
Erlendu gestirnir að þessu sinni
voru rússneskir tvíburar sem heill-
Landssambandsformaður kvaddur
uðu mótsgesti upp úr skónum með
frábærum leik og einstaklega fallegri
sviðsframkomu. Á laugardagskvöld-
ið lauk svo mótinu með stórdansleik
í íþróttahúsinu. Heim héldu síðan
allir í mótslok, með ljúfar minningar.
Hafið þökk fyrir skemmtilegt mót
og gott veður Siglfirðingar.
Er líða tók á júlí var svo hið árlega
mót að Breiðumýri í Reykjadal.
Að venju brugðum við hjónin okk-
ur þangað. Skemmst er að segja frá
því að veðrið lék við okkur og áttum
við þar mjög góða helgi með Þingey-
ingum og Eyfirðingum. Nú var ekk-
ert tónleikastress og allir nutu lífsins
við leik og söng. Saga á Rauðá og Fil-
ippía á Akureyri sáu svo um að
hrista upp í mannskapnum að venju.
Er með ólíkindum hugmyndaflug
þeirra við að verða öðrum til gleði
með hjálp mótsgesta.
Sömu helgina voru Harmoniku-
unnendur á Selfossi með mót á Álfa-
skeiði. Af augljósum ástæðum var
undirrituð ekki þar, en mér er tjáð
að það hafi farið hið besta fram.
Um verslunarmannahelgina vor-
um við í Laugarási í Biskupstungum
með öðru harmonikufólki. Ég verð
að játa að ég saknaði sárlega mót-
anna í Þrastarskógi. Þessi samkoma
var með nokkru öðru sniði en verið
hefur og var augljóslega nokkur
byrjendabragur á framkvæmdinni.
Veður var nokkuð gott en sólina
vantaði eins og svo oft áður í sumar
hér sunnanlands. Var því mjög gott
að hafa húsaskjól á kvöldin.
Senn fer vetrarstarf félaganna að
hefjast og víst er að mörg ljúf sam-
verustund er framundan á komandi
vetri.
Hellu 24. Ágúst 1999
Sigrún Bjarnadóttir.
Matthías Kormáksson til Helsinki
Evrópumeistarakeppnin í Frosinitónlist
Nú er að ranna upp sú stund, að
íslenskur harmonikuleikari taki þátt
í keppni erlendis. Það er alþjóðlega
Frosinifélagið sem stendur að
keppninni og er hún haldinn í landi
síðasta vinningshafa Finnlandi. Frá
því að undirritaður var kosinn full-
trúi íslands í alþjóðlega Frosinifélag-
inu 21. nóvember í fyrra hefur verið
unnið að því markvisst að leita uppi
efnilegan harmonikuleikara hér
heima. Eftir að F.H.U.R. efndi til hæfi-
leikakeppni í apríl '99 komst maður
á sporið, þar sem vinningshafi í
efsta flokki var Matthías Kormáks-
son. Þess utan hefur Matthías skap-
að sér nafn á margan hátt hér
heima. Hann hefur fallist á að taka
þátt í þessari keppni og haldið verð-
ur utan 19.nóvember næstkomandi.
Keppnin fer fram 20. nóvember í
Espo konserthus rétt utan við
Helsinki. Fulltrúi Finna í alþjóðlega
Frosinifélaginu er Seppo Lankinen
(ekki hefur enn verið stofnað form-
legt félag þar. Hann hefur yfirumsjón
með skipulagi keppninnar.
Seppo Lankinen og Tatu
Kantomaa eru ágætir félagar og hafa
rætt um þátttöku íslands í ár. Tatu,
sem var einn af kennurum Matthías-
ar eins og kunnugt er, mælti eindreg-
ið með að hann tæki þátt ef þess
væri kostur. Það eru ekki sístu með-
mælin álít ég. Loks hefur tekist að
afla nokkurra fjárstyrkja, bæði frá
harmonikufélögum og fyrirtækjum,
sem vonast er til að hrökkvi fyrir
kostnaði. Auðvitað yrði skemmtileg-
ast að vinna hinn eftirsóknarverða
titil Evrópumeistari í Frosinitónlist,
en í íþróttum þarf líka að gera ráð
fyrir tapi. En að vera með á alþjóð-
legum vetvangi hlýtur að teljast eðli-
legt og beinlínis æskileg þróun á nú-
tíma vísu.
H.H.
Tónleikar falla niður
Af óviðráðanlegum orsökum falla
niður fyrirhugaðir tónleikar Matt-
híasar Kormákssonar í Sigurjóns-
safni, sem ákveðnir höfðu verið
þriðjudaginn 2. nóvember
næstkomandi.
15