Fréttir - Eyjafréttir - 11.03.2010, Síða 8

8
Fréttir / Fimmtudagur 11. mars 2010
Rauðagerði
Þar
fólk
Á RAUÐAGERÐI er hægt að slappa af eða fara í leiki og spil.
- Frítímastarf óháð aldri - Vaxandi starfsemi - Margt á döfinni
sem áhugamál tengja
saman frekar en aldur
STÝRIHÓPURINN, Hrefna, Guðrún, Guðrún Helga og Sigþóra til í slaginn.
Rauðgerði hefur fengið nýtt
hlutverk eftir að þar var leikskóli
um árabil en þar er nú starfrækt
frístundahús fyrir unglinga og ung-
menni. Brátt fær húsið enn meira
vægi því ráðgert er að í húsinu
verði aðalbækistöð frítímastarfs
óháð aldri þar sem áhugamál tengja
fólk saman frekar en aldur.
Aðsóknin eykst
Sigþóra Guðmundsdóttir, forstöðu-
maður Rauðagerðis, segir að
félagsmiðstöð unglinga, sem áður
var starfrækt á efstu hæð Félags-
heimilisins, hafi flutt í Rauðagerði í
október 2007 „Húsnæðið var allt
hrátt þegar við fluttum hér inn en
sumarið eftir var suðurhlutinn
tekinn í gegn, veggir teknir niður,
málað og skipt um útihurð, og við
það batnaði aðgengi fatlaðra ein-
staklinga til mikilla muna. Það var
mjög góð nýting í Félagsheimilinu
en hún hefur aukist mikið síðan við
fluttum okkur um set og aðsóknin
eykst jafnt og þétt ennþá. Til marks
um aðsóknina þá var biðlisti í ferð
upp á land um síðuslu helgi, sextíu
voru skráðir og fleiri komust ekki
því við höfum bara fjóra starfs-
menn í ferðinni.
Starfsemin í Vosbúð flutti hingað
inn sumarið 2009 og þá þurftum
við svolítið að endurskipuleggja
starfsemina. Vosbúð var opin fimm
kvöld í viku og starfsemin ætluð
ungmennum 16 ára og eldri en það
má segja að þau hafi nýtt starfsem-
ina þar frekar illa. Hér hafa ung-
mennin húsnæðið til umráða tvö
kvöld í viku, það er misjafnt hvað
það koma margir, tveir til þrír og
upp í fjörutíu á kvöldi, eftir því
hvað er að gerast hverju sinni“
sagði Sigþóra þegar hún var spurð
út í starfsemina.
Brjóstsykurs- og pizzu-
gerð
Viðburðir á Rauðagerði eru skipu-
lagðir í tengslum við unglingaráð,
ungmennaráð og starfsmenn sem
eru fimm auk Sigþóru. Þeir eru:
Einir Einisson, Esther Bergsdóttir,
Sigríður Inga Kristinsdóttir, Sólveig
Magnúsdóttir og Hrefna Óskars-
dóttir iðjuþjálfi. Allir starfsmenn
eru í hlutastarfi við Rauðagerði.
Nemendur 8. 9. og 10 bekkjar
hafa þrjú kvöld í viku og nemendur
6. og 7. bekkjar hafa einn dag.
„Fleiri og fleiri kjósa að koma til
okkar á daginn en þá mega krakkar
sem eru 14 ára og eldri vera í hús-
inu og þau sem eru yngri mega
koma ef þau eru í fylgd með 18 ára
og eldri. Það er misjafnt eftir ald-
urshópum hvað krakkamir sækja og
við reynum að bregðast við þeirra
óskum. Við erum bæði með ung-
linga- og ungmennaráð og það er
svolítið fyndið að brjóstsykurs- og
pizzugerð er langvinsælast hjá
báðum hópum. Hins vegar finnst
mér yngri krakkamir djarfari og
þau eru kaldari að biðja um hluti og
framkvæma þá. Við þurfum að taka
unglingum eins og þeir eru og það
er auðvitað skemmtilegt hvað þeir
geta verið skapandi og hugmynda-
ríkir. “
Hlutverkaleikir, spil,
skák og billjard
Eyjakrökkunum hefur gengið vel í
keppni milli félagsmiðstöðva sem
haldin er á hverju ári og snýst fyrsl
og fremst um fatahönnun, hár-
greiðslu og stíl. Krakkarnir keppa
sín á milli hér heima og þeir sem
komast áfram keppa síðan í
Reykjavík á vegum Samfés.
„Keppnisliðið sem keppti í fyrra
vann til verðlauna þannig að við
erum að standa okkur mjög vel. Við
keppum líka í söngkeppni Samfés,
árlega höldum við keppni á
Rauðagerði, sigurvegararnir fara
svo og keppa fyrir okkar hönd í
Suðurlandsriðli og 4 til 5 bestu
atriðin þar fara í lokakeppnina, sem
t.d. verður sýnd á Skjá 1 nú á
laugardaginn kemur.
Svona starf er nauðsynlegt og það
er alltaf eitthvað í gangi hjá okkur.
Síðasta föstudagskvöld skipu-
lögðum við varúlf fyrir unglinga-
stigið og þau sem eru eldri vildu
endilega fá varúlf líka og við
urðum við að setja upp varúlf fyrir
þau að deginum til.“
Varúlfur, hvað er nú það?
„Það er hlutverkaleikur og reynir
mjög mikið á tjáningu og krökk-
unum finnst hann mjög skemmti-
legur. Við erum yfirleitt með skipu-
lagt starf á kvöldin. Það er misjafnt
hvað við gerum en við spilum oft
spil sem eru vinsæl og svo detta
þau út og eitthvað nýtt kemur inn.
Hér er hægt að vera í tölvum og
það er verið að koma upp ljós-
myndastúdíói. Billjardmót eru
haldin og svo er hægt að taka skák
og fleira og fleira.“
Má ég taka afa með í
billjard?
Nú er fyrirhugað að bæta þjónustu
við almenna borgara og víkka út
starfsemina á Rauðagerði. „Við
viljum auka virkni fólks sem vill
vinna að áhugamálum sínum í
félagsskap við aðra. Starfsemin
verður í norðurhluta hússins og á
að vera opin fyrir alla. Við reynum
að skapa aðstöðu þannig að bæði
unglingar og fullorðnir geti unnið
saman að sínu áhugamáli.Við höf-
um áhuga á að jafna aldursbilið því
okkur hættir svolítið til að vera
með of mikla aldursskiptingu.“
Hefur þú orðið vör við áhuga á
þessum nýja möguleikal
„Já, það hafa þó nokkrir spurt út í
starfsemina. Til dæmis komu hing-
að tvær vinkonur, önnur er að
prjóna og hin að mála og þær vildu
gjarnan vinna saman sem ekki er
auðvelt að koma heim og saman
við eldhúsborðið. Þær sáu sér leik á
borði, þ.e. hér væri aðstaða þar sem
þær gætu unnið að sínum hugðar-
efnum og haft félagsskap hvor af
annarri. Krakkarnir eru að spyrja
líka. -Má ég taka afa með í bill-
jard? Það er auðvitað allt í lagi en
það hefur enginn tekið af skarið
ennþá.“
Hvað verður í boði, námskeið,
afþreying, kaffihúsastemmning,
ráðgjöf?
„Allt þetta. Ef fólk óskar eftir ráð-
gjöf á tilteknum sviðum þá getum
við brugðist við því. Við verðum
með iðjuþjálfa í hlutastarfi og það
er alveg inni í myndinni að fá fleiri
að starfinu. Starfsemin getur líka
haft hópastarf t.d. fyrir þá sem eru
með ADHD og vilja ræða málin
o.s.frv."
Námskeið, leshringur
eða gönguhópur
Sigþóra segir að lagt sé upp úr því
að eiga gott samstarf við aðila
innan bæjar sem eru tilbúnir til að
koma inn í félagsmiðstöðina með
skipulagt starf eða námskeið. Hún
nefnir líka félagasamtök eins og
Skáta og Björgunarfélagið og
fyrirtæki eins og Hressó sem gætu
kynnt það sem þau standa fyrir og
einstaka þætti starfseminnar.
„Við höfum sett upp plan sem
gæti verið í grófum dráttum þannig
að hér yrði kaffispjall milli klukkan
níu og tfu á morgnanna. Síðan gæti
föndur og eitthvert handverk verið í
boði milli 10.00 og 12.00 og hópa-
starf eftir hádegi. T.d. námskeið
fyrir ungar mæður eða í tengslum
við geðrækt eða eitthvað sem fólk
óskar eftir. Hér getur verið starfandi
leshringur og eða gönguhópur sem
heldur af stað frá Rauðagerði og
fær sér svo kaffi saman eftir góðan
göngutúr."
Sigþóra segir að fyrirmyndin að
starfsemi Rauðagerðis sé mikið til
sótt til Skagafjarðar þar sem Hús
frítímans er starfrækt og hefur
heppnast mjög vel. „Það tók fimm
ár í undirbúningi en við ætlum að
gera þetta á aðeins skemmri tíma.
Við vonumst til að opna í kringum
páska og þeir sem sækja til okkar
koma til með að móta starfsemina.
Það á eftir að laga aðstöðuna áður
en við getum byrjað á fullu en þetta
verður spennandi. Ég hvet alla sem
hafa áhuga til að koma við eða hafa
samband við okkur. Okkur vantar
t.d. efnisbúta og annað föndurdót
sem fólk á heima í geymslu. Við
þiggjum allt sem hægt er að nota“
sagði Sigþóra að lokum.
Guðbjörg Sigurgeirsdóttir tók
sarnan.