Fréttablaðið - 23.02.2013, Blaðsíða 76

23. febrúar 2013 LAUGARDAGUR| HELGIN | 40
Ævintýralegt
ísklifur í Ouray
SIGRÍÐUR SIF GYLFADÓTTIR Í Ouray er bæði hægt að stunda kletta- og ísklifur og á árlegri klifurhátíð þar
er keppt í blönduðu klifri. Tveir Íslendinganna, þau Berglind Aðalsteinsdóttir og Róbert Halldórsson, tóku þátt.
MYND/BERGLIND AÐALSTEINSDÓTTIR
Á UPPLEIÐ Rúnar Óli Karlsson sigri hrósandi á leið upp glæsilegan og háan ísfoss.
MYND/ARNAR ÞÓR EMILSSON
TÆKIN MUNDUÐ Yfirleitt klifra tveir til þrír saman hvort sem er í kletta- eða ísklifri. Hér klifrar Berglind
Aðalsteinsdóttir og Arnar Þór Emilsson tryggir fyrir neðan. MYND/RÓBERT HALLDÓRSSON
Hópur Íslendinga lagði land
undir fót í janúar og hélt í
tveggja vikna leiðangur til bæjar-
ins Ouray í Colorado til að sinna
áhugamáli sínu, ísklifri. Þar eru
kjöraðstæður til ísklifurs. Upp
á brún gilsins sem er við bæinn
hafa verið lagðar vatnsleiðslur og
úr þeim sytrar vatn að næturþeli
og mikil frostatíð tryggir að hinir
bestu ísfossar myndast. Í janúar
var einnig haldin mikil klifurhátíð
í Ouray þannig að mikið er um
að vera í bænum á þessum tíma.
Ferðalagið var mikil upplifun, að
sögn ferðalanganna, sem leyfðu
Fréttablaðinu að birta nokkrar
myndir úr ferðalaginu.