Fréttablaðið - 07.03.2013, Qupperneq 66

7. mars 2013 FIMMTUDAGUR| SPORT | 58
LEIKIR KVÖLDSINS
17.00 Anzhi - Newcastle Sport 3
18.00 Steaua - Chelsea Sport HD
Sýndur í opinni dagskrá
18.00 Stuttgart - Lazio
18.00 Viktoria Plzen - Fenerbahce
20.05 Tottenham - Inter Sport HD
20.05 Benfica - Bordeaux
20.05 Levante - Rubin Kazan
20.05 Basel - Zenit
FÓTBOLTI 20. október 2010 varð Gareth Bale að
stjörnu þegar hann skoraði þrennu í 3-4 tapi
á móti Internazionale á San Siro í Meistara-
deildinni. Þá sýndi hann án nokkurs vafa að
þar var á ferðinni leikmaður sem gat spjarað
sig á stóra sviðinu. Undanfarna mánuði höfum
við aftur séð fullþroskaðan leikmann sem
hefur gert útslagið í hverjum leiknum á fætur
öðrum. Fyrir vikið eru Gylfi Þór Sigurðsson
og félagar komnir í lykilstöðu í baráttu um
meistaradeildar sæti í ensku úrvalsdeildinni og
mæta í kvöld Internazionale í sextán liða úrslit-
um Evrópudeildarinnar.
Betri en Messi og Ronaldo
Heimsklassamaður telst meðal annars vera
maður sem býr til eitthvað rosalegt úr engu eða
gerir útslagið í jöfnum leikjum. Þetta höfum
við séð Lionel Messi og Cristiano Ronaldo gera
margoft á síðustu árum og síðasta mánuðinn
erum við farin að sjá þetta nánast í hverjum
leik hjá Gareth Bale.
Gareth Bale er meira segja búinn að gera
betur en þeir Cristiano Ronaldo og Lionel Messi
á síðustu fimm vikum enda með tíu mörk í síð-
ustu átta leikjum sínum fyrir Wales og Totten-
ham. Hann hefur skorað í þeim öllum og flest
markanna hafa verið af dýrari gerðinni þar
sem skotkraftur, snerpa og áræðni þessa 23 ára
leikmanns hefur verið til sýnis.
24 leikir án sigurs
Það hefur mikið breyst síðan Gareth Bale
steig fyrstu sporin sín með Tottenham og varð
að hálfgerðu aðhlátursefni þegar liðið ætlaði
aldrei að vinna með hann innanborðs. Alls lék
hann 24 leiki með Tottenham áður en hann var
í fyrsta sinn í sigurliði. Í dag er Bale hins vegar
maður sem sá nánast um það upp á eigin spýtur
að Tottenham-liðið er búið að vinna fjóra leiki í
röð í ensku úrvalsdeildinni og jafnframt búið að
leika tólf deildarleiki í röð án þess að tapa.
Tottenham keypti hann frá Southampton í maí
2007 þegar hann var ekki orðinn 18 ára gamall.
Hann hafði áður verið næstyngsti Southampton
frá upphafi en er nú þrátt fyrir ungan aldur að
spila sitt sjötta tímabil á White Hart Lane.
Gerir gæfumuninn
„Hann gerir gæfumuninn fyrir liðið þessa dag-
ana. Hann er gríðaröflugur leikmaður og hann
virkar mjög hvetjandi á alla aðra í liðinu. Þegar
Gareth er að spila í þessum ham hefur það
bein áhrif á alla leikmenn,“ sagði knattspyrnu-
stjórinn André Villas-Boas.
„Það er erfitt að finna orð til að lýsa leik hans.
Hann er að skora mikilvæg mörk sem komast í
fyrirsagnirnar. Þegar þú ert með heimsklassa-
leikmann eru þeir liðinu mikil lyftistöng,“ sagði
liðsfélagi hans Scott Parker um Bale.
Michael Dawson, fyrirliði Tottenham, sparar
heldur ekki hrósið til Bale. „Hann er kominn
upp í hóp með þeim Ronaldo og Messi hvað
snertir getu. Hann er einn af bestu fótbolta-
mönnum heims þessa stundina og ég get ekki
séð neinn sem er að spila betur hann einmitt
núna. Sumt að því sem hann er að gera fengi
Ronaldo til að roðna,“ sagði Michael Dawson.
Nýjasti meðlimurinn í
heimsklassaklúbbnum?
Gareth Bale hefur spilað frábærlega með Tottenham á síðustu vikum og liðsfélagi hans segir hann vera
kominn í úrvalshóp með þeim Ronaldo og Messi. Tíu mörk í síðustu átta leikjum segja sína sögu.
LEIKIR OG MÖRK BALE, MESSI OG RONALDO FRÁ 30. JANÚAR
GARETH BALE
Síðustu átta leikir Bale
MEST LESNA
DAGBLAÐ Á ÍSLANDI*
*S
am
kv
æ
m
t p
re
nt
m
ið
la
kö
nn
un
C
ap
ac
en
t G
al
lu
p
nó
v.
-s
ep
t.
20
12
HAFÐU FJÖLPÓSTINN ÞINN
Í FRÉTTABLAÐINU
Það er hvergi betri staður fyrir fjölpóst en inni í Fréttablaðinu. 60% landsmanna
skoða fjölpóst. Auglýsingaefnið lendir á eldhúsborðinu þegar blaðið er opnað!
75% íbúa höfuðborgarsvæðisins lesa Fréttablaðið daglega.
Kannaðu dreifileiðir og verð í síma 512 5448 eða í tölvupóstfangi orn@365.is
Útvegum einnig hagstæð verð í prentun.
Innskot í Fréttablaðið skilar árangri!
Bale sjálfur er hógværðin uppmáluð. „Ég nýt
þess bara að spila fótbolta og það skiptir mig
mestu máli. Liðið er að spila vel sem gerir allt
miklu auðveldara en þetta snýst ekki um mig
heldur Tottenham-liðið,“ sagði Gareth Bale.
Í sviðsljósinu í kvöld
Hvort Bale fær áskrift að heimsklassaklúbbi
þeirra Lionel Messi og Cristiano Ronaldo á
eftir að koma í ljós enda eigum við eftir að sjá
Bale halda áfram á þessu skriði út þetta tíma-
bil. Fyrsta prófið af mörgum fram undan er á
White Hart Lane í kvöld þegar Tottenham tekur
á móti Internazionale. ooj@frettabladid.is
10
CRISTIANO RONALDO LIONEL MESSI
8 8 10 9 6
MÖRK LEIKIR MÖRK LEIKIR MÖRK LEIKIR
3. MARS
2-1 sigur
á Arsenal
1 mark
25. FEBRÚAR
3-2 sigur
á West Ham
2 mörk
21. FEBRÚAR
1-1 jafntefli
við Lyon
skoraði ekki
14. FEBRÚAR
2-1 sigur á Lyon
2 mörk
9. FEBRÚAR
2-1 sigur
á Newcastle
2 mörk
6. FEBRÚAR
(MEÐ WALES)
2-1 sigur
á Austurríki
1 mark
3. FEBRÚAR
1-0 sigur
á West Brom
1 mark
30. JANÚAR
1-1 jafntefli
við Norwich
1 mark
FÓTBOLTI Sextán liða úrslit
Evrópu deildar UEFA hefjast í
kvöld. Talsvert af sterkum liðum
er eftir í keppninni og þar af þrjú
ensk lið. Aðeins Liverpool féll úr
leik í 32 liða úrslitunum af ensku
liðunum.
Gylfi Þór Sigurðsson og félagar
í Tottenham eiga erfitt verkefni
fyrir höndum, en þeir leika gegn
ítalska stórliðinu Inter.
Andre Villas-Boas, stjóri
Totten ham, segir að sitt lið muni
mæta með sjálfstraustið í botni.
Skal engan undra þar sem Spurs
hefur aðeins tapað einum af síð-
ustu sextán leikjum sínum og
lagði nágranna sína í Arsenal
um síðustu helgi. „Þessi leikur
kemur á flottum tíma fyrir
okkur. Þetta er stórleikur, okkur
gengur vel og viljum endilega
spila sem flesta stórleiki. Við
erum líklega að mæta stærsta
félaginu sem eftir er í keppn-
inni.“
Inter-liðið er ekki eins sterkt
og oft áður. Það hefur misst
marga sterka menn upp á síð-
kastið eins og Wesley Sneijder,
Thiago Motta og Lucio.
„Inter er að byggja upp nýtt
lið. Þeir hafa fjárfest í ungum
strákum en eru samt enn með
í þremur keppnum. Ég veit að
þessi keppni skiptir þá miklu
máli rétt eins og okkur. Við þurf-
um að varast þeirra styrkleika
og þeir verða líka að passa sig
á okkur. Við megum helst ekki
fá á okkur mark. Strákarnir eru
samt spenntir og ég er viss um að
þetta verður flottur leikur.“ - hbg
Tottenham
mætir Inter
SPILAR HANN? Gylfi Þór Sigurðsson
var í byrjunarliði Spurs í síðasta leik og
stóð sig vel. NORDICPHOTOS/GETTY