Fréttablaðið - 05.04.2013, Blaðsíða 42

5. apríl 2013 FÖSTUDAGUR| MENNING | 26
ÞJÓÐSAGA EFNIVIÐUR SÖNGLEIKS Söngleikurinn Kolrassa krókríðandi verður frumsýndur í kvöld í flutningi nemenda
Tónlistarskólans í Reykjavík. Flytjendur eru 17 söngvarar og átta manna hljómsveit úr Tónlistarskólanum. Verkið er byggt á
þjóðsögunni um systurnar Ásu, Signýju og Helgu og foreldra þeirra. Höfundur er Þórunn Guðmundsdóttir söngkennari sem
einnig leikstýrir sýningunni, stjórn tónlistar er í höndum Hrafnkels Orra Egilssonar. Sýnt er í Iðnó. FRÉTTABLAÐIÐ/VILHELM
LEIKHÚS ★★★★★
Blam!
Höfundur: Kristján Ingimarsson, Jesper
Pedersen. Leikstjórn: Kristján Ingimars-
son, Simon Boberg.
BORGARLEIKHÚSIÐ
Leikritið Blam er stórhættulegt
skrifstofudrama þar sem aðalsögu-
hetjurnar þurfa að takast á við sið-
blindan yfirmann, stórhættuleg
vélmenni, Rambó í skrifstofuham
og háskalegt pókerspil. Um er að
ræða dansleikhús úr smiðju Krist-
jáns Ingimarssonar, sem er kannski
ekki þekktasta nafnið í leikhúsheim-
inum hér á landi, en hann er rokk-
stjarna í dönsku leikhúslífi. Og ekki
að ósekju.
Blam segir sögu þriggja skrif-
stofumanna og baráttu þeirra við
þrúgandi hversdagsleikann. Þeir
stunda það að „blamma“, en íslenska
orðið er líklega „byssó“. Sem sagt,
þegar yfirmaðurinn lítur undan
breyta þeir skrifstofunni í blóðug-
an vígvöll þar sem hasaratriði kvik-
myndasögunnar eru endurleikin
með kröftugum hljóðáhrifum undir,
en hljóðmyndin er afar vel heppnuð.
Kristján nýtir sér skrifstofuum-
hverfið með einstaklega hugvit-
samlegum hætti. Þannig leikur
vatnstankur mikilvægt hlutverk
sem framandi vera verksins og
hugrenningatengslin leiða mann
til kvikmynda eins og ET og fleiri
mynda í þeim dúr frá tíunda ára-
tugnum. Vatnstankaveran er einnig
mikilvæg fyrir vel heppnaða upp-
byggingu leikritsins – sem breyt-
ist skyndilega í gríðarlega kröftugt
hefndardrama.
Hugmynd leikritsins er að fanga
kvikmyndaupplifunina í leikhúsi.
Þetta tekst hópnum og varð kannski
augljósast í mögnuðu fjárhættuspili
fjórmenninganna. Þá endurskapa
þeir áhrif kvikmyndanna með ein-
földum aðferðum eins og að snúa
pókerborðinu í miðju spili, og að
lokum með því að skella því á hlið.
Sjónarhorn áhorfenda breytist um
leið, það var eins og við sætum beint
fyrir ofan spilið, og líkt og kvik-
myndalinsa, námum við öll sjónar-
horn atriðisins.
Það má vera að sumum þyki leik-
ritið fullyfirborðskennt. Verkið er
barnslegur óður til leikgleðinnar
og ákveðins tímabils í kvikmynda-
sögunni, þar sem söguhetjur eins
og Rambó og John McClane voru
allsráðandi. Þessar kvikmyndir
höfðu gríðarlega djúpstæð áhrif
á unga pilta sem eru á fullorðins-
aldri í dag. Leikgleðin er fölskva-
laus og leikritið er líklega ekki
hugsað sem sérstök ádeila á áhrif
hasarmynda á unga menn, heldur
þvert á móti, áhrifunum er hamp-
að. Það er kannski umdeilanlegt í
sjálfu sér. Og í raun frekar kröftug
afstaða fólgin í því að hampa þess-
um umdeilda menningararfi.
En það sem Kristjáni og félögum
tekst þó betur en mörgum kvik-
myndum er að skapa þennan tryllta
heim kvikmynda án allra kvik-
myndabrellna. Það er ótrúlegt á
stundum að fylgjast með færum
sviðslistamönnunum sem ná að end-
urskapa flókin bardagaatriði kvik-
myndasögunnar með húmor, styrk
og hljóðáhrif að vopni. Háskinn var
mun nær áhorfendum en maður
upplifir í kvikmyndahúsi. Og í
raun sýnir hópurinn að leikhúsið er
fullkomlega fært um að keppa við
flóknustu atriði kvikmyndanna, það
er nefnilega allt hægt í leikhúsi eins
og í kvikmyndum. Hugvit er það
eina sem greinir á milli.
Á sýningunni voru fjölmörg börn
sem skemmtu sér líklega betur yfir
leik hópsins en þeir fullorðnu. Það
er því óvænt hlið á verkinu að þarna
er á ferð fjölskyldusýning. Að vísu
dálítið ofbeldisfull, en ekkert verri
en ofurhetjumyndir nútímans, enda
má finna Hulk og Úlfamanninn í
ævintýralegum bardaga í leikritinu.
Kristjáni og félögum tekst þarna
að skapa eitthvað fjörugasta skrif-
stofudrama sem hefur verið fært á
svið hér á landi. Valur Grettisson
NIÐURSTAÐA: Frábær sýning. Einstakur
óður til kvikmynda og leikgleði
fullorðinna karlmanna.
Óður til leikgleðinnar – og Rambós
Kolrassa krókríðandi í fl utningi nemenda Tónó
Myndlistarhátíðin Sequences hefst í dag og stendur til 14.
apríl næstkomandi. Hátíðin, sem haldin er annað hvert ár,
beinir sjónum að tímatengdri myndlist eins og gjörning-
um, hljóð- og myndbandsverkum.
Sýningar á verkum sextán listamanna verða opnaðar á
ellefu sýningarstöðum í miðborginni, auk gjörninga á
Skólavörðuholti, í Listasafni Einars Jónssonar og í
Hörpu, svo eitthvað sé nefnt. Þar að auki er heilt
kvöld helgað gjörningum ólíkra listamanna á
Hótel Holti. Sýningarstjóri Sequences VI er
Markús Þór Andrésson.
Fjórar sýningar á hátíðinni verða opnaðar
í dag, sýning Grétars Reynissonar, Áratug-
ur, verður opnuð í Nýlistasafninu, sýningar
Mörthu Wilson og Sigrúnar Hrólfsdóttur á
Skúlagötu 32 og sýning Magnúsar Loga Krist-
inssonar á Kexi hosteli. Nánar verður fjallað
um Sequences í Fréttablaðinu á morgun.
Sequences hefst
í sjötta sinn
Í dag hefst myndlistarhátíðin Sequences. Hátíðin, sem
haldin er annað hvert ár, stendur í tíu daga.
AÐALFUNDUR
Dagskrá
1. Venjuleg aðalfundarstörf samkvæmt
18. gr. samþykkta félagsins.
2. Tillaga um heimild félagsstjórnar til kaupa
á eigin hlutum samkvæmt 55. gr.
hlutafélagalaga.
3. Önnur mál, löglega upp borin.
Dagskrá, endanlegar tillögur og ársreikningur
félagsins munu liggja frammi á skrifstofu
félagsins, hluthöfum til sýnis, tveimur vikum fyrir
aðalfund. Enn fremur er hægt að nálgast gögnin á
vefsíðu félagsins www.hbgrandi.is.
Framboðsfrestur vegna stjórnarkjörs rennur út
fimm dögum fyrir upphaf aðalfundar. Upplýsingar
um frambjóðendur til stjórnar verða birtar eigi
síðar en tveimur dögum fyrir aðalfund.
Atkvæðaseðlar og fundargögn verða afhent á
fundarstað frá kl. 16:30.
Óski hluthafar eftir að ákveðin mál verði tekin til
meðferðar á aðalfundinum, þarf skrifleg beiðni um
það að hafa borist félagsstjórn með nægjanlegum
fyrirvara, þannig að unnt sé að taka málið á
dagskrá fundarins.
Hluthafar sem ekki geta mætt á fundinn en
hyggjast gefa umboð, þurfa að gera það skriflega.
Stjórn HB Granda hf.
Aðalfundur HB Granda hf. verður haldinn
föstudaginn 19. apríl 2013 í matsal
félagsins á Norðurgarði í Reykjavík og
hefst hann kl. 17:00.
ÍS
L
E
N
S
K
A
S
IA
.I
S
G
R
A
6
96
51
0
4/
13
Eingöngu selt á hársnyrtistofum
MENNING