Fréttablaðið - 26.04.2013, Blaðsíða 18

26. apríl 2013 FÖSTUDAGURSKOÐUN
HALLDÓR
FRÁ DEGI
TIL DAGS
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is og Trausti Hafliðason trausti@frettabladid.is HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is
MENNING: Bergsteinn Sigurðsson bergsteinn@frettabladid.is DÆGURMÁL: Kjartan Guðmundsson kjartan@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
EINFALDAR OGFLJÓTLEGAR
128
BLAÐSÍÐUR AFFRÓÐLEIK OGUPPSKRIFTUM
UPPSKRIFTIR SEM ALLIRGETA ELDAÐ EFTIR
21DAGSMATSEÐILLSÉRSNIÐINNAÐ FORSKRIFTLKL
G
unnar M
ár Sigfússon
Gunnar Már Sigfússon
HIGH FAT
LOW CARB
Sumarið er loksins komið. Þrátt fyrir að
íslenska veðrið sé ekki alltaf í takt við
tímasetningar dagatalsins, vitum við
að nú verða dagarnir ekki aðeins lengri
og bjartari, heldur verður krafturinn,
vonin og bjartsýnin meiri. Þessi sumar-
byrjun er líka sérlega ánægjuleg þar
sem við fáum á sama tíma tækifæri til að
gera breytingar til góðs á Íslandi, fjölga
hér tækifærum og hefja uppbyggingu.
Á morgun göngum við til kosninga sem
snúast fyrst og fremst um það hvert við
viljum stefna og hvernig við viljum haga
málum næstu árin. Á morgun kjósum við
um framtíðina. Við kjósum um ný tæki-
færi, ný vinnubrögð og nýja von.
Ég hef átt þess kost að undanförnu að
hitta margt fólk víða um land. Þau sam-
töl hafa sannfært mig um að viðfangsefni
komandi kjörtímabils snúist einkum um
þrennt. Í fyrsta lagi að lækka skatta með
áherslu á að það gagnist sem best launþeg-
um og auki ráðstöfunartekjur fjölskyldna.
Í öðru lagi þarf að bregðast með raunhæf-
um og sanngjörnum hætti við skuldavanda
heimilanna. Og í þriðja lagi þarf að sækja
fram í atvinnulífinu og fjölga störfum með
afnámi gjaldeyrishafta, einkaframtaki,
og nýsköpun þannig að við getum tryggt
traustan grunn fyrir þá velferðarþjónustu
sem við viljum vernda.
Þetta eru brýnustu viðfangsefnin.
Þetta eru viðfangsefni sem snerta alla og
það er skylda okkar sem störfum í stjórn-
málum að hlusta, bretta upp ermar og
vinna fyrir fólkið í landinu og með fólk-
inu í landinu. Þessi verkefni verða leyst
sameiginlega af stjórnmálamönnum sem
trúa á fólkið og af fólki sem trúir á fram-
tíðina. Ísland er og á að vera land tæki-
færanna. Verkefni okkar er að sjá til þess
að Ísland verði þannig land og það gerum
við best með því að trúa á okkur sjálf,
hvert annað og þá framtíð sem bíður
okkar.
Við eigum skilið að skipa okkur í hóp
með þeim allra bestu og Íslendingar eiga
skilið aukinn kaupmátt sem gefur fjöl-
skyldum von um betri tíma. Sem þjóð
þurfum við að sameinast um að gefa
okkur slíkt tækifæri. Við stígum fyrsta
skrefið á morgun.
Gleðilegt sumar!
STJÓRNMÁL
Hanna Birna
Kristjánsdóttir
Oddviti Sjálfstæðis-
fl okksins í Reykjavík
suður
➜ Þessi verkefni verða leyst sam-
eiginlega af stjórnmálamönnum sem
trúa á fólkið og af fólki sem trúir á
framtíðina. Ísland er og á að vera
land tækifæranna.
F
réttablaðið sagði fyrr í vikunni frá því að íslenzk íþrótta-
félög stæðu íþróttahreyfingum í nágrannalöndunum að
baki hvað varðaði forvarnir gegn kynferðisbrotum og
viðbrögðum við þeim. Hafdís Inga Hinriksdóttir, fyrrver-
andi landsliðskona í handbolta og félagsráðgjafi, sagði í
samtali við blaðið frá niðurstöðum rannsóknar sinnar á kynferðis-
ofbeldi, siðareglum og fræðslu í íþróttahreyfingunni. Samkvæmt
þeim eru íslenzk íþróttafélög flest aftarlega á merinni. Þjálfarar
fá ekki fræðslu um forvarnir gegn kynferðisofbeldi og þekkja ekki
verkferla hjá félögum sínum.
Celia Brackenridge, pró-
fessor í íþróttum og menntun við
Brunel-háskóla í Englandi, flutti
erindi í vikunni á ráðstefnu á
vegum samtakanna Blátt áfram
og Rannsóknarstofnunar í barna-
og fjölskylduvernd. Hún sagði
í samtali við Fréttablaðið að
Ísland stæði langt að baki öðrum löndum hvað varðaði forvarnir
gegn kynferðisofbeldi í íþróttum.
„Það er mikil vinna fyrir höndum og margir sem eru í afneitun
með að kynferðislegt ofbeldi í íþróttum fyrirfinnist hér á landi,“
segir Brackenridge. „Það er ekki rétt ef iðkendur og þjálfarar
tiltekinnar íþróttar segja að kynferðisofbeldi þekkist ekki þar. Þá
eru þeir augljóslega að horfa fram hjá vandanum.“
Þetta er áreiðanlega rétt hjá þessum sérfræðingum. Hættan
á kynferðislegu ofbeldi er ekki síðri í íþróttafélögum en öðrum
stofnunum og samtökum þar sem starfað er með börnum og
unglingum, eins og dæmin sanna raunar.
Umræða um þessi mál tengist umfjöllun á breiðari grundvelli
um ofbeldi og einelti í íþróttahreyfingunni. Það eru óljós mörk á
milli þess hóp-fávitaháttar sem grípur oft að minnsta kosti karl-
menn á öllum aldri þegar þeir eru berir saman í búningsklefa og
kynferðislegrar áreitni eða ofbeldis. Margt af því sem í eina tíð
viðgekkst utan vallar og þótti sjálfsagt fellur í dag klárlega undir
skilgreiningar á slíkum brotum.
„Manndómsvígslur“ á borð við flengingar nýliða, sem reglulega
fá athygli í fjölmiðlum eru sömuleiðis á þessum mörkum. Svo
furðulegt sem það kann að virðast, eru enn margir í íþróttahreyf-
ingunni sem verja slíka niðurlægjandi framkomu gagnvart yngri
leikmönnum.
Þótt einstök íþróttafélög hafi brugðizt rétt við atvikum þar sem
einelti og ofbeldi, meðal annars af kynferðislegum toga, hefur
komið við sögu, hefur skort á heildstæð viðbrögð íþróttahreyf-
ingarinnar. Það stendur nú til bóta. Siðareglur sem eiga að fyrir-
byggja kynferðisbrot eru í smíðum í samvinnu Íþróttasambands
Íslands og Íþróttabandalags Reykjavíkur. Nýafstaðið íþróttaþing
ÍSÍ samþykkti lagabreytingu sem kveður á um að óheimilt sé
að velja einstaklinga til starfa sem hlotið hafa refsidóma vegna
kynferðisbrota. Þingið samþykkti sömuleiðis áskorun þar sem
aðildarfélögin eru hvött til að vinna gegn ofbeldi og einelti og setja
sér viðbragðsáætlun þar að lútandi.
Þetta eru rétt viðbrögð. Skýrar reglur eiga að gilda um sam-
skipti í íþróttahreyfingunni, bæði innan og utan vallar, og það á að
taka hart á ofbeldi og virðingarleysi.
Kynferðisbrot og annað ofbeldi í íþróttum:
Reglur utan
og innan vallar
Ólafur Þ.
Stephensen
olafur@frettabladid.is
Ekki benda á mig
Rúnar Páll Rúnarsson er ekki maður
einhamur. Tvíhamur væri kannski
orðið yfir hann, þar sem sú staða er
komin upp að hann er í framboði
í tveimur kjördæmum. Það er þó
bót í máli að í báðum tilvikum er
hann í framboði fyrir sama flokkinn,
Flokk heimilanna, annað væri bara
pínlegt. Þannig hafa kjósendur í Norð-
vesturkjördæmi möguleika á því að
kjósa Rúnar Pál, sem og kjósendur í
Reykjavíkurkjördæmi norður. Rúnar
virðist hærra metinn á Norðvestur-
landinu, þar vermir hann 9. sætið, en
í Reykjavík er hann í 22.
sæti. Þá er hann í Reykjavík
titlaður vélsmíðanemi en í
Norðvesturkjördæmi kerfis-
fræðingur. Bæði mun vera
rétt. DV sagði frá þessu og
ræddi við framkvæmdastjóra Flokks
heimilanna, sem taldi auðsýnt að kjör-
stjórn hefði átt að benda þeim á mis-
tökin. Landskjörstjórn mun reyndar
gera það, í formi kæru til lögreglu.
Fjölhæfur formaður
En þeir eru fleiri frambjóðendurnir
sem virðast ekki einhamir. Þannig var
Árni Páll Árnason í formannaþætti
á Stöð 2, en virtist á sama tíma ansi
virkur á Facebook. Þannig komu
nokkrar stöðuuppfærslur hjá honum
á meðan á þættinum stóð. Annað
hvort var Árni lítið að fylgjast
með umræðunum og hékk
á Facebook, eða einhver
annar sér um reikninginn
hans, sem er líklega ekki
óalgengt með stjórn-
málamenn. En þarf að
auglýsa það svona augljóslega?
Sérkennileg hvatning
Gunnar I. Birgisson lagði á dögunum
fram bókun í bæjarráði Kópavogs. Þar
sagði hann að nýtingin í íþróttasal
Kórsins, þar sem HK æfir, væri
óásættanleg og bætti um betur, því
„algjörlega óafsakanlegt“ væri að nýta
ekki íþróttamannvirki bæjarins betur.
Bókunin kallaði á bókun frá bæjar-
stjóranum, sem reyndar er samflokks-
maður Gunnars, en sá síðarnefndi
útskýrði þetta allt í samtali við
Fréttablaðið. Þetta hefði verið
vel meint og bara hvatning til að
gera betur. Þá vitum við það. Ef
eitthvað er „óafsakanlegt“ þá er
það hvatning, í munni Gunnars.
kolbeinn@frettabladid.is