Fréttablaðið - 01.05.2013, Page 10

1. maí 2013 MIÐVIKUDAGUR| FRÉTTIR | 10
ÚKRAÍNA, AP Fangelsun Júlíu
Tímósjenkó, fyrrverandi for-
sætis ráðherra Úkraínu, átti sér
pólitískar rætur og fól í sér brot á
réttindum hennar. Þetta úrskurð-
aði Mannréttindadómstóll Evr-
ópu í gær, en dómarar við réttinn
komust einróma að þeirri niður-
stöðu að fangelsunin hafi ekki
stuðst við lög. Óljóst er hvaða
áhrif þessi úrskurður mun hafa
á framvindu málsins.
Tímósjenkó, sem var einn af
forvígismönnum byltingarinnar
í Úkraínu árið 2004, var sakfelld
fyrir landráð árið 2011 en hún var
sett í varðhald tveimur mánuðum
áður fyrir að sýna réttinum van-
virðingu.
Hún var jafnframt helsti and-
stæðingur Viktors Janúkóvitsj
forseta en stjórnarandstæðingar
segja þessa aðför að Tímósjenkó
vera runna undan rifjum hans til
að þagga niður í henni.
Stjórnvöld í Úkraínu þræta
fyrir slíkt en hafa þó verið gagn-
rýnd fyrir meðferðina á Tímó-
sjenkó, meðal annars af Banda-
ríkjunum og Evrópusambandinu
(ESB). Janúkóvitsj bindur miklar
vonir við nánara samband við
ESB og kemur dómurinn, þótt
hann sé ekki bindandi, for-
setanum illa á viðkvæmum tíma-
punkti.
Mannréttindadómstóllinn
heyrir undir Evrópuráðið og rauk
fastafulltrúi Úkraínu hjá ráðinu
út í fússi eftir að úrskurðurinn lá
fyrir. Stjórnvöld í Kiev hafa ekki
tjáð sig efnislega um niðurstöð-
una en segjast ætla að kynna sér
hana til hlítar. Janúkóvitsj sjálfur
er í fríi og hefur ekki tjáð sig um
úrskurðinn. Málsaðilar hafa þrjá
mánuði til að áfrýja úrskurð inum.
Stuðningsfólk Tímósjenkó
fögnuðu úrskurði dómsins inni-
lega. Málsvarnarteymi hennar
hvatti stjórnvöld til að binda
enda á fangavist Tímósjenkós.
Dóttir hennar, Evgenía, sagði
niður stöðuna vera „fyrstu sólar-
glætuna“ fyrir móður sína.
„Mannréttindadómstóll Evrópu
hefur komist að þeirri niðurstöðu
að móðir mín sé pólitískur fangi.
Nú geta stjórnvöld ekki lengur
þrætt fyrir það eða þá staðreynd
að henni þarf að sleppa úr haldi á
næstu dögum eða vikum.“
Hún sagði að þetta væri fyrsta
skrefið í endurkomu móður sinnar.
„Brátt verður hún hreinsuð af
þessum röngu og fáránlegu ásök-
unum.“ thorgils@frettabladid.is
Áfellisdómur yfir
Janúkóvitsj forseta
Mannréttindadómstóll Evrópu úrskurðaði í gær að fangelsun Júlíu Tímósjenkó,
fyrrverandi forsætisráðherra Úkraínu, væri ekki byggð á lagalegum grunni. Kemur
sér illa fyrir núverandi forseta sem vonast eftir nánari tengslum við Vesturveldin.
SAKAR FORSETANN UM OFSÓKNIR Júlía Tímósjenkó hefur lengi haldið því fram
að málarekstur á hendur henni eigi sér pólitískar rætur. Mannréttindadómstóll
Evrópu er á sama máli, sem og stuðningsfólk hennar. NORDICPHOTOS/AFP
Júlía Tímósjenkó hefur verið virkur þátttakandi
í stjórnmálum í Úkraínu frá því hún settist á
þing árið 1997. Hún leiddi appelsínugulu upp-
reisnina árið 2004 við hlið Viktors Júsjenkó og
tók við embætti forsætisráðherra árið 2005, og
svo aftur frá 2007 til 2010. Hún bauð sig þá fram
til forseta gegn Viktori Janúkóvitsj en tapaði.
Upphafið á málaferlunum gegn Tímósjenkó
má rekja aftur til 2010. Hún var síðar dæmd
í sjö ára fangelsi fyrir að misbeita valdi sínu í
tengslum við samning við Rússland um kaup
á jarðgasi. Hún var þó sett í varðhald tveimur
mánuðum áður. Hún dvelur nú á sjúkrahúsi, en
hefur meðal annars brugðið til mótmælasveltis
til að vekja athygli á máli sínu og slæmum aðstæðum í varðhaldi.
Hæðir og lægðir á litríkum ferli
Að lokinni kröfugöngu og útifundi á Ingólfstorgi
býður FIT félagsmönnum sínum í 1.maí kaffi að
Grand hóteli (Setrið) við Sigtún.
Félagar fjölmennum í hátíðarhöld dagsins!
Sjá nánar á www.fit.is
Háskóli Íslands býður upp á úrval
námskeiða í viðskiptafræði með vinnu.
Kynntu þér námið á vmv.hi.is
Umsóknarfrestur er 5. júní
Viðskiptafræði
með vinnu
Aukin þekking
- fjárfesting til framtíðar
Ársfundur Vina Vatnajökuls
hollvinasamtaka Vatnajökulsþjóðgarðs
Miðvikudaginn 8. maí, 2013, kl. 16:00 verður haldinn ársfundur Vina
Vatnajökuls. Fundurinn verður til húsa í Tjarnarsal, Sturlugötu 8, 101
Reykjavík. Fundarefni venjuleg aðalfundarstörf.
Stjórnin
NORDICPHOTOS/AFP
DÓMSMÁL Héraðsdómur Reykja-
víkur dæmdi í gær íslenska ríkið til
að greiða konu 50 þúsund krónur í
miskabætur. Konan hafði réttar-
stöðu sakbornings við rannsókn
máls, en niðurstaðan var sú að hún
hefði ekki tengst málinu.
Rannsóknin tengdist mansals-
máli þar sem ung kona var flutt
til landsins frá Litháen. Sambýlis-
maður konunnar var handtekinn
ásamt fimm litháískum ríkisborg-
urum og úrskurðaður í gæslu-
varðhald. Hann var síðar sýknað-
ur af kröfum ákæruvaldsins þar
sem sekt hans þótti ekki sönnuð.
Konan var handtekin 20. októ-
ber 2009. Lögreglan gerði húsleit
á heimili hennar vegna gruns um
aðild hennar að fyrrgreindu man-
salsmáli auk gruns um peninga-
þvætti, tryggingasvik og hugsanlega
önnur brot. Konan taldi húsleitina,
símahlustun og fleiri aðgerðir lög-
reglu ólögmætar og fór í mál við
ríkið. Hún krafðist einnar milljónar
króna í miskabætur.
Dómurinn komst að þeirri niður-
stöðu að rökstuddur grunur hafi
verið um aðild konunnar og að
aðgerðir lögreglu hafi verið rétt-
mætar og eðlilegar. Henni voru
þó dæmdar 50.000 krónur þar
sem rannsókn leiddi í ljós að hún
tengdist ekki sakamálinu og „hafi
hvorki valdið né stuðlað að þessum
að gerðum lögreglu“. - hó
Kona sem var grunuð um að tengjast mansalsmáli í skaðabótamál við ríkið:
Dæmdar 50.000 krónur í bætur
➜ Konan taldi húsleit lög-
reglu, símhlustun og aðrar
aðgerðir ólögmætar og krafð-
ist einnar milljónar króna í
miskabætur frá ríkinu.
SKÓLAR „Þetta er ákveðin arfleifð sem okkur
ber að hlúa að,“ segir Linda Rós Michaels-
dóttir, settur rektor Menntaskólans í Reykja-
vík, sem fékk í gær Vigdísi Finnbogadóttur,
fyrrverandi forseta Íslands, sem verndara
fornmáladeildar skólans.
Linda bendir á að fornmáladeild MR sé sú
eina í framhaldsskólum landsins. Lagt hafi
verið að stjórnendum skólans að leggja hana
niður. „Við vorum ákveðin í að halda alltaf úti
fornmáladeildinni. Það var aðeins að finna út
hvernig við verðum hana. Og þá spurði ég Vig-
dísi hvort hún vildi ekki verða verndari deild-
arinnar til að vernda hana og styrkja. Hún var
meira en til í það og taldi að þar væri hún að
gegna góðu hlutverki,“ segir Linda Rós. - gar
Rektor Menntaskólans í Reykjavík fagnar samstarfi við fyrrverandi forseta:
Vigdís verndar fornmáladeild
REKTOR OG FORSETI Linda Rós Michaelsdóttir og Vigdís Finnboga-
dóttir skrifa undir samning sem gerir Vigdísi að verndara fornmála-
deildar MR, hennar gamla skóla. FRÉTTABLAÐIÐ/VILHELM