Fréttablaðið - 03.05.2013, Page 12

3. maí 2013 FÖSTUDAGUR| FRÉTTIR | 12
30% kynningarafsláttur
ht.is
REYKJANESBÆR • SELFOSS • HÚSAVÍK • AKUREYRI • EGILSSTAÐIR • REYKJAVÍK
VIÐSKIPTI Mikil tækifæri bíða íslenskra útflutnings-
fyrirtækja í Kína eftir að fríverslunarsamningur
Íslands við Kína tekur gildi. Þetta sagði Magnús
Bjarnason, forstjóri Icelandic Group, í erindi sínu á
kynningarfundi sem Íslensk-kínverska verslunar-
ráðið stóð fyrir í gær. Þolinmæði sé þó nauðsynleg.
Íslensk og kínversk stjórnvöld undirrituðu um
miðjan síðasta mánuð samning sem felur í sér afnám
tolla af öllum helstu útflutningsvörum Íslendinga til
Kína. Þar á meðal eru allar sjávarafurðir, en al gengir
tollar af þeim eru nú á bilinu tíu til tólf prósent.
Sjávarafurðir eru sem stendur 90% af íslenskum
útflutningi til Kína, þó að það sé ekki umtalsverður
hluti af heildarútflutningi Íslands.
„Hins vegar eru vaxtartækifærin gríðarleg og ef
við horfum á umfang íslensks sjávarútvegs er ljóst að
við getum spilað ákveðna rullu í Kína,“ segir Magnús
og bætir við að Icelandic Group hafi unnið að því að
koma sér upp vinnslu í Kína frá því seint á síðasta ári.
Kína hefur verið mikilvægur markaður fyrir
afurðir sem hafa ekki gengið eins vel í hefðbundna
markaði, til dæmis sæbjúgu, grásleppu og grálúðu,
en Magnús segir efnahagslega framþróun síðustu ára
í Kína skila sér í breyttu neyslumynstri.
„Það er gott að eiga markað í Kína fyrir afurðir
sem aðrir vilja síður, en ég held hins vegar að við
þurfum að fylgja fordæmi þeirra sem hafa náð
mestum árangri í Kína, og það er að bjóða upp á
bestu hugsanlegu lausnir.“
Magnús segir kínverska neytendur afar kröfu-
harða og þeir velji aðeins það besta. Lykillinn að
árangri í Kína sé því að bjóða neytendum upp á sömu
vörur og seldar eru á þróaðri markaði, til dæmis til
Bretlands.
„Þarna eru mikil tækifæri fyrir þá sem hafa þolin-
mæði til að byggja upp markaðina, hvort sem um er
að ræða sjávarútveg eða aðrar greinar.“
Alþingi á eftir að samþykkja samninginn til að
hann öðlist gildi, en Bergdís Ellertsdóttir, sendiherra
og aðalsamningamaður Íslands, sagði á fundinum
að vonast væri til þess að samningurinn kæmi fyrir
haustþing og tæki gildi í upphafi næsta árs.
thorgils@frettabladid.is
Mikil tækifæri í Kína
fyrir þá þolinmóðu
Forstjóri Icelandic Group segir afnám tolla á íslenskar sjávarafurðir til Kína bera
með sér mikil tækifæri. Vöxtur síðustu ára hafi skapað sterka millistétt sem velur
úrvalsafurðir. Þolinmæði og fjárfesting á kínverskum markaði sé þó lykilatriði.
TÆKIFÆRI Í FRÍVERSLUNARSAMNINGI Forstjóri Icelandic
Group segir mikil tækifæri felast í bættum aðgangi að
kínverska markaðinum líkt og samið var um í fríverslunar-
samningi sem undirritaður var á dögunum. Þolinmæði og fjár-
festing geti borið ríkulegan ávöxt.
SAMFÉLAGSMÁL Sala á arm böndum
til styrktar ADHD-samtökunum
hófst í gær en forseti Íslands,
Ólafur Ragnar Grímsson, keypti
fyrsta armbandið við formlega
athöfn á Bessastöðum.
Salan á armböndum er liður
í fjáröflun samtakanna en um
leið er vakin athygli á starfi sam-
takanna og stöðu einstaklinga
með ADHD.
Armböndin eru svört og úr
gúmmí með áletrun ADHD-sam-
takanna. Á armböndunum er
einnig að finna „geimstein“ en
samkvæmt tilkynningu frá sam-
tökunum á hann að „vísa til þess
jákvæða, góða og fallega sem býr
í okkur öllum“.
Sala armbandanna er einn
liður í margþættum viðburðum
sem efnt er til á afmælisárinu
en ADHD-samtökin fagna 25 ára
afmæli í ár. - hó
ADHD-samtökin fagna 25 ára afmælisári sínu:
Forsetinn keypti
fyrsta armbandið
MEÐ ARMBÖNDIN Björk Þórarinsdóttir, formaður stjórnar ADHD-samtakanna,
Ólafur Ragnar Grímsson og Ellen Calmon, framkvæmdastjóri ADHD, á Bessastöðum
í gær.
Þarna eru mikil tæki-
færi fyrir þá sem hafa þolin-
mæði til að byggja upp
markaðina, hvort sem um er
að ræða sjávarútveg eða
aðrar greinar.
Magnús Bjarnason, forstjóri Iceland Group