Fréttablaðið - 03.05.2013, Síða 36

FRÉTTABLAÐIÐ Heilsa og hollusta. Spjörunum úr og Helgarmaturinn
10 • LÍFIÐ 3. MAÍ 2013
Maski
Hvernig kom þessi síða til hjá þér? Ég hef
verið að þjálfa í tíu ár og þessi snjóbolti hefur
bara þróast samhliða því og stækkað. Á síð-
una set ég inn hugmyndir og fróðleik sem
hvetur fólk til að taka fyrsta skrefið í átt að
betri heilsu. „BYRJA STRAX“. Við þurfum
öll á hrósi að halda og nærumst á því. Enda-
laus hvatning er það sem kemur okkur á
leiðar enda með bros á vör!
Hefurðu alltaf haft áhuga á heilsu og mat?
Ofvirkur íþrótta- og matarfíkill er góð lýs-
ing á mér. Ég var í öllum íþróttum sem hugs-
ast gat á Ólafsfirði þar sem ég ólst upp, en
þó allra helst skíðagöngu og fótbolta. Ég er
þekkt fyrir að geta borðað mikið og elska
mat, gef víst frá mér stunur þegar ég borða
sem ég heyri ekki sjálf.
Á tímabili liðu fimm ár þar sem ég hætti
nánast allri hreyfingu en hélt áfram að borða
og þyngdist því um 25 kíló, takk fyrir mig.
Eftir að hafa tekið mig í gegn eftir þennan
tíma og upplifað andlegu vellíðanina sem
fylgdi þeim lífsstílsbreytingum ákvað ég að
byrja að hjálpa öðrum.
Er fólk duglegt að leita til þín eftir ráðum?
Þetta er 150% starf hjá mér að sinna þeim
sem til mín leita, já. Best í heimi er að hjálpa
öðrum og á sama tíma mikil hvatning fyrir
mig. Á síðustu árum hefur orðið mikil vakn-
ing. Heilsa, hreyfing og hollt mataræði er
okkur mikilvægt. Það getur ekki verið annað
en jákvætt fyrir allt og alla að fylgjast með
mér, eða hvað?
Áttu þér sjálf einhvern uppáhaldsmat? Allur
fiskur er í uppáhaldi. Ég er alin upp við það
þar sem fjölskyldan var með útgerð. Mér
líður alltaf vel eftir að ég borða fisk og hann
er hægt að matreiða á allan hátt!
Lax, sætar kartöflur og gott salat verður
oft fyrir valinu þegar ég dekra við mig.
Hvernig heldurðu þér í formi í dag? Ég
hugsa vel um næringuna sem ég fæ úr
matnum, tek lýsi og vítamín. Ég hreyfi
mig nánast alla daga. Ég neyði mig ekki
í ákveðna hreyfingu heldur geri ég það
sem mig langar að gera. Einmitt núna
er það að lyfta, hlaupa, synda, ganga
á fjöll, hjóla og stunda jóga. Ég elska
náttúruna, súrefnið og sólina og reyni
að vera sem mest úti.
Hvernig dekrar þú við þig? Ég
geri alltof lítið af því en kósýstund
heima, kertaljós, freyðibað, tón-
list og eitt rauðvínsglas klikk-
ar aldrei. Svo set ég á mig
„home made“ maska og ég
fer í nudd einu sinni í mán-
uði. Einnig fer ég í göngu-
túra meðfram sjónum á
Álftanesinu þar sem ég bý,
dásamlegt í hvaða veðri
sem er!
Hvað er það mikilvæg-
asta til ná árangri að
þínu mati? Við höfum öll
þörf fyrir að vera elskuð,
að elska og hafa tilgang í
lífinu. Við þurfum stuðn-
ing, traust, kærleika og fé-
lagsskap frá vinum og fjöl-
skyldu.
Ef við missum þessa
þætti þá gæti heilsunni
hrakað. Munum svo að hinn
gullni meðalvegur hefur
reynst flestum best.
HEILSA ENDALAUS HVATNING KEMUR
OKKUR Á LEIÐARENDA
Telma Matthíasdóttir þjálfari heldur úti heimasíðunni www.fi tubrennsla.is. Þar leiðbeinir hún fólki við að ná betri heilsu með hreyfi ngu og næringu.
Lífi ð spjallaði við þessa lífsglöðu konu um mataræði, æfi ngar, leiðina að árangri og margt fl eira fróðlegt og skemmtilegt.
Telma leggur mikið upp úr því
að hreyfa sig utan dyra.
Heimagerður maski úr ís-
skápnum að kvöldi og morgun-
matur daginn eftir!
Maskinn
½ lítið avókadó
½ lítill banani
1 eggjarauða
Maukað vel saman
Borið á andlitið
Þvo af eftir 10 mínútur
Morgunmaturinn
½ lítið avókadó
½ lítill banani
1 egg og 1 hvíta
1 dl haframjöl
1 tsk. kanill
6 dropar stevía
Blanda öllu saman
Steikja á pönnu
Gott að nýta strax hinn
helminginn af banan-
anum, avókadóinu
og eggjahvítunni.
Nokkur góð
ráð frá
Thelmu:
■ Njóttu þess
að borða
uppáhalds-
matinn þinn.
Það er hægt að
klæða hvaða mál-
tíð sem er í hollustubún-
ing, og borða rétta magnið. Við
þurfum ekki að borða 9“ pitsu
ein þegar hálf er alveg nóg.
■ Njóttu þess að borða heima.
Þegar við matreiðum sjálf vitum
við hvað við erum að setja ofan
í okkur og stjórnum á sama tíma
betur magni og gæðum. Einnig
spörum við tíma og peninga.
Látum ekki aðra stela af okkur
heilsunni og peningunum.
■ Borðaðu oft og lítið í einu.
Maginn okkar er eins og
krepptur hnefi á stærð, og þess
vegna þarf ekki stóra máltíð til
að seðja hungrið. Rannsóknir
hafa margsinnis sýnt fram á það
að fólk sem borðar 4-5 sinnum á
dag grennist eða er grannt. Ein-
faldara getur það ekki
verið, borða minna!
■ Prótein í hverri mál-
tíð.
Prótein gefur góða
fyllingu og vöðvunum
okkar næringu. Hvað
þýðir það á okkar
tungumáli? Jú, við verð-
um södd lengur og
vöðvarnir verða virkari
og brenna meiri orku. Úr
nógu er að velja; kjúk lingur,
fiskur, egg, kjöt, skyr, hnetur,
ostur, mjólk, kjötálegg, prótein-
drykkir og svo margt fleira.
MÁNUDAGSKVÖLD KL. 21:40
VALDATAFLIÐ ER HAFIÐ
Þriðja serían um hið magnaða valdatafl í Westeros. Þátturinn er sýndur á Íslandi
og í Bandaríkjunum með nokkurra klukkustunda millibili.
F
ÍT
O
N
/
S
ÍA
Fáðu þér áskrift | 512 5100 | stod2.is
„Á tímabili
liðu fimm ár
þar sem ég
hætti nán-
ast allri hreyf-
ingu en hélt
áfram að
borða og
þyngdist því
um 25 kíló,“
segir Telma.