Fréttablaðið - 24.08.2013, Blaðsíða 102

24. ágúst 2013 LAUGARDAGUR| MENNING | 70
„Kosningar næsta vor. Hvað
finnst þér?“
SAGÐI BORGARSTJÓRINN Í REYKJA-
VÍK, JÓN GNARR, Á FACEBOOK-SÍÐU
SINNI Í VIKUNNI OG BÆTTI VIÐ LAGI
EFTIR BRESKU HLJÓMSVEITINA
CLASH, SEM HEITIR SHOULD I STAY
OR SHOULD I GO?. Á ÍSLENSKU
ÚTLEGGST ÞAÐ: ÆTTI ÉG AÐ VERA
EÐA ÆTTI ÉG AÐ FARA?
AUKATÓNLEIKAR OG
LEIKSÝNING
Miðasala á tónleika Skálmaldar og
Sinfóníuhljómsveitar Íslands í Hörpu
hófst í gærmorgun. Viðbrögðin voru
það góð að ákveðið hefur verið að
halda aukatónleika 29. nóvember.
Baldur Ragnarsson og félagar í Skálm-
öld eru einnig að undirbúa sína fyrstu
þungarokksleiksýningu, Baldur, sem
verður frumsýnd í Borgar-
leikhúsinu í mars á næsta
ári. Hún er nefnd eftir
fyrstu plötu sveitarinnar
þar sem textarnir
voru kyrfilega
ortir samkvæmt
íslenskum
bragreglum. - fb
„Línan er búin til úr hreindýra-
leðri og hreindýrahornum,“ segir
Sigrún Halla Unnarsdóttir fata-
hönnuður, sem skipar hönnunar-
þríeykið IIIF ásamt Öglu Stefáns-
dóttur fatahönnuði og Thibaut
Allgayer vöruhönnuði. Fyrsta
hönnunarlína IIIF verður frum-
sýnd í húsi Alliance Francaise við
Tryggvagötu í dag.
Þremenningarnir kynntust
fyrst er þeir voru við nám í
hönnunarskólanum í Kolding.
Uppruna IIIF má þó rekja til
verkefnisins NA10 sem Nýsköp-
unarsjóður og Make by Þorpið
stóðu fyrir árið 2011. Þar komu
saman sjö hönnuðir sem unnu að
því að hanna söluvænlegar vörur
og nota til þess hráefni og hand-
verksfólk úr Fljótsdalshéraði.
„Okkur langaði að halda áfram að
vinna með þessu góða fólki sem
við höfðum kynnst. Við fórum þó
ekki að vinna markvisst að þessu
fyrr en fyrir hálfu ári og nú er
fyrsta línan tilbúin,“ útskýrir
Sigrún Halla.
Líkt og áður hefur komið fram
eru vörurnar framleiddar úr
hreindýraafurðum og að sögn
Sigrúnar Höllu er ekki hlaupið
að því að verða sér úti um slíkt.
„Það má bara skjóta visst mörg
dýr á ári. Hvað hornin varðar, þá
er best að nota horn sem dýrin
hafa fellt því í þeim er betri efni-
viður,“ segir hún. „Ég fór í fimm
daga göngu um hálendið í sumar
og fann þá risavaxin horn sem
ég kippti með mér. Eftir að hafa
rogast með þau á bakinu í rúma
klukkustund gafst ég upp. Sem
betur fer fann ég önnur minni
í sömu ferð sem ég gat borið til
byggða,“ segir hún hlæjandi.
Vörurnar fást á vefsíðunni
Iiif.is og stendur sýningin frá
klukkan 18 til 22. sara@frettabladid.is
Gafst upp á að rogast
með horn á bakinu
Sigrún Halla Unnarsdóttir, Agla Stefánsdóttir og Thibaut Allgayer eru á bak við
hönnunarmerkið IIIF. Fyrsta lína þeirra er búin til úr hreindýraafurðum.
IIIF HÖNNUÐIR Sigrún Halla Unnarsdóttir og Agla Stefánsdóttir skipa hönnunar-
þríeykið IIIF ásamt Thibaut Allgayer, sem er á myndinni. Fyrsta lína IIIF verður
frumsýnd í dag. FRÉTTABLAÐIÐ/VILHELM
* Sigrún Halla Unnarsdóttir er með MA-gráðu í fatahönnun frá Kolding
Design Skole. Hún starfar sem prjóna- og fylgihlutahönnuður hjá útivista-
merkinu Icewear og mun kenna við fatahönnunardeild LHÍ í vetur. Að auki
er hún í stjórn LungA-skólans.
* Agla Stefánsdóttir er með MA-gráðu í fatahönnun frá Kolding Design
Skole. Hún hefur starfað sem fatahönnuður hjá dönsku tískumerkjunum
Hot Friture og Wackerhaus og hyggur á kennaranám í haust.
* Thibaut Allgayer stundaði nám í vöruhönnun í Frakklandi og Danmörku.
Hann starfar sem hönnuður í Danmörku og hefur meðal annars hannað
útlit verslunarinnar Best Seller í Kína.
Kynntust í Danmörku
„Ég er að óska eftir tillögum að nafni inn á tísku-
síðunni Trendet að nýjustu bók minni sem er um hár-
greiðslur fyrir stelpur á aldrinum 2 til 12 ára. Það
verður úr nógu að velja og ég er komin með margar
skemmtilegar tillögur að nafni, eins og Gullbrá,
Reif í hárið, Lokkalína, Hárprýði, Gleðilegt nýtt hár,
Lokkar, Englahár, Rúllusnúllur, Lína lokkafína og
margt fleira spennandi,“ segir Theodóra Mjöll Skúla-
dóttir Jack, hárgreiðslukona. Hún hefur áður gefið út
bókina Hárið, sem hefur selst í um tíu þúsund eintök-
um. „Nafnið er ekki komið enn og það er vandasamt
verk að velja gott og grípandi nafn fyrir svona bók.
Ég hvet sem flesta til þess að fara inn á bloggið mitt
á síðunni Trendnet, og segja frá hugmyndum sínum.“
Nýja bókin er væntanleg í verslanir í október og má
búast við að mikil spenna sé fyrir útgáfunni.
„Við Saga Sigurðardóttir ljósmyndari, sem tók
myndirnar fyrir bókina, vinnum dag og nótt að því
að fara yfir allar myndirnar. Við höfum einungis
nokkrar vikur til að setja bókina upp og erum að
gera þetta „the icelandic style“ eins og sagt er,“ segir
Theodóra og á þar við þann stutta tímaramma sem
þær hafa til að klára bókina. - áo
Óskar eft ir tillögum að nafni
Theodóra Mjöll Skúladóttir Jack leitar að nafni á nýja hárgreiðslubók sína.
LEGGUR LOKAHÖND Á AÐRA HÁRBÓK Theodóra Mjöll
biður lesendur Trendnets um að hjálpa sér við að finna nýtt
nafn á næstu hárbók. FRÉTTBLAÐIÐ/VALÞÓR
ÞORGRÍMUR ÞRÁINSSON
UNDIR DULNEFNI
Vaka-Helgafell gaf út bókina Elsk-
hugann eftir Karl Fransson fyrr á árinu,
en bókin hefur vakið mikla athygli,
og fengið misjafna dóma. Bókin er
erótísk skáldsaga. Þó hafa útgefendur
bókarinnar gefið upp að höfundur
skrifi undir dulnefni og sé viður-
kenndur og þekktur höfundur
á Íslandi. Þrálátur orðrómur
er uppi þess efnis að höf-
undurinn sé enginn annar
en Þorgrímur Þráinsson,
rithöfundur, fyrrverandi
knattspyrnumaður
og borgarlistamaður
Reykjavíkur 2013.
- ósk
ÍSLENSK BÖND HJÁ
BUZZFEED
Bandaríska vefsíðan Buzzfeed birti í
vikunni lista yfir tíu íslenskar hljóm-
sveitir sem vert er að fylgjast með.
Þar segir að á Íslandi sé hægt að finna
meira en jökla, eldfjöll,
Sigur Rós og
Björk. Hljóm-
sveitin FM
Belfast trónir á
toppi listans en
hljómsveitirnar
Hjaltalín, Retro
Stefson, Seabear
og Sykur eru
einnig nefndar
á nafn.
- ka