Fréttablaðið - 17.02.2014, Blaðsíða 50

17. febrúar 2014 MÁNUDAGUR| SPORT | 26
FRJÁLSAR Aníta Hinriksdóttir
varð í fjórða sæti í 800 metra
hlaupi á gríðarlega sterku móti í
New York. Aníta hljóp á 2:02,66
mínútum sem er aðeins frá henn-
ar besta tíma innanhúss sem er
2:01,81 mínúta síðan 19. janúar
síðastliðinn. Þetta er aftur á móti
hennar næstbesti tími.
Hlaupið var gríðarlega spenn-
andi. Aníta tók forystuna í næst-
síðasta hring og leiddi þegar
stúlkurnar fóru í lokahringinn.
Héri fór fyrir hlaupinu fyrstu
400 metrana. Aníta hafði aftur á
móti ekki næga orku í lokasprett-
inn og missti þá þrjár stelpur
fram úr sér.
Hin bandaríska Ajee Wilson
kom fyrst í mark á 2:01,81 mín-
útu. Hún átti áður best 2:02.64
mínútur frá því fyrir ári. Hörku-
bæting hjá Wilson sem verður
tvítug í maí.
Jenna Westaway, einnig frá
Bandaríkjunum, varð önnur
á 2:01,88. Natoya Goule frá
Jamaíku tók bronsið á 2:02,22
mínútum. - hbg
Aníta lenti í
fj órða sæti
REYNSLA Aníta lærði eflaust mikið af
hlaupinu um helgina. FRÉTTABLAÐIÐ/VILHELM
CRÉATIVE TECHNOLOGIE
Frábær vinnuaðstaða með góðu aðgengi fyrir farm og farþega. 180° opnun á afturhurðum, rennihurð, þægileg
hleðsluhæð, há sætisstaða og fjöldi geymsluhólfa. Öflug en sparneytin 90 hestafla dísilvél ásamt spólvörn og ESP
stöðugleikakerfi gera Berlingo Van að öruggum og hagkvæmum kosti fyrir þinn rekstur.
KOMDU OG PRÓFAÐU CITROËN BERLINGO VAN
citroen.is
3,3 M - 4,1 M HLEÐSLURÝMI 850 KG BURÐARGETA 3JA MANNA SPARNEYTINN 3 3
Útbúnaður og gerð getur verið frábrugðin mynd í auglýsingu
BETRI REKSTUR OG AUKIN ÞÆGINDI
CITROËN BERLINGO VAN 1,6 HDi 90 hö dísil
VERÐ FRÁ: 2.382.470 KR. ÁN VSK
VERÐ FRÁ: 2.990.000 KR. MEÐ VSK
Nýir og notaðir bílar: Söludeildir eru opnar alla virka daga kl. 9-17 og laugardaga kl. 12-16.
Brimborg Reykjavík: Bíldshöfða 8, sími 515 7040 I Brimborg Akureyri: Tryggvabraut 5, sími 515 7050
KÖRFUBOLTI „Það er alveg góður
möguleiki á því að ég byrji að
þjálfa aftur einn góðan veður-
dag,“ segir Friðrik Ingi Rúnars-
son í samtali við Fréttablaðið en
hann þurfti að láta af störfum sem
framkvæmdastjóri Körfuknatt-
leikssambands Íslands um síðustu
mánaðamót vegna hagræðingar í
rekstri sambandsins.
Friðrik Ingi er margverðlaunað-
ur þjálfari en hann tók við uppeld-
isfélagi sínu Njarðvík rétt skrið-
inn yfir tvítugt og gerði það að
Íslandsmeisturum. Hann skilaði
svo bikarmeistaratitli í hús sem
þjálfari Grindavíkur árið 2006
áður en hann lét af störfum um
sumarið og réð sig til KKÍ.
Ekki dregist aftur úr
„Þjálfun hefur alltaf verið stór
hluti af lífi mínu. Það er alltaf stutt
í það að maður hugsi eins og þjálf-
ari þegar maður fylgist með ein-
hverjum leik. Maður er alltaf að
spá í ýmsa hluti sem aðrir kannski
horfa ekki til,“ segir Friðrik Ingi
sem segist ekki standa kollegum
sínum að baki í dag þrátt fyrir að
hafa ekki þjálfað í átta ár.
„Ég hef auðvitað fylgst vel með
og sótt námskeið bæði á netinu og
ferðalögum um heiminn. Ég er
alltaf eitthvað að spá og skoða og
á einnig gott net af fræðimönnum
úti um allan heim. Ég er mjög lán-
samur hvað það varðar.“
Friðrik Ingi hefur líka starfað
náið með landsliðunum á sínum
átta árum hjá KKÍ og verið á kafi
í hlutunum. „Hluti af starfi mínu
hjá KKÍ var að sýsla með lands-
liðsmálin og svo vann ég líka sem
ákveðinn ráðgjafi þjálfaranna og
landsliðsnefndar og síðar afreks-
nefndarinnar. Það eina sem mig
vantaði var í raun bara flautan í
munninn. En já, ég hef fylgst vel
með fræðunum og horft á þúsund-
ir leikja úr hinum ýmsu deildum.
Þannig að fara út í þjálfun aftur
er eitthvað sem ég er að skoða og
hver veit nema maður verði mætt-
ur á parketið aftur von bráðar,“
segir hann.
Ný ævintýri bíða
Komnar eru tvær vikur síðan Frið-
rik Ingi gekk út af skrifstofu sinni
hjá KKÍ sem framkvæmdastjóri í
síðasta skipti og saknar hann eðli-
lega starfsins. Hann reynir þó að
líta á björtu hliðarnar og gráta það
sem gerst hefur ekki of mikið.
„Ég hef það bara ágætt. Maður
tekur þann pól í hæðina að reyna
að horfa jákvætt á lífið. Það eru
margir sem hafa það verra en ég.
Það er eins og með svo margt í
þessu lífshlaupi, maður getur ekki
stýrt öllu. Ég var mjög ánægð-
ur hjá sambandinu og fannst ein-
staklega gaman að eiga samskipti
við alla hreyfinguna. Allt frá yngri
flokka leikmönnum til þjálfara í
efstu deild. En þessi kafli er bara
búinn í bili og ég staldra ekki leng-
ur við það. Nú bíður maður bara
eftir næstu ævintýrum,“ segir
Friðrik Ingi.
Margir sakna Friðriks Inga úr
starfinu en Ingi Þór Steinþórsson,
þjálfari Snæfells, ritaði langan
póst á Facebook-síðu sína þar sem
hann mærði störf Njarðvíkingsins
og þá sagði Jón Arnór Stefánsson í
viðtali við Vísi að hann myndi svo
sannarlega sakna Friðriks. Hann
væri drifkrafturinn á bak við
körfuknattleikssambandið.
„Ég væri auðvitað að ljúga ef ég
viðurkenndi ekki að þessar kveðj-
ur yljuðu mér um hjartarætur. Ég
hef fengið gríðarlega mikil við-
brögð úr ótrúlegustu áttum bæði
hérlendis og erlendis. Það er bara
gaman að því. Ég er þakklátur
fyrir að menn hugsa til mín og það
gefur manni einnig aukinn kraft,“
segir Friðrik Ingi Rúnarsson.
tom@frettabladid.is
Það er í blóði mínu að þjálfa
Friðrik Ingi Rúnarsson, sem lét af störfum sem framkvæmdastjóri KKÍ í lok janúar, er opinn fyrir því að byrja
að þjálfa aft ur. Hann þjálfaði síðast Grindavík árið 2006 og gerði liðið að bikarmeisturum. Það var erfi tt að
þurfa að yfi rgefa körfuboltasambandið en stuðningskveðjur úr öllum áttum ylja honum um hjartarætur.
AFTUR Í BARÁTTUNA Friðrik Ingi er hér að stýra landsliðsæfingu fyrir nokkrum
árum. Hann er orðaður við landsliðið aftur í dag. FRÉTTABLAÐIÐ/HEIÐA