Fréttablaðið - 26.05.2014, Side 2

26. maí 2014 MÁNUDAGUR| FRÉTTIR | 2
KJARAMÁL „Þetta er afar óréttlátt
og við munum leita réttar okkar,“
segir Kristján Jóhannsson, for-
maður Félags flugmálastarfs-
manna ríkisins, eins þriggja
félaga sem nýlega gerðu kjara-
samning við Isavia eftir þrjár
fimm klukkustunda vinnustöðv-
anir.
Isavia hefur hýrudregið alla
vaktavinnumenn úr vinnustöðv-
unarfélögunum um fimmtán
klukkutíma, sem mun svara til
um 24 þúsund króna, burt séð frá
því hvort þeir hafi átt vakt eða
ekki þegar vinnustöðvanirnar
stóðu yfir.
Kristján segir að um þrjú
hundruð félagsmenn hans séu
í vaktavinnu fyrir Isavia. „Það
er eins og fyrirtækið gefi sér að
allir hafi verið að vinna í einu
– sem er ekki. Hið rétta er að á
bilinu áttatíu til hundrað manns
áttu að vera á vakt í þessa tíma.
Okkar skoðun er sú, og hún er
studd áliti okkar lögfræðinga, að
fyrirtækið verði að reikna þann
tíma sem raunverulega tapaðist í
vinnu en ekki reikna út frá því að
allur hópurinn hafi átt að vera í
vinnu í þessi skipti,“ segir Krist-
ján.
Flugvallarstarfsmenn hafa
reiknað út að vaktavinnumenn-
irnir hafi að meðaltali verið frá
vinnu vegna aðgerðanna í fjóra
og hálfa klukkustund. Það sé
þannig meira en þrefalt fleiri
tímar sem Isavia hafi skert laun-
in. Munurinn fyrir fyrirtækið
samkvæmt grófu mati er nærri
fimm milljónir króna að sögn
Kristjáns.
„Það sjá allir að Isavia er að
stórgræða á þessu. Við teljum
sanngjarnt að þessum vinnutím-
um sem raunverulega töpuðust
sé skipt jafnt á alla okkar félags-
menn. Þannig að þeir sem áttu
vaktina þegar verkfallið stóð beri
ekki einir skaðann,“ segir Krist-
ján sem kveður Isavia ósveigjan-
legt. „Við verðum að leita réttar
okkar í þessu máli. Það verður að
fara með þetta alla leið – eins og
alltaf þegar Isavia á í hlut.“
Friðþór Eydal, upplýsinga-
fulltrúi Isavia, segir fyrirtækið
standa rétt að uppgjörinu vegna
vinnustöðvananna. Það sé í sam-
ræmi við verklagsreglur sem séu
við lýði hjá Samtökum atvinnulífs-
ins. gar@frettabladid.is
Telja Isavia draga of
mikið af laununum
Flugmálastarfsmenn segja ósanngjarnt að Isavia hýrudragi alla vaktavinnumenn
um þær 15 klukkustundir sem þrjár nýlegar vinnustöðvanir vöruðu. Hver þeirra
hafi aðeins verið fjóra og hálfan tíma frá vinnu að meðaltali. Stefnir í dómsmál.
Í LEIFSSTÖÐ Svona var stemningin á Keflavíkurflugvelli í aprílbyrjun á meðan á
vinnustöðvun flugvallarstarfsmanna stóð. FRÉTTABLAÐIÐ/GVA
Það sjá
allir að Isavia
er að stór-
græða á
þessu.
Kristján Jóhannsson,
formaður Félags
flugmálastarfsmanna ríkisins.
LANDBÚNAÐUR Hörður Harðar-
son, formaður Svínaræktar-
félags Íslands, vill ekki tjá sig
um ástæður þess að svínabænd-
ur deyfa ekki grísi áður en þeir
eru geltir, eins og kveðið er á
um lögum.
Hörður segir að félagið hafi
sent út fréttatilkynningu og
menn ætli að láta þar við sitja.
Í henni kemur fram að svína-
bændur vinni í samráði við
stjórnvöld að innleiðingu nýrra
laga um dýravernd. Lögin gangi
lengra en sambærileg löggjöf í
flestum þeim löndum sem við
berum okkur saman við. - jme
Bændur gelda ódeyfða grísi:
Unnið að inn-
leiðingu laga
LÖGREGLUMÁL Lögreglan á Selfossi
er langt komin með að rannsaka
kynferðisbrot starfsmanns sumar-
dvalarheimilis fyrir fatlað fólk í
sveitarfélaginu Árborg.
Í frétt RÚV um málið kom fram
maðurinn hefði brotið gróflega
gegn tveimur konum á fertugs- og
og fimmtugsaldri sem eru báðar
þroska skertar. Maðurinn neitar sök.
Hinn grunaði er tengdur rekstrar-
aðila heimilisins fjölskylduböndum.
Að sögn RÚV er sumardvalar-
heimilið í umdæmi félagsþjónust-
unnar í Árborg og nærliggjandi
sveitarfélaga og hefur félagsmála-
stjórinn ákveðið að senda ekki fólk
í sumardvöl þangað.
Félagsmálastjórar annarra sveit-
arfélaga hafa einnig vitneskju um
rannsóknina og geta því gripið til
sömu ráðstafana. Hins vegar þarf
fatlað fólk ekki atbeina félagsþjón-
ustunnar til að sækja um sumar-
dvöl. Hægt er að sækja beint um
dvöl á heimilinu til forráðamanna
þess og margir skjólstæðingar fara
á sömu heimilin ár eftir ár. - jme
Starfsmaður á sumardvalarheimli fyrir fatlaða grunaður um kynferðisbrot:
Braut gegn tveimur konum
LÖGREGLUMÁL Karl og tvær
konur á þrítugsaldri urðu fyrir
því að tveir karlar veittust að
þeim og börðu þau í höfuðið með
flöskum aðfaranótt sunnudags
fyrir utan skemmtistaðinn Park
á Hverfisgötu.
Árásarmennirnir komust
undan en þau sem urðu fyrir
árásinni voru flutt á slysa-
deild til aðhlynningar. Önnur
konan fór úr axlarlið og þurfti
að sauma spor í höfuð hennar.
Hin konan var með brákað bein
í hendi og sauma þurfti spor í
höfuð mannsins, sem fékk heila-
hristing. - ósk
Réðst að fólki með flösku:
Gróf líkamsárás
í miðbænum
KJARAMÁL Fundahöld voru í
kjaradeilu Flugfreyjufélags
Íslands og Icelandair um helgina.
Mikið bar enn í milli í deilunni
þegar blaðið fór í prentun.
Yfirvinnubann flugfreyja og
flugþjóna er í gildi en klukkan sex
í fyrramálið hefst átján tíma verk-
fall hafi ekki samist fyrir þann
tíma. Verði verkfall falla niður
um 60 ferðir. Sólarhringsverkfall
er boðað 6. júní og annað þann 12.
júní. Ótímabundin vinnustöðvun
hefst svo 19. júní. - jme
Samningar ganga hægt:
Líkur á verk-
falli flugfreyja
LÖGREGLURANNSÓKN Lögreglan á
Selfossi rannsakar meint kynferðisbrot
karlmanns sem vann á sumardvalar-
heimili fyrir fatlaða. Rannsókn er langt
komin. FRÉTTABLAÐIÐ/ERNIR
VIÐSKIPTI Finnur Árnason, forstjóri
Haga hf., segir yfirlýsingar atvinnu-
vega- og nýsköpunarráðuneytisins
um að tollkvótar hafi verið opnir
síðan í lok febrúar ekki gera neitt
gagn fyrir verð á nautakjöti.
Samkvæmt yfirlýsingu ráðuneyt-
isins hefur tollkvóti vegna innflutn-
ings á nautakjöti verið opinn síðan í
lok febrúar á þessu ári og verð á inn-
lendu kjöti hafi engin áhrif á innflutningsverðið.
Finnur segir að þrátt fyrir tollkvótann séu innflutn-
ingsgjöld allt of há, og að til þess að lækka verð á inn-
lendu kjöti þurfi að afnema tolla að öllu leyti.
„Það sem ég er að benda á er að verð á nautakjöti
hefur hækkað um 20 prósent. Það er það sem neytendur
búa við. Sem þýðir það að aðgerðir ráðuneytisins hafa
ekkert vægi. Þær duga ekki til að halda aftur af þessum
verðhækkunum,“ segir Finnur.
„Þess vegna er eðlilegt að allur tollur á nautakjöti sé
afnuminn, svo það sé flutt inn meira, og það mun koma
í veg fyrir þessa hækkun. Þá þurfum við ekki að yfir-
bjóða þessa fáu gripi sem til eru úti í sveitum.“ - kóh
Forstjóri Haga segir opna tollkvóta engu breyta um verð á nautakjöti:
Okur rúmast innan tollkvóta
BÚFÉ Framboð nautakjöts hefur farið þverrandi, og hefur það
ýtt verði upp. Til þess að stemma stigu við þessari þróun þarf
innflutningsverð að lækka. FRÉTTABLAÐIÐ/STEFÁN
FINNUR
ÁRNASON
SPURNING DAGSINS
Kringlunni
heyrnarstodin.is
HEYRNARSTÖ‹IN
Dagur, skemmist lagningin
ekki í sundi?
„Hún skemmist ekki ef maður
heldur höfðinu upp úr.“
Dagur B. Eggertsson, borgarstjóraefni Sam-
fylkingarinnar, segist opinn fyrir lagningu
Sundabrautar og að gert sé ráð fyrir Sunda-
braut í aðalskipulagi.
ÍSRAEL, AP Frans páfi sagðist vona að friður næðist brátt í Mið-Austur-
löndum í ræðu sinni í Ísrael í gær þar sem hann sýndi Palestínumönn-
um stuðning.
Frans sagðist hryggur yfir því að borgin heilaga, Jerúsalem, þyrfti
enn að þola átakaástand. Páfi boðaði réttláta langtímalausn í málinu,
svo Ísraelsmenn og Palestínumenn gætu lifað í sátt.
Hann sagði Ísrael verðskulda „öryggi og frið innan alþjóðlega sam-
þykktra landamæra“, en sagði um leið að íbúar Palestínu hefðu „rétt á
því að lifa með sæmd og ferðafrelsi“. Páfi sagði þráteflið í friðarum-
leitunum milli Ísraels og Palestínu „óásættanlegt“. Hann kom á fundi
forseta Ísrels og Palestínu í Vatíkaninu í næsta mánuði. - kóh
Páfi gerði sér ferð til vöggu kristinnar trúar í Betlehem:
Frans páfi studdi Palestínumenn
VIÐ AÐSKILNAÐARMÚRINN Í BETLEHEM Páfi bað bænir sínar við aðskilnaðarmúr-
inn í Betlehem. Þá tók hann upp á því að klæðast svart-hvítum köflóttum höfuðkufli,
sem er tákn hins palestínska málstaðar. FRÉTTABLAÐIÐ/AP