Fréttablaðið - 26.05.2014, Page 12

26. maí 2014 MÁNUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is RITSTJÓRNARFULLTRÚI: Álfrún Pálsdóttir alfrun@frettabladid.is VIÐSKIPTI: Fanney Birna Jónsdóttir fanney@frettabladid.is MENNING: Friðrika Benónýsdóttir fridrikab@frettabladid.is
DÆGURMÁL: Lilja Katrín Gunnarsdóttir liljakatrin@frettabladid.is VÍSIR: Kolbeinn Tumi Daðason, kolbeinntumi@365.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
Ólafur Þ.
Stephensen
olafur@frettabladid.is
Ráðast á í mikla uppbyggingu og verndar-
aðgerðir á ferðamannastöðum strax í
sumar, en ríkisstjórnin samþykkti í síðustu
viku að veita ríflega 350 milljóna króna
framlag til brýnna verkefna til verndunar
á náttúru landsins og öryggissjónarmiða.
Um er að ræða um 90 mismunandi fram-
kvæmdir á gönguleiðum/göngustígum til
að vernda okkar helstu náttúruperlur sem
eru undir álagi vegna aukins ferðamanna-
straums. Þessar nauðsynlegu aðgerðir
munu skapa fjöldamörg störf um allt land,
en meðal annars er um að ræða svæði sem
eru á rauðum lista Umhverfisstofnunar.
Aðgerðirnar ná til friðlýstra svæða, þjóð-
garða og svæða á náttúruminjaskrá, auk
annarra svæða sem eru vinsæl og undir
álagi af ferðamennsku.
Fjármunirnir skiptast á milli Þingvalla-
þjóðgarðs, Vatnajökulsþjóðgarðs, Um-
hverfis stofnunar, Landgræðslu ríkisins,
Skógræktar ríkisins og sveitarfélaga vítt
og breitt um landið. Fjölmargir einkaað-
ilar og samtök munu koma að þessum fram-
kvæmdum sem dreifast víða um landið.
Meðal annars er um að ræða endurnýjun á
útsýnispalli við Gullfoss, göngu- og útsýnis-
pall við Dettifoss, viðhald á gönguleiðum
í Þórsmörk, endurbætur á gönguleiðum í
Skaftafelli, við Látrabjarg, Goðafoss, Glym
og Hengifoss og svo má lengi telja. Bæta
þarf öryggi gesta eins og kostur er með
góðum stígum og öryggisgirðingum um leið
og verndargildi svæðanna eru uppfyllt.
Aðstæður hafa gjörbreyst hér á landi
á skömmum tíma og hefur ekki síst orðið
mikil fjölgun ferðamanna yfir vetrartím-
ann sem nauðsynlegt er að bregðast við
áður en í óefni er komið. Greinin hefur
vaxið hratt og skapar miklar gjaldeyris-
tekjur, væntanlega mest allra atvinnu-
greina á síðasta ári. Stuðlað hefur verið að
vexti og framgangi ferðaþjónustunnar sem
hefur skilað sér í auknum tekjum til þeirra
sem selja ferðamönnum vörur og þjónustu.
Það felst mikil áskorun í því að taka á
móti auknum fjölda ferðamanna og er nátt-
úra landsins helsta aðdráttaraflið. Fyrr í
vetur kynnti ég í ríkisstjórn útfærslu á upp-
byggingu innviða og vernd náttúru á ferða-
mannastöðum. Í umhverfis- og auðlinda-
ráðuneytinu er nú unnið að heildstæðri
áætlun sem nær yfir allt landið, en hingað
til hefur skort skýra stefnumörkun og
yfirlit yfir vandann á ferðamannastöðum.
Slík áætlun er mikilvæg forsenda þess að
hægt sé að ráðast í verndaraðgerðir og tak-
ast á við uppbyggingu innviða með skipu-
lögðum hætti. Útfærslan verður grundvöll-
ur fyrir úthlutun fjármagns sem yrði til við
gjaldtöku, en ráðherra ferðamála útfærir
leiðir til tekjuöflunar.
Uppbygging og verndun
UMHVERFIS-
MÁL
Sigurður Ingi
Jóhannsson
umhverfi sráðherra
Enn eitt framsóknardramað
Framsóknarmenn í Reykjavík buðu
upp á enn eitt dramað um helgina
þegar oddviti listans sagði blákalt að
hún vildi að lóð sem múslimar hafa
fengið úthlutað í Sogamýri yrði aftur-
kölluð. Enginn af frammámönnum
Framsóknar tók undir með odd-
vitanum í Reykjavík opinberlega.
Ráðherrar flokksins brugðu á
það ráð að láta ekki ná í sig
eða að neita að tjá sig um
málið. Fyrrverandi borgar-
fulltrúi flokksins hafði hins
vegar kjark og þor til
að segja að að þetta
gengi þvert á stefnu
Framsóknarflokksins
að ætla að fara að
mismuna trú-
félögum.
Styður ekki sjálfan sig
Fimmti maður á lista Framsóknar í
Reykjavík, Hreiðar Eiríksson, lýsti því
yfir í kjölfar yfirlýsinga Sveinbjargar
að hann gæti ekki lengur stutt
listann vegna ummæla hennar. Hann
hefði sjálfsagt feginn viljað segja sig
af listanum hefði þess verið einhver
kostur. Það er ekki hægt að segja sig
af lista eftir að framboðsfrestur
er runninn út. Hreiðar hefur
óskað eftir að myndir af
honum verði fjarlægðar af
kosningaskrifstofum fram-
boðsins. Það verður gaman að
fylgjast með því hvort
farið verði að
óskum fram-
bjóðandans.
Í veikri von
Vandræðagangurinn í kringum
borgarstjórnarframboð Fram-
sóknarflokksins hefur verið með
eindæmum í allan vetur. Enginn
flokkanna sem bjóða fram í borginni
hefur fengið viðlíka fjölmiðlaathygli
og Framsóknarflokkurinn en þrátt
fyrir það er flokkurinn samkvæmt
skoðanakönnunum langt frá því
að koma manni í borgarstjórn.
Útspilið með moskuna hefur
kannski verið hugsað til að
ná atkvæðum þeirra sem eru
á móti útlendingum og þeirra
sem eru annarrar trúar, í
þeirri veiku von að ná
inn manni í borgar-
stjórn.
johanna@frettabladid.is
S
taðan í kosningabaráttunni í Reykjavík er að mörgu leyti
athyglisverð. Fyrir það fyrsta er það að gerast sem fáir
hefðu haft trú á fyrir fjórum árum, að arftaki framboðs
Bezta flokksins og Samfylkingin virðast munu halda
meirihluta í borginni. Að vísu stefnir í að valdahlutföllin
verði öfug núna; Samfylkingin verði stærri flokkurinn og hefð-
bundinn pólitíkus setjist í stól borgarstjóra. Samfylkingin hefur
þannig grætt á samstarfinu og Björt framtíð baðar sig líka í
síðustu geislum sólar Jóns Gnarr. Brotthvarf hans af sviði borgar-
málanna þýðir samt að engin, lítil eða lítt útfærð stefna Bjartrar
framtíðar í mörgum stórum málum er ekki alveg eins hresst og
skemmtilegt fyrirbæri og fyrir fjórum árum.
Í öðru lagi stefnir í myndun einhvers konar blokkar í anda
R-listans, bara án Framsóknarflokksins. Vinstri græn vilja ólm
hengja sig utan á núverandi
meirihluta, ef marka má viðtal
við oddvitann Sóleyju Tómas-
dóttur í Reykjavík vikublaði.
Í þriðja lagi er merkilegt að
Píratar virðast ætla að ná að ná
manni inn í borgarstjórn. Pírat-
arnir höfða aðallega til ungs
fólks og í ljósi þess hvað stefna þeirra er óljós í mörgum málum
er velgengnin aðallega til marks um að hefðbundnu flokkarnir ná
ekki til yngri kjósenda og þurfa að hugsa sinn gang.
Í fjórða lagi hefur augljóslega mistekizt að gera flugvallarmálið
að stóra kosningamálinu í Reykjavík. Framboðið sem setti það
mál á oddinn, Framsókn og flugvallarvinir, er með innan við fjög-
urra prósenta fylgi samkvæmt könnunum. Og það var meira að
segja áður en oddviti listans bullaði sig endanlega út úr kosninga-
baráttunni. Önnur mál eiga augljóslega hug Reykvíkinga. Miðað
við fylgi núverandi meirihlutaflokka liggur til dæmis í augum
uppi að stefnan um þéttingu byggðar, fjölbreyttari samgöngukosti
og aðalskipulag sem ýtir undir þetta tvennt á miklu fylgi að fagna.
Í fimmta lagi mælist fylgi Sjálfstæðisflokksins í sögulegu
lágmarki. Að hluta til er þar vafalaust um að kenna framgöngu
flokksforystunnar á landsvísu, sem hefur gert hver mistökin á
fætur öðrum. Sjálfstæðismenn í borginni hafa nefnilega sett fram
sannferðugan valkost við vinstri stefnuna sem margt bendir til
að ríki áfram í borgarstjórn. Það væri óneitanlega spennandi ef
þeir næðu til dæmis þeim styrk að geta myndað meirihluta með
Bjartri framtíð. Sjálfstæðismenn í borgarstjórn virðast hins
vegar hafa gert sömu mistök og flokkurinn á landsvísu; að sýna
ekki nægilega breidd og vanrækja miðjufylgið. Þeir virðast vera
hræddir við að segja að þeir styðji þéttari byggð og fjölbreytni
í samgöngum, þótt þeir fari ekki fram af sama ákafa og meiri-
hlutinn og hafi fyrirvara á núverandi stefnu. Þeir hafa heldur
ekki flaggað þeim frambjóðendum sem hafa talað fyrir slíkum
áherzlum og höfða fyrir vikið til miðjufylgisins. Miðað við kann-
anir gætu þeir frambjóðendur hreinlega dottið út úr borgarstjórn.
Það er nefnilega fullt af fólki á miðjunni eða hægra megin við
hana sem er hlynnt breyttu borgarskipulagi en vill líka lækka
skatta og gjöld, auka valfrelsi um þjónustu Reykjavíkur og opna
upplýsingar um stöðu skólanna í borginni, svo dæmi séu nefnd.
Einhver nýtilkominn misskilningur um að hreintrúaður flokkur
sé betri en stór flokkur hefur valdið því að sjálfstæðismenn í
Reykjavík hafa hingað til ekki náð til þessa fólks. Það er undar-
legt, af því að breiddin er bæði á framboðslistanum og í stefnunni.
Síðasta vikan fyrir borgarstjórnarkosningar:
Staðan í Reykjavík