Fréttablaðið - 05.06.2014, Qupperneq 6

5. júní 2014 FIMMTUDAGUR| FRÉTTIR | 6
1. Hvar verða lengstu ísgöng í Evrópu
opnuð?
2. Hver er nýr forstjóri Samskipa hf.?
3. Hvaða listakona er með ljóðaplötu
í smíðum?
SVÖR:
1. Inni í Langjökli. 2. Pálmar Óli Magnús-
son. 3. Ásdís Sif Gunnarsdóttir.
UMHVERFISMÁL Þrátt fyrir að blátt
bann sé lagt við umferð ökutækja
á Friðlandi að Fjallabaki í leys-
ingatíð eru mörg dæmi þess að
lokunin sé virt að vettugi. Fyrir-
tæki auglýsa og selja ferðir inn á
svæðið þrátt fyrir að vitað sé að
svæðið sé lokað.
Ingibjörg Eiríksdóttir, sérfræð-
ingur hjá Umhverfisstofnun og
svæðalandvörður á Suðurlandi,
segir um skýrt brot á náttúru-
verndarlögum að ræða. Ingibjörg
ætlar engum að ætla sér að vinna
skemmdir á sérstæðri náttúru
svæðisins en aðstæður hljóti þó
að vera öllum ljósar sem á annað
borð þekkja til. Á
þessum árstíma
eru aðstæður
slíkar að menn
keyra gjarnan
niður úr mjúk-
um snjó án þess
að átta sig á því
að þeir skera sig
niður í gróður-
inn. Eins freist-
ast ökumenn til að krækja út fyrir
skafla til að komast lengra, en
mergurinn málsins sé auðvitað
sá að inni á svæðinu eiga ökutæki
ekki að vera.
Ingibjörg segir að gróður-
skemmdir á svæðinu sé í sumum
tilfellum hægt að laga, en það eigi
ekki alltaf við. Landverðir leggi
árlega gríðarmikla vinnu í að laga
för eftir utanvegaakstur, og til
fræðslu ferðamanna. Eins verði í
sumar stór hópur fólks við vinnu
í Landmannalaugum og nágrenni
við að gera við skemmdir eftir
utanvegaakstur frá fyrri árum.
„Sumt af þessu er ekki hægt að
laga og tekur ár eða áratugi að
jafna sig, og það er vandinn sem
við erum að glíma við ár eftir ár,“
segir Ingibjörg.
Ingibjörg hefur engar hald-
bærar sannanir um einstakar
ferðir um svæðið, nema aug-
ljós ummerki. „En ég hef fréttir
af stórum bíl á svæðinu, og eins
mönnum sem eru að selja ferðir
inn á svæðið um þessar mundir
þrátt fyrir lokanir,“ segir Ingi-
björg sem hefur gert lögreglunni
á Hvolsvelli viðvart um hvers kyns
er. Hún bætir við að í gær hafi hún
með stuttri leit á netinu fundið sjö
síður þar sem verið var að selja
ferðir inn í Landmannalaugar
ýmist allt árið eða frá 1. júní; allt
á þeim tíma þegar er lokað.
Ekki eru sérstakar dagsetn-
ingar á lokunum á þessu svæði á
hálendinu, það er þær fara eftir
tíðarfari, en hins vegar lokar
Vegagerðin leiðinni með skýrum
merkingum á staðnum og upp-
lýsingum á vefsíðu sinni. Þessar
merkingar eru að engu hafðar,
og annaðhvort eru hlið opnuð eða
farið fram hjá þeim hvort sem
merkingar segja að það sé ófært
eða lokað, eins og nú er.
svavar@frettabladid.is
Virða akstursbann að vettugi
Akstursbann inn á Friðland að Fjallabaki er að engu haft þrátt fyrir lokanir og upplýsingagjöf. Gróður-
skemmdir vegna utanvegaaksturs eru miklar. Fyrirtæki auglýsa og selja ferðir þrátt fyrir lögboðnar lokanir.
VIÐ FROSTASTAÐAHÁLS Skemmdir vegna utanvegaaksturs eru viðvarandi vandamál. Margt er hægt að laga en alvarlegustu
skemmdirnar má sjá áratugum saman. MYND/UMHVERFISSTOFNUN
INGIBJÖRG
EIRÍKSDÓTTIR
Umhverfisstofnun birti í gær á Facebook-síðu friðlandsins yfirlýsingu þar sem segir að af gefnu tilefni minni svæða-
landvörður á Suðurlandi á að Friðland að Fjallabaki er nú lokað fyrir vélknúinni umferð, eins og skýrt kemur fram á
skiltum Vegagerðarinnar við innakstursleiðir. „Sárt er til þess að vita að menn vanvirði þessa lokun og selji jafnvel
ferðir inn á svæðið. Slíkar ferðir leiða iðulega til aksturs utan vega, sem í öllum tilfellum er lögbrot,“ segir þar en
samkvæmt náttúruverndarlögum er óheimilt að aka utan vega nema á snæviþakinni og frosinni jörð og jöklum.
Hunsa lokun og selja ferðir á friðlandið
LITHÁEN, AP Evrópusambandið til-
kynnti í gær að Litháen uppfyllti
öll skilyrði til upptöku evru.
Evrópusambandið mun líklega
tilkynna formlega í næsta mán-
uði að Litháen fái að taka upp
evru 1. janúar 2015.
Algirdas Butkevicius, forsætis-
ráðherra Litháens, segir að upp-
taka evru væri mikilvægt skref
fyrir efnahag landsins og póli-
tíska stöðu þess. Hinn nýi gjald-
miðill ætti eftir að bæta lífskjör
og auka hagvöxt í Litháen. Að
auki myndi Litháum bjóðast lán
á betri kjörum en áður.
Litháenskir andstæðingar Evr-
ópusambandsins hafa krafist
þess að þjóðaratkvæðagreiðsla
verði haldin um upptöku evru.
Þeirri beiðni hafa stjórnvöld
hafnað.
Olli Rehn, stækkunarstjóri
Evrópusambandsins, benti á að
innganga Litháens í evrusam-
starfið sýndi hve sterkt evran
stæði þrátt fyrir ólgusjó síðast-
liðinna ára. - ih
Fulltrúar ESB segja að Litháen muni að óbreyttu taka upp evru um áramótin:
Litháen færist skrefi nær evru
STYRKLEIKAMERKI Olli Rehn, stækkun-
arstjóri ESB, segir upptaka evru í Litháen
sýna styrk evrunnar. FRÉTTABLAÐIÐ/AP
VIÐSKIPTI Frjálsi lífeyrissjóður-
inn hefur verið verðlaunaður
fyrir að standa vel að fasteigna-
fjárfestingum. Tímaritið IPE
Real Estate veitti verðlaunin.
Sérstök verðlaun eru veitt fyrir
ensku-, þýsku-, frönskumæl-
andi lönd. Auk verðlauna fyrir
hin Norðurlöndin. Frjálsi líf-
eyrissjóðurinn hlaut verðlaunin í
flokki annarra Evrópuþjóða.
Lífeyrissjóðurinn hlaut verð-
launin fyrir að bregðast tíman-
lega við breyttu efnahagslegu
umhverfi með því að auka vægi
fasteigna í eignasafni sínu. - ih
Hlýtur alþjóðleg verðlaun:
Frjálsi valinn
bestur af rest
SKAGASTRÖND Biskup Íslands
hefur skipað Bryndísi Valbjarnar-
dóttur í embætti sóknarprests í
Skagastrandarprestakalli.
Fjórir umsækjendur voru um
stöðuna en einn dró umsókn sína
til baka.
Bryndís hefur starfað við
prestakallið síðastliðna níu mánuði
sem afleysingaprestur.
Áður hefur hún verið prestur
í Fríkirkjunni í Reykjavík. Hún
tekur við stöðunni 1. ágúst næst-
komandi. - sa
Nýr prestur á Skagaströnd:
Séra Bryndís
skipuð prestur
SKIPULAGSMÁL Kæru frá nágrönn-
um vegna útleigu á veitingasal í
húsi skátafélagsins Vífils í Garða-
bæ var vísað frá úrskurðarnefnd
umhverfis- og auðlindamála.
Kært var að heilbrigðisnefnd
hefði árið 2009 veitt leyfi fyrir
félagsheimili og veislusal aðeins 30
til 40 metrum frá svefnherbergis-
gluggum. „Kæran barst rúmlega
rúmlega tveimur og hálfu ári eftir
að leyfið var gefið út og tæpum
átta mánuðum frá því að ákvörðun
þess efnis að starfsleyfið yrði ekki
afturkallað var tilkynnt,“ segir
úrskurðarnefndin, sem kvað kær-
una of seint fram komna. - gar
Veitingasalur í skátaheimili:
Kæra nágranna
barst of seint
SKÁTAHEIMILI VÍFILS Of nálægt segja
nágrannar. FRÉTTABLAÐIÐ/VLHELM
VEISTU SVARIÐ?