Fréttablaðið - 05.06.2014, Qupperneq 10

5. júní 2014 FIMMTUDAGUR| FRÉTTIR | 10
Morgunverðarfundur 6. júní
Í tilefni rannsóknar á mati á umhverfisáhrifum vegagerðar býður VSÓ Ráðgjöf
til morgunverðarfundar 6. júní næstkomandi.
Á fundinum verður farið yfir helstu niðurstöður um þróun mats á
umhverfisáhrifum undanfarin 20 ár þ.m.t. fjöldi umhverfisþátta, ólíkt vægismat
og gæði matsins, ásamt tillögum að úrbótum. Þá verður rætt um samráð og
aðkomu Landverndar að matinu og Skipulagsstofnun lítur yfir farinn veg.
Frummælendur eru:
Auður Magnúsdóttir,
umhverfisstjórnunarfræðingur hjá VSÓ Ráðgjöf
Guðmundur Ingi Guðbrandsson,
framkvæmdastjóri Landverndar
Ásdís Hlökk Theodórsdóttir,
forstjóri Skipulagsstofnunar
Fundurinn hefst kl. 08:30 og stendur til 10:00
í Hvammi á Grand Hótel Reykjavík, föstudaginn 6. júní.
Boðið er upp á morgunverð frá kl. 08:00.
Allir velkomnir.
Skráning á vso@vso.is
Mat á
umhverfisáhrifum
í 20 ár
ÍS
L
E
N
S
K
A
/S
IA
.I
S
/G
R
A
6
93
33
0
6/
14
STJÓRNMÁL Það er ekki stefna
Pírata að teknar verði upp raf-
rænar kosningar í stærri atkvæða-
greiðslum svo sem sveitarstjórnar-
kosningum og alþingiskosningum.
„Það er ástæða fyrir því að við
Píratar höfum ekki verið að kalla
eftir því að internetið sé notað til
að kjósa til Alþingis eða í þjóðar-
atkvæðagreiðslu. Grundvallargall-
inn við kosningar um alvarleg mál-
efni á internetinu er sá að það er
ekki hægt að tryggja það að kjós-
andinn sé einsamall við tölvuna,“
segir Helgi Hrafn Gunnarsson,
þingmaður Pírata. Þar með tekur
hann undir varnaðarorð Hauks
Arnþórssonar, doktors í rafrænni
stjórnsýslu, sem gagnrýndi raf-
rænar kosningar í Fréttablaðinu
í gær.
„Þegar það eru til dæmis
alþingiskosningar eða kosningar
um kvótakerfið þá er óhugsandi
að ætlast til þess af fólki að það
standist þann félagslega þrýsting
sem óhjákvæmilega myndast,“
segir Helgi Hrafn.
Helgi segir að rafrænar kosn-
ingar geti þó nýst til minniháttar
ákvarðana. „Ég tel ekki að rafræn-
ar kosningar geti tekið við af hefð-
bundnum kosningum í bili. Að því
sögðu geta þær hentað fyrir ýmsa
hluti, innra málefnastarf, prófkjör
eða ákvarðanir sem varða ekki
mikla hagsmuni.“
Helgi segir að ekkert kerfi sé
fullkomlega öruggt. „Mælikvarð-
inn er hversu mikinn tíma og
hversu mikla peninga kostar að
brjóta þau. En sú regla á ekki bara
við um hugbúnað. Það er ekki til
það kosningakerfi sem ekki er
hægt að svindla á með einhverj-
um hætti.“
Undir þetta tekur Smári
McCarthy, starfandi sérfræðingur
í upplýsingaöryggi. „Helsta vanda-
málið er að það er ekki til neitt
kosningakerfi í dag sem er bæði
sannreynanlegt og ekki er hægt
að tengja við kjósandann. Papp-
írskosningar eru ótengjanlegar að
jafnaði, en kjósandinn getur ekki
verið öruggur með að atkvæðið
hafi skilað sér rétt því leyndin er
mikil. Við gerum okkur upp sann-
reynanleika með því að setja nógu
mikið af nógu ólíku fólki inn í ferl-
ið og vona að það komist upp um
allt svindl.“ snaeros@frettabladid.is
Eru á móti raf-
rænum þing-
kosningum
Píratar hvetja ekki til þess að teknar verði upp rafræn-
ar kosningar í stærri málum. Sérfróðir segja galla á
slíkum kosningum. Innanríkisráðuneytið ætlar að
prófa rafrænar kosningar. Allt er til reiðu hjá Þjóðskrá.
HEIMAKOSNING EKKI LEYNILEG Helgi Hrafn, þingmaður Pírata, bendir á að ekki
sé hægt að tryggja að fólk sé ekki beitt þrýstingi þegar það kýs á internetinu, heima
hjá sér. FRÉTTABLAÐIÐ/GVA
Á Íslandi hafa stjórnvöld litið til reynslu Eistlands af rafrænum kosningum
sem nær aftur til ársins 2005. Ný skýrsla fræðimanna við Háskólann
í Michigan gagnrýnir framkvæmdina og segir meðal annars: „Það eru
margar leiðir fyrir hið opinbera, góða hakkara eða óheiðarlega aðila sem
starfa við kerfið til að fella eistneska kosningakerfið. Slík árás gæti breytt
atkvæðum og haft áhrif á niðurstöðu kosninga.“
Horfum til rafrænna kosninga í Eistlandi
Í óbirtri könnun MMR fyrir Auð-
kenni kemur fram að 73 prósent
telja mikinn eða mjög mikinn
ávinning fylgja því að geta kosið
á netinu. Könnunin var gerð í lok
árs 2012. Mestur stuðningur við
rafrænar kosningar var í aldurs-
hópnum 50 til 54 ára, eða 80
prósent. Minnstur er stuðningur-
inn í aldurshópnum 18 til 19 ára,
59,3 prósent.
➜ 73% fylgjandi
SVEITARSTJÓRNIR „Íbúar Dalabyggð-
ar virðast fúsari til sameiningar
við annað eða önnur sveitarfélög en
íbúar Reykhólahrepps,“ segir í frétt
á vefsíðu Reykhólahrepps
Vitnað er til skoðanakönnunar
sem var gerð jafnhliða kosning-
unum í Dalabyggð eins og einnig
var gert í Reykhólahreppi þar
sem naumur meirihluti vill skoða
sameiningu. Í Dalabyggð sögðust
um 60 prósent vilja kanna áhuga
nágrannasveitarfélaga á samein-
ingu. Af þeim bentu 62 prósent á
sameiningu við annaðhvort Reyk-
hólahrepp einan eða Reykhólahrepp
ásamt Strandabyggð á Ströndum.
Hugur til sameininga hefur víðar
verið kannaður. Þannig vilja til
dæmis yfir 60 prósent Hvergerð-
inga sameiningu í einhverri mynd
og yfir 70 prósent í Árborg. - gar, óká
Dalamenn vilja sameiningu samkvæmt könnun:
Sveitarfélag á leið
yfir sýslumörkin?