Fréttablaðið - 05.06.2014, Qupperneq 39

Kynningarblað Hjólaferð um Jakobsstíginn, hjólað
í tvídi, hjólreiðamót, hjálmurinn á réttum stað.
REIÐHJÓL
FIMMTUDAGUR 5. JÚNÍ 2014
&ÖRYGGI
Á vormánuðum 2011 hélt Haukur Egg-ertsson í 4.000 kílómetra langan hjól-reiðatúr sem hófst í Kaupmannahöfn
og endaði í Santiago de Compostela á Spáni.
Haukur hjólaði frá Danmörku til Þýskalands
og þaðan til Frakklands þar sem hann hjólaði
hina frægu pílagrímagönguleið Jakobsstíg-
inn, alla leið til Santiago. Ferðin tók 50 daga
með tveimur stuttum stoppum hjá systrum
Hauks og reyndist eftirminnileg. „Á þessum
tímapunkti í lífi mínu stóð ég á krossgötum
í tengslum við starfsferil minn og hafði þess
vegna tíma til að fara í svo langa ferð. Segja
má að hugmyndin hafi kviknað á fyrirlestri
fáeinum árum fyrr hjá Íslenska fjallahjóla-
klúbbnum þar sem Jón Björnsson fjallaði um
hjólreiðaferð sína eftir Jakobsstígnum. Fyrir-
lesturinn kveikti í mér og nokkrum árum
síðar hélt ég í stóru ferðina.“
Flestir sem labba eða hjóla Jakobsstíg hefja
för sína í Frakklandi eða á Spáni en Haukur
flaug til Kaupmannahafnar og hóf ferðalagið
þar. „Ferðlagið hófst því á Sjálandi en þaðan
tók ég ferju yfir til Jótlands þar sem ég heim-
sótti systur mína í Horsens. Þaðan hjólaði ég
Herveginn svokallaða eftir endilöngu Jót-
landi suður til Þýskalands. Danmörk býður
upp á mjög gott hjólastígakerfi og raunar má
segja það sama um Þýskaland. Þar er líka
mestöll hraðari bílaumferð á hraðbrautum
þannig að ég gat hjólað tiltölulega óáreittur
um sveitavegina.“
Á undan áætlun
Þegar til Þýskalands var komið lá leiðin
suður til Breisach sem liggur við landamæri
Þýskalands og Frakklands. Áður hafði hann
þó heimsótt aðra systur sína sem er búsett
í grennd við Karlsruhe þar sem hluti fjöl-
skyldu Hauks hittist um páskana.
Frá Þýskalandi hjólaði Haukur yfir til
Frakklands gegnum héraðið Elsass sem er
í austurhluta landsins. „Frá Elsass hjólaði
ég yfir í héraðið Lothringen en ég reyndi að
hjóla sem mest á þýskum málsvæðum enda
tala ég bara stakt orð í frönsku. Leiðin lá svo
til bæjarins Le Puy í suðurhluta Frakklands,
sem er vinsæll byrjunarstaður þeirra píla-
gríma sem ætla að ganga eða hjóla Jakobs-
stíginn. Ég hjólaði þaðan á misvel merktum
leiðum uns ég kom til Saint Jean Pied de Port,
sem er Frakklandsmegin við Pýreneafjöllin
en þar hefja líka margir gönguna til Santiago.
Þaðan fylgdi ég að mestu gönguleiðinni á
leiðarenda.“
Þegar Haukur var kominn til Santiago
var hann þremur dögum á undan áætlun.
„Þegar maður leggur í svona ferð gerir maður
ráð fyrir veikindum, meiðslum eða bilun-
um. Allt gekk þó eins og í sögu þannig að ég
hjólaði aðeins lengra til sjávar, til Finisterre,
og þaðan aftur til Santiago þar sem ferðinni
lauk loks eftir 50 hjóladaga.“
Á þeim rúmlega einum og hálfa mán-
uði sem Haukur hjólaði gegnum fjögur lönd
gisti hann ýmist í tjaldi eða á einföldum
gistiheimilum. „Ég var nánast einn á ferð-
inni hjólandi frá Danmörku til Frakklands
þar sem ég varð meira var við göngu- og hjól-
reiðafólk. Svo verður sprenging við Saint
Jean Pied de Port og sífellt fjölgaði ferðalöng-
um á leiðinni til Santiago.“
Mikil samkennd
Ferðalagið var mjög eftirminnilegt að sögn
Hauks. „Ég hjólaði á mörgum skemmtilegum
hjólaleiðum, til dæmis í Baskalandi og í Gal-
isíu á Spáni þar sem voru endalausir stígar í
skógum og hæðum. Reyndar verð ég að segja
að ég mundi aldrei nenna að labba þessa leið
þar sem það eru kaflar á leiðinni þar sem
ekkert er að sjá.“
Mikill fjöldi fer Jakobsstíginn á hverju ári
og kynntist Haukur mörgu fólki frá ýmsum
löndum. „Það er merkilegur kúltúr í kring-
um þessa leið og það myndast mikil sam-
kennd á meðal fólks. Þegar komið er á leiðar-
enda fær maður viðurkenningarskjal sem er
ákveðinn endapunktur. Af því að ferðin er
löng verður hún sjálf aðalatriðið, ekki enda-
stöðin í Santiago. Það stendur einhvern veg-
inn engin endastöð undir slíku ferðalagi því
það er of stórt og dásamlegt til að enda stöðin
toppi það.“
Ferðin sjálf skiptir mestu máli
Fyrir þremur árum fór Haukur Eggertsson í 50 daga hjólaferð um fjögur lönd. Aðalmarkmið hennar var að hjóla pílagrímagönguleiðina
frægu um Jakobsstíginn í Frakklandi og á Spáni. Ferðin hófst í Danmörku og þaðan hjólaði Haukur suður í gegnum Þýskaland.
Haukur tók aukakrók til Heimsenda (Finisterre).
Meðal annarra pílagríma í Baskalandi, Spáni.
Dómkirkjan í Santiago, Spáni.
Haukur við leifar þorps sem fór undir lón í Galisíu á Spáni. Í grenndinni voru skemmtilegar hjólaleiðir.
MYNDIR/ÚR EINKASAFNI