Fréttablaðið - 21.07.2014, Blaðsíða 38

21. júlí 2014 MÁNUDAGUR| LÍFIÐ | 22
„Við vildum bara gera eitthvað
hresst svona á meðan það rignir
endalaust á okkur,“ segir tónlist-
armaðurinn Pétur Eggerz Péturs-
son, en Pétur gaf nýverið út lagið
Hendur upp í loft ásamt þeim
Heiðari Inga Árnasyni og Þóru
Maríu Rögnvaldsdóttur. Saman
skipar tríóið hljómsveitina Allir
og er Hendur upp í loft fyrsta lag
sveitarinnar en um sannkallaðan
sumarsmell er að ræða.
Þau Pétur, Heiðar og Þóra
María komu fyrst fram í sjón-
varpsþáttunum Tossunum sem
sýndir voru á Stöð 2 í fyrra en
þar var rætt við ungt fólk sem
ekki fann sig í hinu hefðbundna
íslenska skólakerfi.
Pétur er ánægður með nýja
lagið en hann segir þörf á
jákvæðari tónlist frá íslensku
tónlistarfólki.
„Íslenska senan er oft á tíðum
frekar niðurdrepandi. Við vild-
um breiða út jákvæðari boðskap
og sýna að það þarf ekki að eiga
endalausan pening til þess að
vera hamingjusamur og töff. Það
eiga allir að vera glaðir í eigin
skinni,“ segir Pétur, og bætir við
að sólin fari eflaust að láta sjá
sig nú þegar sumarsmellurinn er
kominn út.
kristjana@frettabladid.is
MÁNUDAGSLAGIÐ
„Lagið Happy með Pharrell því
það hjálpar manni að fá fram
innri gleðina í þessari endalausu
rigningu.“
Svava Johansen, athafnakona
„Ég fór til Brussel í fyrra og lenti
á svo rosalegum matarmarkaði
á götuhátíð sem mér fannst svo
skemmtilegur að ég varð að koma
þessu á fót hérna heima,“ segir
Ólafur Örn Ólafsson sem blæs til
matarhátíðar næsta laugardag í
Fógetagarðinum.
„Hugmyndin er þannig að fólk
geti komið, sest niður og fengið
sér vín í glas og smakkað mis-
munandi mat,“ segir Ólafur en
það verða tólf veitingastaðir sem
koma og gera svokallaða götu-
útgáfu af sínum réttum. „Mér
finnst dálítið skemmtilegt að
hafa toppendann eins og Grillið
og Kol og síðan Momo Ramen og
þá staði sem gera svona götumat
vanalega,“ segir matgæðing-
urinn. „Það er svolítið atriði að
hafa alla flóruna af veitingastöð-
um og allir að gera götuútgáfu af
matnum, eins og fínu staðirnir
þurfa að nota sérstaka tækni til
þess að gera sælkeraréttina, og
það verður spennandi að sjá hvað
kemur út úr því.“
Matarhátíðin fer fram næsta
laugardag á milli klukkan 13 og
18 og stefnir Ólafur að því að
halda matarhátíðir alla laugar-
daga út sumarið. „Síðan verð-
ur breytilegt hvaða staðir verða
hverju sinni, sumir verða stutt en
aðrir allan tímann en örugglega
ekki alltaf með sama matinn,“
segir Ólafur. „Matreiðslumenn
eru svo kreatív stétt.“ - bþ
Götuútgáfa af vinsælum réttum
Matgæðingurinn Ólafur Örn Ólafsson blæs til matarhátíðar næsta laugardag en
hann segir mikilvægt að hafa alla fl óruna af veitingastöðum að gera sitt.
MIKLIR MATGÆÐINGAR Gerður Einars-
dóttir og Ólafur Örn. FRÉTTABLAÐIÐ/PJETUR
Það þarf mikið til að drepa lífs-
andann í mér,
já, hamingjan hún eltir mig hvert
sem ég fer.
Ég er glaður maður og verð ég
alltaf,
hamingjusamur og þarf ekki að
kvarta.
Pollýanna, Pétur Pan, lífið er gott
svo nýttu það.
Eitt ský á himni og ég ætla að læra
að elska það.
Ég dýrka hvað það eru margir í
bænum,
sumar, sól, fullt af hönum og
hænum.
Vont skap og hroki, þetta er ekki
arfgengt,
og góða skapið þarf ekki að vera
staðgreitt.
Sumir þurfa risastóra felgu til að
gleðja sig,
en ég þarf bara að brosa kallinn
minn,
ertu að skynja mig?
Set hendurnar upp í loft
Því lífið er svo fokking gott
Aaúúúú aaaa
Bara það að vera til
Er það eina sem ég vil
Aaaúúú aaaa
Hendur upp í loft
„Mér standa allar dyr opnar en það
er bara peningaleysi sem stendur
í vegi fyrir mér,“ segir lettneski
dansnemandinn Klāvs Liepinš en
hann stundar nám í Listaháskóla
Íslands og stefnir að því að útskrif-
ast af dansbraut skólans árið 2016.
Klāvs hefur átt í erfiðleikum með
að fá námslán frá heimalandi sínu
og vinnur því á næturnar til þess
að eiga fyrir uppihaldskostnaði.
„Ég starfa sem dansari, danshöf-
undur og vinn sem barþjónn þar
sem ég reyni að taka eins margar
vaktir og ég get en launin duga bara
fyrir leigu og mat,“ segir Klāvs sem
á því ekki nóg fyrir skólagjöldunum
í Listaháskólann. „Ég hef bara verið
á Íslandi í eitt ár en Lista háskólinn
hefur breytt mér og danstækninni
svo mikið á stórkostlegan hátt,“
segir ungi dansarinn sem hóf dans-
feril sinn 19 ára gamall og hefur
síðan stundað nám í þremur skól-
um en áður en hann kom til Íslands
stundaði hann dansnám við Lista-
háskóla Lettlands. „Ég get ekki lifað
án þess að dansa og mig langar svo
mikið til þess að halda áfram að
læra hér.“
Klāvs er virkilega áhugasam-
ur um dansinn en auk þess semur
hann tónlist og hefur verið í sam-
starfi við marga ólíka listamenn og
vinnur mikið að svonefndum vídeó-
verkum þar sem hann semur dans-
inn fyrir verkið og tónlistina undir.
Hann fór af stað með hópsöfnun á
netinu til þess að geta haldið áfram
námi sínu í Listaháskólanum og geta
áhugasamir kynnt sér hinn efnilega
Klāvs á heimasíðunni http://www.
go fundme.com/dontlettakeawayhis-
future. - bþ
Efndi til hópsöfnunar fyrir náminu
Klāvs Liepiņš er ungur og efnilegur dansari frá Lettlandi sem stundar dansnám
við Listaháskólann en á ekki fyrir skólagjöldum þrátt fyrir að vinna á næturnar.
LIFIR FYRIR
DANSINN
Klāvs segir
dansnámið á
Íslandi hafa
bætt sig til
muna. MYND/ÚR
EINKASAFNI
Sömdu sumarsmell
í skugga rigningar
Pétur Eggerz Pétursson, Þóra María Rögnvaldsdóttir og Heiðar Ingi Árnason
skipa hljómsveitina Allir en sveitin sendi nýverið frá sér sitt fyrsta lag.
NEIKVÆÐNI
BORGAR
SIG EKKI
Þau Pétur og
Þóra María
eru jákvæð
að eðlisfari.
Á myndina
vantar Heiðar
Inga en hann
var staddur úti
á landi þegar
ljósmyndara
bar að garði.
FRÉTTABLAÐIÐ/
ARNÞÓR BIRKISSON
Íslenska senan er oft á tíðum frekar niðurdrepandi.
Við vildum breiða út jákvæðari boðskap og sýna að það
þarf ekki að eiga endalausan pening til þess að vera
hamingjusamur og töff.
Pétur Eggerz Pétursson