Fréttablaðið - 21.07.2014, Blaðsíða 2

21. júlí 2014 MÁNUDAGUR| FRÉTTIR | 2
VIÐSKIPTI „Ég óttast það að núver-
andi landbúnaðarstefna geti riðið
okkar góða landbúnaði og frábæru
vörum að fullu, segir Magnús Óli
Ólafsson, forstjóri matvöruheild-
verslunarinnar Innness. Matvöru-
keðjan Costco vill hefja starfsemi
hér á landi og flytja inn bandarískt
kjöt. Gagnrýnisraddir hafa heyrst
vegna þess.
Magnús Óli flytur inn erlend-
ar landbúnaðarvörur. Meðal ann-
ars kjúkling frá Danmörku. Hann
segir að það sé alveg ljóst að það
vanti meiri samkeppni á matvöru-
markaðinn og varar við for-
dómum gagnvart innflutt-
um matvælum. „Við höfum
verið að flytja inn danskan
kjúkling undir vörumerk-
inu Rose. Fyrir hvert ein-
asta kíló sem kemur hing-
að inn þurfum við að vera
með heilbrigðisvottorð til
að sanna að varan uppfylli
hæstu gæðaskilyrði,“ segir
hann. Sömu kröfur séu ekki gerðar
til íslenska kjötsins. „Danski kjúk-
lingurinn okkar var fyrsti kjúkling-
urinn sem fékk græna skráargatið,“
segir Magnús Óli en það er
gæðavottun fyrir matvörur.
„Síðan kom innlendur kjúk-
lingur og fékk Græna skrá-
argatið á eftir. Enn og aftur
hefur samkeppnin það í för
með sér að gæðin verða
meiri,“ segir Magnús Óli.
Hann segir að hið sama
hafi verið uppi á teningnum
þegar Innnes hóf að flytja
inn Pasqual-jógúrt. „Þá komu Skyr.
is og margar góðar vörur til þess að
svara kalli neytandans. Það færði
neytandanum meiri samkeppni,
betra verð, fjölbreytni og betri
vöru. Ég er þeirrar skoðunar að
það yrði gæfuspor fyrir landbún-
aðinn ef það yrði opnað fyrir land-
búnaðarvörur í eðlilegum mæli,“
segir Magnús Óli. Hann bendir á að
garðyrkjubændur hafi einnig tekist
á við þetta upp úr síðustu aldamót-
um. „Þá var opnað fyrir innflutning
á grænmeti. Hvernig svöruðu þeir
samkeppninni? Þeir komu með nýja
vöru. Þeir pökkuðu henni öðruvísi.
Þeir komu með plómutómata og
kirsuberjatómata,“ segir Magnús
Óli. - jhh
MAGNÚS ÓLI
ÓLAFSSON
STJÓRNSÝSLA Innanríkisráðherra
mun þurfa samþykki Alþingis
þegar hann skipar dómara í nýtt
millidómstig í fyrsta skipti, sam-
kvæmt heimildum Fréttablaðs-
ins. Nýtt millidómstig mun heita
Landsréttur. Allt að fimmtán
dómarar munu starfa við réttinn.
Landsréttur verður áfrýjunar-
réttur en málum verður áfrýjað
þangað frá öllum héraðsdóm-
stólum. Dómurum við Hæstarétt
verður síðan fækkað niður í fimm
eða sjö. - jhh
Mun heita Landsréttur:
Þarf samþykki
Alþingis
SPURNING DAGSINS
H
VÍ
TA
H
Ú
SI
Ð
/
S
ÍA

Rósa, ætlarðu þá að titla þig
söngfugl?
„Absalút! Þá fer ferillinn á flug.“
Rósa Birgitta Ísfeld er söngkona Sometime
en ætlar að hefja flugnám í haust.
MANNLÍF Hnattvæðingin hefur
ýmsu breytt, en að stimpla sig
út í Bangkok og stimpla sig inn
til næsta vinnudags á Hesteyri í
Jökul fjörðum þykir þó enn nokk-
uð óvenjulegt. En svoleiðis gat hent
í vinnuviku Hrólfs Vagnssonar,
upptökustjóra, tónlistarmanns og
ferðafrömuðar.
„Já, ég var að vinna með taí-
lenskri fílharmóníu,“ rifjar Hrólf-
ur upp. „Og ég neita því ekki að
það voru mikil viðbrigði að ljúka
vinnuvikunni í Bangkok og vera
síðan kominn rúmum sólarhring
síðar hingað á Hesteyri.“
Móðir Hrólfs festi kaup á Lækn-
ishúsinu svokallaða á Hesteyri og
þar hleypur Hrólfur undir bagga
á háannatíma enda í mörg horn að
líta því þar er nú rekið kaffihús
og gistiheimili. „Það er mjög góð
tilbreyting. Í upptökunum þá rétt
snýr maður öðru auganu og hreyfir
annan vísifingurinn svo að það er
gott að komast í víðáttuna og taka
til hendinni.“
Þótt sumarstöðvar hans séu
fyrir vestan halda þau hjónin,
Hrólfur og Iris Kramer, heimili
í Hamborg. Undanfarin ár hefur
hann svo og farið heimshorna á
milli með armensku hljómsveit-
inni Kohar en það er hreint eng-
inn dúett. „Við erum 300 manns á
þessum ferðalögum,“ segir hann.
„Áttatíu manns í hljómsveitinni,
fimmtíu dansarar og þrettán ein-
söngvarar. Eftirvinnslan getur því
verið svolítið tímafrek en þetta er
tekið upp á 164 rásir sem ég verð
svo að koma heim og saman svo vel
hljómi.“
Armenska þjóðin tvístraðist víða
um heim á fyrrihluta síðustu aldar
þegar hún hrökklaðist undan ofríki
Tyrkja. Í dag eru því armensk
menningarsetur víða um heim þar
sem hin dreifða þjóð getur geng-
ið að menningararfi sínum vísum.
„Harout nokkur Khatchadourian
og fjölskylda hans eiga heiðurinn
af þessari hljómsveit sem ég efa
að sé í raun arðbær. En þar á bæ
telja menn það skyldu sína að koma
menningararfinum áleiðis.
Reyndar er þetta efnafólk með
mjög ramma samfélagstaug því
flesta tónlistarmenn sækja þeir til
borgarinnar Gyumri, ekki vegna
þess að þaðan komi besta tónlist-
arfólki heldur er þetta liður í að
styðja við menningarlífið þar, en
borgin hefur átt erfitt uppdrátt-
ar eftir hræðilegan jarðskjálfta
árið 1988. Þar hafa þeir líka reist
tónlistarskóla og það hefur verið
hjartnæmt að verða vitni að þakk-
læti barnanna sem fyrir þetta
framtak geta lært og leikið tónlist.“
Í haust heldur svo Hrólfur til
Hamborgar þar sem hann tekur
upp með sinfóníuhljómsveit ríkis-
útvarpsins í Norður-Þýskalandi.
jse@frettabladid.is
Ferðast heimshorna á
milli vinnunnar vegna
Síðastliðin ár hefur Hrólfur Vagnsson ferðast með armenskri hljómsveit víða um
heim en henni er haldið úti af hugsjón sem gæti verið efnafólki til eftirbreytni. Svo
vinnur hann fyrir útvarp í Þýskalandi þegar hann er ekki að hella upp á á Hesteyri.
HRÓLFUR VAGNSSON HLJÓÐBLANDAR Hrólfur vinnur fyrir ríkisútvarpið í Norður-
Þýskalandi. Hann getur þurft að hljóðblanda af 164 rásum í vinnu sinni. Þá er lífið á
Hesteyri einfaldara þar sem fuglarnir syngja í mónó. AÐSEND MYND
Indverskir aðgerðasinnar efndu til mótmæla í Friðargarðinum í
Bangalore í gær gegn kynferðislegu ofbeldi, misnotkun og nauðgun-
um kvenna þar í landi. Mótmælin voru skipulögð af The Red Brigade,
hópi sem stofnaður var af indverskum konum sem berjast fyrir rétt-
indum kvenna.
Þetta var fjórði dagurinn í röð sem mótmælin í Bangalore eru hald-
in til að krefjast þess að lögregla grípi til aðgerða gegn kynferðis-
afbrotamönnum í ljósi þess að fjölmörg mál er varða kynferðislegt
ofbeldi gegn konum hafa komið upp í borginni síðustu daga. Eitt þess-
ara mála varðar sex ára stúlku sem var nauðgað í grunnskólanum sem
hún gengur í. Lögreglan hefur yfirheyrt átta manns í tengslum við
verknaðinn en enn hefur enginn verið handtekinn. - lkg
Indverskir aðgerðasinnar mótmæla kynferðislegu ofbeldi:
Krefjast lögregluaðgerða
KREFJAST RÉTTLÆTIS Mótmælendur máluðu á sig kraftmiklar setningar á borð við
„We Need Justice“ eða „Við þörfnumst réttlætis“. FRÉTTABLAÐIÐ/AFP
SAMFÉLAGSMÁL „Þarna var ástin í
aðalhlutverki,“ segir Sara Kristins-
dóttir, verkefnastjóri Gleðiverkefn-
isins. Geggjaði dagurinn var hald-
inn í höfuðborginni á laugardaginn
á vegum verkefnisins og var
meðal annars reynt að slá Íslands-
met í hópknúsi. Fyrr um daginn
var kertafleyting við Tjörnina í
Reykjavík, til minningar um þá
sem fallið hafa fyrir eigin hendi en
Gleðiverkefnið hefur það að mark-
miði að vekja athygli á þeim 12–15
þúsundum manns sem glíma við
þunglyndi á Íslandi. Til stendur að
verkefnið verði árlegt. - lkg
Góð mæting í hópknúsið:
Ástin aðalatriði
FÉLAGSMÁL Landsmót skáta var sett í gær-
kvöldi að Hömrum á Akureyri. Mótshald-
arar búast við allt að átta þúsund gestum á
mótið þegar mest verður, þegar líða tekur á
vikuna. Landsmót skáta mun standa yfir alla
vikuna og lýkur á sunnudaginn.
Um 600 erlendir þátttakendur koma á
mótið. Erlendir gestir hafa oft sett sterkan
svip á mótið og verður engin undantekning á
því í ár. Flestir erlendu skátanna sem koma
á mótið koma frá Finnlandi og Bretlandi, en
þeir sem koma lengst að koma alla leið frá
Hong Kong og Ástralíu.
Þema mótsins í ár er „Í takt við tímann“
og verður boðið upp á hefðbundna lands-
mótsdagskrá með nýjum áherslum til að
tengja við þema mótsins og staðhætti að
Hömrum.
Landsmótið er haldið annað hvert ár og
er stærsta hátíð íslenskra skáta. Reynt er
að hafa mikla fjölbreytni í dagskránni svo
að hver og einn ætti að geta fundið eitthvað
við sitt hæfi. - sa
Landsmót skáta var sett í gærkvöldi á tjaldsvæðinu Hömrum á Akureyri:
Búast við átta þúsund gestum
LANDSMÓT SKÁTA Fjöldi dagskrárliða verður í boði fyrir landsmótsgesti
þetta árið.
Forstjóri matvöruheildverslunarinnar Innness segir samkeppni skorta á íslenskum matvörumarkaði:
Varar við fordómum gagnvart innflutningi