Fréttablaðið - 26.07.2014, Page 21

LAUGARDAGUR 26. júlí 2014 | HELGIN | 21
hljómsveitum, Sykurmolunum,
Unun, dúettinum Hinu afleita
þríhjóli og fleirum. Hann vill lítið
tala um tímabilið með Sykurmol-
unum og þá undarlegu stöðu að
ferðast með barnsmóður sinni og
fyrrverandi kærustu, Björk Guð-
mundsdóttur, á tónleikaferða-
lögum ásamt þáverandi kærustu
sinni, Margréti Örnólfsdóttur.
„Það var ekkert drama. Við Björk
vorum alltaf vinir og svona staða
kemur oft upp í vinahópum. Ég
nenni alls ekki að fara út í það
núna. Verð að fá að geyma eitt-
hvað fyrir ævisöguna.“
Tal um ævisöguskrif leiðir eðli-
lega af sér þá spurningu hvort
hann sé enn að skrifa. „Já, já, ég
geri það, en ekki lengur af sömu
ástríðu. Ég er yfirleitt alltaf með
penna og blokk á mér og alltaf
öðru hvoru þá grípur mann eitt-
hvað sem maður þarf að festa á
blað. En ég er ekkert að hugsa
um útgáfu á því sem ég skrifa.
Allavega ekki eins og er. Mér
finnst bara skipta máli að skrifa
niður það sem hefur áhrif á mig.“
Þór er enn þá einn af eig endum
Smekkleysu og sér þar meðal
annars um upptökustjórn á plöt-
um. Þessa dagana er hann að
ljúka við nýja plötu Sindra Eldon,
sonar hans og Bjarkar, sem kemur
út í næsta mánuði. „Ég er mjög
ánægður með hana. Öll lög og
textar eru eftir Sindra og hann
syngur og spilar á gítar með
hljómsveit sinni The Ways. Það
var gaman að vinna með honum,
en það var enginn afsláttur gefinn
af upptökunum þótt pabbi væri að
stjórna.“
Ekki stórskaðað okkur
Spurður hvort hann hafi ekkert
varað soninn við músík bransanum
segist Þór aldrei hafa gert það.
„Allir verða að finna sín takmörk
og ég styð hann bara í því sem
hann vill gera. Ég trúi því enn þá
að til þess að breyta heiminum þá
verði maður að skapa eitthvað.
Ég er ekkert hrifinn af samtím-
anum eða vestrænni menningu
en ef maður vill hafa áhrif á það
hvernig hún þróast verður maður
að taka þátt í að breyta henni.“
Þegar Þór er spurður hvort
hann aðhyllist þá ákveðna stefnu
til dæmis í umhverfismálum
neitar hann því. „Ég er bara í
mínu eigin liði, en ég styð alla
baráttu fyrir betri og náttúru-
vænni heimi. Ég get samt ekki
gengið í skrúðgöngu undir ein-
hverjum merkjum, það er ekki
minn stíll.“
Hefur það að hafa dottið í
súrrealískar pælingar strax á
unglingsárum haft áhrif á það
hvernig þú sérð heiminn? „Já,
auðvitað hefur það gert það. Ég
vil nú ekki segja að þetta hafi
stór skaðað okkur, en það mótaði
okkur sem einstaklinga, á því er
enginn vafi. Án þess að ég ætli að
hella mér út í predikun, sem mér
hættir reyndar til, þá verður það
aldrei endurtekið of oft að það
skiptir máli hvað unglingarnir
eru að gera. Það er ekkert eðli-
legt við það að þau séu að senda
hvert öðru klámmyndir af sér til
dæmis. Þau gætu verið að gera
svo margt annað uppbyggilegra,
það þarf bara að benda þeim á
aðrar leiðir til að tjá sig. Ég bý
alltaf að þessum árum og ég held
að þetta stúss hafi gert mig að
betri manni.“
Medúsa var hópur lista-
manna sem rakti rætur
sínar til Breiðholtsins.
Stofnaður árið 1979.
Starfaði til um 1986 þegar
flestir meðlimir voru farnir
að sinna öðrum málum.
Hópurinn gaf út mikið af
bókum og hljómsnældum
þar sem höfundar sáu sjálfir
um alla þætti útgáfunnar.
Hópurinn kenndi sig við
súrrealisma, hreyfingu upp-
runna í Frakklandi sem gaf
frá sér sína fyrstu stefnu-
yfirlýsingu 1924 undir for-
ystu skáldsins André Breton
(1896-1966).
Meðlimir Medúsu fengust
við myndlist, ljóðlist og
tónlist og skipulögðu
uppákomur þar sem ljóð
voru lesin upp við undir-
leik hljómsveitarinnar Fan
Houtens Kókó þar sem
Matthías Magnússon var
aðalsöngvari, Ólafur Jóhann
Engilbertsson spilaði á
bassa, Einar Melax á hljóm-
borð og Þór Eldon á gítar.
HVER VAR ÞESSI
MEDÚSA?
ÚTSÖLU MARKAÐUR í kjallara evu laugavegi 26
markaður
OPIÐ
í DAG 11-18
Við erum í
sumarskapi
og bjóðum...
26. júlí - 29. júlí
af öllum vörum
afsl70%
sunnudaginn 27. júlí... opið 13-17
Opið hjá okkur allan ársins hring
www.facebook.com/fatomarkadur