Fréttablaðið - 14.08.2014, Page 8

14. ágúst 2014 FIMMTUDAGUR| FRÉTTIR | 8
HEILBRIGÐISMÁL Frá því ebólu-
veirunnar varð fyrst vart árið
1976 hefur hún kostað um 2.600
manns lífið, þar af meira en þús-
und manns á þessu ári.
Faraldurinn í ár hefur því lagt
mun fleiri að velli en fyrri faraldr-
ar, en veiran hefur skotið upp koll-
inum reglulega þá fjóra áratugi
sem hún hefur verið að herja á fólk.
Til þessa hefur hún verið bundin
við nokkur Afríkuríki, en sjaldn-
ast hafa liðið meira en tvö eða þrjú
ár á milli faraldra. Stundum hefur
hún farið á kreik árlega eða jafn-
vel nokkrum sinnum sama árið.
Samkvæmt nýjustu tölum frá
Alþjóðaheilbrigðisstofnuninni,
WHO, höfðu á þriðjudaginn var alls
1.848 manns smitast af veirunni frá
því faraldurinn í ár hófst og 1.013
þeirra látist. Tugir nýrra smita
greinast á hverjum degi í Gíneu,
Líberíu, Síerra Leóne og Nígeríu.
Ebóluveiran virðist því ekk-
ert vera að gefa eftir, og nú hafa
smitaðir einstaklingar verið
sendir til lækninga í Bandaríkj-
unum og á Spáni.
Margir óttast því að hún eigi
eftir að breiðast út um heimsbyggð-
ina og valda verulegum usla, enda
leggur hún iðulega að velli meira en
helming þeirra sem smitast.
Þær áhyggjur eru þó kannski
ekki alveg á rökum reistar, því
þótt ebólan sé ein skeinuhættasta
veira sögunnar þá smitast hún
ekki auðveldlega milli manna.
Til þess að smitast af ebólu
þurfa menn að komast í beina
snertingu við blóð, svita, tár eða
aðra líkamsvessa úr smituðum
manni. Ekki þarf beina snertingu
við smitaðan einstakling, heldur
nægir að komast í snertingu við
vessa úr honum sem borist hafa á
húsgögn eða aðra hluti.
Þess vegna eru það einkum
nánir ættingjar og heilbrigðis-
starfsfólk sem hefur smitast.
Veiran smitast ekki milli manna
með andrúmsloftinu eins og kvef
og flensa geta gert. Hins vegar er
engin lækning til, þannig að smit-
ist menn á annað borð þá er ekkert
annað til ráða en að fara á sjúkra-
hús þar sem hlúð er að sjúklingn-
um, ekki síst með því að gæta þess
að gefa honum nógu mikinn vökva.
Gagnrýnt hefur verið að til
þessa hafa einungis tveir Banda-
ríkjamenn og einn Spánverji, sem
sendir voru til lækninga á Vestur-
löndum, fengið að njóta góðs af til-
raunalyfjum eða mótefnum gegn
veirunni. Íbúar Afríkuríkjanna
fjögurra hafa ekki átt þess kost að
fá slík lyf eða mótefni.
Þetta eru líka tilraunalyf sem
hafa enn ekki verið fullprófuð og
þykja því ekki örugg. Alþjóða-
heilbrigðisstofnunin hefur engu
að síður gefið grænt ljós á notkun
þeirra andspænis þessum faraldri.
Í gær skýrðu kanadísk yfirvöld
svo frá því að þau hefðu ákveðið að
senda allt að þúsund skammta af
tilraunabóluefni til Afríku. Þetta
tiltekna bóluefni hefur aldrei verið
reynt á mönnum en gefið góða
raun í tilraunum á dýrum.
Læknar hafa samt hikað við
að nota tilraunaefni á fólk, jafn-
vel þótt dauðinn sé næsta vís
verði ekkert að gert. Þannig tóku
læknar í Senegal ákvörðun um að
láta lækni frá Síerra Leóne, sem
smitast hafði af ebólu, ekki fá til-
raunalyf sem þó stóð til boða. Þeir
segjast engan veginn geta treyst
því að lyfið muni ekki hafa skaðleg
áhrif á sjúklinginn, þar sem engar
tilraunir séu fyrir hendi sem geti
staðfest árangurinn.
gudsteinn@frettabladid.is
Ebólufaraldrar í Afríku
Hluthafafundur N1 hf.
Stjórn N1 hf. boðar til hluthafafundar miðvikudaginn 20. ágúst 2014,
klukkan 16:00 á aðalskrifstofu félagsins, Dalvegi 10–14, Kópavogi.
Dagskrá fundarins:
1. Breyting á samþykktum – varamenn.
2. Kosning eins aðalstjórnarmanns í stjórn félagsins og tveggja varamanna.
3. Önnur mál löglega upp borin.
Nánar um dagskrá fundarins:
Rétt áður en aðalfundur N1 hf. hófst, fimmtudaginn 27. mars 2014, dró einn frambjóðenda til
aðalstjórnar til baka framboð sitt. Sjálfkjörið var til stjórnar og varastjórnar að öðru leyti. Þar sem
allir frestir um framboð til stjórnar voru liðnir þegar afturköllun framboðsins barst var ekki hægt
að bregðast við breyttum aðstæðum á þeirri stundu. Stjórn N1 hf. hefur nú ákveðið að boða til
hluthafafundar þar sem kjör eins stjórnarmanns í aðalstjórn verður á dagskrá til að tryggja að
aðalstjórn verði fullskipuð fram að næsta aðalfundi félagsins.
Á sama tíma leggur stjórn N1 til þá breytingu á samþykktum félagsins að fellt verði á brott ákvæði
um kjör tveggja varastjórnarmanna skv. 1. málslið 17. gr. gildandi samþykkta félagsins. Frá síðasta
aðalfundi hafa báðir kjörnir varastjórnarmenn sagt af sér. Í stað þess að leggja til kjör nýrra varamanna
í stjórn leggur stjórnin til að ákvæðið um varamenn verði fellt niður. Tillagan um að fella niður ákvæði
í samþykktum um varamenn tekur ekki gildi fyrr en í fyrsta lagi við samþykkt hennar, þannig að gera
þarf ráð fyrir dagskrárliðnum framboð til varastjórnar með fyrirvara um samþykkt hennar, en í því
tilviki falla framboð til varastjórnar niður.
Aðrar upplýsingar:
Öll skjöl og tillögur sem lögð verða fyrir hluthafafundinn verður að finna á vefsíðu félagsins
www.n1.is/fjarfestatengsl. Hluthöfum stendur einnig til boða að nálgast skjölin í höfuðstöðvum
félagsins, Dalvegi 10-14, Kópavogi, virka daga milli kl. 09:00–16:00.
Samkvæmt 63. gr. a. hlutafélagalaga nr. 2/1995 ber að tilkynna um framboð til stjórnar skriflega með
minnst fimm sólarhringa fyrirvara fyrir hluthafafundinn, eða fyrir kl. 16:00 föstudaginn 15. ágúst 2014.
Framboðum skal skila á skrifstofu N1 hf., Dalvegi 10–14 í Kópavogi eða á netfangið hluthafar@n1.is.
Upplýsingar um frambjóðendur til stjórnar verða birtar eigi síðar en tveimur dögum fyrir aðalfund.
Aðgöngumiðar, atkvæðaseðlar og önnur fundargögn verða afhent frá klukkan 15:30 þann dag sem
hluthafafundurinn verður haldinn.
Stjórn N1 hf.
318*
88%
284
53%
1
100%
34
65%
52
60%
1
0%
315
81%
65
92%
425
53%
65
82%
59
75%
178
89%
17
41%
12
83%
264
71%
149
25%
32
44%
1
100%
31
67%
57
51%
Tegundir ebóluveirunnar
Saírveiran
Súdanveiran
Taískógarveiran
Bundibugyo-veiran
* Fjöldi smitaðra
% Dánarhlutfall
A-KongóFílabeinsströndinUganda Súdan V- KongóGabon
1976 1976 1977 1979 1994 1994 1995 1996 2000 2001-
2002
2001-
2002
2003 2004 2005 2007 2007 2008 2011 2012 2012
Ebólan hefur ekkert gefið eftir
Meira en þúsund manns hafa látist af völdum ebóluveirunnar á þessu ári, en undanfarna fjóra áratugi höfðu reglulegir faraldrar saman-
lagt kostað 1.600 manns lífið. Læknar hika við að nota tilraunalyf á fólk, þrátt fyrir að Alþjóðaheilbrigðisstofnunin hafi gefið grænt ljós.
STJÓRNMÁL „Ég hef áhyggjur af því
að Pútín horfi víðar en til Úkraínu.
Markmið Rússa er augljóslega að
koma í veg fyrir frekari samruna
Austur-Evrópulandanna við Vest-
urlönd í Evrópu. Þeir vilja festa
rússnesk áhrif í nágrannalöndum
sínum í sessi,“ sagði Anders Fogh
Rasmussen á blaðamannafundi í
ráðherrabústaðnum við Tjarnar-
götu í gær. Hann er staddur hér á
landi í sinni síðustu heimsókn sem
framkvæmdastjóri Atlantshafs-
bandalagsins (NATO).
Fogh Rasmussen átti fund með
Sigmundi Davíð Gunnlaugssyni
forsætisráðherra og ræddi meðal
annars stöðuna í Úkraínu. „Ég held
að leiðtogar í Kreml séu meðvitað-
ir um það að minnsta tilraun til að
ógna aðildarríkjum okkar muni
vekja mjög hörð viðbrögð frá okkar
hlið. Tilvist NATO, ein og sér, mun
koma í veg fyrir árás Rússa á aðild-
arríki,“ sagði hann.
Á fundinum greindi Fogh Rasm-
ussen meðal annars frá þrískipt-
um aðgerðum bandalagsins til
varnar gegn auknum afskiptum
Rússa á Eystrasaltssvæðinu og í
Austur-Evrópu. Í fyrsta lagi hefur
lofthelgisgæsla verið aukin til
muna í Eystrasaltslöndunum. Jafn-
framt hafa flotar á Eystrasaltinu
og Svartahafi verið búnir undir að
bregðast hratt við hættuástandi.
Í öðru lagi mun NATO auka sam-
vinnu sína við Úkraínu til að styrkja
og nútímavæða herafla landsins. Í
þriðja lagi hefur samvinnu við Rúss-
land verið slitið. Enn er opið fyrir
pólitíska samræðu á milli Rússlands
og NATO en að öðru leyti hefur
samskiptum verið slitið. Sú ákvörð-
un var tekin í apríl á þessu ári.
Fogh Rasmussen lagði áherslu á
það á fundinum að Ísland tæki full-
an þátt í aðgerðum bandalagsins
gegn Rússlandi.
„Á þessum óvissutímum þörfn-
umst við Atlantshafsbandalagsins
meira en nokkru sinni. Ég treysti á
stuðning Íslands til að skýra línurn-
ar og gera bandalagið traustara og
sveigjanlegra,“ sagði Fogh Rasmus-
sen. snaeros@frettabladid.is
Óttast Rússa
Anders Fogh Rasmussen, framkvæmdastjóri Atlants-
hafsbandalagsins, segir að bandalagið muni svara af
fullri hörku ógni Rússland aðildarríkjum þess.
LOKAHEIMSÓKNIN Anders Fogh Rasmussen sló á létta strengi með forsætisráð-
herra í upphafi fundar í gær. FRÉTTABLAÐIÐ/GVA