Fréttablaðið - 14.08.2014, Síða 20

14. ágúst 2014 FIMMTUDAGURSKOÐUN
HALLDÓR
FRÁ DEGI
TIL DAGS
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI: Sævar Freyr Þráinsson
ÚTGEFANDI: Kristín Þorsteinsdóttir RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá
blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og
í gagnabönkum án endurgjalds. ISSN 1670-3871
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is RITSTJÓRNARFULLTRÚI: Álfrún Pálsdóttir alfrun@frettabladid.is VIÐSKIPTI: Fanney Birna Jónsdóttir fanney@frettabladid.is MENNING: Friðrika Benónýsdóttir fridrikab@frettabladid.is
DÆGURMÁL: Lilja Katrín Gunnarsdóttir liljakatrin@frettabladid.is VÍSIR: Kolbeinn Tumi Daðason kolbeinntumi@365.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
Gerðaskóli í Garði auglýsir
eftirfarandi stöður:
Kennsla yngri barna – 100% starf
Þroskaþjálfi – 100% starf
Starfsmaður í síðdegisgæslu – 50% starf
Bókavörður – 50% starf.

Upplýsingar um störfin veitir Ágúst Ólason skólastjóri í
símum 422-7020 og/eða 777-9904.
Umsóknir skulu sendar á netfangið agust@gerdaskoli.is
UTANRÍKISMÁL
Brynhildur
Pétursdóttir
Þingmaður (Æ)
Áhugalausar konur
Utanríkisráðherrar telja margir að fyrr-
verandi ráðherrar séu góður kostur þegar
skipað er í sendiherrastöður. Þeir virðast
líka telja að körlum sé betur treystandi til
starfans en konum.
Mótsagnakennd svör ráðherra
Nýlega skipaði Gunnar Bragi Sveinsson
utanríkisráðherra tvo nýja sendiherra;
einn fyrrverandi ráðherra og einn núver-
andi alþingismann. Karlkyns sendiherrar
eru því orðnir 28 en konurnar sjö. Þegar
ráðherra var spurður út í málið sagði
hann annars vegar eitthvað á þá leið að
hugsanlega væri starfið þess eðlis að
konur sæktu ekki í það og hins vegar að
hann hefði þrjú ár til að laga kynjahlut-
fallið. Ég staldraði við þessi svör, þótti
þau merkileg og mótsagnarkennd. Í einu
orði segir ráðherra mikilvægt að fjölga
konum í utanríkisþjónustunni og hann
muni nýta þau þrjú ár sem eftir lifa kjör-
tímabilsins til laga kynjahlutfallið en í
hinu orðinu segir hann að konur sæki ekki
í þessi störf.
Konur ekki áhugalausari
Hvernig ætlar ráðherra að fjölga konum
í sendiherrastöðum ef hann finnur engar
hæfar konur sem treysta sér í starf-
ið? Hann er þegar búinn að skipa fjóra
karla á einu ári, að eigin sögn af því að
konur draga lappirnar. Hvað mun breyt-
ast á næstu þremur árum? Þá skil ég ekki
hvernig hægt er að draga þá álykt un að
konur séu áhugalausari um störfin en
karlar. Voru margar konur í utanríkis-
ráðuneytinu sem gáfu verkefnið frá sér?
Sé svo, voru þá aðrar hæfar konur sem
haft var samband við líka áhugalausar?
Er hægt að fá lista yfir þessar áhugalausu
konur sem treysta sér ekki í þessi annars
eftirsóttu störf?
Hefði átt að viðurkenna
Ég held að skortur á konum í utanríkis-
þjónustunni haldi ekki vöku fyrir utan-
ríkisráðherra og að hann hafi í sjálfu sér
ekkert verið að hugsa út í kynjahlutföllin
fyrr en gagnrýnin kom fram. Það hefði
því verið hreinlegra ef ráðherra hefði
bara viðurkennt það. Að láta að því liggja
árið 2014 að íslenskar konur sækist ekki
eftir sendiherrastöðum er nefnilega ekk-
ert annað en móðgun.
➜ Hvernig ætlar ráðherra að fjölga
konum í sendiherrastöðum ef hann
fi nnur engar hæfar konur sem
treysta sér í starfi ð?
Mótmælti ekki
Vigdís Hauksdóttir, formaður fjár-
laganefndar Alþingis, sagði á Bylgjunni
að eitt af gæluverkefnum ríkisstjórnar
Jóhönnu Sigurðardóttur hefði verið
að stofna embætti Umboðsmanns
skuldara. Vigdís mótmælti ekki á þingi
2010 þegar embættið var stofnað með
lögum, raunar tjáði Vigdís sig ekki um
málið. Lög um Umboðsmann skuldara
voru samþykkt með 45 atkvæðum á
Alþingi, enginn greiddi atkvæði á móti
því að embættið yrði stofnað.
18 þingmenn, þeirra á meðal
Vigdís, voru fjarverandi
þegar lögin voru samþykkt.
Einhugur allra
Af ummælum Vigdísar nú
má ráða að það hafi verið
ágreiningur í þinginu um
stofnun embættis Umboðsmanns
skuldara. Það var hins vegar ekki,
menn voru sammála um að stofnun
embættisins væri skref í rétta átt til
hjálpar skuldugum heimildum. Margir
núverandi stjórnarherra, sem þá voru
í stjórnarandstöðu, töldu að það gengi
þó alls ekki nógu langt, það yrði að
gera meira fyrir skuldara. Þeirra á
meðal voru Eygló Harðardóttir, sem
nú er félagsmálaráðherra, og Gunnar
Bragi Sveinsson utanríkisráðherra.
Sjálfstæðismenn ákváðu að styðja
málið, Kristján Þór Júlíusson
heilbrigðisráðherra var því sam-
þykkur, sömuleiðis Guðlaugur
Þór Þórðarson, varaformaður
fjárlaganefndar, Ragn-
heiður Ríkharðsdóttir,
formaður þingflokks
Sjálfstæðismanna, og
Unnur Brá Konráðsdóttir þingmaður.
Skotið á Bjarna
Árni Páll Árnason, formaður Sam-
fylkingarinnar, skýtur föstum skotum á
Bjarna Benediktsson fjármálaráðherra
á fésbókarsíðu sinni. Hann talar um
vandræðagang við skipun Seðlabanka-
stjóra. Árni Páll segir að Bjarni megni
ekki að skipa hæfasta umsækjandann
vegna haturs heiftúðugra einangrunar-
afla innan flokks í hans garð. Alvöru
foringi myndi bjóða þeim byrginn.
Það eru raunar fleiri en Árni Páll
sem eru farnir að velta því fyrir
sér hvers vegna Bjarni taki ekki af
skarið og tilkynni um hver hreppi
hnossið. Dráttur gefur alls
konar sögusögnum byr undir
báða vængi.
johanna@frettabladid.is
E
in af forsendum íslenzkrar landbúnaðarpólitíkur eins og
hún hefur verið útfærð undanfarna áratugi er að Ísland
sé, eigi að vera og verði um fyrirsjáanlega framtíð sjálfu
sér nógt um þær landbúnaðarvörur sem á annað borð eru
framleiddar í landinu.
Stjórnvöld hafa litið á innflutning á kjöti og mjólkurvörum
sem óþarfa sem hefur verið þröngvað upp á okkur með alþjóð-
legum samningum. Sá innflutningur hefur verið gerður eins dýr
og óhagkvæmur og hægt er, með tollum og uppboðum á tollkvóta,
þannig að hann veiti innlendri framleiðslu enga raunverulega
samkeppni. Ein meginrökin fyrir þessari stefnu er að hér þurfi að
tryggja fæðuöryggi.
Nú er farið að braka dálítið
hátt í þessari meginforsendu
tollverndarinnar. Undanfarin
misseri hafa komið upp ýmis
dæmi um að innlend framleiðsla
annar ekki eftirspurn. Fyrir jól
þurfti til dæmis að flytja inn
smjör í stórum stíl og innlend
kjötframleiðsla er líka langt frá því að anna markaðnum.
Fréttablaðið hefur undanfarna daga sagt fréttir af stórauknum
innflutningi á kjötvörum. Þannig tífaldaðist innflutningur
nautakjöts fyrstu sex mánuði þessa árs frá sama tímabili í fyrra. Í
blaðinu í dag kemur fram að ef þróunin verður svipuð seinni hluta
árs megi gera ráð fyrir að innflutningur á nautakjöti nemi um
fimmtungi af markaðnum. Sambærilegt hlutfall fyrir svínakjöt
er sjö prósent og fyrir alifuglakjöt tæplega tíu prósent. Það er
eingöngu í lambakjöti sem innlend kjötframleiðsla annar eftir-
spurn.
Kerfið bregzt hins vegar þannig við að tollverndinni er áfram
viðhaldið, jafnvel þótt skortur sé á innlendu vörunni. Í tilviki
nautakjötsins að minnsta kosti leiðir það til hærra verðs til
neytenda. Verðið á innlendu framleiðslunni hækkar vegna þess að
framboðið er ekki nóg og svo stillir atvinnuvegaráðuneytið tollana
þannig af að innflutningurinn sé heldur dýrari en innlenda fram-
leiðslan. Undanfarna átján mánuði hefur nautahakk til dæmis
hækkað í verði um tíu prósent umfram verðbólgu.
Þetta er hæpin pólitík, því að það er vafasamt að innlendir
framleiðendur anni eftirspurn á næstunni. Sala á nautakjöti hefur
stóraukizt, meðal annars vegna fjölgunar ferðamanna, og bændur
setja kvígur fremur á til mjólkurframleiðslu en til að framleiða
kjöt. Í grein í Fréttablaðinu fyrir nokkrum vikum útskýrðu for-
svarsmenn Landssambands kúabænda að loks hefðu stjórnvöld
fengizt til að liðka fyrir innflutningi erfðaefnis til að kynbæta
holdanautastofna og stuðla að hagkvæmari holdanautabúskap. Í
blaðinu í fyrradag kom fram að frumvarp þess efnis sé væntan-
legt í haust. Sem er gott, en mun þó ekki skila neinum árangri
fyrr en eftir einhver ár. Á meðan mun vanta innlent kjöt. Ætla
stjórnvöld að hafa verndartolla á innflutningnum allan þann tíma?
Það er rétt sem Ragnheiður Ríkharðsdóttir, þingflokksfor-
maður Sjálfstæðisflokksins, sagði í Bylgjufréttum í gær, að þegar
íslenzk vara annar ekki eftirspurn eigi ekki að beita verndartoll-
um á innflutning. Það er líka rétt hjá henni að það þarf að endur-
skoða landbúnaðarpólitíkina eins og hún leggur sig; hún virkar
svo augljóslega ekki.
Forsendur tollverndarstefnu eru brostnar:
Landbúnaðar-
pólitík í hakki
Ólafur Þ.
Stephensen
olafur@frettabladid.is