Fréttablaðið - 14.08.2014, Qupperneq 38

KYNNING − AUGLÝSINGSkólablaðið FIMMTUDAGUR 14. ÁGÚST 20148
Íslendingar hafa löngum verið
duglegir að sækja sér menntun í
erlendum háskólum. Samkvæmt
tölum frá Lánasjóði íslenskra
námsmanna stunda 25 prósent-
um fleiri háskólanám erlend-
is árið 2012 en árið 2000. Sem
fyrr eru Bandaríkin og Evrópa
langvinsælust en um 97 prósent
allra þeirra sem þiggja aðstoð frá
sjóðnum stunda nám þar.
Norðurlöndin eru vinsæll
áfangastaður en um helmingur
allra nemenda stundar nám þar
og hefur þeim fjölgað nokkuð
frá árinu 2000. Langflestir þess-
ara nemenda stunda nám í Dan-
mörku auk þess sem þeim sem
stunda nám í Svíþjóð hefur fjölg-
að mikið á undanförnum árum.
Um aldamótin sótti nær þriðj-
ungur nemenda erlendis nám
til Bandaríkjanna en árið 2012
hafði hlutfallið minnkað í um 15
prósent.
Milli áranna 2000 og 2012
hefur einnig orðið mikil fjölgun
hjá þeim sem stunda nám í Ung-
verjalandi, Grikklandi og Eng-
landi. Árið 2012 stunduðu sjö
manns nám í Kína en enginn
árið 2000.
Íslendingar láta ekki heldur
langar vegalengdir stoppa sig.
Árið 2012 stunduðu tólf manns
nám í Ástralíu og á Nýja-Sjálandi
en þar var enginn skráður í há-
skóla árið 2000.
Námsmenn erlendis eru tald-
ir samkvæmt gögnum Lánasjóðs
íslenskra námsmanna sem leita
aðstoðar sjóðsins. Tölurnar ná
því ekki yfir þá sem greiða sjálf-
ir skólagjöldin eða eru á fullum
styrk frá viðkomandi háskóla.
Háskólanám erlendis
Ólafur Helgi Kjartans-son, sýslumaður og lög-reglustjóri á Selfossi, lauk
meistaranámi í opinberri stjórn-
sýslu frá Háskóla Íslands árið
2008. „Ég lauk diplómanámi í
opinberri stjórnsýslu og stjórnun
árið 1999 og var svo upptendrað-
ur af því að þegar ég sá auglýst
meistaranám í stjórnmálafræði
þá skráði ég mig í það árið 2001.
Ég stundaði námið í heilan vetur
og byrjaði á þeim næsta, búsettur
á Ísafirði og í fullri vinnu. Ég hafði
notað allar aðferðir til að kom-
ast fram og til baka í tíma, flaug
með áætlunarflugi, fór einu sinni
á puttanum frá Reykjavík til Ísa-
fjarðar með sjúkraflugvél, fór með
vöruflutningabílum og ég veit
ekki hvað fleira, þetta var mikið
ævintýri. Ég áttaði mig svo á að
venjulegt nám yrði ekki stundað
með fullri vinnu frá Ísafirði þann-
ig að ég hætti,“ segir Ólafur.
Skemmtilegra en von var á
Hann byrjaði þó aftur í námi,
meistaranámi í opinberri stjórn-
sýslu, haustið 2004 af fullum
krafti. „Þá var ég fluttur suður á
Selfoss og námið var með þeim
hætti að það voru tímar tvo til
þrjá morgna í viku. Ég gat ráðið
við það verandi á Selfossi en mín
reynsla er sú að fyrir mig er best
að vera í tímum og taka þátt í um-
ræðunum á staðnum.
Námið var mun skemmtilegra
en ég bjóst við og verulega áhuga-
vert. Ef raunin hefði ekki verið sú
hefði ég líklega hætt því það var
ekki þrautalaust að komast í gegn-
um það. Skemmtunin og ánægj-
an af náminu vó algjörlega upp á
móti því að þurfa að fara yfir heið-
ina í hálku og snjó og skipuleggja
vinnuna þannig að þessir morgn-
ar voru lausir en dagurinn lengri
að sama skapi.“
Sigurtilfinning að klára námið
Ólafur kláraði allt bóklega námið
á tveimur vetrum en tók sér að-
eins lengri tíma í lokaritgerð-
ina en hann ætlaði sér í upphafi.
„Það var nú aðallega út af því að ég
tók mér ekkert frí frá vinnu en ég
skilaði henni af mér í upphafi árs
2008. Það eru margir sem lenda
á þeim þröskuldi sem ritgerðin
getur verið en sá þröskuldur er
algjörlega yfirstíganlegur,“ segir
hann og brosir. „Útskriftardagur-
inn, 23. febrúar 2008, var mjög eft-
irminnilegur. Það var ákveðin sig-
urtilfinning sem fylgdi því að hafa
klárað þetta nám. Þegar ég útskrif-
aðist sem lögfræðingur árið 1978
var tilfinningin allt önnur og að-
allega feginleiki sem fylgdi því að
vera loksins búinn með námið.“
„Hugarfarið skiptir svo miklu
máli. Þegar ég fór í nám í seinna
skiptið fór ég af stað með allt öðru
hugarfari en þegar ég var að byrja
í háskóla nítján ára gamall. Þá
var nokkurs konar sjálfskapaður
sársauki sem fylgdi því að vera í
háskólanámi en í seinna skiptið
var það bara löngun, vilji og þörf
til að gera eitthvað meira sem rak
mann áfram. Þegar maður er kom-
inn á þennan aldur gerir maður
meiri kröfur til sjálfs sín og kenn-
aranna. Þetta er bara eins og hver
önnur vinna þar sem markmið-
ið er skýrt. Ég ætlaði að láta þetta
ganga upp og gera það þannig að
ég myndi hafa sóma af þegar ein-
kunnir yrðu skoðaðar og svo auð-
vitað að læra af þessu.
Leiddist ekki í frímínútum
„Með mér í náminu var fólk með
ólíkar skoðanir úr stjórnsýslunni
sem gaman var að ræða við, mér
leiddist að minnsta kosti ekki í
frímínútunum. Það sem var líka
svo skemmtilegt við námið var að
vera innan um fólk sem var miklu
yngra en ég. Við vorum tvö til þrjú
sem vorum í eldri kantinum og ég
sennilega elstur. Það var hress-
andi að vera innan um fólk sem
átti við allt önnur vandamál að
stríða og ræða við það um þau.“
Aðspurður segir hann hlæjandi
að sér hafi ekki fundist hann vera
pabbi samnemenda sinna. „Ég
hélt á tímabili að ég væri afinn í
hópnum!“
Ólafur segir það ólíklegt að
hann fari í frekara nám. „Það á
náttúrlega aldrei að segja aldrei
en það lítur ekki út fyrir það
núna. Hins vegar f innst mér
nauðsynlegt að fólk sé stöðugt
að endurmennta sig. Ég vil frekar
kalla endurmenntun símenntun
því nútíminn kallar á að fólk sé
alltaf að mennta sig svo það geti
staðið undir þeim störfum sem
það hefur valið sér.“
Fannst hann vera afinn í hópnum
Ólafur Helgi Kjartansson, sýslumaður og lögreglustjóri á Selfossi, kláraði meistaranám í opinberri stjórnsýslu þegar
hann var að verða 55 ára gamall. Hann segir aldurinn ekki vera neina fyrirstöðu í námi, fólk þurfi að hafa áhuga, löngun og
neista til að vilja læra og seigluna til að klára námið.
Ólafur Helgi Kjartansson útskrifaðist úr meistaranámi í opinberri stjórnsýslu fyrir rúmum
sex árum þegar hann var rétt að verða 55 ára. MYND/MAGNÚS HLYNUR HARÐARSON